Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

AFORIZMA

Valdet FETAHU

AFORIZMA MBI SHOQËRINË DHE SUKSESIN

Prishtina është qyteti me më së shumti rrethrrotullime, nuk është për t’u habitur se pse sillemi vërdallë!

Policet mirë i përmbahen rregullave të përdorimit të shkopit të gomës. Vetëm kur janë të rrezikuara e nxjerrin atë!

Oxhakfshrësitë punojnë në të zezë!

Dreqi prapë shpalli tender për shitjen e shpirtrave. S’ka më ofertues!

Edhe pse rrojmë qenërisht, kjo s’do të thotë se duhet kafshohemi!

Çfarë i bashkon shkrimtarin me lexuesin? Pasioni zjarrtë për të vrarë kohën.

Të gjithë për njërën, njëra për të gjithë!

Nuk është secili njeri që dëgjon muzikën e Erik Kleptonit – Kleptoman!

Njerëzore është të gabosh, tha majmuni dhe prapë e përsëriti gabimin.

Për veten time shpesh kam mendim të keq. Kalojnë muaj dhe nuk flas me te!

Se ëndrrat dinë të na çojnë edhe në Evropën e largët, do ta dëshmojë çdo i ri.

Nuk pasurohen brenda natës të gjithë ata që flenë vetëm ditën.

Historia është mësuese e jetës.

Shumë kanë hyrë në të!

E keqja është në çdo njeri! Por nuk dallohet nga njeriu menjëherë.

Nuk jam i mençur pasi që nuk jam çmend në një vend ku të gjithë bëhen të mençur.

Ai që e ha veten, kurrë s’do të vuan nga mbipesha.

Çka krejt po përbijmë ne jetë. nuk besoj se ka të uritur!?

Momentalisht nuk jam në dispozicion me vetveten, ju lutem thirrni më vonë!

Ata që më këshillojnë pa pagesë menjëherë i pyes se sa kushton të mos flasin.

Për shpresat e vdekura nuk shkruan historia!

Zoti krijoi majmunin, për të mos i ngjarë njeriut.

Gjithnjë e më shumë janë duke u shtuar njerëzit që shpejtë harrojnë dhe shumë më shkurt kujtojnë.

Njoh shumë njerëz që kanë qenë askushi – sot janë dikushi – por si njerëz kanë mbetë ata që kanë qenë.

Pështymja është burim i jonë i pashtershëm.

Nëse veç jetoni si qeni, shtirru të paktën se je prej racës së pastër.

Se teshat nuk e bëjnë njeriun e ka dëshmuar kondomi.

Hedhen nga ndërtesat ata njerëz që nuk janë për t’u hedhur!

Të kesh zëri e shkolluar do të thotë të atë. dish se kur duhet ngritur

Ne nuk jemi të vegjël si popull por si njerëz!

Ish miqtë e mi janë bërë armiqtë e vetvetes.

Miku më i sinqertë është armiku.

Si të bëhesh hero në këtë kohë pa kohë? Thjesht, mbijeto!

Të papunët le të kursejnë, mos të presin aq gjatë në zyrën për punësim!

Edhe pse jetojmë në kohë pa kohë, prapë nuk po kemi kohë.

Amviset e paarsimuara dikur thashethemet i shpërndanin në lagje. Ndërsa sot, fal teknologjisë, ato po i shpërndajnë përmes mediave elektronike dhe facebook.

Çka quajmë fenomen mjekësor? – Mjekun e pakorruptuar!

Puna – armik kombëtar i shqiptarëve

Kur kosovarët flasin më së shumti për krizë? Kur shkojnë n’deti të Turqisë.

Malokët boll na kanë shitë dushk për gogla, ka ardhë koha të kusuritemi!

Po luajmë ashtu siç po na dirigjojnë, se kush luan ai edhe fiton!          

QARKULLUESE

Përshkruani këtë doktoraturë, doktoroni dhe mandej dërgone në nëntë adresa. Mos e ndërpreni zinxhirin e fatit sepse dikush mund t’ju zbulojë.

E gjithë bota po na thotë se ne i kemi shkollat më të dobëta. Kush i ka faj botës që nuk kupton shqip, kurrë i themi se ne jemi ndër më të mirët në botë!

Secili prej nesh është i çmendur në mënyrën e vet. Vetëm ne jemi të çmendur në mënyrën e tyre!

Na ka ardh deri n’fyt. Nuk po guxojmë as ta çelim gojën!

Si duket polici pa uniformë? Si të gjithë njerëzit normal.

Epoka e informatikës të gjithëve na ka bërë të barabartë. Pavarësisht se a është personi i arsimuar apo i paarsimuar – njëjtë, si budallenjtë po zgurdullohemi në ekran!

Njeriu është avokat i mirë për gabimet e veta dhe gjykatës shumë i mirë për gabimet e huaja.

Varfanjakët janë bërë dembela të mëdhenj. Një ditë hanë, gjashtë ditë pushojnë.

Jo se nuk je i aftë të flasësh, je i paaftë të heshtësh!

Nesër nuk do të bëhem i mençur, këtë e kam kuptuar dje!

Është me të vërtetë e çuditshme se si zeroja vetvetiu nuk ka vlerë, por, gjithmonë e shton vlerën!

Unë jam pajtuar me fatin, por fati akoma mban inat.

Kam gjetë dalje nga labirinti. Ku jam tani?        

Mësojmë nga gabimet e të tjerëve për t’i ruajtur tonat.

Jetojmë në harmoni me natyrën: “Syri për sy, dhëmbi për dhëmb!”

Kalova pragun e varfërisë dhe hyra në shtëpinë time.

Na është bërë shprehi puna të mos punojmë asgjë.

Sikur jeta e përditshme të mos ishte aq monotone, ditët tjera do të ishin plotë gjallëri.

Vetëm njëherë jetohet! Nganjëherë edhe më rrallë.

Sikur dyshimi të ishte shpallur mëkat, ndoshta në këtë botë do të kishte pasur më shumë dashuri.

Njeriu e tejkalon vetveten, më së shpeshti, kur nuk ka konkurrencë nga vetvetja.

Shpesh, kulti i personalitetit ndërtohet në akull.

Fjalët e bukura nëse përdoren shpesh bëhen të pista.

Kemi filluar të jetojmë më gjatë sepse nuk po jetojmë shumë thellë.

Ka ardhë koha që edhe njerëzit inteligjent dhe të arsimuar të mësojnë pak arrogance.

Kë e ka imituar majmuni para se të bëhej njeri?

(autor:Stanislav Jezhi Lec)

Truri është një organ i dhunshëm! I dhunon disa të mendojnë.

Ma jepni vërtetimin se jami çmendur, dhe do të filloj të flas si njeri normal.

(autor:Stanislav Jezhi Lec)

Për të jetuar në zinxhir duhet discipline e hekurt.          

Këtu të gjithë për punë po flasin. Sikur kanë harruar se është sezona e pushimeve.

Nuk kam frikë ta them atë që mendoj. Kam frikë të mendoj.

Nuk flas me vetveten sepse shpesh me keqkuptojnë të panjohurit.

Qeni kurrë nuk lehë kotë. Nganjëherë për kockë, nganjëherë për një kore bukë.

Kur djalli e hapi zemrën e tij, e pashë se e kishte edhe timen.

Historianët falsifikojnë të kaluarën, ideologët të ardhmen.

Ne jemi një popull që mendojmë vetëm për vete. Nuk dëshirojmë që dikush të jetojë si ne.

Pasi që një kohë të gjatë jetojë sot për nesër, jam në gjendje t’i shoh gjërat nga një perspektive historike.

Optimist duhet të jemi,edhe pse me xhepa bosh, prapë mendjen do e kemi shëndosh; edhe ashtu të gjithë do përfundojmë në një kosh.

Paradite mendoj diçka tjetër, pasdite diçka tjetër. Në mbrëmje prapë jam i lumtur që më ka mbetur aftësia e të menduarit; për dallim të shumicës që kjo aftësia moti iu është marrë.

Deri sa nuk na vjen shpirti te hunda, ne nuk mund t’ia ndijem aromën.

Kult-turrë, do te thotë të jesh me trend! 

Të jetosh këtu sot për nesër është shumë e vështirë, është distancë e madhe kohore.

Aty ku brenda natës ndryshojnë mendimet, mos e prit mëngjesin.

Më mirë është të kesh armiq se sa miq. Në vështirësi miqtë të ofrohen nganjëherë, armiqtë gjithmonë.

Kur gënjeshtra nuk funksionon, e vërteta fillon të shkaktojë dhimbje.

E keqja jonë është ideale. Nuk mund të jetë më e keqe!

Në përqafim të pakurrizorëve njeriut i thyhen eshtrat.

Rrotën  e historisë sot po e lëvizin mercedesat e zi.

Njeriu përmes qeshjes i tregon dhëmbët.

Miqët janë si frenat, të lëshojnë kur më së shumti të nevojiten.

Të punësuarve u është rritë rroga. Për të papunët kush as pesë pare nuk i jep.

Kosova është vendi me më së shumti monumente historike. Patjetër, pasi kemi histori të vdekur.

Turqia otomane me shpatë nuk ka mundur të na i humbë gjuhën për 500 vjet. Sot, fal ekraneve televizive, po e bën për një vit.

Mirëqenia jonë është e paparë, sepse jetojmë në errësirë.

Ujku që ndërron qimen, asnjë qime nuk do t’i mungojë.

Me dreqin kemi marrëdhënie reciproke. Nganjëherë ai na merr neve, nganjëherë ne atë.

Tash jam në një lidhje serioze. Seriozisht po flas me vetveten.

Po bej një jetë prej qeni, kjo është arsyeja pse të gjitha macet ikën nga unë.

Kam ra në konflikt me vetveten. Asnjëra palë nuk po lëshon pe!

Ku mund t’i kuptojmë gjenitë e huaj kur nuk jemi në gjendje t’i kuptojmë as budallenjtë tonë.

Selfie, do të thotë, të gudulisesh veten që të tjerët të qesehin.

Derisa unë eci rrugëve i përgjumur, njerëzit më thonë: ‘Oh sa i zgjuar që je!’           

Sa shumë artist takojë rrugëve të qytetit duke bredhur kotë, nuk është çudi që Prishtina është teatri më i madh në botë.

Mendimet e mia janë të lira. S’kanë lidhje me tru!

Nuk i përshtatëm të vërtetës, bëj pyetje provokative.

Kush mendon se jeta është e shtrenjtë, do t’ja shes timen për gjysmë më lirë.

Këtu tek ne përpos jetës, gjithçka është e mundur!

As dëshirave të mia nuk po iu besoj më. Po e zgjedh më të mirin, po e fitoj më të keqin.

Të jesh pesimist, si duket, gjithmonë do të kesh të drejtë.          

Ne jemi popull autodidakt. Gjithmonë mësojmë nga gabimet personale.

Nuk i dua dyfytyrëshat, sepse kanë pak mundësi për të ndryshuar.

Nëse njeriu ia del të ndal forcën e të menduarit, do të përjetojë vrullin e shpërthimit të të folurit.

Mendoj, pra, unë nuk jetoj më në realitet.

Edhe unë nuk jam imun ndaj kritikave. Gjithmonë rrëqethem kur më kritikojnë injorantët.

Nuk e bleva diplomën. Çfarë budalle jam!

Patjetër se duhet të ketë jetë pas vdekjes, pasi tani për tani nuk po ka.

Inteligjenca dita më ditë po bëhet artificiale, vetëm budallenjtë po mbesin 100% natyral.

Nuk jemi të gjithë të gatshëm për çmendinë. Akoma jemi në fazën e pjekurisë.

Fat në fatkeqësi është kur xhelati të troket në derë.

Mëkat më i madh është të dish e të heshtësh, se të gënjesh. Sepse, të gënjejnë munden të gjithë, të dinë vetëm disa.

E Vërteta ime është armiku më i madh i imi. Kur e kanë kuptuar gënjeshtarët këtë, të gjithë më kanë braktisur.

Modestia është virtyt, e tha hoxha dhe u nisë me mercedes drejtë shtëpisë së tij të posa ndërtuar trekatëshe.

Vendosa të krijoj një parajsë. Bleva sot një mollë, dhe tani pres se cili budalla do ta kafshojë.

Budalla dhe i çmenduri janë vëllezër. Tani nuk po di se cili nga këta dy nuk po mungon këtu.

Optimist është personi i disponuar mire, por kuq i informuar.

Para se të folni diçka, së pari pyetni ata që heshtin, përse nuk flasin kurrë.