Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

AFORIZMA

Valdet FETAHU

AFORIZMA SATIRIKE – JANAR – SHKURT – MARS  - PRILL – MAJ 2017

Nuk e kam pas vështirë t’i kuptoj gjenitë e botës. Vështirësitë po më lindin me budallenjtë tanë që s’po kam mundësi kurrsesi t’i kuptoj.

Gazetarët jetojnë shkurt. Rilindin në politikë.

Me 11 qershor ne do të vendosim për fatin tonë. Ditëve tjera ata të tjerët do të vendosin për ne.

Bërlloku politik reciklohet çdo katër vjet.

Nëse do dikë ta njohësh, jepja pushtetin – më nuk do njohësh.

Motoja e haremit: “Një për të gjithë, të gjithë për një!”

Dreka solemne hanë ata që festojnë marrëzinë tonë.

Shumë gjëra na kanë shkuar nëpër mendje. Asgjë s’na ka mbetur.

Nuk kanë shkuar të gjithë politikanët në dreq të mallkuar. Kanë mbetur disa edhe për burg.

Jam i vëmendshëm me ata që m’i rrehin supet. Kurrë nuk e di se në cilën dorë  e mbajn thikën.

Politikanët po na mbushin aty ku jemi bosh.

Nëse jeni në një pozitë për të qenë të ndershëm, besomni, nuk është ndonjë pozitë për t’ju lakmuar.

Detyrë e fushatës është të ta bëj mendjen fushë!

Qenkam gjallë! Gjeta emrin tim në listën zgjedhore.

Kemi menduar se do të jetojmë më mire…?!

Kështu ndodh kur jetonë prej mendimeve.

Nuk po përzihet më poltika në media! Tash po ndodhe  e kunderta.

Po i thumboj politikanët për t’i zgjuar, se tek atëher do të na krijojnë një të ardhme të ndritur.

Mos mendoni se diktatori është pa shpirt. Ai në shpirt i bartë shumë njerëz.

Sa më shumë që na zvogëlohet teritori, aq më  të mëdha do t’i kemi rrogat!

Dyfytyrësia politke është oazë e pashterrshme e inspirimit satirik.

E duam një qeveri që ua mundëson te rinjëve ta shohin botën. Të ikin sa më pare nga këtu!

Politikanët tanë janë herë mbi ligjin, e herë nën ligjin. Kjo është pës shkak se bota

rrotullohet!

Në Kosovë nuk mund të jesh i pasur nëse nuk ke dosje me bollëk.

Politikanët tanë janë patriot të vërtetë. Nuk janë shkolluar me para të shtetit, por me parat e veta i kanë bler diplomat!

Nuk jane të gjithë gazetarët qej që vetëm lehin, disa dinë edhe të kafshojnë.

Para inteligjencës artificial edhe budallenjët po dorëzohen.

Ne edhe kur i kërkojmë fajtorët, i gjejmë më të mirët.

Tek ne nuk të duhen aftësitë paranormale për t’i fituar zgjedhjet. Majfton të kesh votues të tillë.

Asgjë nuk kemi mësuar prej gabimeve tona!

Shumë janë të paqarta dhe konfuze.

Punëtorët duhet sa më shumë ta zgjasin dorën nëse duan që qeveria të jetë dorëlirë.

Të gjitha rrugët partiake të çojnë në punësim sezonal.

Në mes të dy të këqijave zgjedh atë më të madhe sepse nuk ka tendencë më të rritet.

Edhe ne kemi “Eurokrem” siç ka gjithë Evropa, por ky produkti yni është shumë i qulltë.

Shoqëria civile shumë e më shumë po uniformohet me mendime.

Në tregun evropian po konkurojmë me çmime më të lira të argatëve.

Asgjë nuk po shkon si duhet!

Gjithçka po shkon ashtu siç dikujt i duhet.

Desha ta shkruaj një libër me udhëzime “Si të bëhem idiot”, por pata frikë se do të më padisin për plagjiaturë.

Nuk e di se a është edhe libri Kamasutra tek ne literature subversive.

Ëndërr është e kaluara jonë, e ardhmja është ankth.

Ke kujdes kur i zgjedh ëndrrat, se ëndrrat nganjëherë realizohen.

Kulti i personalitetit po zëvendësohet me kultin e papersonalitetit.

Është një fjalë urtë e cila thotë: “Merre ombrellën edhe kur nuk bie shi, se kurrë nuk dihet se kujt i teket me të pështy.”

Për 1 Maj çdo gjë do të jetë e mbyllur- shitoret, rrugët, kufijët…

Posa fillova të humbë besimin ne fuqinë e fjalës, cenzura me ktheu besimin.

Televizionet janë shndërruar në farmaci të vërtetë.

Për çdo natë na ofrojnë ‘shpresadoll’- produkët i ri farmaceutik për të gjithë ata që vuajnë nga pashpresia kronike.

Nëse edhe këtë herë nuk kalon demarkacioni në parlament.

Kryetari i dorëhequr prapë do të jep dorëheqje.

Dikur gazetarët kanë qenë me nam.

Sot namin po e bëjnë gazetarët.

Duam zgjedhje të reja!

Se jemi përmalluar për të vdekurit tanë.

Nga koha e diktaturës deri më sot, kanë ndryshuar vetëm diktatorët.

Ne kemi mbetur po ata budallenjë.

Nuk jam më rob i shprehive.

Mjaftohem me një racion në ditë.

Rrugët e pozitës dhe opozitës nuk janë të kundërta, por paralele që na çojnë në humnerë.

Po i ftojmë investitorët e huaj të investojnë viza për qytetarët tanë.

Politikanët janë mirënjohës popullit që po bën përpjekje mbinjerëzore që ata të kenë një jetë hyjnore.

Në të gjitha institucionet publike janë të korruptuara, me përjashtim të shtëpive publike ku çdo gjë është në nivel të lartë të korrektësisë.

Prishtina është qytet i kontraditave paradoksale.

Paradite uji është pozitë, pasdite është opozitë.

Nuk po e kërkoj djallin, e di se e ka agjenden e ngjshur ne qeveri.

Na është rrënuar dinjiteti.

Ka qenë ndërtim i egër.

Nuk guxojmë më të bazohemi në arsyen e shëndosh sepse kjo do të na çoj në çmendinë.

Dikur budallenjët vetëm flisnin, e kjo harrohej shpejt. Tash kane filluar edhe të shkruajnë – e kjo po të dhembë.

Duhet të bazohemi në muskuj, se këtu truri s’vlen për asgjë.

Mos e përdorni demagogjinë e lirë, se demagogjia kurrë nuk është e lirë.

Trenat vijnë e shkojnë, por hekurudhat mbesin.

Të bekuar janë të varfërit me mendje dhe shpirt, se mbretëria tyre është politika.

AFORIZMAT SATIRIK TË LEONID SHEBARSHIN (1935-2012), KA QENË DIPLOMAT, GENERAL ARMATE DHE SHKRIMTAR, KA JETUAR NË MOSKË.

1. Qëllimi i politikanit është të bindë njerëzit të ndryshojnë gabimet e tyre ndaj tij.

2. Secili pacient ka të drejë të dij se prej çfarë ka vdekur.

3. Autoriteti i shtetit matet me sasinë e dëmit të cilë mund t’ia shkaktojë shoqërisë.

4. Në shoqërinë demokratike e vërteta dhe gënjeshtra i kanë të drejtat e barabarta.

5. Çdo mendim, i shkruar në letër, bëhet i hollë.

6. Paraja nuk kundërmon. Erën e keqe e shpërndajnë pronarët e tyre           .

7. Nëse e rrejnë popullin, do të thotë, se ata prapë për dike janë të rëndësishëm.

8. Nëse nuk ka mendime, do të thotë se nuk janë të nevojshme. Me këtë ato dallojnë nga paraja.

9. Nëse kthjellët e shikon jetën, të vjen të dehesh.

10. Nëse faktet nuk dorëzohen, do të shkatërrohen.

11. Koha jonë do të vijë, por ne nuk do të jemi.

12. Nuk mund të shkelet dy here në të njëjtin lum, por mund të bish dy herë në të njëjtin moçal.

13.  Mos u kthe në të kaluarën! Atje nuk është askush.

14. E vërteta është shumë  e komplikuar për përdorim të përditshëm.