Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

ARIANITA HOXHA

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

ARIANITA HOXHA

            Hyrje

            Arianita Hoxha e lindur në Tiranë, sot është një nga poetet më të lexuar të kohës. 
            Me publikimin e librit te saj të parë "Zgjimi i një ëndrre" që u prit me entuziazmin e merituar nga lexuesi shqiptar dhe atij të huaj fle blogut te saj: anitahoxha.blogspot.com, që sot lexohet në 62 shtete kudo në bote.

            Poetja e re do të njihej më shume me intervistën e saj të parë realizuar nga Flora Nikolla në Excellence Albanian me titullin "Poetja e pesë kontinenteve". Një tjetër sukses do të regjistrohej me poezinë "For you, mother" publikuar ne "Internacional Golden Pen" që tërhoqi vëmendjen e shumë artistëve kudo në botë ku mes tyre vizionari Erik Wahl  do të shprehej: "Fill our artistic soul. Take a look at Anita Hoxha art".

            Këto ditë del libri i saj i dytë me poezi "Të flesh me yjet në agim" publikuar nga prestigjozja shtëpi botuese "Toena"

AJO DITË S'DINTE TË PRISTE

Vjeshtë ish' dhe atëherë kur ti erdhe

E kaltra këmishë sot dalë pak boje

Ditëve harruar ndonëse pran meje 

Larg diku, tjetër jetë doje të filloje

Frik ndjeva se s'doja të humbisja

Ajo copë rrugë krah teje e pa folur

Trishtimit tënd errësirës po shëtisja

Hënës parkut t'syve të tu të lodhur

S'di si hapat ti ndalove para meje

Mrekulluar thuajse ngriva nga habia

C'kishe humbur ti po kërkoje t'gjeje

Unë sa kohë kisha pa ty doja të dija

NJË KËNGË MË PAK

Si e thirrur prej Zotit në agim

E nata yjet sapo filloi t'i marr 

Dhimbje ndjeva syve trishtim 

Për t'voglin shelg në trotuar

Njërës n'xitim e kishin shkelur 

E lotët shelgut s`ja kishin parë 

Rrethuar gjethesh kishte ngelur 

Mu bë të ndjeja të tijën e qarë

E ngrita në duar ashtu të thyer

Asnjë gjurmë jete asnjë shpresë 

I vogël prej njerëzve zhgënjyer 

Frymën ja morën atë mëngjes

Mallkuar ajo dorë e pa mëshirë

Ai vitet veç i bleroi në atë vend 

Fëmijë isha e kujtoj shumë mirë 

Kur në të shkruaja emrin tënd

Në trupin e tij lastar aq të bukur 

Pran emrit tënd gjeta emrin tim 

E lumtur që ti e kishe shkruar 

Qe sot me shelgun mbeti kujtim

A DO TË TAKOHEN VALLE NJË DITË

Me detin përjetë hëna e dashuruar

E arta netëve plot dritë del nga retë

Ëndërr mbi ëndërr kurrë pa u takuar 

Mrekullisht ardhur nga të tjerë planet

Yjet çmendur xhelozie dëshmitare

I bukuri det dallgët në ditar kthyer

Hënën e shohin netëve duke qarë

Unë s'kujtoj histori më të përkryer

Ëndrra fle mbi ëndërr e s’u takuan

Prej zotit ata bekuar t'jenë për jetë

Puthjeve njeri tjetrit kurrë si harruan

Me shpirt dhënë agimeve ndër net

KJO NATE VERE

Mesnatë vonë kujtimet mbledhur

N`tonën bankë të klasës sa çudi

Duar fëmijësh qëndrojnë heshtur 

Mes tyre duart tona shoh si tani

Me ato duar ditarit nis e kërkoj

Valle në c'kohë ne kemi mbetur

Tej dritares dritë hënë po kujtoj

Ajo dritë syve t'njeri-tjetrit tretur

Gjethe vjeshte u drodha përsëri

T'parën puthje kujtoj përmalluar

Kujtoj këngën që e dinim unë e ti

A+B përjetë mbi bankë shkruar

UNË SOT PO IKI

Lamtumir i dashur unë sot po shkoj

Kurrë kësaj bote s'dua të rri fshehur

Tmerrohem kur ty në piano të dëgjoje

Ato tinguj ashtu harruar dhe te zbehur

Ti atje luaje e unë e vetmja spektatore

E një muzike gri pa jete e pa shprese

Ti gjithë jetën doje t'më merrje përdore

E unë pran teje e vetme s'dua te vdes

Në jetë muzikën nga zoti pata dhurate

E me këngë zemre ushqeva shpirtin tim

Kur pianon dëgjoj e tmerruar këtë natë

Te zhdukem larg një rruge dua pa kthim

Ndaj sot një letër lamtumire ty te shkrova

E dhimbje s'ndjeva as vuajtje as mallkim

Ashtu mes lotësh duke vrapuar mendova

Thuamë si ta besoj ty të brishtin trupin tim