illiricumsacrum

Sakras Art Gallery

Sekuenca filmike

Vegëza

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Tema të tjera 3 - ILLYRICUM SACRUM NUK MUND TË QUHET YLLI I DAVIDIT! (1)

Shkruan: Isa MULAJ

www.pashtriku.org

Zbulim i mistershëm arkeologjik:

ILLYRICUM SACRUM NUK MUND TË QUHET YLLI I DAVIDIT! (1)

Në këtë punim të cilin po e paraqesim në formë shumë të shkurtuar dhe me të dhëna sipërfaqësore për shkak të rëndësisë së jashtëzakonshme që ka zbulimi në të cilin bazohet, sjellim dëshmi arkeologjike nga terreni për të ashtuquajturin Yllin e Davidit, Lulen e Jetës, dhe Pemën e Jetës të gjetura së bashku në një guri të gdhendur mermeri të madhësisë 1 metër të gjatë, dhe 30 centimetra të gjerë në të gjitha anët. Pas analizave, vjetërsia e gurit është përafërsisht 4.000 vjetër?

Përmbledhje

Artefakti dhe eksponati më i rëndësishëm arkeologjik i gjetur në Kosovë mbetet “Hyjnesha në Fron”, një statujë e argjilës me madhësi 18 centimetra. Është gjetur në rrethin e Prishtinës. Llogaritet se është e vjetër përafërsisht 5.500 vite dhe ka qenë vepër e ilirëve, fisit të dardanëve që ka banuar në atë rajon. Forma e kësaj statuje është shfrytëzuar për ta krijuar stemën e Komunës së Prishtinës që përdoret edhe sot si simbol zyrtar. Se sa e rëndësishme është “Hyjnesha në fron” dhe çfarë domethënie ka, nuk është ndonjë pyetje që ka ndikim në të tashmen dhe të ardhmen, pos asaj se është një fakt që dëshmon se aty ka ekzistuar një civilizim antik i fisit të dardanëve me të cilët shqiptarët e sotëm nuk kanë lidhje trashëgimore të afërta por të largëta, si për shembull polakët dhe sllovenët në kuadër të sllavëve. Në këtë punim të cilin po e paraqesim në formë shumë të shkurtuar dhe me të dhëna sipërfaqësore për shkak të rëndësisë së jashtëzakonshme që ka zbulimi në të cilin bazohet, sjellim dëshmi arkeologjike nga terreni për të ashtuquajturin Yllin e Davidit, Lulen e Jetës, dhe Pemën e Jetës të gjetura së bashku në një guri të gdhendur mermeri të madhësisë 1 metër të gjatë, dhe 30 centimetra të gjerë në të gjitha anët. Pas analizave, vjetërsia e gurit është përafërsisht 4.000 vjetër? Është gjendur në vendin 42o48’41.50”V, është guri i mermerit, i marrë nga shkëmbi aty çka vërtetohet edhe me praninë e gurëve tjerë me përbërje të njëjtë të pagdhendur, dhe është gdhendur aty ku është nxjerrë si lëndë e parë. Çka do të thotë ky guri, dhe çka mund të kthej shumëçka mbrapshtë rreth disa gjërave dhe simboleve që e dimë se kanë ekzistuar dhe sot përdoren shumë? Punimin e plotë do ta gjeni në librin me titull: “E vërteta historike dhe origjinaliteti si mollë e ndaluar: pasojat e censurës, indoktrinimit dhe propagandës komuniste – një qasje ontologjike dhe epistemologjike”.

Fjalët kyçe: Illyricum Sacrum, Shushica, Ylli i “Davidit”, Lulja e Jetës, Pema e Jetës.

Hyrje

Ky punim nuk paraqitet në formën standarde të shkruar, por në formë të prezantimit dhe me ilustrime.

Dihet se:

- Dielli ka qenë simboli më i përhapur dhe objekti më i adhuruar në natyrë në paganizëm.

- Kryqi është simbol pagan që është adaptuar si simbol i krishterimit. Të krishterët nuk e mohojnë këtë fakt.

- Kryqi i thyer (swastika) nuk ishte simbol ekskluziv i nazistëve. Është me origjinë nga indasit e lashtë (që nuk kanë asgjë të përbashkët me indianët e sotëm), e mund të jetë edhe me origjinë ilire sepse e kanë përdorur edhe këta.

- Ylli i “Davidit”, i hasur kudo nëpër kisha, xhamia, sinagoga, varre, dhe rajone të ndryshme gjeografike deri edhe në Kinë, nuk është fare i Davidit. Davidi nuk ka jetuar para 4.000 viteve. Atëherë, pse ky yll shfaqet në Shushicë, dhe a e kanë vjedhur si simbol hebrenjtë?

- Ylli pesëcepësh shpesh herë në popull ishte identifikuar si simbol i komunizmit. Dihet se ylli i tillë nuk është simbol i komunizmit dhe e përdorin gati të gjithë popujt.

- Çdo tendencë ose synim për ta lidhur Yllin e “Davidit” me Mburojën (Stemën) e Davidit që përmendet te Psalmet 3:3 në Bibël është trillim, sepse nuk dihet çfarë ishte ajo stemë.

- Ylli gjashtëcepësh është adaptuar si simbol i judaizmit dhe hebrenjve vetëm prej shekullit XVII e këndej, njësoj sikur ylli pesëcepësh për komunizmin prej shekullit XX. Hebrenjtë, siç e konstaton autori hebre Shlomo Sand në librin e tij të përkthyer në shqip me titullin “Si u sajua (shpif) kombi çifut” nuk janë as racë, as religjion, e as komb, por më tepër ideologji.

- Deri më sot, gjersa pranohet se kryqi nuk është pronë e të krishterëve, “swastika” e nazistëve, ylli pesëcepësh i komunizmit, duhet qartësuar punën e Yllit të “Davidit” sepse jemi duke u përballuar me fakte nga terreni.

Çka tregon zbulimi arkeologjik nga Dukagjini Verior?

Po filloj me “Gishtat e Mujë Halilit” në Kërrsh të Vogël, por nuk po u tregoj se çka thotë legjenda rreth tyre. Shikoni fotografinë e mëposhtme:

Fotografia 2: Autori te “Gishtat e Mujë Halilit”

Kjo “evidencë” mund ta nxisë Shoqatën e Arkeologëve Evropianë ta quajnë këtë që e shohin si “mashtrim i mizershëm”, term që e kishin përdorur kundër pretendimeve të arkeologut boshnjak Semir Osmanagiq se disa kodra në Visoko të Bosnjës janë piramida gjigante të ndërtuara para 12.000 viteve. Shoqata e Arkeologëve Evropianë lëshoj një deklaratë ku dënoheshin gërmimet rreth atyre vendeve, dhe e njoftoj publikun se e tëra është dukuri natyrore pa asnjë shenjë të veprimtarisë njerëzore. Mua nuk më intereson se a janë ato piramida të ndërtuara nga njerëzit apo kodra të formuara nga natyra. Nëse juve u intereson, shkoni e gërmoni vetë atje. Unë po u sjelli këtë në vijim nga Shushica:

Ylli i Davidi kurrë nuk ka qenë dhe nuk është i Davidit

Fotografia 3: Illiricum Sacrum: Lulja e Jetës, Pema e Jetës, Ylli i “Davidit” në mes me “Syrin e Masonëve” brenda në gjashtë këndesh

A është kjo vepër e "nënës" apo "babës" natyrë? A është ky “mashtrim mizor”? Apo, mos e kam marrë diku nga interneti? Shikoni fotografitë e radhës:

Fotografia 4: A po e njihni këtë njeri në fotografi?

Fotografia 5: Autori me Illyricum Sacrum

Ka edhe gurë tjerë aty që nuk po i bëjë publik për shkak se disa shqiptarë më kanë dalë shumë të pabesë. Kishin pas punuar shumë për të ma vjedhur ose përndryshe për të ma sabotuar punën. Kjo është arsyeja pse unë kam vendosur ta ndaloj punën “krrup”, dhe ta mbaj top sekret për momentin rreth dy gurëve të ngjashëm që gjenden diku në perimetrin prej 4 kilometrave nga vendi ku e kam gjetur këtë që duket në fotografi. Vendi i përafërt i ndodhjes së tyre është lokalizuar dhe ata (gurët) mund të gjenden të mbuluar me dhe. Kjo ka ndodhur para nja 20 viteve (hedhja dhe groposja e tyre). Metodën e zbulimit të tyre e kam të gatshme, por nuk do ta bëjë të njohur kurrë derisa të hasi në njerëz të besueshëm për t’i bërë hulumtimet, gërmimet, dhe analizat. Kur e kam gjetur “Illyricum Sacrumin”, nuk e dija se kujt t’i tregoj që ta mbaj pak fshehtë. Ia dërgova një fotografi (këtë ulur mbi guri, fotografinë 4 më lartë) kushëririt tim Rifatit dhe e pyeta se si të veprojmë. Ndonëse e luta ta mbajë për vete dhe sekret, ai e kishte shpërndarë masovikisht dhe u kishte treguar shumicës së Istogut pa dijeninë time, pra në formë sekrete. Fotografinë 4 e kishte zmadhuar dhe shtypur me ngjyra në formatin A4. Një fletë të shtypur me ngjyra po ma jep mua. Një tjetër më tha se ia kishte dhënë Enver Boletinit. Menjëherë e thirri me telefon Enverin për t’i treguar se unë isha aty! Bisedoj me të dhe insistoj me ngulm të bisedoj edhe unë, sado që refuzova se mund të takohemi të nesërmen, por bërtiste “kape (telefonin celular të tij), kape, kape!” U dashtë të bisedoj sepse nuk e dija kush është Enveri dhe mos po krijonte bindjen se çfarë njerëzish ishim unë e Rifati që po grindeshim rreth një telefonate. I thashë Enverit se vijmë nesër. Të nesërmen kushëriri e kishte sjellë Enverin në shtëpi të tij. Aty e gjeta. Filloj presioni i kushëririt:

- Trego ku gjendet guri e t’shkojmë te vizitojmë me Enverin!

- Kadale, se guri nuk ik askund, aty mbetet, ka kohë, shkojmë tjetër ditë se sot është vonë, ora 3. Plus jam i zënë rreth përgatitjeve për një simpozium që do të mbahet në Stamboll. E vizitojmë po sa të kthehemi, iu përgjigja.

- O s’ki qare pa kallu, se përndryshe nuk je kusheri i jemi!

- A me qare e keni ba, a? Pritni kur t’kthehna prej Stambollit.

Vazhdon...

(2) (3)