Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Intrevistoi: Sabir Krasniqi

          Intervistë me Parapsikologun dhe Mistikun Salih Basha

          MAGJI DO TË THOTË SHKENCË E SHENJTË

          Por, të mos harrojmë, se edhe unë si mistik dhe si parapsikolog që jam, jam thellë i bindur se në popullin tonë ka pasur e ka mistikë që kanë bërë vepra të mëdha, por populli, më herët, i ngarkuar gjithnjë me barrën e okupimit, e tani i ballafaquar me sfida ekonomike, herë s’i ka kuptuar e herë i ka injoruar, duke i quajtur edhe magji e zezë, pasi për atë qëllim edhe janë përdorur. Por, megjithatë, fjala magji do të thotë shkencë e shenjtë, dije mbi dijet, dija më e lartë Kozmike.

            Salih Basha është njëri ndër pionierët e parë të parapsikologjisë në hapësirën gjithëshqiptare dhe njohës i thelë i saj. U lind më 21.07.1956 në Vraniç të Therandës (ish- Suharekës) ku edhe kreu shkollën fillore. Shkollën e mesme e kreu në Prizren, kurse studimet universitare i vazhdoi në Fakultetin Juridik në Prishtinë. Është edhe themelues i klubit të parë të karatesë në Prizren ”KK Prizreni” dhe vetë bart shiritin ngjyrë kafeje. Me parapsikologji filloi të merret që nga viti 1984, ndërsa pas viteve 90 filloi studimet dhe gjurmimet intensive për këto fenomene. Ka kryer kurse dhe seminare të shumta si në ish- shtetin Jugosllav, ashtu edhe në disa shtete të Evropës. Ka ndjekur ligjërata te disa mësues me famë botërore si K. Tepperwein etj. dhe për punën e tij të palodhshme, si dhe për kontributin e çmuar që ka dhënë në këtë drejtim, është nderuar me titullin e parapsikologut dhe mistikut-Adept. Për shkaqe subjektive është detyruar të mërgoj  në perëndim dhe tani përkohësisht jeton në St. Gallen të Zvicrës ku punon si shërues alternativ. Për web faqen ww.sa-kra.ch i morëm këtë intervistë.

            Ju jeni ndër të parët që fenomenet mistike jeni munduar t’i zhvishni nga velloja e paragjykimeve të gabuara që ka mbisunduar e që mbisundon ende për to, duke u munduar t’i kanalizoni në rrjedhat normale të shkencës bashkëkohore. Ku e keni gjetur mbështetjen për këtë punë kaq të rëndësishme dhe të guximshme, pasi që në një formë, keni mundur të komprometoni edhe personalitetin tuaj, duke u ballafaquar me sfida të karaktereve të ndryshme?

            S. Basha: Në këtë pyetje po mundohem t’ju përgjigjem shkurt.

            Jam një shpirt i parehatshëm në aspektin e hulumtimeve, si të asaj të dukshme, ashtu edhe të asaj të padukshme, pra - shkencores dhe mistikës. Përveç leximit të librave dhe revistave të ndryshme të cilat më furnizojnë me dituri, përcjell edhe ligjërata e seminare për ta pasuruar edhe më fondin e diturisë, dhe kështu nuk lejoj që të më shuhet etja për dituri.

            Shpeshherë si fëmijë, por edhe si i rritur, kam pasur përjetime të ndryshme shpirtërore të cilat i kam cilësuar si halucinacione, që sot nuk qëndrojnë. Si gjimnazist e lexoja revistën shkencore “Galaksia” dhe disa punime i studioja. Njëherë aty e vërejta një shkrim për vdekjen. Kur fillova ta lexoj, e ndërpreva në gjysmë, sepse kisha frikë nga vdekja. Kur fillova ta lexoj për herë të dytë, e lexova deri në fund dhe u fascinova nga përshkrimi i udhëtimit të shpirtit në botën astrale. Kjo tek unë ndezi një shkëndijë që më nxiti edhe më tej drejt hulumtimit të shpirtit dhe të gjërave mistike...Pastaj doli edhe revista “Tajne”, nga e cila i mora hapat e parë të parapsikologjisë dhe të okultizmit.

            Në fillim kur kam filluar të merrem me hipnozë, jam injoruar nga rrethi si dhe nga familja ime, por kjo nuk më brengoste aspak, pasi e dija se këto janë pengesa normale në rrugën që kisha nisur dhe unë duhej t’i tejkaloja ato.

            Si i interpretoni këto fenomene parapsikologjike që në opinioni  e gjerë , në të shumtën e rasteve, konsiderohen si magji. E, dihet, se magjia tek ne akoma merret si sinonim i së keqes?!

            S. Basha: Nëse fenomenet parapsikologjike nga populli ynë trajtohen si magji, atëherë them se këta njerëz nuk e njohin të vërteten për mistikën, e edhe për magjinë. Unë i arsyetoj ata njerëz pasi nuk kanë pasur mundësi të vijnë deri te këto dituri të larta që gjenden te secili njeri dhe jashtë  tij.

            Por, të mos harrojmë, se edhe unë si mistik dhe si parapsikolog që jam, jam thellë i bindur se në popullin tonë ka pasur e ka mistikë që kanë bërë vepra të mëdha, por populli, më herët, i ngarkuar gjithnjë me barrën e okupimit, e tani i ballafaquar me sfida ekonomike, herë s’i ka kuptuar e herë i ka injoruar, duke i quajtur edhe magji e zezë, pasi për atë qëllim edhe janë përdorur. Por, megjithatë, fjala magji do të thotë shkencë e shenjtë, dije mbi dijet, dija më e lartë Kozmike (Franc Bardon - Adept, magjistari ma i madh i shekullit 20 për magji të bardhë).

            Ndoshta mu për këtë shkak, pasi që nocioni magji është keqinterpretuar dhe keqkuptuar, klasa jonë intelektuale  e ka injoruar atë si në Kosovë ashtu edhe jashtë kufijve të saj, që nënkupton edhe angazhim të pakët (ose të aspakët) për informimin e opinionit në këtë drejtim. Cili do të ishte mesazhi juaj?

            S. Basha: Në trojet tona shqiptare, përveç studimeve që bënë klasa jonë intelektuale në shumë lëmenj shkencorë, duhet të punoj edhe në lëmin e parapsikologjisë dhe mistikës. Kjo lëmë jo vetëm që mundëson të luftohet dhe të njihet negativja, por njëkohësisht mundëson edhe rritjen e shpejtë të dijes dhe shton dashurin ndaj njeriut, natyrës dhe Zotit apo Universit. Kur thuaja tërë bota punon në këtë lëmë, pse të mos punon edhe populli ynë?! Kur çdo shtet ka së paku nga një institut të parapsikologjisë, pse të mos kemi edhe ne një ose më shumë institute të tilla?

            Është e vërtet, se jo të gjithë, por një pjesë e madhe e intelektualëve e injorojnë këtë lëmë, duke aluduar se këto gjëra janë të kota, sepse për ta vetëm gjërat që shihen dhe preken janë të vërteta. Një mendimi të tillë i ka kontribuar edhe ish sistemit socialist, i cili në popull ka mbjellë farën e urrejtjes dhe mosbesimit ndaj perëndisë apo njohurive të larta hyjnore, kurse vetë këta socialist-masonë, në mënyrë ilegale, kanë punuar dhe janë zhvilluar në këtë drejtim duke i shfrytëzuar këto dukuri për qëllimet e tyre të mbrapshta.

            Deri në vitet e 90-ta, kur ju me një grup të ngushtë filluat të trokisni në “dyert e errësirës”, për t’i shndritur vlerat e saj, kjo lëmë, siç thamë më lartë, ishte e anatemuar! Si u pritë kjo lëvizje e juaja nga opinioni, e sidomos ai intelektual?

            S. Basha: Të them të drejtën, në fillim ishte shumë vështirë...dhe u prit keq, sepse kishte intelektual që këto dukuri i pranonin me rezerva të mëdha. Këta kërkonin fakte. Në fillim si fakt kishim vetëm eksperimente me hipnozë, por edhe në këtë drejtim ishim amatorë, pasi na mungonin njohuritë dhe ndihma profesionale...Por me atë forcë që kishim filluar eksperimentet me hipnozë, bioenergji, radiestezi etj., edhe arritëm që dikë ta bindim. Kryesorja ishte se ne arritëm të bindemi vetë dhe provat tona filluan të japin rezultate pozitive. Kjo na jepte kurajo. Filluam të shërojmë njerëz nga lloj-lloj sëmundjesh dhe gradualisht iu imponuam opinionit. Por, zhvillimi ynë filloi të përsoset kur filluam t’i ndjekim kurset parapsikologjike që mbaheshin ato vite në ish- Jugosllavi. Gjithashtu, dua të cek se në këtë drejtim na kanë ndihmuar, teorikisht dhe praktikisht, edhe disa mistik të vjetër shqiptar që gjendeshin nëpër disa qytete të Kosovës e të cilët këtë dije e mbanin si sekret. Njerëz, të cilët dinë shumë por nuk janë shfaqur ende publikisht.  P. sh. është njeriu, i cili po e sjell Dijen Hyjnore, i cili jo vetëm për shqiptarët, por për tërë njerëzimin do të bie ndryshime për të mirë, si në aspektin e zhvillimit fizik po ashtu dhe në atë psikik. Ajo dije e cila është duke i ardhur njerëzimit është dije shumë e lartë,  thuaja sa ajo e profetëve.

            A mund ta bëni publik këtë personalitet?

            S. Basha: Natyrisht që po. Ky është mësuesin im i cili jeton në qytetin e mrekullueshëm të Prizrenit, dhe quhet Mehmet Selaj.  Dijet e tija janë fascinuese.

            Njohuri dhe informata për zhvillim shpirtëror mund të i gjeni edhe në web faqen time: www.dija-hyjnore.ch.

            Pasi që një kohë të gjatë jetoni në perëndim, sa jeni të informuar për veprimtaritë e këtij karakteri në tokat shqiptare?

            S. Basha: Nga Kosova informohem përmes korrespodencave që kam me shokët, përmes internetit, por edhe nga literature që më vije nga atje, kurse për hapësirat tjera jam fare pak i informuar. Ka shumë shqiptarë të rinj që kanë shfaqur interesim për parapsikologjinë. Diçka po lëviz.

            Nxënësit, adhuruesit dhe simpatizuesit e drejtimit tuaj në Kosovë, pas largimit tuaj (të domosdoshëm), nuk qëndruan duarkryq. Së pari filluan ta botojnë  revistën “Mjellma” ( e para e kësaj lëmie) e më pas edhe simotrën e saj  “Astra”. Mjerisht, te dy këto revista, nën trysninë e situatës në atë kohë në Kosovë, u detyruan ta ndërpresin aktivitetin. Cili do ishte komenti juaj ?

            S. Basha: Ky ka qenë një hap shumë i guximshëm dhe i qëlluar. Ndoshta hap “i vogël” në dukje, por shumë, shumë i madh për popullin tonë.

            Edhe “Mjellma” edhe “Astra” ishin në rrugë të mirë e të mbarë në këtë drejtim, bile “Astra” arriti të shpërndahet disa vite edhe në Zvicër, ndërsa “Mjellma” plasoi një web faqe në internet. Por, siç e thatë e ju, faktorët e  shumtë, si pasoj e situatës së krijuar, ndërprenë vrullin e atyre aktivistëve entuziastë.

            Interneti tashmë ka thyer pothuajse të gjitha barrierat dhe sot kemi disa web faqe në gjuhën shqipe me material rreth dukurive parapsikologjike. Një ndër këto faqe të shumta është edhe www.syri3.com, e mikut tonë Adnan Abrashit. Cili është opinioni juaj rreth kësaj teknologjie të re që po e mundëson këtë  komunikim të mrekullueshëm  digjital?

            S. Basha: Për fat të mirë, kjo teknologji e re e quajtur internet, po e mundëson përhapjen e dijës në mënyrë rapide në mbarë botën. Dhe kjo dije po ju ndihmon shumë njerëzve që ta njohin, por edhe të pasurohen me njohuri të reja nga lëmi i parapsikologjisë, mistikes dhe magjisë së lartë. Por një nuk duhet harruar. Sado që të kemi dije teorike për zhvillim shpirtëror, nuk vlejnë, nëse këto dije nuk i nxjerrim apo nuk i gjejmë në vete dhe, me forma praktike, përmes ushtrimeve, meditimeve etj., nuk i shijojmë. Mendoj se tash për tash duhet rekrutuar sa ma shumë mësues spiritual në trojet shqiptare, dhe përkrah njohurive teorike të zbatohen edhe ato praktika. Duhet pa tjetër  të angazhohemi që ta hapin, jo vetëm një, po sa ma shumë institute për zhvillim shpirton në trojet shqiptare. Mund të them lirisht, sipas parashikimit të së ardhmes, shumë shpejt do të ndodh që këto institute të hapen në trojet shqiptare jo një po disa.

            Edhe në vitet e 90-ta, atëherë kur filluat të merreshit në mënyrë aktive me këto dukuri, gjithnjë pretendonit të formonit një institut parapsikologjik në Kosovë. Një ide të ngjashme e kanë shfaqur dhe shkrimtari ynë i njohur Daut Demaku dhe Hydajet Bytyqi, të cilët veç janë në rrugë të mbarë drejt realizimit të një projekti të tillë, si edhe mr. Kenanzia Sahatçiu, i cili qysh para viteve 90 kishte formuar Shoqatën e Bioenergoterapeutëve në Kosovë. Cilat janë mendimet dhe planifikimet tuaja nga këndvështrim i sotëm?

            S. Basha: Hapja e një instituti Parapsikologjik në Kosovë, sidomos në Prizren, duhet të realizohet patjetër dhe jam shumë i bindur, siç e ceka edhe më herët, se së shpejti do të vie momenti. Njerëzit që do të punojnë aty, duhet të jenë të zgjedhur, të pajisur me njohuri spirituale. Aty do të bëhet shkollimi i nxënësve, do të bëhet hulumtimi i shumë gjërave mistike; do të bëhet zhvillimi psikik prej shkallës më të ulët e deri te zhvillimi më i lartë shpirtëror; do të bëhen shërime alternative e shumë gjëra të tjera që do t’i shkojnë në dobi popullit.            

            Më vjen shumë mirë që ka njerëz intelektual si Demaku, Sahatçiu, por edhe miku im  Hydajet Bytyqi, që punojnë në këtë drejtim, e shpresoj se ka edhe shumë të tjerë. Unë i përkrah dhe i përgëzoj të gjithë ata që e kanë hedhur dhe po hedhin, së paku një gurë në themelet e këtij institucioni, dhe urojë që kjo ëndërr e kamotshme të bëhet sa më shpejt realitet.

            Me sa jam i informuar, ju në perëndim i keni shtuar aktivitetet dhe jeni duke u marrë ekskluzivisht vetëm më këtë lëmë - parapsikologjinë. Sa keni arritur në këtë drejtim dhe çfarë janë pretendimet tuaja?

            S. Basha: Në fillim kur shkova në Gjermani, pengesë kryesore ishte gjuha, por pas një viti arrita ta zotëroj atë dhe fillova aktivitetet e ndryshme të këtij karakteri. Qëllimi im në fillim ka qenë zhvillimi i lartë spiritual. Pas dy vjetësh, rashë në kontakt me “Rosenkrojcat”, që e studionin kryesisht mistikën dhe magjinë e lartë. Ata më njoftuan se jam pranuar nëpërmjet një letre ku shkruante: “Me pajtimin e mjeshtrit kozmik, jeni i pranuar si Meophyt (nxënës) i Rosenkrojcave”. Pastaj fillova të studioj dhe punojë sipas mësimeve të mësuesit tim shpirtërorë Avatar-Resulullah MEHER BABA, i ashtuquajturi mësues i mësuesve - zot njeri, me të cilin kam kontakt metal të pandërprerë dhe i zbatoj intenzivisht mësimet dhe ushtrimet (meditimet) praktike të tij.

            Pas disa vitesh kalova anë Zvicër ku vazhdoj edhe më tej ta përsos dijen kozmike të cilën dëshiroj, që më vonë, t’ua përcjell nxënësve shqiptarë por edhe mbarë njerëzimit.

            Keni ndjekur shumë seminare dhe kryer kurse te ndryshme. A mund t’i thoni vizitorëve të www.sa-kra.ch  cilat janë ato?

            S. Basha: Vërtet kam ndjekur shumë seminare dhe kam kryer kurse të ndryshme, si te ne ashtu edhe në Gjermani e Zvicër. Kursin e parë e kam kryer në Kopër, te mjeshtri Zh. M. Slavinski, që quhet “INTENSIVI I ILUMINIMIT”, që për qëllim ka njohjen e vetes, Zotit dhe përndritjes. Këtë lloj kuri e ka  frekuentuar shpesh.

            RIBERTHINGUN - rrjedh nga Leonard Ori nga Amerika, që d.m.th. ringjallje, përjetim i procesit të eilindjes. Me këtë metodë thuaja të gjitha sëmundjet mund të shërohen. Bëhet pastrimi total i tronditjeve dhe bllokimeve në tru. Mund të them se gjatë ushtrimeve të frymëmarrjes kam përjetuar ndryshime të mëdha shpirtërore të cilat ma kanë ndryshuar rrjedhën e jetës për të mirë.

            METODA E SILVES - që në anglisht quhet “Mind kontrol”, pra kontrolli i mendjes. Është një lloj autohipnozë. Apsolvimi bëhet kur një pacienti të panjohur, nëpërmjet “syrit të tretë”, duhet t’ia gjesh sëmundjen.

            TRENINGU PSIKIK - kjo metodë ka të bëjë me hulumtimin e ndërdijes.

            RITUALI I ECJES MBI PRUSH  etj.

            Pastaj në Gjermani i kam kryer këto kurse:

            AUTOHIPNOZËN - e kam kryer në Frankfurt.

            REIKIN - sistemin e shërimit me bioenergji-

            DANS TRANS - një metodë e vallëzimit, ku nëpërmjet lëvizjeve dhe muzikës arrihet transi.

            METODA E HEMISINKUT - ku njeriu trupin e vet e bie në gjendje gjumi, kurse vetëdijen e qetë jashtë.

            HIPNOZA - e kam kryer në institutin e Hipnozës në Freiburg  para ekspertëve të kësaj lëmie.

            RADIESTEZINË - hulumtimin e rrezeve të dëmshme nga toka, kozmosi dhe mjetet elektrike, si dhe hulumtimi i vendeve neutrale dhe pozitave të tokës.

            RADIONIKËN - Shërimin e njerëzve në largësi.

            PANCOEI - ROSENKROICER - jam bërë anëtar i këtij Ordeni qysh në vitin 1994, që quhet A.A.O.R.R.A.C, dhe kam kryer shkallën e tretë (janë shtatë shkallë), ku e kam marr titullin ADEPT. Ky Orden merret me studimin e mikro dhe makrokozmosit, zakonisht kemi punë me vetveten. Motoja jonë është: “Mbi të gjitha Zoti; njohja e vetes dhe botës”. Trajtohemi si mistikë dhe punojmë sekret. Edhe ushtrimet i kemi sekrete.

            Në Zvicër më së shumti i kam ndjekur kurset e Hipnozës, pasi kam qenë i interesuar  të dijë sistemin e punës së kësaj lëmie  këtu. Megjithëse për Hipnozë më së shumti më ka mësuar praktika e gjatë dhe përvojat e mija që i kam bërë në jetë. Tek Hipnoza kam zbuluar diçka të re, mund ta quaj edhe teknik ose metodë të re, përmes së cilës shumë shpejt i shëroj dhe i zhvilloj njerëzit. Këtë metodë e kam emërtuar si ”Hipnozë Mistike”. Nëpërmjet kësaj metode njeriu mund ta arrij një zhvillim të shpejt marramendës shpirtëror dhe të bëhet qartëpamës i rangut të lartë.

            Kam ndjekur disa seminar dhe kurse në lidhje mbi Piramidat dhe fuqinë e tyre shëruese e mbrojtëse; ndërtimin e Piramidave si vendbanime dhe shfrytëzimin e rrezatimet e tyre shumë të larta e të dobishëm, pra pozitiv.  Në këtë drejtim kam eksperimentuar edhe vetë duke banuar, e medituar në Piramida që i kam ndërtuar vet. Kam bërë disa eksperimente me to dhe jam fascinuar me energjinë e lart që e krijojnë ato forma gjeometrike rreth nesh.

            Gjithashtu, kam marr pjesë edhe në meditime të ndryshme shpirtërore si të atyre të “Punëve të Indisë” ku jam pranuar si sanias, apo nxënës i Osho Raineshit (krijuesit e njeriut të ri dhe mjeshtër i lart e i shndritur) dhe më është dhanë emri spiritual Arpan Offerin që do të thotë:”Ai që jep me zemër”.  

            Po ashtu, këtu në qytet të St.Gallës, jam anëtarë dhe nxënës i Zen –Budistëve, ku për çdo dit meditojmë në grup dhe shkojmë në zazen-e (ushtrime meditative) një ditësh, por dhe dy herë në vit praktikojmë zazen-e javor në të cilat ushtrojmë meditim për ta përjetuar “Vetëdijen e pastër kozmike”. Mësimet rrjedhin prej Budhadharmes nga Japonia dhe tash mësuesit të shndritur Deshimaru.

            Pas frekuentimit të kaq shumë kurseve dhe seminareve a mund të na thoni çka punoni në këtë drejtim që  t’i ndihmoni njerëzimit?

            S. Basha: Praktikisht sot merrem me shërimin e njerëzve me probleme dhe sëmundje të lloj-llojshme. Këto njohuri i zbatoj  drejtpërdrejt në praktik ku po kam shumë sukses që e dëshmojnë edhe mirënjohjet e pacientëve. Gjithashtu, u jap njerëzve nga shumë vende të botës këshilla të ndryshme kur ata i kërkojnë. Ndihmojë dikë - dikë edhe në zhvillim shpirtëror, edhe pse të rrallë janë njerëzit që e dëshirojnë një gjë të tillë, pasi ky drejtim donë punë, këmbëngulje, disiplinë, besim të madh në vete dhe angazhim kontinual.

            Dhe, së fundi, cili do ishte mesazhi juaj për vizitorët e www.sa-kra.ch?

            S. Basha: Mesazhi im është ky: Lus të gjithë vizitorët, të gjithë lexuesit, të gjithë të interesuarit që kanë njohuri nga kjo lëmi, që të ndihmojnë edhe kontribuojnë me njohurit e tyre, por gjithashtu, lus edhe bashkëpunëtorët tuaj që të sjellin sa më shumë materiale autoktone.

            Gjithashtu, dëshiroj që vizitorët të jenë edhe vetë aktiv në këtë fushë pasi kjo i shërben shëndetit të tyre dhe zhvillimit të tyre. Njeriu i shëndosh përfaqëson familjen, shoqërinë, kombin dhe njerëzimin e shëndosh.

s.basha@freesurf.ch

www.dija-hyjnore.ch