Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

ISMAIL GASHI

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

ISMAIL GASHI

            Hyrje

        Ismail Gashi u lindë më 2.4.1976, në fshatin Drenoc, komuna Rahovec, shtetas i Republikës së Kosovës.

            Shkollën fillore dhe të mesmen e ultë e kreu në vendlindje, më 1989/90, në “Vëllezërit Frashëri”, pastaj e filloi të mesmen e lartë në shkollën “Xhelal Hajda-Toni”, ish-QAMO ”Ramiz Sadiku”, Rahovec, dhe gjatë këtyre viteve 1990-1994, e përfundoi. Në shtator të vitit 1994, u pranua në ShLP, në Prizren, në degën e Gjuhës dhe letërsisë shqipe ku për shkaqe të gjendjes së luftës, ato i ndërprenë. Pas çlirimit të vendit nga okupatori serb, vijoi studimet e ndërprera dhe i përfundoi me sukses, më 26 shtator të 2002-ës duke marrë titullin Arsimtar i Gjuhës dhe letërsisë shqipe.

            Gjatë viteve 2012/2014, me vendimin e MAShT-të për rikualifikimin e mësimdhënësve, filloi programin: Avancimi dhe Kualifikimi i Mësimdhënësve në kuadër të Universitetit të Prishtinës, Fakulteti i edukimit, qendra Gjakovë dhe i përfundoi studimet më 26 prill 2014.

            Prej 1 shtatorit 2003, punon në ShMU “Ardhmëria” si mësimdhënës i Gjuhës dhe letërsisë shqipe, në Rahovec.

            Përmbledhja e parë me poezitë e tij e botuar është: "Në folenë e shpirtit tim", 2011, nga shtëpia botuese Dallgët e Drinit, ndërsa dy përmbledhje të tjera të përgatitura me poezi, pret t’i botoj së shpejti.

DJALË I RI

Hej 
djalë i ri 
bëj vend të moçmit lis
atij që të ka rritur degët 
ia ke borxh mbjelljen 
dikur ka me të rënë në mend 
prej farës sate pa përvojë 
ende se ka të rritur 
përpara këmbëve 
sjellja jote

hej 
djalë i ri 
ma vonë ka për t'u ndjerë
kur lëshohen rrënjët thellë
ka për t'u lulëzuar thana
e veshur me penjtë e kuq
prej tokës për shëndetin tënd
ai që vije pas teje 
ka për ta veshur njësoj.

JETË

Jeto jetë
jetoje jetën pa e vrarë
nëpër shtigje narrative jeta jote nuk të njeh 
mundohu ta njohësh kontestin e saj

krijo idenë e shkruaje titullin e subjektit 
se nuk e dinë ta shprehësh as me kurnjformë
dikur e kupton pse quhet jetë
emrin ajo nuk ta fshehë.

DJALLËZIA

Mllefin e zbrazë në hiçin e tokës
Thasët e mbushur me rrena prej botës
Të mbjellë arat djerrinë të kokës
T'i korrë të lashtat e urisë së ngopjes
Ushqyer me pleh natyral të lopës.

SKULPTURË

Nuk e di se çfarë më ngacmon
emri yt në mendimet e mia
fytyra jote qëndron e heshtur 
përpara meje ngrirë në mermer

Nuk e di se çfarë më ngacmon
fytyra jote perëndeshë
pa zë,
pa lot

kur të rrahin erërat 
kur të rrahin shirat
të rëndojnë supet e botës

Nuk e di se çfarë të mundon
balada e gurit të zi
për shpirtrat e harruar pyjeve

ta them afër është dita 
po tani nuk mundem, jo.

TRËNDAFIL I EGËR

Përse të vije turp për gjembat e tu
egërsia jote është më e bukur
fshehjen e brengës së gurtë askush s'të di
dukesh rrallë në anët tona

mos e ulë shikimin më pak vdekje në sy
kurorë e bardhë ta duan e gjithë vegjëlia
të gjitha rrugët të qojnë tej në veri
liria e diellit dhe paqja tij e mallkuar.

ARTIST

Në shpirtin tënd artist
buron krua i freskët
ditë natë rrjedh
lumi yt nuk fle

Si bletë punëtore thur hoje
mbledh nektar mjalti 
nga lulet e popullit

Poeti... 
është vazo agimi që zgjon stinët 
nëpër brigjet e fjetura të botës.

GUXIM

Ti linde
krijesa ime
erdhe në jetë e përqafove dritën
në agime të reja do të lahesh
me këtë emër do të mësosh të notosh
nëpër valët e detit që të presin

Në lundrim
mos u frikëso
shkruaje emrin e ndjenjës sate
kur të përballesh me djajtë
lute shpirtin se të dëgjon qielli
edhe pse nuk të njohin, Guxim.

VENDI

Në vend
Jeton në një vend
E vendi prej vendit i vendos
Vendet pavend
Në rend
E rendi prej rendit i rendon
Rendet pa rend
Në mend
E mendja prej mendjes i mendon
Mendimet pamend
Në send
E sendi prej sendit i sendeton
Sendet pa send
Kështu mbesin:
Vendi në vend pa send
Rendi në rend pavend
Mendja në mend pa rend
Sendi në send pamend