Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Bhagwan Shree Rajneesh - OSHO

 Shqipëroi: Valdet FETAHU 

SOKRATI EDHE PAS 25 SHEKUJSH PRAPË DO TË HELMOHEJ (2)

Kapitulli i shtatë i ligjërimeve të filozofit të madh Indian, OSHO (marr nga libri “Sokrati edhe pas 25 shekujsh prapë do të helmohej”, që është në përkthim e sipër nga V. Fetahu), që u mbajt në Greqi prej datës 19/02/86 deri më 15/04/86

            Pyetja e tretë

            Çfarë është aq specifike për atë që ju mësoni, nëse harrohen pothuajse të gjitha format e vetëshprehjes?

            E para, askush në tërë historinë e njerëzimit nuk e ka lejuar lirinë e plotë të natyrës së njeriut; ajo gjithmonë ka qenë e kushtëzuar. Natyra e njeriut kurrë s’ka qenë e pranuar me dashuri, ajo është dënuar si mëkat. Të gjitha religjionet kanë kryer këtë vepër kriminal të dënimit të natyrës së njeriut. Duke e dënuar, ju nuk mund ta ndryshoni natyrën e njeriut, vetëm mund ta helmoni atë.

            Ata e kanë helmuar atë, kështu që njeriu është duke jetuar në një lloj harrese. As s'mund të jetë ai natyror - sepse atëherë të gjitha mësimet morale në mendjen e tij e shqetësojnë atë, duke thënë: “Ju keni bërë mëkat” – e ai  as nuk mund t’i ndjek mësimet morale. Natyra e ka mënyrën e vet, joshja e saj, pesha e saj është e madhe.

            Njeriu është i përçarë.

            Të gjitha fetë kanë krijuar një njerëzim skizofrenik, i ndarë rreth çdo gjëje. Për shembull, në Indi Mahatma Gandi në ashramin e tij kishte pesë parimet e madhe. Parimi i parë s'kishte asnjë shije: hani, por mos shijoni. Tani ju jeni duke krijuar probleme të panevojshme për njerëzit e varfër: nëse ata hanë, ata do ta shijojnë, e nëse ata e shijojnë, ajo është mëkat, e nëse ata nuk hanë, ata do të vdesin nga uria. Për të shkatërruar shijen e tyre, Gandi ka përdorur gjethet e një peme të caktuar, pemën nim (sanskrisht: nimbah - Pemë gjithmonë e gjelbëruar) e cila është më e hidhura. Ai ka dashtë që çdokush të ha gjethet nim me ushqimin e tij, kështu shija është shkatërruar dhe çdo gjë bëhet e hidhur. Kjo është menduar të jetë shpirtërore!

            Por kjo ide e pa shijes nuk është e re: budizmi e pason këtë, xhainizmi e pason, hinduaizmi e pason. Kështu që për mijëra vjet ajo ka qenë atje. Unë nuk shoh se nëse ju hani me plotë shije se ju mund të bëni krim. Vetëm mos hani shumë - vetëm mos u bëni amerikan tipik!

            Në Amerikë ka tridhjetë milion njerëz nëpër spitale, vdesin nga ngrënia e tepërt, dhe në rrugë ka pikërisht tridhjetë milion që vdesin nga uria. Tani, çdo person inteligjent mund vetëm t’i lejoj këta njerëz të takohen dhe të tregojnë historitë e tyre me njëri-tjetrin... Gjashtëdhjetë milionë njerëz mund të kursehen nga vdekja pa humbur para, asgjë, vetëm pak mirëkuptim për njëri-tjetrin.

            Të gjitha religjionet kanë qenë dënuese për të gjitha shqisat e njeriut: për trupin e tij, për dashurinë e tij. Ato e kanë prishur jetën e njeriut dhe gëzimin e saj; ato e kanë shkatërruar Zorb-ën në juve. Dhe ky është dallimi esencial i imi: unë dua ta ngjallë Zorb-ën brenda jush, me dinjitet dhe respekt. Për mendimin tim, derisa nuk bëheni Zorba autentik ju kurrë s’do të mund të bëheni Buda: nëse ju nuk e jetoni plotësisht jetën në trupin tuaj, ju nuk do të keni kurrfarë themeli për jetën shpirtërore. Jeta e trupit bëhet themel i tempullit të jetës suaj shpirtërore; ato janë bashkë, ato janë një projekt.

            Askush nuk ka lejuar që njeriu të jetë plotësisht i lirë, i shprehshëm. Ka pasur gjithmonë ideologji represive, me emra të ndryshëm, por diçka ka qenë e shtypur. Asnjë religjion nuk e ka pranuar këtë botë si të shenjtë, këtë jetë si të shenjtë. Të gjitha religjionet janë në favor të botës tjetër - dhe ju duhet ta sakrifikoni këtë botë dhe këtë jetë për të arritur jetën e botës tjetër. Dhe se bota tjetër është vetëm një ide, nuk ekziston asnjë dëshmi për të.

            Njerëzit kanë sakrifikuar jetën e kësaj bote, dhe ata nuk kanë fituar asgjë.

            Unë them: Kjo jetë është e shenjtë.

            Ky trup është i shenjtë.

            Kjo botë është e shenjtë - dhe nuk ka botë tjetër. Bota tjetër është e fshehur në këtë botë. Sa ma thellë që shkoni në të ... ju do ta gjeni atë. Lëvizin më thellë në këtë dhe pas disa ditësh ju do ta kaloni kufirin e kësaj dhe të hyni në atë. Por kjo do të ndodhë këtu, tani.

            Ky është një vizion krejtësisht i ndryshëm shpirtëror. Kjo është gjithashtu edhe unike... sepse unë nuk jam zot, unë nuk jam shpëtimtar, unë nuk jam profet, unë nuk jam i dërguar - Unë jam vetëm një njeri si ju.

            Të gjitha religjionet tuaja janë krijuar nga njerëz të cilët ishin në një farë mënyre apo në tjetër megaloman, të cilët ishin në një farë mënyre apo në tjetrën superegoist, ata pretendonin të jenë shumë të veçantë: i vetëm i lindur biri i Zotit, personifikim i Perëndisë, i dërguari i Zotit. .. Ata nuk ishin persona në mesin tuaj! Ju keni qenë shumë larg në luginat e errët, e ata ishin shumë larg në kreshtat e ndriçuar nga dielli - ju mund vetëm t’i adhuroni ata.

            Natyrisht, njerëzimi ka mbetur në errësirë, sepse mendonin të gjithë: “Është përtej nesh, ne nuk jemi bij të Perëndisë, ne nuk jemi inkernim i Perëndisë, ne nuk jemi profetë, ne nuk jemi të dërguarit e... Ata ishin njerëz të veçantë. Në qoftë se ata mund të arrijnë të bëjnë diçka ... ishte e mundur për ta, por ne jemi qenie të zakonshme njerëzore. Mjerimit është fati ynë. Ne duhet të rrojmë në mënyrën siç po ekzistojmë; errësira është fati ynë.”

            Pikëpamja ime e veçantë është se askush nuk ishte i dërguar askush nuk ishte profet, askush nuk ishte inkernim – personifikim i Zotit, sepse nuk ka Zot si të tillë. Të gjithë ata ishin qenie njerëzore, pretendues, qesharak, duke u përpjekur të jenë më të veçantë se ju, më të lartë se ju, më të shenjët e ju – dhe ata kanë prishur jetët e miliona njerëzve.

            Dua të them se unë jam vetëm një në mesin tuaj, dhe nëse unë mund të arrijë në dritën time të brendshme, nëse unë mund të arrijë tek qenia ime e përjetshme, ajo është dëshmi se edhe ju mund ta arrini. Ju jeni të aftë, si e plotë të potencialit si unë jam. Nuk ka asnjë ndryshim. Ju jeni të aftë, përplot me potencial siç jam unë. Nuk ka asnjë ndryshim.

            Unë nuk jam duke iu folur nga ndonjë vend i lartë, unë jam vetëm midis jush, kështu që unë nuk do t’ju quaj dishepujt e mi, do t’ju quaj miqtë e mi. Dhe kjo është vetëm çështje kohe... Sot ju jeni në gjumë, nesër ju mund të zgjoheni.

            Dje isha në gjumë, sot unë jam i zgjuar!

            Ky nuk është dallim i madh.

            Pyetja e katërt

            Pse mësimet e juaja për pasuesit tuaj janë aq atraktive, dhe pse janë atraktive, veçanërisht për femra?

            Vërtetë ka një fuqi magnetike në të. Ajo gjithmonë tërheq, sidomos ata që janë të rinj dhe të freskët, sidomos ata që nuk janë të ngarkuar me mbeturina të vjetra dhe plehra dhe hedhurina, të cilët janë të hapur, të aftë për të shikuar, të kuptuar. Kjo është arsyeja pse kaq shumë njerëz, pa ndonjë përpjekje të veçantë nga ana ime për joshjen e tyre, kanë ardhur pranë meje. Fillova udhëtimin i vetmuar, dhe më pas njerëzit filluan të vijnë dhe karvani u bë i madhe e më i madh. Tani ky e rrethon tërë planetin.

            Ju më pyetët përse për femra është më atraktive.

            Të gjitha religjionet e kanë dënuar femrën.

            Unë jam njeriu i parë i cili është duke u përpjekur ta kompensoj atë që ka shkaktuar dëm dhe plagë nga e shkuara e të ashtuquajturve - njerëzit fetarë.

            Respekti për gratë është i barabartë me respektin tim për burrat.

            Kjo nuk ka qenë rasti në të kaluarën. Gautam Buda, një njeri që e respektoj, e dua - por kjo nuk do të thotë se unë jam dakord me atë në çdo pikë – ai e ka mohuar me vite rishtarinë për gratë. Ai nuk ishte i gatshëm t’i rishtrojë gratë, por vetëm burrat. Pse? Gruaja nuk është aq shpirtërore. Çuditshëm… të njëjtit njerëz të cilët predikojnë se shpirti nuk është as burrë as grua, në anën tjetër predikojnë se gruaja është më pak shpirtërore se burri.

            Vetëm trupat janë të ndryshëm; shpirtrat nuk mund të jenë të ndryshëm. Dhe tani ne kemi më shumë njohuri shkencore, burri mund të ndryshohet në grua me kirurgji plastike. Atëherë çfarë do të bëjë Buda? A do ta rishtrojë mashkullin apo jo? - Sepse ai është një grua... Por kirurgjia plastike nuk mund të bëjnë ndonjë dëm të shpirtit.

            Shumë gra po ndryshojnë në burra. Çfarë do të bënte Buda? Në fakt, ai kurrë nuk do të jetë në gjendje të vendosë: a është kjo grua me të vërtetë një grua apo vetëm një rast i kirurgjisë plastike?

            Një nga sanjasinët e mi me emrin Swami Leeladhar i cili është doktor i njohur i kirurgjisë plastike ka ndryshuar shumë burra në gra dhe shumë gra në burra. Së fundi ai u ngop me këto ndryshime. Ai më pyeti: “Unë po e ushtroj këtë veprimtari me sanjasinët, por ju më thoni çfarë të bëj?” - sepse në qoftë se njerëzit duan të ndryshojnë, se është e drejtë e tyre dhe ata duhet të jenë të ndihmuar, pse duhet ata të presin për një jetë më shumë? Dhe në jetën tjetër ndoshta - dhe që është gjithmonë një ndoshta - ata përsëri mund të bëhen gra, ose sërish të bëhen burra.

            Edhe Buda e mohoi, Mahavira mohoi se çdokush mund të arrijnë ndritjen nga trupi i një gruaje. Unë nuk shoh logjikë në tërë këtë. Mahavira ishte shumë i logjikshëm, por unë e shoh mendjen e një mashkulli shovinist që fshihet pas kësaj. Nuk ka në tërë këtë kurrfarë logjike përse një grua nuk mund të bëhet e ndritur. Ai tha se çdo femër së pari duhet ta praktikojë disiplinën religjioze në mënyrë që në jetën pasuese të mund të lindë si mashkull; mandej fillon rritja drejt ndritjes! E njëjta gjë është e vërtetë për të gjitha religjionet.

            Unë ju them se kjo fare nuk është e rëndësishme se a jeni mashkull apo femër. Ajo që ka rëndësi është nëse jeni të përqendruar në veten tuaj, heshtur, nëse jeni të aftë për t’u bërë dëshmitar i mendimit tuaja dhe emocioneve, disponimit. S’ka rëndësi se çfarë është trupi juaj mashkull apo femër; nuk ka dallim të madh në mes trupit të mashkullit dhe trupit të femrës – dallimet janë shumë të vogla, dhe kjo s’ka të bëj asgjë me shpirtëroren.

            Unë kam pranuar gratë për herë të parë mbi një bazë të barabartë me burrat. Unë jam në favor të çlirimit të grave, sepse unë e di se nëse gratë nuk janë të çliruar, burrat nuk do të çlirohen. Çlirimi i tyre është i mundur së bashku, sepse ata janë të dy anët e të njëjtës monedhë. Natyrisht shumë gra të tjera kanë ardhur, sepse për shekuj me radhë ato ishin mohuar, ato ishin të ofenduara, ato nuk ishin të pranuara si të barabartë me burrat. Natyrisht, gratë më shumë e më shumë do të vijnë - dhe vetëm ata burra të cilët do të jenë të gatshëm t’i pranojnë gratë si të barabarta me ta do të jenë këtu. 

            Asnjë burrë shovinist nuk mund të qëndroj pranë meje.

            Kjo është një familje njerëzish të barabartë, me dinjitet të barabartë.

            Po të kishin qenë femrat të respektuar në të shkuarën, njerëzimi nuk do të kishte qenë në një rrëmujë të tillë siç është sot - sepse gratë janë gjysma e njerëzimit. Gjysma e njerëzimit ka mbetur i padenjë, i paarsimuar, i privuar nga të gjitha liritë, të gjitha lëvizjet. Ne kemi penguar, kemi hendikepuar veten tonë. Ne e kemi shkatërruar gjysma e vetes sonë, dhe në qoftë se ne jemi në mjerim atëherë kush do të fajësohet?

            Unë jam i tëri në favor të çlirimit të grave - por jo në mënyrë e lëvizjes çlirimtare në të cilën femra po shkon. Ajo është duke marrë një qëndrim reaksionar, ky nuk është një revolucion i vërtetë. Ajo është duke u përpjekur ta imitojë burrin. Dhe mbani mend, imitim nuk ju bën të barabartë; imitimi do të ju bëjë kopje - por origjinali është origjinal.

            Tash gruaja pinë cigare si burrë, vishet si burrë, përdorë fjalë të pista prej katër shkronjave si burrë; progres i madh! Një ditë do të fillojë të urinojë si burrë! Kjo do të jetë liria përfundimtare e femrave. Por kjo është idiotike.

            Kur flas për lirin e femrave, mendimi im personal është, mendoj se femra duhet të mbes femër, duhet ta ruaj dallimin e saj të qartë, distancat e saja të qarta, sepse sa ma shumë dallime që ka femra nga mashkulli, më joshës bëhen njeri për tjetrin.

            Polariteti duhet të jetë sa më larg që është e mundur, atëherë tensionimi është më i madh dhe tërheqja më e madhe. Në qoftë se ato bëhen të barabarta ata do të humbasin tërheqjen. Shoqëria njerëzore do të bëhet e rrafshët. Nuk do të ketë romanca, nuk do të ketë poezi, nuk do të ketë asgjë aventureske në marrëdhëniet njerëzore.

            Barazia është një gjë; ngjashmëri është krejtësisht e ndryshme. A nuk bëjnë ata të njëjtën kur thonë: mos u mundoni të jeni të ngjashëm me njeriun. Mundësi e barabartë është për rritjen tuaj - por kjo do të thotë që ju do të mbeteni unik dhe të pangjashëm. Ju nuk jeni një burrë, dhe ju nuk duhet të mbeteni një burrë, sepse burri s’ka asgjë të veçantë.

            Ju te dytë jeni unik, dhe te dytë jeni të veçantë.

            Dhe sa i përket rritjes shpirtërore është shqetësuese, frika e Gautam Buda nuk ishte femra, por represioni seksual. Murgjit e tij ishin të gjitha të shtypura seksualisht, dhe frika ishte se nëse gratë rishtrohen atëherë murgjit dhe gratë do të jenë aq të afërt se kishte frikë se murgjit do ta humbin beqarinë e tyre.

            Nëse beqaria mbetet diçka shpirtërore, atëherë mashkulli dhe femra nuk mund të jenë bashkë në rrugën shpirtërore. Por celibati është e panatyrshme dhe absolutisht çon në perversion. Burrë dhe grua duhet të jetë së bashku, duhet të jetë në dashuri të thellë, duhet ta ndihmojnë njëri-tjetrin për t’u rritur. Ndihma e tyre do të jetë një ushqim i madh.

            Ky është eksperimenti im. Të gjitha eksperimentet e vjetra kanë dështuar, dhe unë mund të shoh pse ata kanë dështuar: ata kanë përgënjeshtruar gjysmën e njerëzimit. Ky eksperiment nuk mund të dështojë, sepse ne nuk jemi duke mohuar askënd, ne nuk jemi duke mohuar asgjë, ne nuk jemi duke shtypur asgjë.

            Ne po përpiqemi për të krijuar një orkestër me të gjitha instrumentet, duke krijuar një unitet organik të gjitha instinkteve - trupore, mendore, shpirtërore, të burrit, të gruas - dhe duke e bërë atë një fenomen absolutisht natyrore.

            Vazhdon...

   (1)                  (3)       (4)      (5)      (6)