Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

PAL SOKOLI

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

PAL SOKOLI

            Hyrje

          U  lind në qershor të vitit 1959 në Radoniq - Gjakovë. Shkollimin fillor e kreu në Radoniq dhe Cërmjan ndërsa gjimnazin drejtimi i shkencave natyrore në Gjakovë. Me 1985, diplomon në Universitetin e Prishtinës, Fakulteti Filozofik në degën Filozofi-Sociologji. Shkruan poezi që nga rinia e hershme dhe boton në periodikun letrarë qe nga vitet e tetëdhjeta në revistën studentore; "Bota e re", pastaj në "Zëri i rinisë",  "Etja",  "Fjala",  "Rrezja", si dhe disa cikle me poezi ne revistën letrare; "Shtigje"  të vitit 1983/84/dhe /86 të Klubit letrarë "Gjon Nikollë Kazazi " të Gjakovës. Shkruan recensione librash është redaktor dhe recensent i disa librave poetike. Poezi ju morën në dorëshkrim disa herë gjatë burgosjes nga policia serbe ne vitin 1991/92/ dhe /93 kur së fundmi u burgos me grupin e ashtuquajtur; "Grupi i priftit". Prej vitit 1994 jeton dhe krijon në Gjermani. Në luftën e fundit familja e tij i dha gjashtë martir (Filipi, Simani, Krista, Gjergji, Kastrioti dhe Pashkja) UÇK-së  katër pjesëmarrës (Gjergj, Filip, Viktor dhe Kujtim Sokoli) dhe një Hero , (Gjergj Sokoli).

            Libri i parë; "Kambanë e pëlcitur dhembja" poezi, të cilin e ka promovuar me 06.05.06 në Wuppertal-Gjermani.

            Libri i dytë: Antologji e 12 shkrimtarëve në mërgim, "Asht e Gjak Arbërie "bashkautor me veprimtarin dhe shkrimtarin Martin Çuni , e promovuar me 09.05.07 në Hanover- në Gjermani.

            Libri i tretë; Përmbledhja me poezi; "Unazë Gjaku", në shator të vitit 2008. Redaktor Din Mehmeti, botoi klubi letrare "Gjon Nikollë Kazazi" Gjakovë, promovuar me 26.10.2008, në Essen-Gjermani.

            Libri i katërt: Përmbledhjen me poezi; " Sängele Iubirii ", "Gjaku i dashurisë", " Das Blut der Liebe " në të dy gjuhët(gjermane dhe rumune), e botuar në Bukuresht gjithashtu botim i "Bashkësisë kulturore të Shqiptarëve të Rumanisë" 2010.

Nën kujdesin e Shoqatës shqiptare të Bukureshtit "ALBANEZUL" botohet një Antologji poetike "Pagjumësia e fjalëve" në të cilën përfshihet me një cikël poezish.

            Në Antologjinë; "Shija e shikimit" të autorit te mirënjohur Baki Ymeri boton disa poezi në gjuhën gjermane dhe rumune.

            Në Antologjinë e autorit Eduard Dilo;"Kështjella e ëndrrave" Bukuresht 2012 prezantohet gjithashtu më disa krijime poetike.

            Në vitin 2011,në edicionin special të Revistës "Shqiptari" doli Përmbledhja poetike e poeteshës rumune; Iona Stupru dhe Pal Sokoli ne Bukuresht(nen kujdesin e z.Baki Ymeri dhe Dr.Xhelku Maksuti.

            Në Librin e publicistit Flori Bruqi; "Olimpi Shqiptarë "prezantohet veprimtaria e tij krijuese me një vend të veçantë.

            Është kryetar i Lidhjes Shkrimtarëve, Artistëve dhe Krijuesve Shqiptarë në Gjermani dhe anëtar i Shoqatës se Shkrimtarëve gjermane ; " Else-Lasker-Schüler" të qytetit Wuppertal- Gjermani dhe Redaktor dhe Recensent i disa përmbledhjeve të ndryshme poetike të autorëve kryesisht nga mërgata. Është anëtar i disa redaksive te ndryshme kulturore virtuale dhe i Revistës letrare; "Muza shqiptare", organ i LSHAKSH-ne Gjermani.

Jeton në Gjermani.

            Webfaqe private e Pal Sokolit:  www.palsokoli.de.to

DRITHMË AZEMSHKRELIANE

Si zog qielli qajë ajrin

Me aeroplan

Ftohtë mbi Alpe

Ftohtë nën Alpe

Ftohtë mbi Ballkanin

Ngrohtë ne Prishtinë.

Me dhimbset liria e Zogut

Se do e dëshiroja

Fluturimin një drejtimesh

I frikohem hapit të parë

Azem shkrelian në Aeroportin

"Adem Jashari" në Prishtinë

Mos ma zgjon djallin e fjetur

Ftohtë Dardaneleve

Ftohtë mbi Ballkanin

Ngrohtë në Dukagjin.

Dridhmë është hapi im i kthimit

Kur i shpëtova hapit të parë.

PARAJSA NË RREZIK

Në rrezik është sot Parajsa

Dikush i mbështjellë me tritol

U kacavarët muranave të hirta

Te shembë shenjtërinë e „vjetër"

E gjak i stërpikin arealet

Ti emërojnë grabitshem

Me të zezat e veta " Trofe".

Në rrezik është sot parajsa

Qe hyrjen e paska nga ferri.

GJURMËVE TE ERËS

Edhe erërat lënë gjurmë

Stinëve të pafajshme

Qe ne i akuzojmë

Se tinëzisht i kanë fsh(irë)ehur.

Yjësitë e bardhë engjëllor

U shkelin syrin

Artistëve të tradhtuar në skenë

E se bashku më erën

Marrin suflerët memec.

Hijet e tradhtisë terr bëhen

Pritjeve të gjata

Hijet e dashurisë

së tradhtuar.

Rreshtave të gjatë

Pëshpëritësi i marrë

Ju udhëzon rrugët e maskuara.

DIÇKA MË MERR, DIÇKA MË JEP

Ëndrrat kur paskan parahistori

Personazhet u shikuakan

Më  bisht të syrit

E shfletojnë prejardhjen e vet

Dhe  më shpejtësi rrufeje

Hapa-krahë  u zgjuakan

Kopshtit  Virgjër të Edenit

Për të mbledhur kujtime barit

Krejt të pafajshëm

Kur si riga të shiut

Të reshin plagëve

E krahëve tuaj të hapur

Si shpatulla bjeshke

Qe herë më përpijnë si zogun

E lodhur në fluturim

Herë më ledhatojnë ballin

Kur ftohtë më mbështillesh

Me trupin virgjërore

E ngrohtë më thua në cep të veshit;

"Vetëm  ndjej zvarritjen time".

Kështu na qenka kur ëndrra dhe jeta

I marrkan diçka njëra tjetrës.

NË MES KOHËSH

Me një hop e kapërceva

Pa i dhuruar shumë

Ajo me vodhi lotin

Dhe iku nga unë.

Shfletova një faqe

Të virgjër, të bardhë

Si me fanitet ndër data

Shpalosjen të ma ndalë

Posa e shkrova, titullin e artë

Vargjet, vargoj të lagura n ´shi

Shpirtërisht ju luta faqes se parë

Mos ma kthe lotin që pata fshi.