Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Og MANDINO

17 RREGULLAT E JETËS SË NDËRGJEGJSHME

            Priteni çdo mëngjes me dashuri dhe me gëzim në zemër. Shiheni ditën e re si edhe një dhuratë të veçantë të Krijuesit tuaj, si edhe një mundësi të artë që ju është dhënë për ta përfunduar atë që nuk keni mundur dje. Jini gjenerator i vetvetes. Orën e parë të mëngjesit përkushtojani të menduarit mbi suksesin dhe veprimtarisë pozitive, që kjo pastaj të mund të jehojë gjatë gjithë pjesës tjetër të ditës.

            Rregulla e parë:

            Numëroni gjithë bekimet tuaja. Në çast do të vetëdijesoheni se jeni vërtet të çmuar, se
ju vërtet jeni të rëndësishëm.

            Atëherë në fytyrë do të ju kthehet gëzimi, dielli do të ju ngrohë, muzika do të jehojë, sakaq ju përfundimisht do të jeni gati të niseni para drejt jetës të cilën Zoti e ka përgatitur për ju...

            Virtytshëm, fuqishëm, trimërisht, vetëbesueshmërisht.

            Rregulla e dytë:

            Sot, dhe çdo ditë tjetër (në vazhdim), bëni më tepër sesa jeni të paguar të bëni. Gjysmën e suksesit e keni arritur vetëm kur të keni mësuar të jepni më tepër sesa që pritet prej jush.

            Në punën tuaj bëjeni veten aq të dobishëm, saqë në fund të bëheni të pazëvendësueshëm. Për të shkuar një hap më tej, përdorini gjithë privilegjet tuaja, shfrytëzojini gjithë shpërblimet që ndonjëherë keni marrë.

            Meritojini gjer në fund!

            Rregulla e tretë:

            Kurdo që bëni gabim apo jeta ju jep goditje të rëndë, mos u merri me to edhe aq gjatë.

            Gabimet janë mënyrë e zakonshme me të cilën jeta na mëson.

            Aftësia juaj që kohë pas kohe të bëni gabime të mëdha, e pandarë është nga aftësia juaj për të realizuar qëllimet tuaja. Askush nuk mund t'u ikën në plotni gabimeve, e mossuksesi juaj, kur ndodhë, është vetëm etapë e rritjes suaj.

            Hiquni gabimeve tuaja të mëdha. Si do t'i njihnit kufijtë tuaj pa vëzhgimin e pasukseseve tuaja? Lërini ato. Dhe radha është juaja.

            Rregulla e katërt:

            Orët tuaja të gjata të punës dhe mundimit shpërblejini gjithnjë në mënyrën më të mirë - rrethohuni me anëtarët e familjes suaj. Kultivojeni me kujdes dashurinë e tyre, duke kujtuar se fëmijëve tuaj iu duhet modeli e jo kritika.

            Edhe përparimi juaj personal do të shpejtohet kur përpiqeni që fëmijëve tuaj t'ua tregoni pandërprerë anën e mirë. Dhe, po qe se, në gjithë të tjerat, në sytë e botës, keni vetëm dështime, por keni familje harmonike - ju keni pasur sukses.

            Rregulla e pestë:

            Përmbusheni këtë ditë me mendime të këndshme. Mos u mërzitni shkaku i çdo papërsosmërie për të cilën frikësoheni se do ta ngadalësojë përparimin tuaj. Përkujtojani vetes aq shpesh sa kjo është e nevojshme, se jeni qenie hyjnore dhe se keni mundësi që, duke ngritur mendimet tuaja, të realizoni çdo ëndërr.

            Ju mund të fluturoni kur të bindeni se këtë mundeni. Mos iu ktheni humbjeve. Le të projektohet vizioni i zemrës suaj në jetën tuaj. Qeshni.

            Rregulla e gjashtë:

            Le të flasin përherë veprat tuaja për ju, por pandërprerë ruajuni nga kurthet e tmerrshme të krenarisë së rrejshme dhe mburrja, e cila mund të ndalë përparimin tuaj. Herën tjetër mburravecësinë tuaj sfidojeni kështu:

            Futeni setrën tuaj në enën përplot ujë dhe pastaj nxirreni - gropëza (zbrazëtia) që
mbetet do të jua tregojë masën e vërtetë të rëndësisë suaj.

            Rregulla e shtatë:

            Çdo ditë është dhuratë e veçantë e Perëndisë dhe, pasi nuk është e mundur që jeta përherë të jetë e bukur, asnjëherë mos u lejoni përpjekjeve, pengesave dhe ngarkesave që, qoftë edhe për një çast, ta helmojnë qëndrimin tuaj dhe ecjen drejt ardhmërisë. Gjithnjë derisa mbi vete mbani pallton me zhele ankimi, nuk keni për të fituar, kurse tingulli i hidhur i vajtimit tuaj pa dyshim se do të përzë çdo mundësi suksesi. Kurrë më ankime. Kjo është rruga më e mirë.

            Rregulla e tetë:

            Kurrë më mos i stërngarkoni ditët dhe netët tuaja me gjëra banale e të parëndësishme, sepse nuk do të keni kohë të përballeni me sfidat e vërteta kur të vijnë.

            Kjo e njëjta ka të bëjë edhe me punën. Nuk jeni këtu që t'i humbni kot orët tuaja të çmueshme, kur veç keni mundësi të arrini më tepër, duke bërë vetëm një ndryshim të vogël në rrjedhën e rëndomtë të punës suaj.

            Le të mos ketë më tejzënie të rrejshme. Le të mos ketë më fshehje para suksesit. Hiqeni brengën për kohën. Hiqeni qafet ngutinë. Çdo gjë vjen në vendin e vet Tash. Tash! Jo nesër!

            Rregulla e nëntë:

            Jetojeni këtë ditë si me qenë e fundit e jetës suaj. Mbajeni mend se "nesër" ndodhet vetëm në kalendarët e budallenjve. Harrojini dështimet që kanë ndodhur dje, injorojini problemet që do të vijnë nesër.

            Kjo është ajo: Dita e fundit. Çdo gjë është në duart tuaja. Bëni që kjo të jetë dita më e bukur e vitit. Fjalët më trishtuese që mund t'i flisni janë: "Pa të mundja edhe një herë të lindja..."

            Merreni stafetën, tash. Vraponi me të! Kjo është dita juaj!

            Rregulla e dhjetë:

            Duke filluar nga sot, secilin që takoni, mikun apo armikun, të njohurin apo të panjohurin, shiheni si njeriun i cili po atë mbrëmje, në mesnatë, ka për të vdekur.

            Çdo krijese, pavarësisht sesa trivial që do të jetë takimi, afrojini gjithë vëmendjen tuaj, dashamirësinë, mirëkuptimin e dashurinë të cilën mund ta ofroni, dhe bëjeni këtë pa kurrfarë mendimi se duhet t'ju kthehet. Jeta juaj përgjithmonë do të ndryshohet

            Rregulla e njëmbëdhjetë:

            Qeshuni me veten dhe jetën. Jo në kuptimin ironik apo të vetankimit përloshës, por në kuptimin e ilaçit apo lëngut magjik, i cili do ta lehtësojë dhembjen tuaj, do ta shërojë depresionin tuaj dhe i cili do t' ju ndihmojë që ta kuptoni drejt dobësinë momentale e cila ju ka ndodhur. Me zvogëlimin e tendosjes, brengosjes dhe shqetësimit, sidomos kur jeni në zgrip, qeshja do ta lirojë forcën tuaj të gjykimit që më mirë të gjendeni në situatat të cilat pikërisht po ju rrethojnë. Kurrë mos e merrni veten tepër seriozisht

            Rregulla e dymbëdhjetë:

            Kurrë mos i zini "asgjë" gjërat e vogla. Kurrë mos shkurtoni përpjekjet shtesë, ata minuta shtesë të kujdesit, të fjalëve të buta të falënderimit e bekimit të cilat do ta mbërrijnë kulmin e asaj që ju mund ta bëni. S'është me rëndësi çfarë të tjerët mendojnë. E rëndësisë më të madhe, megjithatë, është çfarë ju mendoni për veten. Kurrë s'do ta arrini kulmin e realizimit tuaj, që do të duhej t'ju karakterizonte, po qe se pandërprerë fshiheni qosheve dhe i ikni përgjegjësisë.

            Ju gjithsesi jeni të veçantë. Të tillë edhe jini. Kurrë mos i lini mbas dore gjërat e vogla.

            Rregulla e trembëdhjetë:

            Priteni çdo mëngjes me dashuri dhe me gëzim në zemër. Shiheni ditën e re si edhe një dhuratë të veçantë të Krijuesit tuaj, si edhe një mundësi të artë që ju është dhënë për ta përfunduar atë që nuk keni mundur dje.

            Jini gjenerator i vetvetes. Orën e parë të mëngjesit përkushtojani të menduarit mbi suksesin dhe veprimtarisë pozitive, që kjo pastaj të mund të jehojë gjatë gjithë pjesës tjetër të ditës.

            Dita e sotme sigurisht se nuk do të përsëritet më. Mos e shkretoni me ndonjë fillim të rrejshëm ose lëreni pa fillim fare. Nuk jeni lindur për dështime.

            Rregulla e katërmbëdhjetë:

            Do ta përmbushni ëndrrën tuaj ashtu që do t'i përcaktoni qëllimet për çdo ditë - jo projekte të komplikuara e të rënda, por punë të thjeshta, të cilat, hap pas hapi, do t'ju dërgojnë tek ylberi juaj.

            Shkruajini, nëse duhet, por kufizojeni listën tuaj ashtu që atë që nuk e keni kryer sot nuk është e thënë ta kaloni nesër. Mbajeni në mend se piramidën tuaj nuk mund ta ndërtoni brenda njëzet e katër orësh. Jini të durueshëm.

            Kurrë mos lejoni që dita juaj të jetë e stërngarkuar, ashtu që qëllimi juaj kryesor të jetë i lënë mbas dore, e ai është: Që të punoni më së miri që mundeni, që ta përjetoni këtë ditë dhe të jeni të kënaqur me atë që keni arritur.

            Rregulla e pesëmbëdhjetë:

            Mos i lejoni askujt që ta turbullojë festën tuaj dhe në këtë mënyrë të hedh hije në ditën që po ndodh. Mbajeni në mend se nuk ka aso farë talenti, nuk ka aso farë vetëpohimi, nuk ka aso farë mendjeje dhe nuk ka aso farë personaliteti që është i thirrur t'i gjykojë të tjerët

            Asgjë nga jashtë nuk mund të ketë ndikim në ju nëse ju, më parë, nuk ia jepni lejen. Koha juaj edhe është tepër e vlefshme që ta sakrifikoni me ditë të ngrysura, duke përballur instinktet primitive të urrejtjes, xhelozisë e lakmisë.

            Udhëhiqeni jetën tuaj të harxhueshme me shumë kujdes. Vetëm Zoti mund ta krijojë lulen, por çdo maskara mund ta këpusë.

            Rregulla e gjashtëmbëdhjetë:

            Në çdo fatkeqësi kërkojeni farën e së mirës. Mësojeni me themel këtë parim dhe ai do të ju bëhet stil i çmueshëm me të cilin do ta kaloni çdo luginë të errët, e cila gjithsesi duhet kaluar.

            Yjet mund t'i shihni edhe nga fundi i bunarit të thellë, por ata, ndonjëherë, nuk dallohen dot as nga majë e malit

            Atë që, përmes fatkeqësisë, keni mësuar mbi gjërat - kurrë s'do ta kishit zbuluar, sikur çdo gjë të kishte shkuar si duhet. Në të gjitha ekziston fara e së mirës. Gjejeni dhe shkoni më tej kah suksesi.

            Rregulla e shtatëmbëdhjetë:

            Kuptojeni se lumturia e vërtetë ekziston në ju. Është humbje kohe dhe mundi të kërkuarit e qetësisë, kënaqësisë dhe gëzimit në botën jashtë jush. Mbajeni në mend se lumturia nuk është në kamje dhe marrje, por vetëm në dhënie. Jepni. Ndani.

            Qeshni. Përqafoni. Lumturia është si aroma e parfumit: Nuk mund ta bartni në të tjerët para se, më parë, disa pika t'ia keni qitur vetvetes.