Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

AFORIZMA

Valdet FETAHU

AFORIZMA SATIRIKE (2)

Politikanët që duan të humbin në peshë, mos të shkojnë në lutjen e mëngjesit në Uashington.

Ujku ujkun nuk  e ha.

Respektojnë marrëveshjen e koalicionit.

Edhe pse kemi ra në fund të fundit – kujt kjo i intereson fundifundit…?!

Duhet të tundet fortë shoqëria për t’u fituar krem e mirë.

Ata që sot janë bërë përrallë nesër do të bëhen legjenda.

Njeriun e cektë thellë mund ta bindësh.

Platoni ka qenë fatlum që prindërit e tij nuk kanë bërë dashuri platonike.

Pasi nuk posedoj librezë partiake, jam i fundit që do ta humbë rrugën drejtë të ardhmes.

Ndihem krenar kur luftoj me vetveten.

E kam kundërshtarin e dinjitetshëm!

Demokracia jone është e përkryer.!

Kushdo që vjen në pushtet,  gjendja mbetet e njëjtë.

Kushtetuesja nuk i  ka paraparë shumë gjëra.

Po ajo nuk është Nostradamus!

Hajna janë ata – por edhe këta s’janë më të mirë!

Lehtë e ka Skënderbeu pasi ka hypë n’kali.

Serbia është faktor i paqe dhe stabilitetit ne Ballkan.

Pa të asnjë luftë nuk niset.

Libri i Skot Pek “Rruga të cilës rrallë i shkohet”, është bërë udhërrëfyes i politikanëve tanë

Nuk do të zgjedh më të keqen e vogël!

Shumë shpejt po rritet.

Kokëfortësia e të shurdhërve qëndron në faktin se ata askënd nuk e dëgjojnë.

Në këtë situate të rëndë politike, askush nuk është budallë m’u bo kryetar i Kosovës përveç Hashimit.

Politikanët magjistarë e shndërruan ëndrrën tonë shekullore për liri, në ankth…

Politikanët kanë filluar t’ia shqyejnë maskat njëri-tjetrit.

Por, populli prapë nuk po ua sheh fytyrën e vërtetë!

Përse aq pak virtyte kanë mbetur në botë?

Sepse as nuk blihen e as nuk shiten.

“Mos vrit, mos vjedh, mos bëj kurvëri!”

Siç po e sheh, nuk po mbetet asgjë njerëzore.

Prej gazit lotsjellës në parlament, po na pëlcet gazi nëpër shtëpia.

Më të rrezikshmit jemi kur humbim…

Nuk dimë të ndalemi!

Nuk kam më kuptim të mundohet populli…

Ai nuk di se kur është mjaft!

Pensionet duhet të jenë të barabarta me rrogat  e qeveritareve…

As pensionerët nuk punojnë!

Edhe pse të gjithë janë para nesh, kjo nuk i pengon qeverisë të na thotë të shkojmë “pas“ botës.

Mediat po e akuzojnë Hashim Thaqin se gjatë vitit vetëm një njohje na i ka sjellur.

Mediat duhet ta kuptojnë se kjo qeveri di të punojë edhe pa “t’njofshëm”!

Nuk është e vërtetë se qeveria po na përgjon.

Ajo nuk është e interesuar as të na dëgjojë!

“Mezi po pres të vijë qeveria e re, se unë jam poltron i vjetër”.

Optimistët, për çdo dështim gjejnë arsyetim.

Për dallim nga i mençuri, budalla kurrë nuk jetë i pavërejtur.

Satira i shërben vetëm atyre që nuk dinë të gjenden ne kaos.

Se kur do t’i rruaj dreqi mjekrroshat, është çështje kohe.

Pushtetarëve, gjithmonë, mund t’jua shohësh fytyrën pasi t’jua shohësh shpinën.

Kondicioni i qeveritarëve shihet në forcën për të ikur nga e vërteta.

Në epokën e transicionit, transit është vetëm populli.

Nepotizëm nuk ka vetëm në zyrën e punësimit.

Të jesh poltron është profesion deficitar.

Në të gjitha organizatat i ke dyert  e hapura.

Ku qëndron dallimi mes  aeroplanit të prishur dhe njeriut të prishur?

Kur prishet aeroplani, bie në tokë. Kur prishet njeriu, ngritët në qiell.

Ëndërr e çdo politikani është:

populli të mos zgjohet.

Kush thotë se policia nuk është me popullin?

Sa here që populli del në protesta, policia i shoqëron.

Ka individ që po mundohen ta  destabilizojnë shtetin tonë.

Vetëm edhe kjo po na mungon në këtë kaos!

Një historian serb po thotë se Serbia e pasur një ditë do ta blej Kosovën.

Deklaratë historian më, gjithmonë e shohin të ardhmen në të kaluarën.

Ata që po na i thonë të vërtetën mendojnë se ne jemi aq budalla që mund të mashtrohemi me këtë!

A është e ndaluar në Kosovë të kritikohet qeveria?

Po as që bëhet fjalë për këtë gjë…

Qeveria nuk e pyet popullin se a janë të uritur!

Por të mos e akuzuar për pyetje sugjestive.

Lëvizja vetëvendosje ka vetëvendosur të mos lëvizë nga parlamenti.

Nuk na vijnë as deri te gjuri ata të cilëve iu përkulemi.

Qeveri a nuk ka problem me financat.

Ato ikën pa problem!

Partia dje tha se nuk ka krizë parlamentare!

Atë që e shkruan lapsi, as loti nuk mund ta fshij.

Sikur Dostojevski të kishte jetuar në Kosovë, do të kishte shkruar vetëm “Krimi”. Dënimi do të kishte qenë zhanër fantastiko-shkencor.

Ata që nuk janë njerëz mos të mërziten shumë, prapë mbesin resurs human.

Njerëzit mesatar posedojnë mendimin e tyre mesatarisht të varur nga diktati.

Sot, përmes mediave, politikani i korruptuar, me gjithë zemër, na i uroi “Ditën e Mirësisë”..!

Nëse dua të gënjej më duhet patjetër të bëhem anëtarë partie. Deri atëherë më duhet të flas vetëm të vërtetën!

Pse politikani duhet patjetër të jetë i mençur, kur e ka telefonin e tillë…?!

Qeveria e tregon pavdekësinë e vet mbi kufomat tona!

Vizioni ynë shtrihet deri në mbrëmje. Mandej na bjen terri n’sy, dhe më nuk shohim asgjë.

Normal se na vlon koka prej politikës, pasi nuk na ka mbetur asnjë pikë gjaku në damar!

“Zajednica”, kurrsesi nuk po ia del të mbajë pozitën dhe opozitën “zajedno”!

Torbën e mbajë vetëm për të futur kokën në të, e jo për të udhëtuar me të.

Unë nuk blejë gazeta, nuk shikoj televizor… Unë e rrej vetveten!

Kosova në UNESCO po hynë me trashëgimi komuniste – Isa Mustafa.

Në një fakultet privat një student kishte ra.

Derisa kishte zbritur shkallëve.

Pas një serie dështimesh të pozitës, opozita nisi të gjirojë film.

Në luftat fetare Zoti qëndron neutral.

Në luftat partiake pësojnë karriget.

Falë qeverisë stabile edhe populli është stabilizuar.

Nuk po kërkon më asgjë, është bërë si i vdekur!

Po na udhëheqin gomarët pasi i vramë luanët.

Popullin mund ta mashtrosh, jo një herë, po shumë herë dhe kur të duash.

Drama jonë politike i ka dy akte –

akti i pare: komedia parazgjedhore;

akti i dytë: tragjedia paszgjedhore

Formulat e politikanëve për zgjidhjen e problemeve, gjithmonë shpërthejnë në popull.

Kriminelët në Kosovë nuk kanë më se për çfarë të shpresojnë.

Të gjitha dëshirat i kanë plotësuar.

Më befason se si nuk arritëm të ndërtojmë metro me kaq shumë njerëz të nëntokës?

Dhasht Zoti që Kosova të bëhet më e mirë...

Por s’do të japin politikanët!

Të gjithë aksionarët kur humbin bëhen reaksionarë

Në shuplakën e atij që ka dorën e forte, mund të lexohet fati i popullit

Nuk po dimë se nga po na çojnë politikanët…?!

Vjen dita kur do t’na tregojnë.

U treguam shumë miqësor ndaj fqinjëve tanë.

As me top nuk i goditëm!

“Qeveria e Isa Mustafës nuk është më e sigurt se po e ruan Zoti, andaj ka filluar të sigurohet vet pa ndihmën e Zotit.”

Aq shumë kemi përparuar në bujqësi, saqë të gjithë bujqit i kemi vendosur në ministria.

Nuk do të ishim fundosur kaq thellë nëse nuk do kishim pasur dikë që na shkelë.

Unë jam për ndryshime rrënjësore!

Këto rrënjë që i  kemi sot, më janë mërzitur.

E keqja kurrë nuk vjen vet, atë e sjellin politikanët e korruptuar.

Posa fillova të kuptojë se çfarë është komunizmi i fortë,  erdhi demokracia e brishtë dhe ma humbi orientimin e sistemit politik.

Është fakt i gjallë se tek ne e vërteta është e vdekur.

Të rite që janë pa punë mos të mërziten shumë, shumë shpejtë do të plaken.

Të gjithë ata që nuk janë në parti nuk kanë të drejtë të gënjejnë!

MA MIRË TË MOS JESH…

Në Kosovë ma mirë të mos jesh

Kur lindë, ma mirë të mos jesh.

Kur përfundon shkollën, ma mirë të mos jesh.

Nëse je i ndershëm, ma mirë të mos jesh.

Nëse je i arsimuar, më mirë të mos jesh.

Nëse je i moralshëm, më mirë të mos jesh.

Nëse je i edukuar, më mirë të mos jesh.

Nëse je njeri, më mirë të mos jesh.

Nëse mendon për të ardhmen, më mirë të mos jesh.

Nëse nuk je politikan, hajn e biznesmen, atëherë, fare nuk të duhet të jesh këtu.