Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

AHMET SELMANI

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

AHMET SELMANI

            Hyrje

            Ahmet Selmani ka lindur më 1965 në Shkup. Shkollën fillore dhe të mesme i kreu në vendlindje, ndërsa studimet e larta për letërsi - në Universitetin e Prishtinës.

            Ka botuar këta libra:

            “Mur i gjallë” (poezi),

            “Abeja e akullt” (poezi),

            “Hija e kalit” (roman),

            “Bërja e shkretëtirës” (roman),

            “Tregu i djallëzisë” (tregime),

            “Poezia dhe individualiteti” (studim letrar),

            “Diskurs kritik” (studim letrar),

            “Poezia e shprishur” (studim monografik),

            “Profili krijues dhe moderniteti i Moikom Zeqos” (shkrime eseistike),

            “Përkapja e nënpoetikës” (studim letrar),

            “Bashkëbiseduesit e mi” (biseda me shkrimtarë).

            Po ashtu merret edhe me publicistikë dhe përkthime letrare. Jeton dhe punon në Shkup.

SHIU REBEL

(ose avuj mallkimi)

Vera

aq kryeneçe

tronditet nga shiu rebel

që përplaset në tokë si mbi zjarr

duke liruar erë të fortë shkrumbi

mbi qelqet e dritareve të pluhurosura

duke trokëllirë si ndonjë kalë i egërsuar

nëpër ollukët që lëvaren gjer në tokë

si gjarpërinj që uturijnë me gjëmë

e vera zmbrapset në heshtje

si sundimtar i dorëzuar

që nxjerr avuj

mallkimi.

PYETJA PËR LIRINË

(ose ngrënia e gënjeshtrës)

Si duket liria,

pyeti një fëmijë

gjatë luftës

si një engjëll

me flatra të buta

i gjegji dikush

nuk më del e tillë

se po ia shoh bishtin,

tha ai pas luftës

shpjeguesi i lirisë

seç ia mbathi me vrap

duke ngritur mjegull

e fëmija u rrit para kohe

u bë burrë i thinjur duke ngrënë

gënjeshtrën e lirisë

PRITJA E PRINCIT TË ËNDËRRUAR

(ose ardhja me një kalë troje)

Vashës

me sy prej yjesh

i dolën thinjat në kokë

duke e pritur me muaj e vite

që të vinte ai princi i ëndërruar

por ai erdhi me një kalë troje

doli vriktas nga barku i tij

e i shkeli ëndrrat

e saj

LUMENJTË E GJAKUT

(ose atdheu me paterica)

Gjithë

këta lumenj gjaku

për një atdhe me

paterica.

VRERI PËR TIRANËN

(ose tryeza e lakmuar)

Tirana

ka më shumë banorë

që vjellin vrer kundër saj

sesa që i falin një copë dashuri

ata zgjohen me një mallkim të ftohtë

tërë ditën bredhin mbi kurrizin e betontë

kërkojnë ëndrrat e plagosura të jetës

dhe në mbrëmje kthehen sërish

për të ngrënë bukën e hidhur

në tryezën e lakmuar

të saj.

ÇËSHTJA E BESIMIT

(ose thonjtë e helmët)

Dhembjen tënde

mund ta bëj lule

që t’i marrësh erë

e ta zbosh terrinën

në theqafje

lotin tënd

mund ta bëj diell

që ta ngrohësh

zemrën e vrarë

nga egërsia

çështja është

nëse më beson mua

apo atij që hap plagë

me thonjtë

e helmët

IKJA E REVE

(ose zemrat e thyera)

Retë

ikin vritkas

si dashnore nevrike

ndërsa majat e larta

mbeten të ngrira

e me zemra

të thyera

SHQYERJA E KALIT

(ose lufta për shalën)

Sa

ditë e zezë

për kalin e gjorë

rastisi një ujk i uritur

e shqeu në mes të rrugës

s’i mbeti asnjë gjurmë e gjallë

përveç shalës së përgjakur

e kur ia behën njerëzit

filloi luftë e ashpër

kush ta merrte

shalën

REQUIEM PËR SKLLAVIN

(ose vdekja me pranga)

Skllavi

gjithmonë mbetet i njëjtë

edhe kur ia heqin prangat nga duart

kur e lirojnë si zogun nga kafazi me tela

ai prapë nuk i beson lirisë së merituar

jeton me skllavërinë e padukshme

ndaj edhe vdes me prangat

në shpirt.

LIBRAT E FITIMTARËVE

(ose leximi i historisë)

Nuk

dë duhen librat

që i shkruajnë fitimtarët

më mjafton vetëm një pikë loti

ta shoh tek rrokulliset në faqen

e një njeriu të mbijetuar

që ta lexoj gjithë

historinë.