Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: David WOOD

www.explorerunivers.com

ANA TJETËR E HËNËS

    Hëna është një anomali. Sipas të gjitha llogarive ajo nuk duhej të ishte aty. Edhe për sa kohë do t'i ruajë ajo sekretet e saj apo ja ka zbuluar disa prej tyre NASA-s?  Shumë gjëra të çuditshme ndodhin në sistemin tonë diellor që sfidojnë të gjitha ligjet e fizikës. Hëna që shfaqen papritur dhe që zhduken po ashtu papritur. Hëna të vonuara në orbitë. Re që ekzistojnë në vakum. Drita, gjurmë mjetesh, kratere që zhduken. Kontinente që papritur zhyten në oqean. Ndoshta përgjigjet për të gjitha këto mund të gjenden në pjesën e errët të Hënës.

(Është Hëna me të vërtetë sateliti ynë natyror apo mund të jetë diçka tjetër ogurzezë?)

            Edhe pas kaq e kaq vitesh, legjenda vazhdon të jetojë mes nesh, nëpërmjet fjalëve të Edgar Keisit, nëpërmjet fakteve të rralla në të dy krahët e Atlantikut dhe nëpërmjet shkrimeve të klasikëve. Po pse u zhyt Atlantida nën det? Pjesë të legjendës thonë se kjo ndodhi si një shpagim hyjnor për shkak se atlantidasit kishin provokuar zemërimin e zotrave. Pjesë të tjera të legjendës thonë se atlantidasit e kishin zhvilluar teknologjinë kaq shumë sa që vuajtën kundërgoditjen për shkak të mbingarkesës.

            Sidoqoftë, shkenca mund të ketë një përgjigje të thjeshtë ndaj këtij rebusi. Pra një kontinent i tërë u zhduk pa lënë gjurmë. Ç’gjë mund ta ketë shkaktuar një kataklizëm të tillë? Një përgjigje potenciale për këtë është, nëse shkencëtarët do ta pranonin si të tillë. Gjurmët e dëshmive shkojnë deri 12,000 vjet të shkuara, por ne do ta nisim nga shekulli i 17-të.

            Galileu e ktheu teleskopin e tij fillimisht nga Hëna në 1609. 360 vjet më vonë - Eagle u ul mbi Hënë. Ishte vajtja në Hënë “një hap i vogël për njeriun dhe një hap gjigant për njerëzimin” apo kishte një motiv prapamendues në këtë operacion? Shumë njerëz mendojnë se vajtja në Hënë ishte një ushtrim ushtarak. Edhe 25 vjet më pas vazhdon argumenti: Kush na mundi në Hënë?

            Ulja në Hënë

            Apollo 11 preku Hënën më 20 Korrik 1969 dhe mund të duket sikur NASA vizitoi Hënën thjeshtë sepse ajo është atje. Për shkak se kemi male, alpinistët do t’u ngjiten atyre, por ata nuk do të shpenzonin kurrë 27 miliard dollarë për ta bërë atë. Fakt është se Apollo 11 solli në Tokë shumë pak të reja, atëherë pse NASA vajti në Hënë edhe pesë herë të tjera? Njerëz në botë vdesin nga uria, nga të ftohtit; burimet e Tokës po pakësohen, popullsia e Botës po rritet me shpejtësi; dy të tretat e Tokës janë mbuluar nga uji dhe potenciali i detrave ka mbetur pa u zhvilluar. Motivi në themel të programit të Hënës duket qartë se është një motiv shumë i fortë. Në rast krize lidhur me sigurimin e Tokës, aspekti ushtarak fiton përparësi maksimale.

            Ekzistojnë dy teori lidhur me praninë e Hënës. Teoria e shkëputjes nga Toka që thotë se një trup i madh kozmik është përplasur me Tokën dhe ka shkëputur një copë të saj duke krijuar basenin e madh të Oqeanit Paqësor. Copa që u shkëput kaloi në orbit. Fatkeqësisht Hëna është kaq e ndryshme nga Toka në përbërje sa që teoria nuk mund të qëndrojë dot.

            Atëhere na mbetet teoria e kapjes nga forca tërheqëse e Tokës. Probabiliteti matematikor tregon se mundësia e kësaj ndodhie ka qenë shumë e ulët. Për analogji kësaj i thonë që të hedhësh një top tenisi nga një lartësi prej 10,000 metrash dhe topi të bjeri në një filxhan çaji. Shansi është fare i ulët, por marifeti ja vlen të provohet.  Teoria e dytë bie poshtë menjëherë ashtu si edhe e para sapo që ju të uleni dhe të rikujtoni njohuritë që keni për Hënën. Sa për fillim, Toka është me densitet 5 herë më të lartë se uji ndërkohë që Hëna është vetëm tre herë. Shkëmbinjtë më të vjetër të Tokës datohen të moshës 3.8 miliard vjet. Kampionët e sjella nga Apollo 11 datojnë një moshë midis 4 dhe 4.6 miliard vjet. Me fjalë të tjera, Hëna është më e vjetër. Përveç kësaj, shkëmbinjtë hënor përmbajnë tre komplekse mineralesh që nuk gjenden në Tokë. Këta janë: spineli krom-titan, ferro-pseudobrukite dhe piroxmangite. Pra, Hëna nuk është një copë nga Toka dhe origjina e saj vjen nga tjetër drejtim, atëherë pse ky interesim ushtarak?

            Interesi ushtarak

            Pra, një pjesë e arsyes së interesimit ushtarak është se askush nuk e di se nga erdhi Hëna. Qysh nga koha e Galileut, njeriu jo vetëm që ka vrojtuar Hënën, por edhe anomalitë e saj të çuditshme. Në 1870, krateri i quajtur Linne u zhduk. Nganjëherë janë vrojtuar re mbi Hënë, mjegull ose tym. Drita nga Hëna na mbrinë në forma, ngjyra dhe përmasa të ndryshme. Më 24 Prill 1874, një objekt i bardhë me shkëlqim verbues lëvizi për gjatë sipërfaqes së Hënës. Në 1887, një trekëndësh i ndritshëm ndriçoi nga krateri Plato dhe gjatë pjesës tjetër të vitit dritë të tjera konvergjonin mbi Plato dhe e ndriçonin atë.

            Për qindra vjet njeriu ka parë ngjyrime të kuqërremta vezulluese, pika në formë ylli, ndriçime, pulsime, tufëza drite dhe dy njolla të kuqe që vezulluan për 28 minuta. Janë vënë re drita edhe gjatë eklipseve Hënore.

            Në qoftë se të gjitha këto shenja tregojnë jetë inteligjente atëherë nuk ka aspak çudi që është implikuar interesimi ushtarak. Çdo gjë që mund të përbëjë një rrezik për kombin mbulohet me një heshtje sekrete deri në marrjen e përgjigjes së saktë. Por "Ata" nuk janë shfaqur. Një formë jete që mbijeton në një trup pa ajër dhe ujë dhe pa atmosferë dhe me ekstremitete të ashpra temperaturash disponon një teknologji shumë më të zhvilluar se e jona.

            Fakti tregon që "Ata" kanë qenë atje për një kohë të konsiderueshme dhe se gjatë kësaj kohe "Ata" nuk janë prezantuar me ne miqësisht. Për këtë shkak mendjet ushtarake i konsiderojnë "Ata" armiqësor dhe një rrezik potencial. Pothuaj 40 vjet më parë, astronomi Morris Jessup ka pyetur: "Kush na ka mundur ne në Hënë?.

            Në 1953, një botues shkencor, John O'Neil, raportoi praninë e një ure 18 km të gjatë në skaj të Mare Crisium. Në Prill 1962, Apollo 16 fotografoi disa ura. NASA ka fotografuar gjithashtu kulla shumë më të larta se çfarëdolloj strukture mbi Tokë, ndërtesa, kupola, çati të pjerrëta dhe glife në formën e A, X dhe P.

            Kamerat kanë fiksuar gjithashtu mjete dhe makineri. Disa prej këtyre mjeteve kanë proporcione gjigante dhe lenë gjurmë të dallueshme në tokën e butë të Hënës. Duket sikur këto mjete angazhohen në procese gërmimesh në miniera të hapura.

            Atëherë cilat janë shpjegimet zyrtare për këto anomali? Po e theksojmë se origjina e Hënës është e panjohur, pavarësisht nga çfarë mund të sugjerojnë shkencëtarët. Krateret e panumërt që mbulojnë sipërfaqen e Hënës kanë gjithashtu origjinë të paqartë. Disa prej tyre janë pasojë e veprimit të goditjes së meteorëve, por edhe shkencëtarët e pranojnë se jo të gjithë krateret janë pasojë e përplasjes së meteorëve. Ndoshta disa prej tyre janë formuar nga veprimi i kundërt i asaj që i bën ato të zhduken. Linne nuk ka qenë i vetmi krater që është zhdukur.

            Ka dy teori që përpiqen të shpjegojnë retë, mjegullën dhe shkreptimat e ndritshme. A do të besonit po të thosha se ato janë rezultat i veprimeve goditëse dhe vullkanike? Reja gjigante e pluhurit që do të pasonte çdo përplasje do të ishte shumë jetëshkurtër sepse pluhuri do të kthehej shumë shpejt mbi sipërfaqen e Hënës për shkak të mungesës së atmosferës. Ndërsa aktiviteti vullkanik dhe tektonik në Hënë ka marrë fund 3 miliard vjet më parë.

            Hëna nuk ka fare atmosferë prandaj nuk ka kushte moti. Por për shkak të temperaturave ekstreme, 200 EF (93.3EC) në mesditë dhe - 250EF (- 121.1EC) në mesnatë, veprimi ngrirje/shkrirje mund të shkaktojë çlirimin e gazeve natyrale nga nënsipërfaqja. Megjithatë, sipërfaqja e Hënës ndodhet në vakum dhe gazi në këtë mjedis nuk formon re, por shpërndahet. Po kështu edhe për mjegullën. Një re pluhuri i ngritur do të binte menjëherë poshtë. Grimcat e pluhurit që notojnë brenda një boshti drite diellore dhe që quhet Lëvizja Brovniane, është e pamundur të ndodhë në Hënë për shkak të vakumit.

            Pa atmosferë, pa mot, pa erë. Glifet e zbuluara kudo mbi sipërfaqen e Hënës nuk janë rezultat e erozionit. Këto glife janë kaq të mëdha saqë hijet që lëshojnë ato janë të kapshme nga kamerat orbitale. Vakumi do të sigurojë që sipërfaqja e Hënës të mbetet e pandryshuar.

            Deri tani, të gjitha këto vrojtime flasin për inteligjencë, ndërtime inxhinjerike dhe disa forma jete. Patjetër ju do të pyesni se çfarë formë jete mund të ekzistonte mbi një trup pa atmosferë, me temperatura ekstreme, pa ushqim, pa ujë dhe nën bombardimin e vazhdueshëm të rrezatimit diellor?

            Ju e dini që ka krijesa që jetojnë në fundet oqeanike dhe në Arktikun armiqësor. Ju e dini që ka krijesa që mbijetojnë në diellin e mesditës dhe netët nën - zero të shkretëtirave ekuatoriale. Këto mjedise janë vërtet armiqësore për njeriun, por jo për të gjitha format e jetës.

            Kritere të tjera për jetën janë streha, oksigjeni, ushqimi dhe uji. Ndonëse edhe në këtë rast këto janë esenciale për jetën tonë, por kjo nuk do të thotë se janë esenciale edhe për format e jetës që mund të ndeshim. Megjithatë, lidhur me Hënën, tre nga kriteret e mësipërme janë potenciale në Hënë. Streha: qyteti nëntokësor. Përparësitë e të jetuarit nën tokë janë mbrojtja nga rrezatimi diellor, mjedis më i kontrollueshëm dhe fshehje nga teleskopët dhe astronautët. Oksigjeni: duke supozuar se "Ata" kanë nevojë të marrin frymë, shkëmbinjtë hënor janë të pasur me mineral hekuri dhe nga 22 ton mineral mund të nxirret gjatë shkrirjes 1 ton oksigjen. 1 ton oksigjen është e barabartë me tre vjet furnizim për një njeri. Ushqimi: kultivimi hidrofonik kërkon vetëm ujë që na sjell ne te burimi për të.

            Në qoftë se Hëna është atje me qëllim, ç’ka për t'u habitur që "Ata" e parkuan atë pranë një planeti me sasira të bollshme të lëndëve të nevojshme për "Ta". Po të vini re dëshmirat e UFO-ve të para në Tokë do të shikoni se në shumicën e rasteve ato janë parë pranë liqeneve. E vërteta është shumë më e çuditshme se edhe vetë fantazitë më të ç'frenuara.

            Pra Hëna është aty aksidentalisht apo qëllimisht? Shanset që Hëna të ketë mbritur aty për shkak të forcave natyrore janë shumë të vogla. Atëherë le të supozojmë se Hëna është sjellë aty me qëllim, ç’gjë e mbështet këtë?

            Kronikat e tibetianëve të vjetër, përrallat sllave dhe tekste të tjera të lashta i referohen një kohe kur nuk kishte batica dhe as Hënë. Nga kjo historianët mendojnë se Hëna ka ardhur aty rreth 12,000 vjet të shkuara.

            Katastrofa

            Imagjinoni katastrofën që do të shkaktonte një ngjarje e tillë. Beteja gravitacionale, për shkak të hyrjes së Hënës në sistem, do të shkaktonte tërmete, erupsione vullkanike, vërshime dhe kushte ekstreme moti. Do të duheshin shumë vjet përpara se të qetësoheshin dukuritë dhe të riformohej plotësisht i gjithë planeti. Ja vlen të theksojmë këtu se pikërisht rreth 12,000 vjet të shkuara u zhdukën pa gjurmë qytetërimet e Mu dhe Atlantidës. Është pikërisht koha e Përmbytjes Biblike. Por çdo të ndodhte në qoftë se "Ata" do të vendosnin të shkonin më tutje?

            Ka edhe çështje të tjera që ne nuk mund t'i shpjegojmë. Disa prej hënave të Jupiterit nuk rishfaqen më nga prapa planetit të tyre primar. Ata humbasin. Në 1672, Cassini zbuloi një hënë në orbitën e Venusit. Astronomët e patën atë nën vrojtim deri në 1764 kur, pas 92 vjetësh, ajo u zhduk. Kujtohuni për Vulkan, që u zbulua në 1762 dhe u vrojtua për 100 vjet. Vulkani nuk shihet më qysh nga viti 1876. Herschel zbuloi Uranin dhe dy nga pesë hënat e tij, por ai pretendonte se kishte gjetur edhe katër të tjera. Fatkeqësisht askush nuk mundi të shoh ato që pa Herschel.

            Isak Asimov njëherë ka thënë: "Çfarë dreqin bën Hëna jonë atje? Ajo është shumë më larg nga ç’duhej për të qenë vërtet satelit i Tokës." Sipas teorisë së tij të "tërheqjes së litarit" Hëna nuk duhet të ndodhet aty ku është. Raporti midis përmasave të saj dhe distancës nga Toka dhe nga Dielli nuk del.

            Hëna është një dukuri e çuditshme. Qysh nga ajo ditë e shënuar në Korrik 1969, programi special programoi edhe pesë ulje të tjera me njerëz në Hënë: Apollo 12 ( 19 Nëntor 1969), Apollo 14 (5 Shkurt 1971), Apollo 15 (30 Korrik 1971), Apollo 16 (21 Prill 1972 dhe Apollo 17 (11 Dhjetor 1972). Përveç këtyre janë bërë edhe shumë ulje pa njerëz në Hënë si edhe fluturime nga Ranger, Surveyor dhe sondat orbitale. Disa prej këtyre misioneve lanë në sipërfaqen e Hënës aparatura sizmike.

            Pajisjet sizmografike mund të tregojnë se kur ndodhin vibrimet, por jo pse. Gjatë të gjithë kohës, janë marrë vlera të larta sizmike. Shpjegimi zyrtar: aktivitet vullkanik. Por a mund të ndodhë që ato të jenë prej aktiviteteve minerale?

            Sekretet

            Hëna është një anomali. Sipas të gjitha llogarive ajo nuk duhej të ishte aty. Edhe për sa kohë do t'i ruajë ajo sekretet e saj apo ja ka zbuluar disa prej tyre NASA-s? Saturni ka një hënë me lëvizje retrograde, d.m.th. lëviz në kundërshtim me parimet e sistemit diellor.

             Neptuni ka gjithashtu një hënë kurse Jupiteri ka disa. Shumë gjëra të çuditshme ndodhin në sistemin tonë diellor që sfidojnë të gjitha ligjet e fizikës. Hëna që shfaqen papritur dhe që zhduken po ashtu papritur. Hëna të vonuara në orbitë. Re që ekzistojnë në vakum. Drita, gjurmë mjetesh, kratere që zhduken. Kontinente që papritur zhyten në oqean. Ndoshta përgjigjet për të gjitha këto mund të gjenden në pjesën e errët të Hënës.