|
DHENT NUK HANË BURRNI
Disa burra t'dheut, Isuf Kameri me disa prej Qerimi, kanë shkue
mysafirë tu Smajl aga n'Lluga e kanë fjetë at natë aty. N'natje kanë marrë
bisedat e po bisedojnë. Ka shkue nji kohë bukur e g'jatë. Ka ardh koha m'u
qitë dhen'e. Ai Smajl aga ka lypë leje. Ka thanë:
-Me leje burra, se
tash m'erdhi koha me shkue e m'u qitë dhen'e.
Isuf Kameri i ka
thanë:
-Hiqu dhen'e, more
Smajl aga, se je ka rri me burra e s'ke ku me i marrë tjetër e me nejë kshtu
me ta.
-Ah, more Isuf Kameri,
m'fal, se dhenve t'mija me jau qitë pesqin okë burrni, nuk e ungj kurrnja
kryet n'ta. Shkova m'u qitë sanë, se ato burrni s'duen.
KUR U PLAÇKIT
NASTRADINI
E plaçkitën
Nastradinin komita, po ky s'ke tu shpija. Kur erdhi, shkuen mahalla me e pa.
E pvetin:
-A po mërzitesh?
Nastradini bani gajret
e u tha:
-Jo, s'po mërzitna,
veç m'ka metë merak qi s'jam qillue n'shpi.
-He, bre Nastradin! Po
s'ish kanë punë qi m'u qindrue, - i thanë.
-Jo, s'kishna qindrue,
po kishna marrë edhe unë dishka e e kishna pshtue pej komitës.
A KA KU KULLOTË KALI?
Ish kanë ni katunar niherë e ish kan shkue n'Gjakovë. At'harë
katunarët shkojshin n'Gjakovë për me pre tesha. Shkon ky katunari e i thotë
terzisë:
-A po m'i prenë ni
parë tesha se m'nevojiten, po paret t'i jap n'kohë t'lamës.
Terzija e veti:
-Kut t'vi atje te ju
me i marrë paret, a keni bar, a ka ku kullot kali?
-Po, ka ku kullotë
kali, se ka bari tekteri n'gu, sa t'don ka tërfojë e bar e çdo sen ka.
Ky edhe i tha:
-Jo përze, s'po vi hiç
se, me pasë njerëz t'gjallë e gja q'kullotin n'at bari, ti kishe pas me m'i
pague paret. Mirpo, masi s'ka kush i kullot gjanë, e gja s'ka q'kullosin bar
e tërfojë, ti s'kie kah m'i paguen paret, e për qeta borxh s'po ti jap.
SHAMATA E JARGANIT
Nastradin Hoxha ish
tuj fjetë me t'shoqen n'shpi. Dikush u ndie tuj u rrahë e tuj u shamatue te
dera e aborrit. Nastradinit i mushet mendja me dalë me pa çka ish. Si kje,
n'kmishë e n'tlina, mori jarganin për krahesh e doli m'i pa. Ata t'dy tuj u
shamatue, ja kapën jorganin për krahesh e ikën. Shamata prani.
- Çka ke jashtë nieri?
- e dveti e shoqja.
- Asgja, maj grue,
shamata e jarganit tem. Shamat pushoi e jargani m'shkoi.
S'P'E PRISHI GJUMIN
PËR 'I GJYSË DELMJE
Ishin kanë gjashtë vllazën e i kishin pasë tri copa dhen. U kish
ra uki aty. I kishin thanë vllaut q'i ruejke dhet:
-çu, se na ra uki
n'berre!
Ai, masi u çue, i ra
n'men q'ni gjysë delmje po i bie' hise, e ra apet. Tha:
-S'p'e prishi gjumin
për 'i gjysë delmje.
"ATATURKU I DEHUR"
Na ishte një koha kur
Ataturku, si burrështetas dhe reformator i madh, kishte arritur famë të
pakontestueshme, jo vetëm në vend por edhe në arenën ndërkombëtare. Një
ditë prej ditësh, pa kurrfarë tendencioziteti qëllimkeq, një këshilltar i
besueshëm nga suita e tij e afërt, e këshillon:
- Pasha im i nderuar!
Ti tanimë i ke realizuar në vepër shumicën e synimeve tuaja. Si një lider i
madh popullor dhe kudo i respektuar, mendoj se ka ardhur koha që nga pak ta
rralloni përdorimin e tepruar të pijeve alkoolike!
- A besoni ju
sinqerisht se të gjitha këto të arritura të sotme të Turqisë janë meritat e
mija dhe unë vërtetë jam burrështetas madhor, sikur thoni? - ishte kjo si
pyetje në vend të përgjigjes së pritur drejtuar këshilltarit të vetë.
- Po, po, lartmadhëri!
Nuk ekziston as më i vogli dyshim në këtë bindje. Jo që e dimë vetëm ne këtë
realitet, por edhe gjithë populli turk dhe tërë bashkësia ndërkombëtare!
- Bukur pra! - iu
përgjigj qetë Ataturku. - Të gjitha këto rezultate të dëshmuara, unë i kam
arritur mu ashtu sikur isha në të vërtetë: në vete i pajisur edhe me atë ves
të keq që ti ma konteston. Por, me këtë rast, nëse më duhet të dëgjoj ty dhe
në të ardhmen ta eliminoj këtë shprehi, atëherë, unë më nuk do të jem
origjinali - ai Mustafai i gjertanishëm. Përkundrazi, do të shndërrohem në
dikush tjetër: do jem i mangët dhe jo tërësi e mentalitetit tim
karakteristik. Edhe diçka, miku im i nderuar! - vazhdoi mëtej Ataturku - Ta
zëmë, po ta dëgjoj këtë këshillë tënde që të mos konsumoj pije alkoolike,
atëherë, patjetër në këtë gjendje të esëllt, ty duhet të të largoj nga posti
që ke sot, sepse, edhe atë ditë kur të kam dekretuar si këshilltar timin më
të afërt, kam qenë mu ai “Ataturk i dehur”... ?!!
TE NA S'BAHET MA VONË!
Një qytetarë shkon një
ditë te një mik i veti në fshat, edhe duke biseduar koha kalonte e bëhet
bukur vonë... Dikur, ky qytetari, pasi nuk shihte orë në mur, po e vetë
mikun:
- Sa u ba ore bre?
E miku po i
përgjigjet:
- Afër 12-shit.
Qytetari po i thotë:
-Herët qenka, unë
mendova se është më vonë.
Plaku i shtëpisë (babi
i atij mikut) që kotej në qoshe, kur e dëgjoi këtë, u kthye e po i thotë
këtij qytetarit:
-Jooo or dashamirë, te
na s`bahet ma vonë se tash ja nisë apet prej fillimit 1,2,3...
TË DY KANË TË DREJT!
Në Kuvendin e Kosovës,
kishte ndodhur një incident verbal mes dy deputetëve që iu takonin
subjekteve të ndryshme politike.
Pas një debati të
nxehtë, njëri nga deputetë, po e fyente deputetin tjetrit:
- “Rri aty e mos fol,
mor hut, gënjeshtar, huligan, rrugaç e injorant, dallaveraxhi e zagar, hajn
e kusar!”...
Ndërkaq, deputeti
tjetër, duke treguar mos përmbajtje ia kishte zbrazur tjetrit, po në të
njëjtën masë:
- “Ëëë, mor imoral e
tradhtar, naiv e zagar, maskara e shpifës, intrigant e pis, t’i thyej hundët
dhe dhëmbët, hajdut e injorant!”...
Në një odë burrash,
tek po e përcillni seancën për mes TV-ës, njëri nga të pranishmit, po i
drejtohet një plak të urtë që kishte rastisur aty:
- Hë, axha Rifat, çka
po ta merr mendja ty; cili ka më shumë të drejt?
- Qe besa mor djalë,
më ke futë në siklet, por megjithatë këtë pleqni, nuk është vështirë me e
nda, pasi që të dy kanë të drejt?!
- Si kanë të dy të
drejt, këta po shpifin njëri- tjetrin?!- po e pyet ai me habi Rifat plakun.
- Jo qe besa, këta nuk
po shpifin njëri-tjetri as pak, krejt çka po i thonë njeri-tjetrit, janë të
sakta, prandaj që të dy kanë të drejt!- ia ktheu përgjigjen atij Rifat
Plaku.
NJË GRUSHT BLETA
Një bujk nga Vraniçi
merrej edhe me kultivimin e bletëve dhe për to bisedonte përherë dhe kudo.
Shkon një ditë te i vjehrri i vet dhe fillon e po i shpjegon atij për dobinë
e bletëve dhe i thotë se veç mjaltit, bletët kanë edhe veti tjera shëruese.
Pra s'ka nevojë për barëra të mjekut po i thotë ai vjehrrit të vet. Më mirë
është me të thumbuar nja 20-30 bletë sesa me e marrë një kuti hapa!
-Hajt he djalë, le atë
muhabet, - po i thot i vjehrri, se me qenë ashtu, mjeku në vend të ilaqeve e
mban një krojshe me bletë dhe kur të shkosh për t’u vizituar, ta fut një
grusht bletë në pantollana...!
MENÇURIA E LEKË
DUKAGJINIT
Lekë Dukagjini u nis për të shkuar në një kuvend burrash. Rrugës
takoi një fshatar, i cili i tregoi se turqit kishin zënë pritë për ta vrarë.
Leka menjëherë u ndalë dhe ktheu rrugë.
- Përse ktheve rrugë?
- ia ktheu fshatari.
- Më mirë të thonë
dredhoi Leka, sesa vdiq Leka, - ia priti Lekë Dukagjini.
ISMAIL QEMALI DHE
KANAN MAZE
Luftëtari Kanan Maze shkoi ne zyrën e rekrutimit te qeverisë së
Vlorës për të hyrë në ushtrinë shqiptare.
Oficeri pasi e mati i
tha:
- Shtatin e ke disa
centimetra më të shkurtër nga sa e kërkon rregullorja, prandaj nuk mund të
pranojmë në ushtri.
Kanani shkoi menjëherë
tek Ismail Qemali dhe i tha:
- Ismail Bej, vetëm
për të gjatët e ke bërë Shqipërinë apo edhe për të shkurtrit?
- Pse si është puna? -
e pyeti Ismail Beu.
Kanani i tregoi çfarë
i kishte ngjarë në zyrën e rekrutimit.
- Shqipëria ka nevojë
edhe për të shkurtrit e, veçanërisht për trimat si ti, - ia ktheu Ismail
Qemali dhe i dha një letër për komisionin, që jo vetëm ta pranonin në
ushtri, por ta bënin edhe suvari.
FAN S. NOLI DHE
DELEGACIONI GREK
Në konferencën e paqes në Paris, përfaqësuesi i delegacionit
grek, për të bindur të pranishmit se Shqipëria e Jugut është tokë greke, në
mes të tjerash tha se të gjitha kishat në Shqipërinë e Jugut janë me
mbishkrime greke. Fan S Noli që përfaqësonte delegacionin shqiptar, i dha
këtë përgjigje grekut:
"Në pjesën veriore të
Parisit është një kishë me mbishkrimin grek, prandaj Komisioni i Paqes, le
ti japi grekut njëherë Parisin, pastaj kur të dojë të vijë të shohë
mbishkrimet greke në kishat tona."
KËSHILLA E BALZAKUT
Balzakut po i binte në qafë një i patalentuar që i jepte çdo
ditë me dhjetëra faqe për t’i lexuar.
- Dëgjo, - i tha
Balzaku,- ti ke prirje por duhet të lexosh më shumë.
- E çfarë përfitimi do
të kem? – e pyeti ai me naivitet.
- Duke lexuar shumë do
t’ju mbetet më pak kohë për të shkruar...
INJORIMI I VOLTERIT
Një kundërshtar i Volterit i preu rrugën atij duke i thënë:
- Unë nuk ua liroj
rrugën budallenjve!
Volteri bëri me një
anë dhe tha:
- Kurse unë ua liroj
gjithmonë...
SEKRETI I SOKRATIT
Një athinas e pyeti Sokratin:
- Në Athinë ti je mbret i fjalës.
Ku qëndron sekreti i këtij vlerësimi?
- Unë flas vetëm atëherë kur kam
diçka për të thënë.
|
