Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

 Shkruan: Begzat RRAHMANI

ANIJA KOZMIKE

Roman për fëmijë

Romani për fëmijë të autorit Begzat Rrahmani "Anija kozmike" mund ta shkarkoni falas në sektorin

„Literaturë“

      Dikur në fshatin e Yllit me emrin Hapësira jetonin disa mijëra banorë, të pasur dhe shumë të lumtur. Në mesin e tyre ishin edhe dy bashkëshortët me tetë fëmijët e tyre, që s’ ishin të pasur si të tjerët, por edhe këta ishin të lumtur, pasi shpresonin në ardhmërinë e fëmijëve të tyre. Ishin mjaftë të sjellshëm dhe e respektonin kafshatën e bukës, që ua sillnin prindërit e tyre. Ata ëndërronin që një ditë do t’i zhduknin të gjitha vuajtjet dhe kurrë nuk do t’ u mungonte gjë në shtëpinë dhe magjen e bukës.

      Pasi u rritën, një ditë të gjithë u nisën për në kurbet dhe morën drejtime të ndryshme, duke menduar se më shpejt dhe më lehtë do të gjendeshin për punësim. Ditën që u ndanë, rrodhën një lumë lot, duke premtuar shumë njëri-tjetrit dhe prindërve të dashur. Kështu filluan rrugëtimet e para, por me premtimet në kokën e secilit.

      Pas largimit të tyre, shtëpisë i ra një hije e rëndë, sepse nuk e kishte më gjallërinë e mëparshme.

      Ata tashmë ishin larguar dhe rrugëtonin në tetë drejtime të ndryshme. Kaluan fusha, male qytete, krahina, edhe disa shtete bile, por më kot. Asnjëri prej tyre nuk gjeti punë ose vend të përshtatshëm për jetesë. Edhe pse kaluan aq shumë vende, dukej se nuk kishin parë gjë, pasi syve u dilnin vazhdimisht prindërit dhe vëllezërit dhe sidomos motra e vetme shumë e dashur. Ata mendonin se një ditë, kur të kthehen, do ta mbushnin shtëpinë plot e përplot, pasi në xhepat e tyre do të kishin aq para sa nuk do të harxhoheshin kurrë.

      U ndalën në vendin e parë pas Hapsirës dhe kërkuan punë, por kudo hasnin në dyer të mbyllura. Të lodhur e të rraskapitur, vazhdonin rrugën e kurbetit me shpresë për jetë më të lumtur. Lodhja dhe mundimet filluan t’ ua largojë pak nga pak nga truri prindërit dhe vendlindjen, shtëpinë dhe oborrin e dashur plot lule me aromë dhe ngjyra të bukura.

      Udhëtime vazhdonte me plot lodhje, vuajtje dhe rraskapitje prej asaj pune që bënin sa për kafshatën e gojës. Bile, ndodhte shpesh që fitimi ditor nuk u mjaftonte të shuanin as urinë e asaj dite.

      Vetmia dhe skamja ua ngjallte dashurinë për të nxënë krejt atë që u shikonin sytë, prandaj filluan të mos lodheshin më për kafshatën e gojës e as për të kaluarën e tyre. Nga dita në ditë, me dituritë e fituara ata bëni çudira, u binin në sy të gjithë banorëve të atij vendi dhe fama e tyre rritej e rritej. Në fillim krejt ishte në rregull dhe mbretëronte një lumturi nga sukseset e shënuara në lëmin e shkencës dhe teknikës. Këtë sukses dikush e shfrytëzonte për qëllime okupuese, prandaj një ditë filloi ajo lufta shfarosëse për tërë njerëzimin e atyre vendeve. Me aftësitë e tyre ata ngelën të gjallë, por të vetmuar. Dita-ditës mplakeshin dhe rrudheshin nga vuajtja dhe nga vetmia. Filluan të ecin nëpër truallin e atyre vendeve që kishin mbetur të shkreta, por në shumë vende kishin ngelur mbishkrime me emrat e tyre si shenjë respekti për arritjet shkencore. Më në fund, pa dijen e tyre, ato vende i emëruar me emrat e fëmijëve të ardhur nga fshati i YLLIT – HAPSIRA. Ata ecën me ditë, me javë, me maj..., por gjë të gjallë nuk gjetën. Asnjërit prej tyre nuk iu plotësua dëshira dhe amaneti që ia kishin lënë njëri-tjetrit...

            Pjese nga romani për fëmijë "Anija kozmike"