Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: James ALLEN

ASHTU SI MENDON NJERIU

Ky libër jepet për lexim  me miratimin e Daut Demakut

Libri  „Ashtu si mendon njeriu“ u ofrohet të interesuarve për shkarkim falas në sektorin

 „Literaturë“,    www.syri3.com  dhe  http://kalabuli.googlepages.com

E falënderojmë përzemërsisht përkthyesin Ridvan Bunjaku dhe profesorin e nderuar Daut Demaku  për kontributin tejet të çmuar, për  veprimtaritë tejet humane që po i zhvillojnë në ngritjen e vlerave morale e shpirtërore të shoqërisë sonë.

            Mendimi dhe karakteri

            AFORIZMI, "Ashtu si mendon njeriu në zemër, i tillë është", jo vetëm që e përthekon tërësinë e qenies së një njeriu, por është aq gjithëpërfshirës sa që mbërrin në secilën gjendje dhe rrethanë të jetës së tij. Një njeri është pikë për pikë, ajo çka mendon, sepse karakteri është shuma e plotë e të gjitha mendimeve të tij.

            Ashtu si lulëzon bima prej farës, dhe nuk do të mund të ishte pa të, ashtu secili veprim i njeriut lulëzon nga farat e fshehta të mendimit, dhe nuk do të mund të shfaqej pa to. Kjo vlen njëjtë si për ato veprime që quhen "spontane" dhe "të paparamenduara", ashtu edhe për ato që ekzekutohen me vendim të ngadalshëm dhe të kujdesshëm.

            Veprimi është lule-fryti i mendimit, dhe gëzimi dhe vuajtja janë frutat e tij; kështu njeriu e fut në hambar bereqetin e ëmbël dhe të hidhur të ekonomisë së vet bujqësore.

            "Mendimi në mendje na ka bërë neve, çka jemi nga mendimi është gdhendur dhe ndërtuar. Nëse mendja e një njeriu ka mendime të këqija, dhembja i vjen atij ashtu si i vjen demit rrota prapa....

            ..Nëse dikush qëndron në pastërtinë e mendimit, gëzimi e përcjell atë ashtu si hija e vet; sigurisht."

            Njeriu është rritje sipas ligjit, dhe jo krijim sipas trikut, dhe shkaku dhe efekti është po aq absolut dhe jodevijues në botën e fshehur të mendimit sa edhe në botën e gjërave të dukshme dhe materiale. Një karakter bujar dhe hyjnor nuk është çështje e favorit apo e shansit, por është rezultati i natyrshëm i përpjekjes së vazhdueshme në të menduarit e duhur, efekti i asociacionit me mendime hyjnore, të kultivuar për një kohë të gjatë. Një karakter i përbuzshëm dhe i egër, sipas procesit të njëjtë, është rezultat i ushqimit të vazhdueshëm të mendjes me mendime poshtëruese.

            Njeriu bëhet apo zhbëhet nga vetvetja; në koleksionin e mendimeve ai i farkon armët me të cilat e shkatërron veten; ai po ashtu i formëson veglat me të cilat ndërton për vete rezidencat parajsore të gëzimit dhe të fuqisë dhe të paqes. Me zgjedhjen e duhur dhe aplikimin e vërtetë të mendimit, njeriu ngritet në Perfeksionin Hyjnor; me aplikimin abuzues dhe të gabuar të mendimit, ai bie nën nivelin e bishës. Ndërmjet këtyre dy ekstremeve janë të gjitha shkallët e karakterit, dhe njeriu është bërësi dhe zotëruesi i tyre.

            Prej të gjitha të vërtetave të bukura që kanë të bëjnë me shpirtin të cilat janë rikthyer dhe janë nxjerrë në dritë në këtë periudhë, asnjëra nuk është më gëzuese apo më frytdhënëse për premtimin dhe konfidencën hyjnore sesa kjo: se njeriu është zotëruesi i mendimit, skulptori i karakterit, dhe bërësi dhe formuesi i gjendjes, i ambientit, dhe i fatit.

            Si qenie e Fuqisë, e Inteligjencës dhe e Dashurisë, dhe si zotërues i mendimeve të veta, njeriu e mban çelësin për secilën situatë, dhe e përmban brenda vetes atë agjenci transformuese dhe rigjeneruese me të cilën mund ta bëjë veten çka të dojë.

            Njeriu është gjithmonë zotëruesi, bile edhe në gjendjen e vet më të dobët dhe më të braktisur; por në dobësinë dhe degradimin e vet ai është zotëruesi budalla që i keq-qeveris "njerëzit e vet". Kur ai nis të reflektojë për gjendjen e tij, dhe ta kërkojë me zell Ligjin sipas të cilit është ndërtuar qenia e tij, ai pastaj bëhet zotëruesi i mençur, duke i drejtuar energjitë e tij me inteligjencë, dhe duke i formësuar mendimet e veta në çështje të frytshme. I tillë është zotëruesi i vetëdijshëm, dhe njeriu mund të bëhet kështu vetëm duke i zbuluar, brenda vetes, ligjet e mendimit, zbulim që është plotësisht çështje e aplikimit, vetë-analizës, dhe e përjetimit-përvojës.

            Vetëm duke kërkuar dhe duke gërmuar thellë, gjenden diamantet, dhe njeriu mund ta gjejë çdo të vërtetë që lidhet me qenien e vet, nëse do të gërmojë thellë në minierën e shpirtit të tij; dhe se ai është bërësi i karakterit të tij, formuesi i jetës së vet, dhe ndërtuesi i fatit të vet, ai mund ta vërtetojë në mënyrë të pagabueshme, nëse do t'i ruajë, do t'i kontrollojë, dhe do t'i ndryshojë mendimet e veta, duke i përcjellë efektet e tyre në vetvete, në të tjerët, dhe në jetën dhe rrethanat e tij, duke e lidhur shkakun dhe efektin me ushtrim dhe hulumtim të durueshëm, dhe duke e përdorur praktikisht çdo përjetim-përvojë, edhe në ngjarjen më triviale, të përditshme, si mjet për ta marrë atë njohje të vetes që është Të Kuptuarit, Mençuria, Fuqia. Në këtë drejtim, si në asnjë tjetër, vlen ligji absolut që "Ai që kërkon gjen; dhe atij që troket do t'i çelet;" sepse vetëm me durim, praktikim, dhe këmbëngulje të pandërprerë mund të hyjë një njeri në Derën e Tempullit të Diturisë.

            Pjesë nga libri: "Ashtu si mendon njeriu"