Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

AVDI SHALA

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

AVDI SHALA

             Hyrje

           Avdi Shala lindi më 1942 në Kishnarekë, komuna e Drenasit. Mësimet e para i zuri në vendlindje dhe Komoran. Fakultetin filozofik dega Gjuhë dhe Letërsi në Universitetin e Prishtinës.

            Në fillim punoi si mësimdhënës në fshatrat e Drenicës, në Mitrovicë, Kastriot, ndërsa pjesën më të madhe të punës e kreu në ish Elektroekonominë e Kosovës si gazetar në gazetën “Kosova”.

            Me shkrime filloi të merret si nxënës, student.

            Gjer me tani botoi disa vepra për fëmijë:

            Vjersha

            - Lulishtja

            - Xum, xum, xum

            - Ju të mëdhenjtë

            Tregime

            - Vocërraku me tufën e rrezeve

            - Pikniku i shkronjave

            - Gjuha e luleve

            - Abetarja ime

            - Gjuha e Luleve

            - Drenica u ngrit

            - Kur shtatori ishte vogëlush

            Romane

            - Njeriu me kapelë të verdhë

            - Viti i ikjeve

            - Një piknik me tre kreshnikë

            - Dielli me dritare

            - Viti i ndjekjeve

            - Fëmija i padukshëm

            - Viti i ndaluar

            - Lulnaja

            - Miushi magjistar

            Drama

            - Kali, komedi për të rritur

            - Kapedan karameli, drama për fëmijë

            Bashkëpunoi me të gjitha revistat letrare dhe të përditshmet tona. Ishte fitues i disa çmimeve në konkurset letrare. Së fundit u nderua me Sofrën “Ymer Elshani“ të Drenasit. Është anëtar i Lidhjes së Shkrimtarëve të Kosovë dhe Karvanit të shkrimtarëve për fëmijë “Agim Deva”.

            Tani gjendet në pension.

            "Fluturoni, fluturoni", është vepra e tij më e re me poezi.

KUSH NUK BËN TË PRES

Me sa dimë çdokush

Për diçka pret në radhë

Nipi e pret gjyshin

T’i tregojë përrallë.

Në radhë prêt mëngjesi

Të lind dielli i ri

Në radhë pret dhe nëna

Të sjell tjetrin fëmijë.

Në radhë presin shpesh

Të vegjlit dhe burrat

Gjer sa buka e gatuar

Të piqet ndër furrat.

Te sporteli presin

Të paguajnë për KEK

Për kafjall na hahet

Kosi me byrek.

Në radhë pritni dhe ju

Të përgjigjeni për notë

Radhë ka të mjeku

Radhë ka për në botë.

Radhë kanë dëshirat

Radhë kanë çokollatat

Radhë kanë stinët

Udhëtimet të gjatat.

Radhë ka buzëqeshja

Radhë ka urtësia

Por që nuk prêt radhën

Është vetëm liria.

Vetëm Liria

Nuk bën të presë

Ajo duhet të vijë

N’çdo vend ekspres.

KALKUTA, AH KALKUTA

Nënës Tereze

A ka më të dashur

A ka më të urtë

Se nënë Tereza

Kur na i zgjatë duart.

A ka më të dashur

A ka më të shenjtë

Se hapi i pathyeshëm

Se jeta e shtrenjtë.

Vend për të gjithë

Kishte zemra e saj

Gëzimi e vërshonte

Kur s’dëgjonte vaj.

Ditë e natë në sofër

Shujtat ktheheshin

Shpirtrat e molisur

Të mos zhgënjeheshin.

Gëlltiste vuajtje,skamje

Ndoshta dhe vetveten

Kalkuta, ah Kalkuta

Ta zbuste pak jetën.

Rrudhat ia zbukuronin

Buzëqeshjet skamnore

Në te rridhnin lumenjtë

E botës shenjtërore.

Asgjë nuk e ndali

Furtuna e zezona

Përkundi mijëra djepa

N’ vise t’largta e zona.

Agimi sa herë

Diellin ia sillte

Rrezet i bënte tufa

Në kasolle i mbillte.

Pëshpërsinin lulet

Natën bënin dritë

Hapnin shtigje të reja

Ngritnin fëmijët.

Lutjet e përshpirtshme

Tërë botës shtegtonin

Zgjaste e zgjaste jetëra

Kalkutasit rronin.

Dielli ngroh gjithë botën

Njerëzimin dashuria

Vallë, pa nënë Terezën

A zhduket uria?

Uria,vëlla na qenka

Bishë e zezë. Tmerr

Ajo nuk di për mëshirë

Ajo të gjitha i merr.

Bota nuk do t’ ishte botë

Po të mos kishte dhe skuta

Vallë, pa nënë Terezën

Ç’ do të bënte Kalkuta?

Jo, nuk ka më të dashur

Jo, nuk ka më të urtë

Se nëna Tereze

Kur na i zgjaste duart.

NDESHJE ME BUZËQESHJE

S’ është dëgjuar

As është parë

Ndeshja të luhet

Pa asnjë lojtar.

Vallë si bëhet

Loja pa fëmijë

Kush na qenka ky

Ekip më i ri?

Hej, rriten zemrat

Ku fillon jeta

S’ harrohen emrat

Flet e vërteta.

S’mjafton dielli

Me rreze t’ nxehta

Kur në pranverë

Nuk zukat bleta.

Një buzëqeshje

Zgjon tërë klasën

Shkumësi i bardhë

Stolis dërrasën.

Dhe një stilolaps

Brenda një ore

Shkruan detyrat

Në tri fletore.

T’gjitha lojërat

Të njëjtat veshje

Në vend të topit

Vetëm buzëqeshje.

S’ ka hedhje, shtyrje

Pos qafime t’ forta

Golat mungojnë

Pa u prekur porta.

Dhe në fund ndeshja

Mbaron pa gola

Fiton buzëqeshja

Humb vetëm mrrola.

LEPURUSHI SHET PRISHTINËN

Vërtet e çuditshme

Na është kjo botë

Pa pikuar shiu

Bëhet krejt skllotë.

Lepurushi nga uria

Kur e kruan shpinën

Për një karotë

E shet krejt Prishtinën.

Ndërsa zonja dhelpra

Kur ëndërron gjelin

Vetëm për një kofshe

E fal Grand Hotelin .

Ujku dhëmbë tërfurku

Kur ndjen uri në bark

Nga mali zbret

Mishin e ka merak.

Në mes të livadhit

Kalit i vërsulet

Shkelmit budallai

Tërë dhëmbësh shkulët.

QUKAPIKU DOGANIER

Me vi t’agimit

Mu nga Pashtriku

Zbriti në qytet

Vet qukapiku.

Pa ndonjë konkurs

Pa ndonjë shpallje

U bë doganier

Kjo s’është tallje.

N’fillim kërkoi

Nga pranvera

Lulet të çelin

Me karamela.

Ndërsa fëmijët

Posa të zgjohen

Me çokollata

Të ëmbëlsohen.

Edhe bonbonet

Shpejt të shkrihen

Kur nga fëmijët

Zënë t’lëpihen.

Kësaj pranvere

Të gjitha bletët

Mjaltë të mbledhin

Me trotinetët.

Dikush për këtë

Doganë nëse merr

Beli bishtin

Krejt ia nxjerr.

XHEPI I GJYSHIT

Pa pantallona nuk ka xhepa

Pa xhepa ku rin kuleta?

Xhepi i gjyshit muajin e pret

Që ta gëzojë nipin e vet.

Një ditë lejleku në xhep i futet

Ta hajë drekën paksa ngutet.

Por asgjë nuk bie në kaqep.

Ah,xhepi xhep asgjë s’i jep.

Xhep xhepushi flet lejleku

Ku është dreka,ku është leku?

Xhepi lejlekut shkurt i shpjegon

Tërë muajin mezi e përfundon.

Pensioni i vogël,për nipin s’i del

T’i blej së pakut ndonjë karamel.

Më mirë të jam në moçal lejlek

Se në xhep t’ gjyshit pa asnjë lek.

ÇKA NUK NDODH NË BOTË

Një kangur hiç pa duar

Në qytet

Nget veturë.

Buburreci nga Rahoveci

Pin shurup

Se i djeg speci.

Ndërsa ujku për një dash

E la kokën

Në Dragash.

Një gomar veshllaposh

Për pak misër

Mbet në kosh.

Pa mahi, thotë djali

Breshka lodron

Mu si kali.

N’sa pula n’ ëmbëltore

S’ ka të ngirë

Me akullore.

Ndërsa gjeli me bijë t’vetë

Mban koncert

Në internet.

Daci im për një copë mish

La mustaqet

Në qervish.

Elefanti kur gjëmon

Doktor arushi

Në vesh e shpon.

Iriqi donë më shumë miq

Por me gjemba

Krijon armiq.

Majmuni çudi, për çdo mëngjes

Thonë se lahet

Deri në brez.

E gjirafa larg në Azi

Për kravatë

Ka shumë fëmijë.

Gjyshja Razë në Poklek

Tërë jetën

E shkoi në vek.

Kështu kënga vazhdon udhën

Gjyshi trim

Na e ruan kullën.

FLUTURONI, FLUTURONI

Ditës Ndërkombëtare të fëmijëve

Ju pëllumbat tanë

Që sot festoni

Fluturoni, fluturoni

Ku të doni.

Është dita më e bukur

Dita e juaj

Mos keni frikë

Prej askujt.

Mu në këtë shesh

Të bukurin shesh

Dikush si lulëkuqja

Ju buzëqesh.

Këtu shndrisin

Me mija rreze

Nga sytë e Diellit

Nënës Tereze.

Në këtë vend

Të bukurin vend

Vaji i dikurshëm

I kthyer n’ gazmend.

Nga Kruja

Erdhi Skënderbeu

Gëzojmë ne

Gëzon Atdheu.

Buzëqesh Kosova

Me dashuri ju rriti

Buzëqesh Adem Jashari

Zahir Pajaziti.

Fluturoni, fluturoni

Pëllumba të shkruar

Kapni lartësitë

Kaherë të ëndërruar.

Ju keni shumë zemra

Për lumturinë

Këndoni për luftëtarët

Që sollën lirinë.

Hej, s’ ka më të dashur

Nuk ka më të shenjtë

Se fitorja për atdheun

Se liria e shtrenjtë.

Buzëqeshni pëllumba

Dhe këtë pa ndërprerë

Buzëqeshja juaj

Dimrin e bënë verë.

Buzëqesh Kosova

Buzëqesh pa frikë

Mikun më të madh

Atje në Amerikë.