Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

BEDRI TAHIRI

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

BEDRI TAHIRI

            Hyrje

          Bedri Tahiri u lind në Galicë të Drenicës më 1956. Mësimet e para i mori në Vendlindje, ndërsa të mesmet në Gjimnazin e Skënderajt. Studimet i mbaroi në Universitetin e Prishtinës, dega Letërsi dhe Gjuhë Shqipe. Që nga janari i vitit 1980 ligjëron lëndën Gjuhë dhe Letërsi Shqipe në Gjimnazin “Eqrem Çabej” të Vushtrrisë.

        Krahas punës edukativo-arsimore dhe veprimtarive të tjera shoqërore, merret edhe me artin letrar. Me shkrime ka zënë të merret qysh herët. Shkrimet e tij letrare- historike- dokumentare- publicistike mund t’i gjesh nëpër faqet e revistave e të gazetave shqipe që dalin në Prishtinë, në Tiranë e në mërgatë. Merr pjesë nëpër Simpoziume e Sesione shkencore me tema hulumtuese  shkencore. Është anëtar i Lidhjes së Shkrimtarëve të Kosovës dhe i Klubit të Shkrimtarëve dhe Artistëve të Durrësit.

       Gjatë tërë kohës së luftës sonë çlirimtare qëndroi në shkrepat e Arbërisë së Vogël, përkrah luftëtarëve të lirisë, duke mbajtur shënime e ditar lufte dhe gëzon statusin e Veteranit të UÇK-së.

            Deri sot, pa i përmendur librat si bashkautorë, ka botuar këta libra:

            Azem Bejtë Galica, 1995

            Përmendorja që mungon, 1997

            Hys Popova- një yll në Yllësinë shqiptare, 1998

            Adem Jashari- legjendë e legjendave, 1999

            Përjetësia, 2000

            Agu i lirisë (e ribotuar dy herë), 2001

            Drenica- një shekull trimëire  (u  ribotua tri herë),  2002

            Përtëritja, 2002

            Flakadanët e lirisë1, 2004

            Drejtësia në sprovë, 2005

            Azem Bejtë Galica (botimi i  dytë i  plotësuar), 2005

            Flakadanët e lirisë 2, 2006

            Nga Shqipëria në Shqipëri, 2007,

            Flakadanët e lirisë 3, 2007,

            Adem Jashari- legjendë e legjendave (botim i nëntë), 2008,

            Hasan Prishtina- Truri i Lëvizjes Kombëtare Shqiptare, 2008,

            Abdyl Krasniqi-  frymëzes brezash, 2009,

            Diferencimi (Tregime),2010,

            Për Flamurin kuqezi, 2010),

            Vesel Galica atdhetar dhe mentar i shquar (2010),

            Nё Grykё tё Valbonёs (2011), 

            Flakadanёt e lirisё 4 (2012,

            Ramadan Bajraktari...(2012),

            Përsiatje recensionale  (2013),

            Gur i diellit shenjëtor  (2013) dhe

            Atdhetarizmi jeton në përjetësi (2013),

            Përmendorja që mungon, 2014,

            Toponomia e Galicës, 2014.

            Gjeografia e veprave të Bedri Tahirit është e plotë, ajo përfshin gjithë Trojet Etnike Shqiptare. Edhe idetë e veprave bartin mesazhe të qarta dhe të gjitha nënkuptojnë synimet tona shekullore që konsistojnë në ribashkimin tonë kombëtar.

            Ky krijues i palodhur nuk pushon për asnjë çast. Pena e tij e mprehtë nuk i lëshon lehtë as dukuritë negative të aktualitetit tonë shoqëror. I ka të gatshme për botim edhe këta libra:

            Fehmi e Xhevë Lladrovci- të pandarë edhe në përjetësi,

            Përshtypje nga Franca,

            Flakadanët e lirisë 5,

            Jashar Jashari- Komandant “DURAKU”,

            Leksikoni i trimave të Drenicës,

            Xhemë Tërnafci- Sugari i Çetës etj.

         Kohë më parë doli nga shtypi libri “Opusi krijues i Bedri Tahirit- lapidar për dëshmorët e lirisë”, përgatitur nga Zenun Gjocaj e Xhavit Aliu

PËRBETIM

Oj Drenicë me fusha e gropa

Kurrë s’ durove lot e robëri

Barbaria të qëllojë me topa

Bijtë e tu të thuren lavdi

Ky Prekazi i Prekë Kuçit

Hanedan gurrë e trimërisë

Bacalokët në kullë prej tuçit

Përtërinë veprën e Ahmet Delisë

Ballë oxhakut Shaban Jashari

Flet me zemër e po bën be

Na erdhi dita për së mbari

Ta bëjmë vdekjen si me le

Hamza në qoshe dredh mustakun

Dhe me turr përjashta mësyn

Me bombë në dhëmbë ndalon tankun

Në gjoks granatat po i shkrinë

Adem trimi një djalë dragua

Ia thotë këngës me piskamë

Gjakatarët zunë me u tmerrua

Nuk po  zinte as dera në lëmë

Tri herë doli jashtë rrethimi

Po si shqipja me krah të lehtë

Sa ia ndjente pushkën Kushtrimit

 Sërish kthehej në folën e vet

Tymi e flaka ngriheshin në qiell

Përplot gjak na u mbush fusha

 S’dukej hënë as  s’dukej diell

 Pushoi kënga e u ndal pushk

U zbardh koka e Qyqavicës

Bari i njomë u nxi nga dheu

Foli busti i Azem Galicës:

 Të lidhim besën si Skënderbeu

Të gjithë tok të përbetuar

Mbi këto varre të lavdisë

Të ecim rrugës së trasuar

 Nga Luftëtarët e L I R I S Ë !

I TAKOI BESARTA

Në Prekaz buzё kodre

Fort jehoi kushtrimi

Tri ditë e tri net

Nuk pushoi gjëmimi

Si n’bedena kёshtjelle

Vdekjen sfiduan burrat

Me gjoks e me krisma

ç’i pritёn plumbat

Bie Shaban Jashari,

Hamza dhe Ademi,

Gjёmon kullё e vjetёr

Dridhet i gjithё vendi.

Tymi ngrihet lart

Besarta thërret,

S’ka kush e dёgjon,

S’ka se kush  i flet

...Atje tek livadhi,

Atje nё lëndinë,

I takoi Besarta

Tek prisnin lirinё.

LIRIA

Më e ëmbël se mjalti,

Më e bukur se lulet,

Më e bardhë se bora,

Më e kthjellët se loti,

Më e shijshme se buka,

Më e thellë se deti,

Më e lartë se qielli,

Më e ngrohtë se dielli,

Më e ndritshme se hëna,

Më e shtrenjtë se jeta,

Më e dashur se dashuria,

Qenkësh vetë LIRIA!

PAVARËSIA

Nëpër mote, dekada e shekuj

Për trojet tona u flijuam

Dhe  pemën e ujitur me gjak

Asnjëherë nuk e shijuam

Brezi brezit amanet

Gjakimet për LIRI

Luftërat dhe sakrificat

Të dhanë shpirt PAVARËSI

Sot erdhe me këmbë të mbarë

Oj Nuse me shumë prikë

Në ballë të shkëlqyeka madhërishëm:

K O S O V A  R E P U B L I K Ë!

PREHU NË PËRJETËSI

(Profesor Fadil Sulejmanit)

Mbrëmë fort më theri zemra

Nga lajmi i hidhur në TV- e

Profesor, pse aq papritur

Ike me vrap e na le?!

Në gjimnaz më dhe latinisht,

Gjatë studimeve morfologjinë,

Fjalët i gjurmoje në rrënjë

Çdo orë ua bëje autopsinë.

Sa herë me nxënësit e mi

Mësojmë nga Praktikumi yt

Do të kujtojmë, i nderuar:

Prehu i qetë në Përjetësi!