Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Eknath EASWARAN dhe Diana MORRISON

Përzgjodhi dhe shqipëroi Ridvan BUNJAKU

BHAGAVAD GITA E SHQIPËRUAR

Librin e shqipëruar nga Ridvan Bunjaku "Bhagavad Gita e shqipëruar" mund ta shkarkoni falas në sektorin

„Literaturë“

dhe në

https://botimetrb.wordpress.com

(E falënderoj përzemërsisht shqipëruesin)

KAPITULLI DHJETË: BUKURIA MADHËSHTORE HYJNORE

Krishna është dielli, i adhuruar në Indi që nga kohërat e lashta. Ai është Indra, kreu i zotave Vedikë, zotëruesi i stuhisë dhe i betejës, që e hedh rrufenë kundër armiqve të zotave.

Krishna shkon më thellë në zbulimin e qenies së tij hyjnore duke e zbuluar veten si burimi nga i cili vijnë të gjitha gjërat, Ai Njëshi që është realiteti prapa të shumtëve. Megjithëse burimi i të gjitha virtyteve, ai është edhe realiteti vendimtar që i transcendona të gjitha të kundërtat. Kështu ai është edhe lumturia edhe vuajtja, vdekja dhe jeta, qenia dhe joqenia. Si Brahmani i Upanishadeve, ai është përtej dualitetit, krejtësisht përtej kategorive kufizuese të gjërave të kësaj

bote. Natyra e tij e vërtetë është përtej mundësive të mendimit. Ai mund të njihet veç në gjendjen e samadhit, ku njohësi dhe e njohura bëhen një.

Arxhuna e quan Krishnën Purushottama, “Purusha suprem, Personi suprem”. Krishna tani nuk është karrocier njerëzor, por Bhagavani, “Zotëruesi jashtëzakonisht bujar”; dhe Arxhuna, duke e lënë prapa personazhin e tij luftëtar, tash rri i zbuluar si kërkues i të vërtetës. Me kërkesën e Arxhunës, Krishna tani i zbulon disa nga fuqitë dhe atributet (vibhuti-t) e tij hyjnore.

Nga kjo pikë e tutje kapitulli bëhet i vështirë për shkak të shumë emrave të panjohur që përmenden. Në çfarëdo kategorie, Krishna është kryesori, më i miri, më intensivi, më i bukuri, më mbresëlënësi, esenca. Shumë nga aludimet do të jenë të njohura – për shembull, ndër lumenjtë Krishna është Gangu. Por shumë nga emrat vijnë nga mitologjia hindu dhe nuk janë të njohur. Këtu nuk ka hapësirë për ta shpjeguar secilin emër, por paragrafët vijues do t’i theksojnë disa të rëndësishëm.

Së pari, Krishna është Atmani, Vetja e brendshme në të gjitha qeniet. Është me vend të përmendet kjo e para, se nga të gjitha manifestimet e tij të shumta ky është më i rëndësishmi, të paktën për aspirantin shpirtëror që përpiqet fort – që është Arxhuna. Krishna është Vetja më e brendshme e Arxhunës, dhe kështu duhet të njihet ai në reflektim. Nga të gjitha format në të cilat duhet të meditohet mbi Krishnën, Atmani përmendet i pari.

Krishna është Vishnu, Zoti i madh dashamirës, kultivues i besimit hindu. Është Vishnu që i interesojnë kaq shumë vuajtjet e Nënës Tokë dhe fëmijëve të saj sa që vjen në tokë përsëri e përsëri, epokë pas epoke, për ta lehtësuar shtypjen dhe për ta ripërtërirë drejtësinë.

Krishna është dielli, i adhuruar në Indi që nga kohërat e lashta. Ai është Indra, kreu i zotave Vedikë, zotëruesi i stuhisë dhe i betejës, që e hedh rrufenë kundër armiqve të zotave. Në fenë Vedike ai është zotërues i fuqishëm, me të cilin nuk a tejkalon bëhet shaka, por më vonë ai duhet ta pranojë humbjen nga duart e Krishnës, që i mbron njerëzit nga zemërimi i stuhishëm i Indrës.

Krishna është edhe Shankara, aspekti më ndihmëtar i hyjnisë mahnitëse Rudra, që njihet më shumë si Shiva. Ndër malet Krishna është Meru, shtëpia e lartë malore e Shivës dhe e zotave të tjerë, maja më e lartë dhe qendra e botës. Krishna është vetëdija, rrokja Om, dhe mantra apo emri i shenjtë. Ai është kali mitik dhe elefanti përrallor që u prodhuan kur oqeani kozmik shpërtheu për eliksirin e pavdekësisë...

Pjesë nga libri “BHAGAVAD GITA E SHQIPËRUAR”