Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

BILALL MALIQI

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

BILALL MALIQI

             Hyrje

            Bilall Maliqi, shkrimtar, poet e publicist, u lind më 08.04.1969 në fshatin Elez Bali, komuna e Preshevës. Shkollën fillore dhe të mesmen Grafike në Preshevë. Ka ndjekur kursin e gazetarisë dhe të fushës së trajnimeve gazetareske. Shkruan poezi dhe prozë për fëmijë e të rritur, merret edhe me kritikë letrare. Është themelues dhe kryeredaktor i revistës letrare "Qëndresa" që del në Luginë të Preshevës. Është kryetar i Shoqatës së Shkrimtarëve "Feniks" në Preshevë; Është Anëtar i Lidhjes së Shkrimtarëve të Kosovës; Anëtar i Ars Club "Beqir Musliu" Gjilan; Anëtar i bordit drejtues "Atunis”  Kryetar i “Atunis Lugina” me seli në Preshevë. Jeton dhe vepron në Preshevë.

            Veprat letrare:

 

            1.Rrugëtimi- poezi për të rritur. Sh.b. “Feniks” Preshevë(2004);
            2.Rrugëtim përjetësie-poezi për të rritur.Sh.b.”Perspektiva” Bujanoc (2005);
            3.Gëzim dhe drojë- tregime. Sh.b. “Kurora” Gjilan (2005);
            4.I lutemi Zotit- poezi fetare. KBI Preshevë (2006);
            5.Perëndim i varur- poezi për të rritur. Shb. “Kurora” Gjilan (2006);
            6.Kodra e luleve-poezi për fëmijë. Sh.b “Feniks” Preshevë (2007);
            7.Vula e kohëzezës- poezi për të rritur. Sh.b. “Abdulla Krashnica” Preshevë (2007);
            8.Shtëpia afër pyllit-tregime për fëmijë. Sh.b. “Feniks” Preshevë (2008);
            9.Gërfyejt e shpresës-poezi për të rritur. Sh.b. “Feniks” Preshevë (2009);
            10. Ide të trazuara-intervista me shkrimtarë. Sh.b. “Perspektiva” Bujanoc (2009);
            11. Lutje të lagura –poezi për të rritur. Sh.b. “Kurora” Gjilan (2010);
            12. Mbresa vrojtuese- vështrime letrare. Sh.b.”Kurora”, Gjilan (2010);
            13. Hëna flet me lule –poezi për fëmijë. Sh.b. “Nositi” Dardanë (2010);
            14. Hullive artistike-vështrime kritike. Sh.b. “kurora”, Gjilan (2011);
            15. Nën strehën e kujtimeve (Sotto la gronda dei ricordi)- poezi për të rritur (shqip –italisht). Sh.b. “Beqir Musliu” Gjilan (2012);
            16. Në thellësi të ëndrrës- poezi për të rritur. Sh.b. “Beqir Musliu” Gjilan (2012);
            17. Aforizma. Sh.b. Feniks” Preshevë (2013);
            18 Semantika e shtrirjes krijuese-vështrime kritike. Sh.b. “Beqir Musliu” Gjilan (2013).

            Antologjitë:

 

            Panoramën e krijuesve të Kosovës Juglindore "Psherëtimë për tokën" të shkrimtarit Hysen Këqiku (2004); 
            Në leksikonin "Autorë të letërsisë shqiptare për fëmijë e të rinj 1886-2009” të prof. as. dr. Astrit Bishqemit;
            Në Antologjinë poetike shqip-suedisht "Baladë e përflakur" (Fllammande ballad) të Sokol Demakut, (2009);
            Në Antologjinë poetike "Jehona e shekujve" të Sokol Demakut, (2010);
            Në Antologjinë poetike Ndërkombëtare “Korsi e hapur” (Open lane) e Kristaq Shabanit, (2012);
            Në Antologjinë poetike të Dr. Fatmir Terziut “Lotët e virgjër” (Virgin Tears), (2012);
            Në Antologjinë poetike belge frëngisht-shqip “Anthologie de poètes albanophones”, (2012)

LOTI LOTOI

Sot përsëri
ma gërvishe plagën e vjetër

gjaku ma rinoi dhembjen
veç ofet tani më janë lodhur

brenda ëndrrës nuk e dëgjova
as më të voglën psherëtimë

se ka kohë që isha djersitur
në pritje të fjalës ndjesë

medet…edhe sot sikur dje
loti lotoi faqeve të nxira të kohës.

 NË ATË PIKË

Ti më pret diku në cakun e harruar
Unë e humba fillin duke të kërkuar

Çdo gjë ngatërrohet në atë pikë
Kur e keçja përherë të zë në pritë

Po u veshe e tëra me timin shikim
Do të rrezatosh kudo me shkëlqim.

MI PËRKUNDE NDJENJAT

Si në djep m’i përkunde ndjenjat
Ashtu të përziera para portës së gjumit
Ëndërrimthi psherëtinë fjalën dashuri

Ranë kufijtë çoroditës, u shembën kullat
Durimi u fry brenda kallëpeve të dhembjes

Lot si shi rridhnin nëpër dy faqe të ndara
E pikonin mbi gjethin e lules së vetmuar

Kur ndjenjat fshiheshin pas vrimave të mallit
Mendime të hallakatura gufonin në mua
Si kasnec në betejë të dashurisë së munguar.

 DASHURISË SË PARË

Sa lot derdhe si gurrë për mua
Timen zemër ma bëre përrua

Sa ardhje shpesh t’u ndaluan
Mal drithërimash të kapluan

Sa dhembje hënës ia shpalove
Para të ziut kurrë s’u dorëzove

Dashuri e gravuar në timen zemër
S’ka vend tjetër pos tëndit emër.

 PAMJE LAKURIQËSIE

Nëpër sa porta ëndrrash kalove këtë natë
Nën përcjellje të rojeve gati të përgjumura

Në një kthinë të natës merimanga bën punën e vet
E ti i numëroje vitet e ikura vijëzave të rrjetit të ri

Një dallgë malli mezi u fut në brendinë tënde
Si një hije u palua në lëpizën krejt të shkaravitur

Kohës në qafë ia vare kujtimet posi një gushore
Poshtë gjoksit si stoli shkëlqimi në mes të errësirës

Ç’pamje lakuriqësie në shtrat mbrëmë të pikturoi hëna
Dritares së zhveshur nga perdja e përhirtë e natës

E agimi i ri t’i zbuloi ca djersë hullive të holla të ballit
Që lagur kishin nënkresën e bardhë tok me bardhësinë.

ORIENTI I DASHURISË

Zbrite një trohë mall më dorën time të zbrazur
Se moti kohë shuplakës sime i ka humbur ngrohtësia

I harruar dhe i braktisur ishte diku udhëve të labirintit
Herë i gufuar, herë i humbur nëpër kthina të harrimit

Zbrite veç një shikim kah pika e orientit të dashurisë
Ta heq pak mall të trazuar brenda shpirtit tim të djegur

Dhe lërmë të shkrihem i tëri para syve të tu të përlotur
E të ofshaj pa pra për kohët e tretura diku në errësirë.

 E ÇASTIT…

Sa dëshira të vjetra sot në gjoks m’u shkrinë
Dhe shumë kujtime barkut të gjethit u shtrinë

Nëpër vrima ëndrrash futet hija ime çdo natë
Zhvesh lëkurën e vetmisë të asaj kohe të ngratë.