Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Lulzim GASHI

DASHURIA DHE FAMILJA

      Posa gjenet të marrin informacionin se personi përballë syve tanë ka një strukturë gjenetike të fytyrës, trupit që i përshtatet karakteristikave të gjeneve tona, menjëherë truri ngarkon të gjitha shqisat dhe çdo muskul e ushqen të reflektoi elasticitet - vihen në lëvizje muskujt e fytyrës, hynë në veprim buzëqeshjet sa ma të bukur të mundshme, krejt kjo për ta joshë tjetrin.

            Thuhet se pasuria më e artë që ekziston mbi rruzullin e tokë është familja! Ashtu është dhe s’ka tjetër përveç familjes.

            Por, për të pasur një familje të ekuilibruar, të shëndoshë, të hareshme, me respekt të ndërsjellë është krejtësisht e qartë se furnizues kryesor i dashurisë së paskajshme në familje janë gjenet dhe vetë faktori njeri.

            Se familja është e shenjt, s'ka fjalë.

            Të gjithë e dimë se zanafilla e formimit, ndërtimit apo e lindjes së një familje, buron që nga ai çasti magjikë kur një qift (gjini të ndryshme) dashurohen e pastaj dalëngadalë kurorëzohen me martesë. Krijohet familja duke mos i përmendur ritualet, traditat që janë faktorë alternativë në ndërtim e sajë, e gjithsesi, pa e lanë anash edhe komponentin kryesorë lidhës që është seksi.

            Por, në të vërtet: çka është dashuria, si lindë kjo?!

            Rreth kësaj pyetje ka pafund komente, përshkrime ide nga më të bukurat në më të lumturat!

            Kemi dëgjua sa e sa rrëfime nga tjerët, se si u dashuruan, se si ju lindi dashuri:

            "U dashurova në shikim të parë"!

            "S’di - veç ashtu ndodhi! Po na ishte kësmet e qe besa edhe e shkrueme nga Zoti" etj., etj!....

            Pse jo, përgjigje dhe përshkrime të bukur, por në të vërtet, si lindë dashuria?

            Miq të nderuar, së bashku ta kompletojmë çelësin e lindjes së dashurisë!

            Çarls Darvin, duke e quajtur jetën lufta për ekzistencë na ofron të dhëna faktike duke ekuilibruar teori ciklesh për lindjen, strukturën zhvillimit dhe shuarjen e jetës te bota bimore dhe ajo shtazore.

            Kemi lexuar për faktet që na i ofron Darvini, si p.sh., te shpezët, ku në luftën për dominim dhe ekzistencë (se si behet zgjedhja e duhur e partnerit për çiftëzim, për bartjen e gjeneve sa me te shëndosha te pasardhësit etj.) është ajo fuqia e ngjyrave dominuese, madhësia e trupit, zëri etj., që janë karakteristikat kryesore te shpezët për të pranuar partnerin ma të mirë të mundshëm, duke i bartur gjenet e veta te pasardhësit tjerë.

            Po ashtu, njëjtë është edhe te bota bimore. Edhe te bimët, disa lëshojnë rrënjë, disa kanë ngjyra joshëse (sidomos bimë, ku insekte kanë procesin e polenit sa me të frekuentuar), disa rritin shtatin, vetëm e vetëm që të dominojnë në hapësira ma të mëdha ambientale etj.

            Por t'i kthehemi lindjes së dashurisë në shikim të parë te qenia njerëzore dhe ta kuptojmë se a lind me të vërtetë dashuria në shikim të parë, dhe kush janë faktorët që na nxisin që ne të dashurohemi?

            Thjeshtë, për të mos hy në anatominë e trupit, të gjithë e dimë se trupi ynë është i ndërtuar nga qelizat, gjenet etj. Me një fjalë  - gjenet janë ato që përcaktojnë - ndërtojnë strukturën e trupit.

            Ne jemi dëshmitar se në jetën e përditshme shohim lloj- lloj femre të bukur, apo anasjelltas, meshkuj të bukur, por pyetja është - pse?

            Pse pra atëherë nuk dashurohemi në të gjitha femrat apo meshkujt e bukur që i shohim në këtë botë 7 miliardëshe qenie njerëzore?!

            Kujdes me vëmendje: TA DINI SE NË KËTË BOTË ÇDO FYTYRË E NJERIUT ËSHTË E BUKUR - NUK EKZISTON ASNJË FYTYRË E SHËMTUAR!

            Po si ka mundësi qe 7 miliard njerëz mbi tokë te gjithë të jen te bukur?!

            Kemi  dëgjuar shpeshherë që thuhet: jaaa bukuria fletë vetë, ishte si mollë, ishte si llokum, ishte djalë bukuroshë etj!...

            Atëherë, nëse bukuria fletë vetë, pse nuk dashurohemi në çdo kalimtar rasti që e takojmë (fjala është për gjithë ata njerëz të pashëm, të bukur që i shohim çdo ditë)?!

            Miq të dashur, për ta kuptuar këtë ma qartë, ja disa të dhëna që sjellin deri te lindja e dashurisë në shikim të parë:

            Vetëm gjenet e trupit janë ato që përcaktojnë se kurë, dhe më kë, ne të dashurohemi, sado që ne shohim femra apo meshkuj të bukur, edhe për ata që thuhet: "ishte aq i bukur si të kishte yll në ballë." Por pse vallë nuk arrijmë që asnjëherë të dashurohemi me të gjithë këta/to bukurosh/e?

            Sepse e ceka më lartë, jemi diku 7 miliardë njerëz mbi tokë, por fakti është se, edhe femrat apo meshkujt  që "nuk" janë të bukur, edhe këta dashurohen, edhe këta krijojnë familje normale, edhe këta do të kenë pasardhës të shëndoshë e të lumtur sikurse gjithë të bukurit!

            Sytë tanë, në momentin e vrojtimit të një personit tjetër përballë nesh, bartin informacione deri te truri ynë përmes sinapsave nervore, dhe nga truri përsëri barten e reflektohen të dhënat deri te gjenet.

            Gjenet i ngjajnë një mikpritësi që ka një mysafirë për zemër!

            Me të kuptuar se në derën e tij po troket mysafiri i zemrës,  hapet dera me dashurin ma të madhe shpirtërore, urdhëro mikë, mikeshë, shokë, dashamirë apo kushdo qoftë tjetër i-e dashur për të.

            Në të njëjtën mënyrë, siç e ilustrova simetrinë e gjeneve me një mikpritës shtëpie, ashtu pra, posa gjenet të marrin informacionin se personi përballë syve tanë ka një strukturë gjenetike të fytyrës, trupit që i përshtatet karakteristikave të gjeneve tona, menjëherë truri ngarkon të gjitha shqisat dhe çdo muskul e ushqen të reflektoi elasticitet - vihen në lëvizje muskujt e fytyrës, hynë në veprim buzëqeshjet sa ma të bukur të mundshme, krejt kjo për ta joshë tjetrin.

            Miq të dashur,

            Nëse dëshironi mund ta quani si Big-Bang i dashurisë, ose - dashuri në shikim të parë por, një është e vërtetë, se pa dhenë sinjalin gjenet, sado të shohim individ të bukur, s’do të ketë lindje, as të dashurisë në shikim të parë, as në të dytë e as në shikime të tjera...

            T'i kthehemi sërish familjes. E ceka që në fillim se thuhet: pasuria ma e artë që ekziston mbi rruzullin e tokës është familja! Ashtu është dhe s’ka tjetër përveç familjes.

            E ceka, po ashtu, se: për të pasur një familje të ekuilibruar, të shëndoshë të hareshme me respekt të ndërsjellë është krejtësisht e qartë se furnizues kryesor i dashurisë së paskajshme në familje janë gjenet dhe vetë faktori njeri.

            Struktura e bashkëjetesës për një familje me të gjitha atributet pozitive, kompakte është si fakt i rolit të mirëkuptimit në mesë dy prindërve në familje.

            Mirëkuptimi në familje s’është që u zbulua rastësisht, mirëkuptimi u lindë me vetë lashtësinë e njeriut dhe është si peshorja e drithit, që pas të korrurave, peshon djersen e punëtorit dhe dembelit!...

            Sa herë që flasim për familjen duhet të jemi të kujdesshëm, por tërthorazi nuk do lëmë anash pa i cekur disa shembuj që, sadopak, ndoshta mundë të jenë si një daulle e akorduar për vetëdijesimin e shoqërisë me fokus - familjen e shëndoshë.

            Ne atë familje ku ka mirëkuptim, ka edhe begati. E për të arritur deri te bërthama e suksesit te një familje, për të qenë familje e lumtur, në harmoni te plotë, ku fëmijët të pasurohen me kulturë autoktone, të pasurohen me njohuri bashkëkohore, rolë kyçë kanë dy prindërit, pastaj vije rrethi familjar, shoqëria e dikur deri te vetarsimimi i plotë përmes studimeve akademike.

            Shpeshherë dëgjojmë se prindi është shtylla e konakut, hajati, kulmi, dyshemeja ose oxhaku etj.

            Unë jam përpjekur që përmes leximit, informatave të ndryshe, nga jeta e përditshme, nga burimet autoktone, të dhënat gojore, të shkruara e të lexuara por, miq të dashur, siç thuhet popullorçe: Sille kah ta sjellësh, shumica e informatave po ma afrojnë një përgjigje si më të saktë! E kjo është: se, femra (NËNA) është Abetarja e fëmijëve - nëna është Universiteti i fëmijëve, 95% e edukatës, kulturës është si rezultat falë nënës si mësimdhënëse, edukatore e mbi të gjitha, si Shenjtore e pastër e universit që ushqen fëmijën e vet, përpos bukës, me ushqimin e shpirtit, është ajo që fëmijën e vetëdijeson të jetë i pavarur për jetën.

            Pra, QELIZA E ARTË e familjes së suksesshme është NËNA.

            Po ashtu, të njëjtin rolë e hasmi pa kurrfarë kontestimi, edhe te shtazët dhe shpezët.

            Vazhdon...