Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan:Kalosh ÇELIKU

DUDUMI

gërhet për Liri

Librin e autorit Kalosh Çeliku, "Dudumi gërhet për Liri" mund ta shkarkoni falas në sektorin

„Literaturë“

(E falënderojmë përzemërsisht autorin)

            Prolog

            LAVDI “heronjve” të Xhadisë

            Një popull që t’i arrijë qëllimet e tija kombëtare, patjetër i duhen rrugës për në Baba Tomorr: njerëzit e ditur, pas tyre vijnë të pasurit. Dhe, në fund populli.

            Populli, që i ka me vete këto tre faktorë të rëndësishëm, a mund të ketë probleme për t’i realizuar qëllimet e tija shekullore? Jo. E them këtë se, një populli i duhen këto tre faktorë të rëndësishëm për të Nesërmen.

            E, a i ka populli shqiptar këto tre faktorë për të Nesërmen? Jo. E them me plot gojën. E ka vetëm faktorin e tretë, popullin. Po, jo edhe njerëzit e ditur dhe të pasur, të cilët i prijnë në ballë popullit.

            Popullit shqiptar, në ballë duhet t’i pri Truri e jo B-ja e Madhe e shtypit. Fatkeqësisht, deri më tani (hiq Rilindasët), populli shqiptar në ballë e ka pasur B - në e Madhe të shtypit. E, jo Trurin. B -në e Madhe të shtypit e ke në Qeveri. B- në e Madhe të Shtypit e ke në Parti Politike. B - në e Madhe të shtypit e ke në Ministri. B - në e Madhe të shtypit e ke gjithkund: në internet, gazetat e tyre partiake, emisione televizive, debate. B - ja e Madhe e shtypit ka edhe “Facebook -un” me më shumë miq të regjistruar edhe me liderët e partive politike. B - në e Madhe të shtypit e duan partitë politike. E do Qeveria. E do Shteti. Vetëmse, fatkeqësi kombëtare: B - në e Madhe të shtypit nuk e do vera, poezia. Dhe, gratë.

            Ditën e Madhe, kur ky popull legjendar do të ketë në ballë Trurin e jo B - në e Madhe të shtypit, besoj se nuk do të ketë probleme politike t’i realizojë aspiratat e tija shekullore brez pas brezi.

            Edhe Manifestimin Kulturor Tradicional Ndërkombëtar: TAKIME NËN RRAP, ne e organizojmë falë vullnetit të poetëve. Fuqi mendore kjo, në ballë të popullit, që më së shumti është goditur në këtë kohë “demokratike” nga B -ja e Madhe e shtypit.

            E, për sa u përket Partive Politke Shqiptare, Ministrisë së Kulturës në IRJ të Maqedonisë, ky Manifestim Kulturor Tradicional, është përpjekur të ngulfatet moti kohë me të dyja duart. Shkaku, se: e ka rrokur për fyti B - ja e Madhe e shtypit.

            Megjithatë, ne jemi poetë që kemi dalë në ballë të popullit. Nuk lejojmë që ky Manifestim Kulturor Tradicional Ndërkombëtar, që e futi i pari vargun shqip edhe në kohë të vështira lufte në Çarshinë e Bit - Pazarit (1997), në zemër të Shkupit, të shuhet për tekat e dikujt me brekët nëpër këmbë dhe partive politike që na e sjellin koçinë nga malet pa Nuse në Katund.

            Për inat me forcat tona, ne do të vazhdojmë t’i mbajmë dy manifestime kulturore, njëri pas tjetrit: TAKIME NËN RRAP, në Shkup dhe Ditët e Humorit dhe Satirës: XHA DERALLA, në Kërçovë. E qartë, ne u tregojmë atyre partizanëve të partive politike, që e nëpërkëmbin kulturën shqiptare, dimë të veprojmë edhe ndryshe, i shpallim luftë me poezi B - së Madhe të shtypit.

            Truri duhet të jetë në ballë të popullit. E, jo B - ja e Madhe e shtypit. Fatkeqësisht, te ne paguhet me para të thata B - ja e Madhe e shtypit e jo Truri. Qesharake, ë?! B - ja e Madhe e shtypit të vlejë më shumë se Truri! E pabesueshme! Kjo nuk ndodh askund në botë, në shtetet demokratike. Po, ja që ndodhë tek ne ballkanasit e vjetër, në IRJ të Maqedonisë.           Popujt, që e kanë përzier edhe gjakun, pjellin melezë edhe në Ditën e sotshme.

            Halli?! Halla, do burrë! Në rregull, e kush do të ishte burri?! Natën e Madhe ta fusim me këngë Nusen në dhomë. Cucat pas dere copë-copë t’i bëjnë dajret. Im Atë edhe një herë ngrihet nga varri, nxjerrë mauzerrin nga hatullat dhe tymeflakë shti në Zogkeqin që na këndon natën mbi çati këngë vdekjeje.

            Dhe, më pyesin “miqtë” e mi, ku e kam vendin e punës. Qeshë. U përgjigjem: në Tavernë. Nën Rrap. Faj, nuk u kam se mua më do vera, poezia. Dhe, gratë. E ato i do Partia. Qeveria. Shteti. I ka dënuar edhe vetë Zoti, në podrume. Natë e ditë ua shuan dhe ndez dritat të dalin në sipërfaqe, mbi tokë. Përmes të vdekurve u dërgon shenja. Yllit të mëngjesit. Diellit t’i dalin për mejdani. Natës, që i ka kapur në grusht. Mureve, që i shtrëngojnë natë e ditë mes librave. Hënës, kur del mbi mal pas mesnate. Pulës me zogj në qiell, që e thërret Gjelin të hip në gardh. Heret, ende pa zbardh drita, ta thirrë me këngë agimin. Diellin, që zbret dhiareve më këmbë nga Çelëvjollca.

            Tekefundit, ne bëjmë luftë kulturore me poezi: Truri me B - në e Madhe të shtypit. Brez pas brezi në luftë me B - në e Madhe të shtypit. Të mos keqkuptohemi, ne bëjmë luftë me tru dhe penë. Vdesim në fushën e betejës me armë në dorë. Ringjallemi. Muza na jep gji mes maleve. Fuqi për luftë heroike.

            Përfundimi: Truri e vazhdon luftën me B - në e Madhe të shtypit. Patriotët e vonuar e kanë        gjetur Lëmë. E në Lëmë sot fshi edhe Kali Shemës edhe Gomari. E rëndësishmja është, se: Kali i Shemës dhe Gomari nuk fshijnë njësoj në lëmë. Era nuk fryn nga malet e Drenovës për ta hedhur grurin në ajër. Nusja me pashterkë të kuqe, pastrojë nga byku. Halli?!        Halla, edhe kësaj radhe, përsëri do burrë mejdani me mustaqet vesh më vesh.

            O burra, nxirreni Gomarin nga Lëma se, na latë pa grurë, bukë në Dimër!... Edhe Kalin e Shemës!...

            Pjesë nga libri "Dudumi gërhet për Liri"