Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Vlora BANUSHAJ

      DUKE SHËTITUR NGA NJËRI SKAJ NË TJETRIN

     Duke e marrur me vete këtë skenë, e vazhdoj rrugën bashkë me të ftohtit e madh. Pak metra më larg e shikoj një dorë të zgjatur, e shoh një trup të ulur mbi asfalt, e dëgjoj një lutje, një lutje që u drejtohet njerëzve të ndajnë pak njerëzi nga njerëzorja, pak ngrohtësi nga ngrohtësia e tyre, pak mëshirë nga mëshira e tyre, pak kohë nga koha e tyre, pak buzëqeshje...eh.

            Mëngjes i ftohtë dimri. Gjithçka është ngrirë. Më duket se është ngrirë edhe gjaku në fytyrat e njerëzve dhe nuk u ka mbetur as edhe një pikë nëpër damar. Si unë e strukur, ecin edhe kalimtarët  tjerë të strukur; si unë shpejtojnë edhe të tjerët, nxitojnë për të arritur sa më shpejt për aty ku janë nisur.

            Duke parë nga ky kënd i "akullt", them se në këtë mëngjes të ftohtë dimri është ngrirë edhe shpresa! Por, jo, mashtrohem, e shohë se ajo mbijeton dhe rrëshqet edhe në këtë mëngjes të akullt, shkreptinë dhe më duket se edhe ajo del si ai avulli që del nga goja dhe hunda e kalimtarëve, nga brendia, duke u ndeshur me të ftohtit e madh. Ashtu edhe shpresa i anashkalon këto mëngjese të ftohta, i vë në lëvizje, i zgjon nga gjumi vullnetin, mendjen, shpirtin... E këtë e kuptoj tek disa që nuk shpejtojnë si unë jo! Jo nuk shpejtojnë, ata aty i vendosin gjësendet e pakta për t'i shitur, ata aty në rrugë, jashtë në ambient të hapur e kanë vend pune... Ata nuk janë vetëm aty, e kanë vendosur edhe durimin edhe bashkë me të e përcjellin shikimin dhe hapin e çdo kalimtari të rastit, mundohen ta kapin, ta ndalin çdo hap. Ata janë aty, edhe verës në ditët me plot vapë, edhe në vjeshtë me ditët plot shi, me mjegull. Duke i radhitur ato gjësende ashtu çdo ditë e vendosin edhe një pjesë të jetës të tyre, një pjesë të shëndetit të tyre, “ja falin” mëngjeseve të ftohta, të acarta.

            Duke e marrur me vete këtë skenë, e vazhdoj rrugën bashkë me të ftohtit e madh. Pak metra më larg e shikoj një dorë të zgjatur, e shoh një trup të ulur mbi asfalt, e dëgjoj një lutje, një lutje që u drejtohet njerëzve të ndajnë pak njerëzi nga njerëzorja, pak ngrohtësi nga ngrohtësia e tyre, pak mëshirë nga mëshira e tyre, pak kohë nga koha e tyre, pak buzëqeshje...eh. Këto pamje në çdo mëngjes i takoj, por, sot më prekin më shumë, sot e ndjej të ftohtit e tyre më shumë se kurrë dhe në shtigjet e mendjes më parakalojnë disa copëza të shkëputura në mendje nga disa emisione televizive që tashmë janë "në hap me kohën", ku po na prezantohen shtëpitë e të vetëquajturve" VIP"-a - “VIP”-ave kosovar!!!  Ekspozohen e reklamohen veshmbathjet e tyre dhe atë të shumëllojshme, shumëngjyrëshe dhe të firmave të ndryshme. Një standard jetësor madhështor na parakalon para syve dhe për ata minuta sa i shikon me habi harron se je në Kosovë, në një vend ku më shumë se gjysma e popullatës janë në varfëri të skajshme, më shumë se 50 përqind e popullsisë janë të papunë, një numër shumë, shumë i madh familjesh nuk kanë ngrohtësi fizike e as shpirtërore. E çfarë më intereson mua që t’i shohë mobilet, t’i shohë fustanet,  këmishat, rripat, kravatat e tyre, ato janë gjëra private apo jo?!

Pastaj, menjëherë, më parakalojnë nëpër mendje edhe do episode të një emisioni ku çdo javë prezantohet nga një familje që jeton në varfëri të skajshme. Më dalin para syve ato fytyra të ngrira, pa jetë, ata fëmijë të atyre familjeve të strukur të gjithë në një vend. Më duket edhe fëmijëria e tyre është e strukur, më duket më shumë se e akullt, e ndërtuar me mure nga ëndrrat e ngrira, e mbështjell me kërkesa të kufizuara - gjithçka më duket e shtresuar në akull... Gjithë ata fëmijë që nuk arrijnë të kuptojnë se pse nuk kanë?!!! - vetëm e dinë se nuk kanë! Shikimi i tyre flet shumë, i ik shikimit të tjetrit, ndjehen keq, e ndjejnë vetën “disi fajtor” pse janë me këtë “fat”... pse janë pikërisht ata personazh të kësaj skene. Muret e shtëpive të tyre nuk janë me ngjyra të hapura, të ndritshme, nuk shkëlqejnë! Ato mure janë të nxira, janë të përshkuara nga ndonjë vijë e ujit që ka pikë, ato shtëpi janë duke u rrënuar çdo ditë, siç po rrënohet fëmijëria e tyre. Rrita e tyre shpirtërore po goditet nga mendimi se çkado që të kërkojnë, nuk do ta kenë. Ëndrrat i kanë të zbehta sikurse edhe fytyrat, e shpirti i tyre i njomë aq herët të shembët nga ndjenja se nuk ka plotësim të dëshirave, kërkesave, nevojave të tyre...e dhimbshme apo jo?

Duke menduar kështu i krahasoj të dy skajet: në një skaj njerëz që kacafytën me acarin, akullin, mjegullën, borën, ngricën, varfërinë, e që këtu qëndrojnë të radhitur, e në çdo vend të Kosovës, shumë familje, e në anën tjetër i shoh këta, të vetëquajtur " VIP"-a, të cilët nuk ngurojnë aspak ta shpalosin shkëlqimin e veshmbathjeve të tyre, t'i tregojnë dhomat se si i kanë rregulluar e mobiluar, dhe atë, në çdo kënd të shtëpisë. Nuk ngurojnë fare që gjithçka të tyre, që e kanë private, ta bëjnë publike!!! Ata shpalosin e qesin në sipërfaqe shumëçka që nuk thuhet shprehimisht, por, që ndjehet dhe atë shumë. Nuk e di a janë të vetëdijshëm a jo? Kam përjashtim tek disa që nuk janë ndalur tek veshmbathjet, tek ato shkëlqime jetëshkurtra, por, më shumë janë ndalur tek LIBRI - aty kanë stopuar, për të na dhënë një mesazh të fortë, se edhe atë e kanë banor dhe i kanë lënë një vend dhe hapësirë të konsiderueshme.

Dhe sikur ta ndalesh mendjen dhe shikimin në skajin e parë do të mendosh se je kthyer “në kohën e Migjenit”, e nëse e kthen në këtë anën tjetër atëherë do të mendosh se je në një shtet me standard të lart ekonomik....e unë ku ta gjej mesin, atë mesin e artë?  Dhe e pyes veten: a ekziston fare në këtë Kosovën tonë me plot e plot peripeci një mes i tillë?!... Ku ta gjej?!

(Autorja është juriste e diplomuar)