Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Përparim HYSI

EH, SI QENKA DASHURIA

Poezi

Librin me poezi të autorit Përparim Hsyi, "Eh, si qenka dashuria"  mund ta shkarkoni falas në sektorin

„Literaturë“

(E falënderojmë përzemërsisht autorin)

PORTRET

Flokët krehur bukur, mbërthyer me karficë

Të shoh e jam turbull, sikur erdh “baticë”

Dukesh lozonjare, tek “sulmon” me sy

Unë si në alarme (më plaçin të dy!)

Vështrimin me epsh, peng i një dëshire

Nga Zoti e gjeçë, o moj zonjë me hire!

Delikat parfumi, më kënaqi era

Më thuaj kush s’e humbi, kur buis pranvera?

29 maj 2012

UNË E TI

Unë e ti fajtorë pa faj, të plagosur mbemë për jetë

Dhe asnjë s’e ka kollaj, të harroj një të vërtetë.

E vërteta mbeti ëndërr, si një makth që na prish gjumin

O moj kohë që ishe shëmër, mos qe mirë të nisje plumbin?

Ta hajë dreqi, pse të lozim? Sikur ç’qe, s’ish e vërtetë!!!

Tek po shkruaj, po bëj nervozin( të harroj , s’e kam të lehtë)

As dhe ti si fshat që duket, s’ka nevojë për kallauz

Tani është lehtë të thuhet ( ajo kohë na i bëri “sus”)

7 qershor 2012

Ç’ËSHTË KJO HËNË MAJI?

Ç’është kjo hënë maji që sheh nga dritarja

E paskam kollaj që sytë mos ia ndaja?

Trupi fin, i hollë; buzëqeshjen tunduese

Më zuri një “kollë”; khu-khu, torturuese!

Zë e kërcen valc para syve të mi

Hajde e mos plas! Plaç, o pleqëri!

Tek po gjerb kafenë, sytë asaj s’ia ndaj

Në s’ e dini “psenë”, jua them pastaj.

Shih si rrotullohet, sikur shkel mbi thua

Ka dreq që s’tundohet (më marrtë dreqi mua!)

9 qershor 2012

CIGANIA

Një cigane në shelgjishte

Eh, si ishte! Eh, si ishte!

Në shelgjishte bën purteka

Sa e pashë dhe tak: u “meka!”

Pra, u meka! M’u mbajt fryma

Më goditi vetëtima!

Vetëtimë që ra e shkrepi

Dhe mënd ika, unë: i shkreti!

Bëj t’i flas, po m’u pre goja

Dhe, për pak, më doli boja.

Më vu re dhe zuri qeshi

Mos vallë do më “përqeshi?!”

Dhe pa folur, u djersita

Më besoni: u lajthita!

U lajthita, s’fola fare

Po ç’ më bëre, moj cigane?

Po kur erdhi, u afrua

Obobo, ç’ më gjeti mua?!

Veçse qesh. . . po vjen. . . po vjen

Tash nga mëndja jam ujem!

Vjen ajo, më zë me dorë

Unë po gati ndizem horë

Mos vallë «flama» më zuri

Për pak nga unë, iku burri.

Dhe atje mu në shelgjishte

Me ciganen si më ishte«

Këndoj» këngën e qëkurit

Ende ruaj «tapitë» e burrit.

15 prill 2012

ÇAST

Ta mora dorën e butë e të bardhë dhe me delikatesë e putha

Ç’do të gjente nga një kokëbardhë?

Më thuaj: -Pse të zu turpa?Nuk doja të flisja për vegimin tim, po për flokët e zinj si nata

Dhe lindi tek unë një përdëllim, për të puthur buzët e mjalta.

Se sytë e zesë e qerpikët e gjatë, sikur më gudulisën gushën

Në shpirt kam zjarr(digjet druri i thatë), ta shuaj vura buzën.

S›thonë kot që dashuria s›ka moshë dhe nuk ka mëdyshje

Sa e bukur qe , o moj mos qofsh! Më fshike, mike, më fshike.

26 qershor 201215

MË DUKET

Më duket sikur në xhep kam diellin

Se aq i lumtur jam

Në nuk kam diellin, kam mademin

Mademin që më ka xhan.

Ajo më ka, po dhe unë e kam xhan

Po ç’duhet më shumë për i lumtur?

Se ajo për mua bëhet kurban

Dhe si flaskam pastaj turbull?

Turbull s’flas fare dhe jam i kthjellët

Siç është i kthjellët një qiell pa re

Diellin, pra, e kam futur në xhep

Dhe s›ka më të lumtur se ne.

2 korrik 2012

Poezi nga libri "Eh, si qenka dashuria"