Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Lutfi COKA

ËNDRRA E NJË DIKTATORI!...

Idetë dhe bindjet negative që mbartim për veten, apo dhe për të tjerët, ndikojnë negativisht në jetën tonë, ato mund dhe të vrasin! Prandaj mos ua vëni veshin gjithçkaje që thuhet.

Tregohet se një udhëheqës, që jetonte në një vend shumë të largët, ishte diktator dhe shumë i ashpër me popullin e tij. Drejtësia ishte fjalë që kishte dalë nga fjalori i tij. Ai ishte dhënë vetëm pas qejfeve të veta dhe njerëzve të tij, ndërkohë, që populli vuante të zezat e ullirit.

Një natë, diktatori sheh një ëndërr të çuditshme. Ai sheh dy hëna që përplaseshin me njëra-tjetrën! Kjo ëndërr filloi t’i përsëritej herë pas here, derisa filloi ta shohë çdo natë. Sa herë që shkonte të flejë, ëndrra me dy hënat që përplaseshin me njëra-tjetrën do i shfaqej, gjë e cila filloi ta frikësojë.

Për shkak të frikës, atë filloi të mos e zërë as gjumi. Një ditë i lindi një ide; të këshillohet me interpretuesit e ëndrrave në godinën e tij qeveritare. Ku i dihej, ndoshta ndonjëri prej tyre mund t’i jepte zgjidhje. Menjëherë organizoi njerëzit e tij dhe pothuaj të gjithë interpretuesit e ëndrrave, që gjendeshin në shtetin, u sollën në pallatin qeveritar. Pasi e dëgjuan ëndrrën, të gjithë u pajtuan se interpretimi i vetëm i saj ishte se pas 30 ditësh diktatori do të vdiste.

Kur e dëgjoi këtë, shtangu në vend dhe frika iu shtua akoma më shumë. Menjëherë urdhëroi që të gjithë interpretuesit të arrestoheshin dhe tha: ”Nëse pas tridhjetë ditësh nuk kam vdekur, do t’u vras të gjithëve!”

Ato ishin tridhjetë ditët më të vështira në të gjithë jetën e tij. Ai i kaloi në ankth të thellë, depresion, pagjumësi, mungesë oreksi... Ai nuk mendonte dot për asgjë përveç kalimit e atyre tridhjetë ditëve të tmerrit.

Ditën e tridhjetë, Ai vdiq!

Pasi përfunduan të gjitha ceremonitë e varrosjes së tij, u kurorëzua një udhëheqës tjetër. Me të filluar të ushtrojë kompetencat e veta, ai mblodhi interpretuesit e ëndrrave dhe i emëroi këshilltarët e tij personalë, pasi besonte se ata dinë gjithçka.

Njëri nga mjekët e tij i tha: ”Lartmadhëria juaj! Interpretuesit që keni zgjedhur nuk dinë gjithçka dhe nuk mund ta parashikojnë të ardhmen. Sipas autopsisë së diktatorit të vdekur, ai nuk vdiq për shkak të ëndrrës, por për shkak të depresionit, ankthit dhe mos ngrënies për tridhjetë ditë. Ai vdiq për shkak se e besoi interpretimin e asaj ëndrre!”

Idetë dhe bindjet negative që mbartim për veten, apo dhe për të tjerët, ndikojnë negativisht në jetën tonë, ato mund dhe të vrasin! Prandaj mos ua vëni veshin gjithçkaje që thuhet. Ka njerëz që janë mjeshtër në përcjelljen e ideve dhe mendimeve negative, duke ta përmbysur jetën kokë e këmbë. Caktoje rrugën tënde, bëj përpjekje për realizimin e ëndrrave dhe objektivave të tua!...