Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Getoar KRASNIQI

E VËRTETA UNIVERSALE

            Që nga lindja ne e bartim të vërtetën në vete dhe me vete, e me këtë dëshmohet se të gjithë njerëzit kanë gjasa të barabarta. Pra nuk ka dallim mes nesh - ne jemi të gjithë të njëjtë, asnjëri nuk është më i mirë apo më i keq se tjetri e megjithatë secili nga ne është unikat në vete. Kjo është një mrekulli e Krijuesit, për të cilin njeriu duhet të mendoj më shumë.

            Secili njeri është në kërkim të diçkaje që jetës së tij i atribuon një kuptim, që ekzistencës së tij i jep një domethënie.

            Shumica e njerëzve e kërkojnë përgjigjen në botën e jashtme, që nënkupton ekzoterikën. Të paktët, megjithatë,  përpiqen që këtë përgjigje ta gjejnë në botën e brendshme, pra në vetvete, që përgjithësisht mund të përmblidhet nën nocionin ezoterik.

            Në botën jashtme njeriu ndeshet me teori të llojllojshme, të cilat na japin të kuptojmë, se vendimi i tyre është e vërteta absolute! Mirëpo, ne hasim në një kundërshti të madhe, për arsye se ka disa të vërteta absolute të ndryshme, që shpeshherë, qëndrojnë në kontradikta të hapura ndaj njëra-tjetrës! Po t'i vështrojmë, p. sh. religjionet e ndryshme, shpejtë do të konstatojmë, që bërthama e mesazheve të tyre ndryshon krejtësisht nga njëra-tjetra.

            Dhe vetvetiu shtrohet pyetja: si mundet njeriu të mbajë një qëndrim në të gjithë këtë rrëmujë, që e ka humbur fillin, dhe të gjej të vërtetën e vetme absolute? Duket sikur edhe një jetë të tërë nuk do të mjaftoj për këtë.

            Si mund të arrijmë, pavarësisht gjithë kësaj, që të gjemë kuptimin e jetës?

            A është kuptimi i jetës, në të vërtetë, për të gjithë njerëzit i njëjtë?

            A ekziston, në fakt, një e vërtet absolute, që tek të gjithë njerëzit gjen miratim?...

            Këtyre pyetjeve, unë do t'i përgjigjesha me një PO!

            Ekziston një e vërtet absolute, që e tejkalon atë, që neve na ofrohet në botën ekzoterike.

            Dhe për të krijuar një rend, në gjithë këtë kaos, duhet që së pari të vendosim një rregull bazë p. sh.  definimin e kushteve paraprake për të vërtetën.

            Pesë kushtet paraprake për të vërtetën

            1 - Një kusht paraprak i rëndësishëm dhe i domosdoshëm për të vërtetën është se ajo duhet të jetë e hapur dhe e kapshme për të gjithë. Kjo do të thotë - secili njeri duhet të ndeshet me të vërtetën absolute, pavarësisht se në cilën pjesë të botës është i vendosur.

            Kjo duhet tu garantohet të gjithëve, duke mos përjashtuar askënd, as ata njerëz që nuk kanë aftësi për të lexuar apo shkruar, as ata që nuk kanë qasje në rrjete interneti, të cilët nuk mund përfitojnë nga këto burime informacione të duhura.

            2 - Një tjetër kusht paraprak i rëndësishëm për të vërtetën është se ajo, pra e vërteta, nuk duhet të jetë kontradiktore. Nuk mund të ekzistojnë dy të vërteta paralele pranë njëra-tjetrës të cilat janë të ndryshme që në bërthamë!

            3 - Gjithashtu, e vërteta nuk guxon të përmbaj gabime. E vërteta absolute është përherë pa të meta. Këtë na mundëson ta kuptojmë, më së miri, matematika, ku ka vetëm një të vërtetë - saktë ose pasaktë!

            4 - Një tipar tjetër, po ashtu shumë i rëndësishëm, që e përcakton të vërtetën është se ajo mbetet përherë e pandryshuar. E vërteta nuk mundet të rishqyrtohet dhe, më vonë, të zëvendësohet me një tjetër. Kjo është e mundur vetëm tek njohurit ku edhe ka përparësitë e veta, pasi një njohuri e re, e përfituar, zëvendëson të vjetrën. Kështu garantohet një zhvillim shpirtëror kontinuitiv i cili mbetet në fuqi.

            5 - Dhe e vërteta e pestë, që nuk duhet lënë pas dore, është se ajo, patjetër, duhet të jetë krijuese. Kjo do të thotë se e vërteta, që jetës sonë i jep një kuptim, nuk duhet të jetë destruktive por konstruktive.

            Nëse na e vështrojmë Tokën dhe universin, do të vërejmë se universi është i ndërtuar si veprim konstruktiv dhe krijues. Edhe ne, njerëzit, për nga natyra jemi krijues - një e vërtet që gjithnjë  e më shumë po mbetet në harresë.

            Vetëm e vërteta që përhap një mesash pozitiv dhe shëlbues ka kuptim dhe është domethënëse për ne.

            Me këto njohuri, ne mundemi ta kërkojmë të vërtetën universale, qe të arrijmë ta zbulojmë edhe kuptimin e jetës?

            E vërteta e fshehur në ne

            Me siguri që është ndihmë shtesë edhe kërkimi në botën ekzoterike për të gjetur përgjigje, bile është i domosdoshëm, por më përpara ne duet që ta krijojmë një pasqyrim.

            Nëse njeriu megjithatë, kushtet parapake për të vërtetën i merr parasysh, arrijmë në përfundim se të vërtetën universale mund ta gjemë në secilin nga ne! Në këtë burim ka qasje secili prej nesh, edhe atëherë kur na mungon burimet informatike si interneti.

             Që nga lindja ne e bartim të vërtetën në vete dhe me vete, e me këtë dëshmohet se të gjithë njerëzit kanë gjasa të barabarta. Pra nuk ka dallim mes nesh - ne jemi të gjithë të njëjtë, asnjëri nuk është më i mirë apo më i keq se tjetri e megjithatë secili nga ne është unikat në vete. Kjo është një mrekulli e Krijuesit, për të cilin njeriu duhet të mendoj më shumë.

            Ne dëshirojmë plotësisht të koncentrohemi në brendinë tonë ku sigurt do ta gjejmë suksesin. Vetëm në këtë mënyrë do të garantohen të gjitha kushtet paraprake. E vërteta universale kotet në secili nga ne dhe qëllimi i ekzistencës sonë është që kësaj t'i shkohet deri në thelb. Për këtë duhet ne t'i kemi në konsideratë dy rregulla bazë tejet të rëndësishme.

            Dy rregullat parimore për ta zbuluar të vërtetën tonë të fshehur!

            1 - Që të mund ta perceptojmë zërin tonë të brendshëm, duhet që ne patjetër të jemi të sinqertë me veten. Qasja e sinqertë ndaj vetes është çelës bazë për të hapur derën e së brendshmes që ne, kohë të gjatë, pavetëdijshëm e kemi mbyllur për arsye të së cilës ka mbetur gojëmbyllur edhe zëri i brendshëm. Vetëm gjatë fëmijërisë sonë kjo derë është e hapur. Këtë gjendje mund ta rikthejmë sërish.

            2 - Kur kjo derë dalëngadalë hapet, ne do të arrijmë të dëgjojmë një zë të brendshëm. Ky është zëri i ndërgjegjes sonë i cili, neve, na orienton drejt të vërtetës së plotë.

            Ndërgjegjja është një instrument, ashtu i akorduar, për të na udhëhequr neve bazuar në zërin e brendshëm dhe ndjesive, për ta transmetuar të vërtetën universale dhe për të na bërë të qartë se çfarë është e drejtë dhe çfarë është e gabuar!

            Ndërgjegjen e posedon secili njeri, duhet që ajo vetëm të sensibilizohet në ne e kjo ndodhë vetëm kur ne të jemi të sinqertë ndaj vetes.

            Sa më shumë që ne mësohemi, që ndjeshëm ta dëgjomë ndërgjegjen tonë, aq më afër ne i afrohemi të vërtetës universale dhe aq më shumë arrijmë ta kuptojmë qëllimin e ekzistencës sonë.

            Si përfundim

            Përmes këtyre ndihmesave: "pesë kushteve paraprake për të vërtetën", "sinqeritetit ndaj vetes" dhe "sensibilizimit të ndërgjegjes", ne do të arrijmë të bëjmë krahasime edhe në botën ekzoterike se cila teori, cila doktrinë i përgjigjet së vërtetës e cila jo. Me këtë ne vendosim rregull në gjithë këtë kaos dhe arrijmë të krijojmë një pasqyrimi real.

            Secili njeri që, më pas, jetën e vet arrin ta drejtoj, sipas këtyre rregullave të përmendura, herët ose vonë do të konfrontohet me të vërtetën më të rëndësishme universale - të vërtetën se ekziston një Zot, ekziston një Krijues, që ka krijuar gjithçka! Ky Krijues është vet e VËRTETA UNIVERSALE ABSOLUTE dhe vetëm përmes tij vjen çdo e vërtetë.

            Zëri ynë i brendshëm dhe ndërgjegjja vijnë nga Zoti dhe shërbejnë si mjete që, neve, të na afrojnë drejt Tij, pavarësisht  besimeve fetare në botën e jashtme.

            Pa e marrë në konsideratë ndërgjegjen tonë, pa dëgjuar zërin tonë të brendshëm, nuk do të arrijmë kurrë deri te e vërteta absolute. Ne nuk mund që ta anashkalojmë botën e brendshme dhe të përpiqemi t'i gjejmë përgjigjet jashtë saj.

            Jashtë vetës, nuk do të mund ta perceptojmë zërin e Zotit. Zoti flet përmes së brendshëm në ne. Zëri ynë i brendshëm është pasqyrim i Zotit.

            Nëse ne këtë e ngulisim në zemër, atëherë do të mund ta mbajmë shikimin edhe në botën ekzoterike, ku brendia jonë është si një lloj filtri që qëmton vetëm të vërtetën dhe mënjanon pjesën e mbetur  - ndanë grurin nga egjra.

            Me këtë ne kuptojmë se jemi të pajisur, si është më së miri, nga Zoti që në këtë botë ta gjejmë të vërtetën absolute dhe universale.