Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

FAHREDIN SHEHU

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

FAHREDIN SHEHU

            Hyrje

             Shënime

            U lind në Rahovec në jugperëndim të Kosovë më 1972. Studimet universitare i kryen në Universitetin e Prishtinës, Studime Orientale. Vazhdon studimet post- diplomike në Letërsi.

            Aktivisht merret me kaligrafi duke zbuluar teknika dhe mediume te reja për këtë lloj specifik të artit vizual.

            Shkruan vështrime estetike për artin pamor.

            Është ekspert i letërsisë transcendentale dhe hulumtues i trashëgimisë shpirtërore botërore.

            Në pesëmbëdhjetë vite të fundit ka funksionuar si Hulumtues i Pavarur Shkencor ne fushën e Trashëgimisë shpirtërore Botërore dhe Estetikës Sakrale.

             Librat e botuar:

1 - NUN- përmbledhje me poezi mistike, 1996 botim autori,

2 - SHUMËSI E PADUKSHME- Prozë poetike, 2000, botim autori

3 - NEKTARINA- Roman epik transcendental, 2004, sht. Botuese, Rozafa, Prishtinë projekt i Ministrisë së Kulturës Rinisë dhe Sporteve të Kosovës

4 - ELEMENTAL 99- Tregime të shkurta poetike, 2006, Qendra për mendim pozitiv, Prishtinë

5 - KUN- Përmbledhje me poezi të lirikës transcendentale, 2007, Sht. Botuese LOGOS-A, Shkup

6 - Dismantle of Hate- Libri elektronik, E-book, në gjuhën angleze, botuar nga Ronin Press, Londër, Angli

7 - Crystaline Echoes, Poezi, Libër dhe e-book, 2011, Corpos Editora- Porto, Portugali

8 - Pleroma’s dew. Poemë, Inner Child Press, 2012, New York, SHBA

9 - Makadami i Smagradtë, Iniciativa Pozitive, 2012, Rahovec, Kosovë

10 - Manat, Roman, LOGOS-A, Shkup, 2012, Maqedoni

11 - Balkans and Islam, Cambridge Scholars Publisher’s contributor, 2012.

12 - Hojet, Roman, botim autori, 2013

13 - Nalivpero, përzgjedhje poezish, Arhipelag, Beograd, 2013.

14 - Malestrom, The Four Scrolls of an Illyrian Sage, Poemë, Inner Child Press, New York, 2014.

15 - Punime shkencore në: Institute for Balkan Studies, Tehran, Iran

16 - Punime shkencore në: Revista “Avicenna”, Prishtinë, Kosovë

            Pjesëmarrjet:

• Ekspozita e kaligrafive në Kajro, Egjipt, 2004;

• Takimet e 44-ta të poezisë, Sarajevë 2005;

• Kongresi mbi 600 vjetorin e Veprës së Abdurrahman Ibn Khaldunit, Kajro, Egjipt, 2006;

• Takimi për të drejtat e pakicave etnike, Parlamenti Evropian, Bruksel, 2006;

• Ekspozita e pikturave dhe e librave ne Ministrinë e kulturës së Egjiptit, Kajro, 2007;

• Debatet ne KTV, RTK, TV BESA;

• Pjesëmarrje në Kongresin me rastin e 800 vjetorit te poetit Persian Xhelaludin Rumi, organizuar nga UNESCO dhe Fondacion Saadi Shirazi, Tiranë.

• Pjesëmarrje ne Kongresin e 3^th Ndërkombëtar Sheikh Tousi, Qom, Teheran, Mashhad, Iran

• Pjesëmarrje ne Konferencën rajonale për bashkëpunim, Kopaonik, Serbi

• Festivali i 14-të i Poezisë Voix de Metiterranee, Lodeve, Francë

• Festivali i poezisë- jubilar ne Struge, Maqedoni

• Konferenca Rajonale, PEN Qendra e Maqedonisë, Shkup, Maqedoni

• Festivali Ideogramma, Qipro

• Festivali Nisan 13, Galilee, Nazareth, Izrael

• Festivali Fermoy Poetry Festival, Dublin, Irlandë

• Konferenca e PEN Macedonia, 50 vjetori, Shkup, 2013

• Festivali dhe Punëtoria e përkthimit, Malta, Mediteraranean Festival, Valletta, Malta 2013

• Festivali Rajonal i Poezisë, SUR Festival, Zagreb, Kroaci, 2015

            I pëkthyer në Anglisht, Frëngjisht, Italisht, Polonisht, Spanjisht, Hebraisht, Rumanisht, Serbisht, Kroatisht, Boshnjakisht, Maqedonisht, Turqisht, Gjuhë Rome, Persisht, Mongolisht, Kinezisht, gjuhë Siciliane, Friziane, Malteze

            Librat e tij gjinden në Bibliotekën e Aleksandrisë, Alexandria, Egjipt

            British Library, Londër, Mbretëria e Bashkuar

            Bayerische Staatsbibliothek, Munich, Gjermani

            I katalogizuar në Bibliotekën Universitare dhe Kombëtare të Kosovës

            Në Bibliotekën Nacionale në Zagreb, Kroaci

            Në Bibliotekën Nacionale në Beograd, Serbi

            Ambasador i Poetëve për Shqipëri nga Lëvizja Poetët botëror “Poetas del Mundo”, Santiago de Chile

            Anëtar i Asociacionit Botëror të Poetëve, Greqi

            Anëtar i PEN Qendrës së Kosovës

            Anëtar i Këshillit të librit dhe Botimeve pranë Ministrisë së Kulturës, Rinisë dhe Sporteve, ( 2012- 2015).

            Laureat i medaljes së artë për poezi si urë lidhëse mes popujve, Axlepin Publishing, Filipine

            Laureat i çmimit Agim Ramadani, Stubëll- 2014.

            Laureat i çmimit, Poet i vitit 2014, nga Revista Turke IMZA- 2014

            Drejtor i Festivalit Ndërkombëtar të Poezisë, “Poezia dhe Vera”- Rahovec

FLAKA BLU

Bulë mëshire e mjaltë,

në thellësinë e zemrës.

Gjithë pesha e etjeve,

na shuhet mjegullisht.

Nën hijen e arrës,

kur vapa sulmon bindshëm;

ushqen bimësinë,

e gjelbërta bëhet morr,

tregon burrëri

UNË DHE FIRDUSI

Kaluan plot njëmijë e njëqind vite

njerëzore.

Erdha t’i thur vargjet,

në heshtjen që zgjati me vite drite

Firdusi më pret përmallshëm,

sikur do të flas edhe njëherë

ca fjalë të ëmbla goje;

mirëseardhje duke më dëshiruar

Ja se heshtjen e ndërprej,

ta them edhe njëherë,

lumturinë në prezencën

e mjeshtrit

Falënderimi tek më pikon si mëshira

nga qielli

Të grumbullohet në zemrën e tokës, dhe

ushqej shpirtrat tuaj;

vëllezër të largët,

poetë.

VERTIGO                

Sophia erdhi; mbështjellur me nur i cili mbante të gjitha ngjyrat

Që djegte çdo pasion dëshirë dhe sëmundje zemreje

Duke rrëmbyer mrekullinë njerëzore;

Atë që e quajnë injorancë e përhershme

Gabim I Zotit; njëri që e sheh fytyrën e vet në pasqyrë

Dhe aty e gjen të vetmin mik

Koprracia e fatit asnjëherë nuk krijoi një humnerë

E cila do gëlltiste të gjitha ëndrrat dhe shpresat; dhe

Koprracia e urtisë në të kundërtën krijoi Vertigo

Në dheun plotë

Me të gjitha lloje të manifestimeve në

Shiritin elektromagnetik

Që të duket si slajd i çasteve të ikura dhe

Asnjëherë nuk merr mësim

Pranvera ishe në sharmin e sajë

Unë isha në të dhe për një eksplodim çasti…dhe

kjo...asnjëherë nuk ndryshoi gjë

VULË QIELLORE

Më kaplon një re e pa-bojë me aromë

Të mëshirës Tënde të pandërprerë

Litarët e fatit me vite,

Më tërheqin jo vetëm dej të trupit por;

Edhe të mendjes, zemrës, shpirtit dhe çdo gjë dhe...

Ende lahem në ujin e valuar të padurimit,

Sikur kokëfortësisht martoj të dëshmoj,

Se jam njeri si shumësi e dukshme

Por nuk jam dhe këtë e mbaj si barrë

Në fund të kafkës nën flokë,

Fshihet vula e njëshmërisë dhe unikalitetit,

E këtë e di vetëm një qenie njerëzore,

mezi njerëzore,

 madje vetëm në pamje...

nëna moti më pat quajtur Engjëll,

mosbindja ime e kapluar nga dyshimi,

tenton ta zgjas deri në pambarim,

shekullin e vet të turbullt,

më duket kot

Njohja ma thotë prejardhjen divine,

Më përndritë për mungesën e vetmisë,

Për të satën herë,

dhe gjithë ditën.

MË ZBULUAN
 

E atje ishte mbetja ime
Që notonte në valë kujtesash
Sikur me flatra pëshpëritjet
Më çojnë në agun me vesë
Tek rrokulliset në gjethin e hardhisë

Bjeri violinës mjeshtër
Zemra në lot si syri më lahet
Sa herë që lexoj atë këngë
Të shkruar nga shpirtrat tok të bashkuar
Në një faqe të vetme frymën ma vizatuan

Sa herë u largova në skajet e largëta
Çdoherë në mes mbeta me vetën e hutuar
Sa mrekulli të zbuluara bota ka
E vetëm, vetëm kur jam i shikoj
Pastaj kënaqem si jetim në skutinë e huaj

Më thanë kush të tha poet të mashtroi
Në qafë të morën gënjeshtarët
Ti je fëmijë që troket në derë
Dhuron buzëqeshjen e përlotur
Me zemrën bosh nga errësira

KËNGA E VJETËR E ZEMRËS SIME

Ti ec si vale e qetë

Dhe çdo çast sjell diç të re

A erdhe sot ta zbulosh dhuntinë e ditës

Pasi u zhduk Venera në qiellin e errët

Që si plak i urtë viziton tempullin e vjetër

Dhe çdo ditë atje zbulon tmerrin e vet

Si zog shtegtar

Mendon se këtu do të humbësh

Por era trupin ta zbuloi

Që di koha në qelbësire ta shndërroj

Pastaj si pluhur ta bart në pakufi

Nëse vjen ta kërkosh veten

Ose të më shfaqesh si vegim drangoi

Këtu dielli nxeh

Njëjte si në tokë

Eja se të pres

KËSHTU FLISTE TAMARA 
 

Kam lustruar sytë e fëmijës së përvuajtur
duke larguar shtresat e avullta të pamjes së tij
Të shoh dhëmbë të shkëlqyeshëm derisa buzëqeshë
dhe planetin e urrejtjes bukur mirë të fjetur dhe

fshehur të shpirtit tim

kam shpërlarë stratosferën e katastrofave 
që prindërit e tyre me zell i shtresuan në qeniet e tyre
me lot të mbarsur me dashuri
kam qëruar të gjitha membranat e shpirtit

të kontaminuar

I dhashë buzëqeshjen bretkosës
dhe puthjen nefritit të heshtur

kam kulluar vesën nga petalja e trëndafilit

të bardhë dhe numëruar rubinët nga shega e pjekur

kam mbjellur të gjitha llojet e frutave
dhe mbaruar kopsht për të gjithë ne
ti mund ta quash pemishte
ti mund ta quash plantacion i të porsalindurve

të Dashurisë por unë di se ëshët truall tahionik
ku vetëm Dashuria farë mund të mbjell

kam qepur petkun nga smeraldi
dhe parfumosur atë me Ambër që ta vesh

çdo fëmijë
unë ushqej çdo stomak 
me dritën vetuese të shpirtit tim
T’i bëj transparent  
T’i përndrisë

kam krijuar armatën e buzëqeshjes
dhe ftuar të gjithë shpirtrat ta çmontojmë

makinerinë e urrejtjes
në fushat e simfonisë së dritës 
në momentin e shenjtë të amshimit

kam përqafuar të gjithë foshnjat e dukshme dhe

të padukshme dhe gëzuar për lumturinë e tyre

kam shtrydhur të gjitha armët
njerëzit dhe demonët që kanë krijuar
dhe krijuar pluhur ashtu që në çdo trohë 
buzëqeshja lind Dashurinë