Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

FARIDA RAMADANI ZMIJANI

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

FARIDA RAMADANI ZMIJANI

            Hyrje

          Ka lindur në 1967 në Shkodër dhe banon po në vendlindje. Në rininë e saj për 7 vite ka qenë  basketbolliste me ekipin e Parë të Vllaznisë duke ndjekur kështu traditën e familjes e cila i ka dhënë shumë sportistë cilësorë Shkodrës.

            Është Anëtare e Lidhjes Ndërkombëtare Të Shkrimtarëve të Shqipërisë PEGASI Albania

            Anëtare e Klubit të Shkrimtarëve të Shkodrës.

            Ka marre Titullin : Ambasadore e Paqes

            Shume shkrime ne gazeta revista etj në mbarë shqiptarinë.

            Mjaft aktive ne shume aktivitete letrare ne Shqipëri, Kosovë Maqedoni e në troje organizmat e tjera shqiptare ne gjithë boten ku është përfaqësuar me shkrimet e saja dhe ka marre disa here vlerësime e çmime.

            Ne vitin 2015 ka qene një ndër shkrimtaret më të mira të përzgjedhura nga “Best 10 North” për veriun e Shqipërisë.

            Shkollimi

            Diplomuar: “Mësuesi”dega Gjuhë- Letërsi ne Universitetin Luigj Gurakuqi.

            Diplomuar: “Ndërmjetëse dhe Parandaluese e Problemeve Sociale” pranë Regione Emilia Romania .

            Punësimi  

            Mësuese e Gjuhës shqipe.

            Për rreth 6 vite ka ushtruar profesionin e Ekspertes si Psikologe pranë Gjykatës së Rrethit Shkodër ku ka marrë pjesë në rreth 150 seanca gjyqësore.

            Shkrimtare, Poete, Redaktore

            Ka shkruar disa here në gazeta apo revrofil te botimeve:

            ”Shumë mirënjohje. Faleminderit Itali “ në shqip &italisht - Emigracioni.

            “Dhimbje nga prindërit e mi” - 10 seanca gjyqësore si ndihen fëmijët pas divorcit te prindërve

            “Pikturoj në qiell” - librin me 100 poezi në shqip &anglisht.

            “Shkodra ne 12 yje” - Enciklopedi poetike  me5000 vargje.

            “Shkodra edukon kulturë. Ngujon gjakmarrjen” - 132 poezi nga nxënësit e shkollave 9 vjeçare të Shkodrës.

EMRI  YT      

Sa herë dëshiroj të shkruaj  një emër,

Shkronja  yt  vjen e para,

Dua ta largoj, por  nuk di se si…?!

Sepse  çdo fjalë fillon nga Ti.

Mundohem e mundohem...

Ndiej  sytë, më  tërbohen,

Sapo filloj sërish  të shkruaj,

Shkronjat me emrin tënd luajnë.

Largoj fletën, marr një  tjetër,

Përsëri  ngjason e njëjta letër…

Kaq fort emri yt  qenka ngulitur,

S’largohet prej letrës,  dhe duke i bërtitur!

E detyruar fort i  thërras,

Si e llastuar  shprehet  në gaz,

Nga e zhubrosur,  letra  drejtohet,

Të njëjtat shkronja, papritur,  sistemohen!

Buzagaz unë i mbledh,

Emrin tënd përsëri  përcjell.

Hyj në kuptim,  kërkojnë me zemër:

Këmbëngulës sytë  të njëjtin emër!

LOT I LIRË

Si ortek i vogël,

loti rrëshqet mbi faqe,

papushim,

si margaritar shkëlqen,

si e fshehka  lumturinë!...

Një zemër e “sëmurë”,

me ngulm kërkon shërim,

Botë e mjegullt,

do të pastrojë vështrimin,

kërkon   vezullimin...

Më vonë e ndiej, e ndiej,

do të niset në ndriçim...

Në rrugën diellore atje tej ...

Loti do të mbetet,

diku në një cep,

krejt si lot në harrim...

LEGJENDA E REVE

Vështrova   qiellin,

veçova retë

Si ngjasonin: 

ngjeshur fletë – fletë...

Përqëndrova sytë

atje lart, lart,

Aty ku ndjenjëhapur

më latë...

Shikoja  Universin

e pafund,

sy mekur...,

sikundër  në “gjumë”.

Eh,  reja më  dukej

aq origjinale,

Panoramë e “trishtë”

në detaje!...

Vështroj,

një karrocë  me dre.

Një vashë,

po e  nget nxitimas.

As që mendon

t’i vejë  fre.

Figuracioni i  reve

prin buçimas...

Mendja e saj

vazhdoi të soditë,

por  asgjë,

s’po kishte kuptim,

s´donte ,

aspak të priste:

Përqafimin

me lumturinë!

S’e ndjeu

Dëshpërimin.

Papritur,

karrocën  ndali,

zbriti, si shtojzovalle,

zbriti

me tonin e zbritjes:

hopa, hopa...

Rimblodhi retë

ngadalë, e lehtë - lehtë...

Magjepsur

prej  bukurisë,

retë  u  aktivizuan

vezulluese,

nisën  të gjitha

menjëherë,

në rol të damës,

në pistën vallëzuese ...

Ashtu të lehta

çliruar nga emocioni

s’lanë asnjë re,

jashtë pistës,

Shoqëruan 

vashën e bukur

të pikëtakonte,

djalin e dritës ...

Duartrokitën retë,

tërë  dashuri.

Me kënaqësi

shijuan skenën.

Para syve,

u shfaq një çudi .

Për një moment

heshtën....

në belbëzim ...

Ylberet lëshuan

tërësisht  ngjyrat,

t’ju ndriçonin

“princeshave”

 gjithë fytyrat ,

U shndërruan

në të bukura...

Rifilluan

me figura të reja...

Thurja e tyre

më me ëndërr,

më me finesë,

Dashuria

shpaloste sekuencat ,

si legjendë,

mbetur,

si një film  i pambaruar

në të shfaqur,

plot fantazi në qiell...

ME QIELLIN: KATËR

Nga larg

dëgjova zërin tënd,

kur një pupël

po vështroja ...

Fillova të fryj,

për  ta mbajtur lart.

Sa më shikove,

erdhe me vrap...

Frymëruam së bashku të dy,

buzëqeshëm,

deri në marrëzi.

Ajo  valëvitej,

lodronte me ne...

Përcillnim frymën, pa fre,

Kështu u bëmë tre!...

Qielli u mahnit,

me marrëzinë tonë,

Të katërt në melankoli,

qëndruam deri vonë.

DASHURIA FLET SHQIP

Sa larg  je...?

Sa afër më dukesh,

Një biletë, një linjë,

te ti të strukem...

I shpërfillur emocioni,

i tendosur rri,

Te ti rrëfehem,

tinëzare në shprehi.

Veshur me gjithë botën,

lulet kundërmojnë,

atje tej kufirit,

brishtësinë  tonë.

Flasin shqip sytë,

zemrat bashkohen.

S’ndjehet lodhja e rrugës,

fytyrat, çmendurisht, harbohen.

Shprehje në një gjuhë,

kuptohemi  aq mirë.

Të dy...

veç një dëshirë...

Na pushtoi:

“E folura shqip”