Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

FATIME KULLI

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

FATIME KULLI

            Hyrje

          Fatime Kulli u lind 23 korrik 1956  në Durrës. Familja e saj ka përjetuar ferrin e sistemit komunist dhe për tre dekada kanë qenë kampet e internimit nga sistemi diktatorial në Shqipëri për gjysmë shekulli. Ajo, pas mbarimit të dy shkollave të mesme, arriti me shumë sakrifica të përfundoi edhe studimet e larta në Shkencat Sociale- Dega Psikologji, në Tiranë.

            Pas viteve 1990 ka punuar Para vitit 1990 ka bërë punë të ndryshme për të jetuar. Pas vitit 1990, me ndryshimin e sistemit në vend, ka punuar: Ka qenë ndër gazetaret e para në RD, (1991) korrespodent-e e Shkodrës. Ka punuar në Radio-Shkodra, gazetare sociale, emisione direkt. Ka punuar z/kryeredaktore në gazetën periodike “Shqipëria Etnike” Shkodër. Ka punuar në Radio-Tirana Drejtore informacioni në TV Antena Nord (Shkodër). Në disa gazeta periodike (Kulturë) Drita –Temp (kritika, ese, publicistikë). Drejtore Televizioni 2ATV. Gazeta “Ndryshe” Tiranë, Kryeredaktore& redaktore kulture . Bashkëpunëtore në gazetën Albanian Daild News (për trupat diplomatike), Tiranë. Kryeredaktore e gazetës periodike “ Zëri i Arbrit”, Tiranë. Aktualisht, punon si redaktore e librit dhe gazetare e kulturës.

            ÇMIME -VLERËSIME

            1) Në vitin 2001 ka marrë Çmimin "Radio Ulqini" në Mal të Zi (me poezinë "Kam frikë” të librit "Ethet e zhveshura"

            2) Në vitin 2002 është vlerësuar me vendin e dytë në takimin poetik të Salerno, Napoli, midis 57 poetëve nga Evropa.

            3) Është vlerësuar si poetja më e mirë e poezisë lirike erotike në takimin Ballkanik që është zhvilluar në Korçë në vitin 2002.

            4) Ka marrë Penën e Artë në Kumanovë me librin "Deti mbytet në guaskë" në vitin 2003.

            5) Pjesëmarrëse në Institutin e Shkencave të Letërsisë në Kembrixh, me librin poetik "Trëndafil i djersitur" në vitin 2004.

            6) Ka marrë Penën e Artë në Athinë (në klubin e shkrimtarëve "Kodmus") me ese të përzgjedhur nga libri studimor "Retinë" në vitin 2005.

            7) Fituese e “Skampinit”në takimi e poezisë Ballkanike në Elbasan, 2008.

            8) Çmimin e Parë në Takimin e Poeteshave, nga e gjithë diaspora, Qershor 2008 në Vushtri

            9) Çmimin “Skampini” në takimin e poezisë ballkanike në Elbasan, 14 Mars 2009.

            10) Pjesëmarrëse në festivalin e poezisë internacionale, Strugë 2009, Kroaci, Bullgari.

            Botime të autores: “Ma lini portën çelë” (poezi), "Lakuriq mbi tastierë" (poezi), "Masturboj me diellin" (poezi), "Zemrën e dua pasqyrë" (poezi), "Parlament në pyll" (fabula), "Tensione emocionesh" (tregime), "Ethet e zhveshura" (poezi), "Shkëndija e eshkës" (poezi), "Në gojë të diellit" (poezi për fëmijë), "Deti mbytet në guaskë" (poezi), "Trëndafili i djersitur" (poezi), "Drithërimat e frikës" (roman), "Cila është më e bukur" (poemë për fëmijë), "Uragani i meteorëve" (monografi studimore - Bilal Xhaferri përballë Kadaresë), "111 fjalë të ndyra dashurie" (poezi & prozë), "Mitra e zjarrit" (poezi), "Retinë" (ese & kritikë & intervista);"Njëzet e Dy" (roman), “Këpucët e mjegullës” (poezi), “Çamëri zemra ime” (antologji poetike), bashkë-autore, ), “ Beyond the shadow” (poetry 2014) -Botimet “Lulu” Sh.B.A. (anglisht).

MËKATI DHE PENDIMI

Dhimbjen

E mora në krahë,

Ia mata thellësinë

Pash më pash.

Në shputë të këmbës

Së kërmillit

Përpëlitej i pa faj.

Ik! - i thashë,

Zhvish ethet e marrosura

Unë dot s’të mbaj!

Ik, ik!

Pa ardhur nata

Perëndimi ka thonj të prapë.

Ik, ik!

Grise hijen e fustanit!

Mëkati dhe pendimi

Kanë udhë të gjatë...

NË LITARIN E FRYMËS...

Grumbuj frymorësh gumëzhijnë

Në litarin e frymës...

Fryma e ekzaltuar këndon

Mbi urinë e pashuar të lirisë...

Më tutje, në skenën e improvizuar

Dëgjohet qyqja që këndon përmallshëm

Në krahë të erës së detit të tërbuar...

Vala e nxehtë brenda frymës

Së pa frymë, këndon fatin e vet...

Sa shumë frymë

Gjunjëzohen mbi stonatura...

Koha këndon kokulur

Simfoninë e frymës së fikur...

FLASIN...

Flasin pa mbarim,

Zgjaten monopateve,

Thonjtë e gaforres...

Ia varin në sy diellit...

Flasin, dritën e bëjnë errësirë

Plasariten gjinjtë e tokës...

Njollat i varin tek zanoret…

Shpikin germa të reja,

Fjalët i ngjeshin n’autostradë…

Lidhur me shirit të zi

Në qafë të dashurisë!

GËNJESHTRA

Bijë rebele

Ronitur

Nën strehë të zhgënjimit.

Verbohem

Me shkëlqimin e dritës

Mashtruese.

Me fytyrë nga koha

Ditë të plagosura,

Hapin varrin e orëve.

Netët tinëzare

Ogur i mirë për hënën,

I kanë qorruar sytë.

Të nesërmen,

Më heq zvarrë

Agimi i përvjedhur,

I marrosur e përskuqur.

Fshihem e pres,

Më ngërthen jeta

Pjellë e Botës së ndyrë.

Klith!

Janë shurdhuar,

Iki me vrap,

Iki larg...

Më zë pusi

Gënjeshtra...

Ç’më pushton frika

E kthimit pas të shekujve...!

BALADË NËNËS SIME

Era e tërbuar e shekujve

U përplas ndër gjokse engjëjsh të pafaj

Koha u trullos dhe u bë kiameti

Nëna ime ballërrudhur e shpirtplasur, këndon:

"Janinës ç’i panë sitëeee, Jaaaninoooo

Ish e prëmte ajo ditëeee, Jaaaaajaninooo" 

Oh, nënë, ç’është ky zë si në legjendë

Që drithëron dhe eshtrat e të parëve në çdo qelizë 

Ah moj bij’ e nënës, e njoh mirë këtë gjëmë

Ish shtrëngatë e stuhi, në atë kohë

Yjet ranë nga qielli të përgjakur, një e nga një

Kafka e hënës ra në prehrin e tokës amë

Barërat u helmuan, livadhet u gjakosën anë e kënd… 

Mos nënë, mos më thuaj gjak, gjak…ohhhhhhhh

Po bijë, sa gjak është derdhur në tokën Arbënore

Toka e përgjakur nga kufomat më rrinë ende në sy...

Shkëmbinjtë shekullore u copëtuan nga dhimbja

Ia ndërruan format, ngjyrat, emërtimet...

Eh, s’munda të ngjyej as hijen e gishtit,

Të shkruaj emrin mbi një varr,

Në oxhakun ku kam qarë për herë të parë...

O Zot, sa shumë dhimbje e lot ka pirë kjo tokë

Dielli po më rrëzohet para këmbëve të mia

Në qerpikë më ka ngrirë kripa e lotit...

Ku rënkon e thinjur në vetull, Çamëria...

Janinës ç’i panë sitëeeee, Jaaaa janinoooooooo...