Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Adnan ABRASHI

www.syri3.com

      FATLUMJA ËSHTË DHUNTI E ZOTIT NË NE!

      Fatlumja është ndjenjë e brendshme dhe sinjal shpirtëror; është dhuratë e Zotit dhe privilegje e çdo kujt. Andaj, përjetimin e fatbardhësisë, fatlumes, gëzimit, haresë...etj., kurrë nuk duhet marrë si një gjendje e shkaktuar nga rrethanat e jashtme objektive, por si një dhunti e brendshme shpirtërore dhe dhuratë të Zotit, e cila permanent ndryshon dhe ka mundësi të kultivohet.

            Fshehtësinë e jetës, e që ka të bëj me fatlumen, kurrë nuk do të jemi në gjendje saktësisht ta definojmë. Prandaj, çdo gjë që është e vlefshme dhe e rrënjosur thellë në ne, përherë mbetet e fshehur nga vrojtimet dhe njohuritë tona. Fati i keq i një sundimtari ose i një pasaniku, kundrejt jetës fatlume të një njeriu të thjeshtë dhe të varfër, është pikërisht shprehje e kësaj fshehtësie të jetës, të cilën ne, as nuk e dimë, dhe as që do të jemi në gjendje të manipulojmë me të ndonjëherë.

            Fatlumja është prezentë në ne dhe kudo rreth nesh. Përjetimin e saj duhet marr si një çështje tërësisht momentale dhe relative. Edhe përkundër edukatës tonë materialiste që mbizotëron te shumëkush prej nesh se shkaktari kryesor për të qenë fatlum, qëndron kryekëput në mirëqenien materiale, realiteti na dëshmon të kundërtën: se, në fakt, kemi të bëjmë me diçka shumë më të lartësuar dhe shumë më metafizike se sa që është pasuria dhe potencialet tjera të natyrës fizike.

            Edhe pse, bukurinë, veshjen, pamjen e jashtme, begatinë materiale etj., nuk duhet mohuar si të parëndësishme në jetën e njeriut, nga ana tjetër duhet ditur se fatlumja është një ndjenjë e brendshme dhe ajo kryesisht ndërtohet nga aftësia që me magnetizimin tonë reflektues, për t’i joshur dhe magjepsur edhe të tjerët.

            Kjo dukuri quhet KARIZËM. Atë e disponojnë shumë individ, por, pjesa më e madhe e tyre nuk janë vetëdijshëm se nga e ka burimin kjo prirje që e kanë.

            Në fakt, fatlumja është dhunti e brendshme e rrënjosur thellë në nënvetëdijen tonë, e cila, në raportet me jashtë, shprehet dhe vërehet përmes sjelljeve tona të qëllimshme apo spontane si veprim. Thjeshtë, është kryekëput shprehje e bindjeve tona në formë të vetëbesimit, dashurisë... Dhe, më pas, kjo farë diku e mbledhur në thellësi, fillon të gufoj në veprim, në aksion, si e kapshme dhe tërheqëse, duke rrezatuar gjithnjë pozitivisht nga ne tek të tjerët.

            Përmes ekzistimit të aftësisë komunikatave mbresëlënëse mes njerëzve, ne plotësojmë instinktin e lindur natyror - që të duam dhe të jemi të dashur. Andaj, insistimi i gabuar në arritjen e pasurisë dhe pamjes së jashtme kinse sa më joshëse artificiale, e ka kryekëput këtë qëllim – rrejshëm të shpresosh se do jesh fatlum-e, dhe asgjë tjetër.

            Njerëzit, e veçanërisht në këtë drejtim i paraprijnë femrat, shpesh jetojnë në lajthim të thellë se në lënien e përshtypjes mbresëlënëse në mes të dy gjinive të kundërta, është vendimtare kryekëput bukuria e jashtme fizike. Gjinjtë e mëdhenj, këmbët e gjata dhe të bukura, beli i hollë...etj, gjithsesi janë favore të pakontestueshme në joshjen e atypëratyshme të gjinisë së kundërt, por, në anën tjetër, realiteti na dëshmon të kundërtën: pikërisht, mungesa e vetëbesimit në pamjen vetjake, më së shumti e paralizon atë ndjenjë të brendshme pozitive që vërtetë tërheq dhe magnetizon. E, në mesin e dy gjinive të kundërta, posaçërisht femrat janë ato që më fuqimisht e emetojnë këtë reflektim. Kultivimi permanent i ndjenjës së frikës dhe pasigurisë në vete, me kohë, formon edhe shprehinë e humbjes së vetëbesimit, duke e shuar kështu edhe atë shkëndijë më të vogël të zjarrit të brendshëm pozitiv hyjnor që në mënyrë të natyrshme patjetër duhet të ekzistoj tek çdonjëri prej nesh.

            Psikologët e shumtë që merren me çështjet e raporteve ndër gjinore (meshkuj-femër), kanë arritur në përfundim se rrezatimi i brendshëm i çdo individi, është forca më efikase e fascinimit dhe joshjes së partnerit të gjinisë së kundërt, se sa, ta zëmë, tek femrat, këmbët e gjata, gjinjtë e mëdhenj dhe pamja e përsosur kozmetike e fytyrës.

            Kirurgjia plastike (estetike), kohën e fundit është dega më e kërkuar e medicinës bashkëkohore. Edhe përpos çmimeve marramendëse të këtyre shërbimeve kirurgjikale, shumë meshkuj, e veçanërisht femrat, nuk hezitojnë që revidimin e mangësive të tyre fizike t’i përmbushin përmes briskut. Por, me këtë metodë, edhe përpos arritjes së qëllimit të kërkuar në pamje, më vonë vërejnë se diçka nuk “shkon si duhet”, dhe përsëri janë të pakënaqur dhe të pa fatlum në jetë.

            Dhe, për fund, ta bëjmë një konstatim të thjeshtë por tejet të vlefshëm në lidhje me këtë temë: fatlumja është ndjenjë e brendshme dhe sinjal shpirtëror; është dhuratë e Zotit dhe privilegje e çdo kujt. Andaj, përjetimin e fatbardhësisë, fatlumes, gëzimit, haresë...etj., kurrë nuk duhet marrë si një gjendje e shkaktuar nga rrethanat e jashtme objektive, por si një dhunti e brendshme shpirtërore dhe dhuratë të Zotit, e cila permanent ndryshon dhe ka mundësi të kultivohet. Pse është kështu, dihet. Sepse, çdo përjetim i yni i realitetit objektiv, është mu ashtu sikur është, ngase, përmes mendimeve tona pozitive dhe negative, ne vetë me kohë e kemi formësuar si bindje ashtu.

            Dhe, krejt në fund, duhet ta dimë patjetër të gjithë edhe këtë: gjithmonë hyjnorja është në ne dhe çdo kund rreth nesh. Ne vetëm duhet ta dimë se si ta vejmë kontaktin e lidhjes së papengueshme shpirtërore me te?!