Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

FATMIR TERZIU

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

FATMIR TERZIU

            Hyrje

        Fatmir Terziu, gazetar, publicist, poet, prozator,  skenarist, editor dhe  regjisor filmi. Këtu e njëzet e pesë vjet më parë, me shkrime të gjinive të ndryshme. Është i pranishëm në letrat shqipe në Shqipëri dhe më gjerë. Punën si gazetar e filloi që kur ishte student në gazetat e viteve 80-të, dhe e vazhdoi duke qenë Kryeredaktor i të Pavarurës “Fjala e Lirë”, gazetar i të përditshmes “Rilindja Demokratike”, korrespodent i gazetave “Tribuna Demokratike”, “Albania”, “Fakti” etj. Shkrimet e tij janë pëlqyer e botuar në gazetat “Panorama”, “Mapo”, “Gazeta Shqiptare”, “Nacional”, “Koha Jonë”, “Rilindja”, “Shekulli”, “Telegraf”, “Tirana Observer”, “Republika”, “Bota Sot”, “Albania”, “55”, “Bashkimi”, "Eurozeri", "Ndryshe" e mjaft revista periodike, që botoheshin e botohen në Shqipëri. Ka bashkëpunuar dhe bashkëpunon herëpashere me disa nga gazetat dhe revistat shqipe që botohen kudo ne botë.

Për disa vite ka qënë drejtues i Televizionit Privat “Dardan”, gazetar dhe drejtues i disa emisioneve televizive, si “Objektiv”, “Studio e Hapur” etj. Vlen të përmendet bashkëpunimi i tij me radio “Tirana”e radio “Kontakt”, “Zëri i Amerikës”.

Në vitin 1996 është shpallur reporteri më i mirë i vitit nga gazeta “Rilindja Demokratike” (shih: gazeta RD, Janar 1996), ku edhe ka fituar edhe çmim special. Gjithashtu ka qenë mësues dhe ka drejtuar disa shkolla shqipe në Elbasan.

Që nga viti 2001 ndodhet me banim në Mbretërinë e Bashkuar, ku punon në LSBU pranë Faculty of Arts and Human Science në Departamentin e LRC-së (Ëidening Participation Unit). Ka studiuar më parë në High Melton College të South Yorkshires për Gjuhën Angleze, më pas në Kolegjin South Thames për HNC Media Production. Ka kryer studimet për Media dhe Komunikim (Media Communication in LSBU) dhe mbaroi studimet për DFVP pranë LSBU në Londër me temën e Diplomës “Parametrat narrativë në filmat e Sir Norman Ëisdom” (Parametric Narration in Sir Norman Ëisdom movies” me drejtues të temës Chris Elliot dhe Dr Phillip Hammond. Rezultati i përfundimit është vlerësuar shkëlqyeshëm (2:1).

Ka përfunduar studimet e Masterit (MA) ne Roehampton University me një studim në fushën “Reprezantimi i Personales per Interesa Publike ne Dokumentaret e Paul Watson-it” (Representation of private for public concern in Paul Ëatson’s documentary) me udhëheqës teme Prof Dr Heather Nunn (H.Nunn@roehampton.ac.uk) dhe Dr Anita Biressi (email: A. Biressi@roehampton.ac.uk) Rezultati i vlerësimit ka qenë i shkëlqyeshëm.

Ka kryer studimet e doktoraturës (PhD) pranë LSBU Londër, me temën “Rishkrimi i diktarturës, miti dhe gjinia” me drejtues të temës, Dr Anna Reading (email: anna.reading@kcl.ac.uk) dhe Dr Jenny Owen (email: owenjs@lsbu.ac.uk) dhe supervizore Dr Suzanne Scafe (email: scafes@lsbu.ac.uk). Tema e doktoraturës është përfshirë në një libër për studentët e universiteteve britanike dhe më gjerë.

Studimi i tij “Parametric Narration in Norman Ëisdom’s Movies”(Parametrat Treguese në Filmat e Sir Norman Ëisdomit) është pëlqyer dhe vlerësuar nga lektorët e LSBU-së, po  edhe nga studies të tjerë të kësaj fushe në Britaninë e Madhe, sidomos nga studiuesi i mirenjohur Britanik, Richard Dacre. Gjithashtu gjatë kësaj periudhe ka shkruar dhe botuar artikuj dhe shkrime të ndryshme në shtypin britanik, ate shqiptar që botohet në diasporë si dhe në shtypin e huaj për probleme të ndryshme dhe letrare artistike. Eshte autor i Ghost Diamond  (Hija Diamant) botuar nga bbc.co.uk/yorkshire si pjesë e një kompeticioni, ku fitoi vendin e parë.

Për filmat e autorit jane prononcuar e mirënjohura e filmit Dr. Charlotte Crofts (autore disa filmave me metrazh te shkurter dhe autori e filmit "Bluebell"), Mr. Chris Elliott, si dhe te rrinjte filmrealizues Bertie Stephens (Dublant i Harry Potter-it) (nga SHBA), Simon Smith (nga Anglia), Rahim Hassanaly (nga Portugalia) etj. Dy filmat e Fatmir Terziut “Windy Corner” dhe “Clouds of Smoke” janë përzgjedhur nga British Council Arts dhe janë ekspozuar online në mesin e filmave Britanikë dhe filmkrijuesve të këtij vendi (http://film.britishcouncil.org/clouds-of-smoke). Dy filmat e mësipërm janë ndër të parët filma krijuar nga një shqiptar me banim në Mbretërinë e Bashkuar, që gëzojnë të drejtën e përfshirjes në Websitin zyrtar të filmit vendas (http://film.britishcouncil.org/windy-corner). Për më shumë informacion mund të lexoni lidhjet online në http://film.britishcouncil.org/windy-corner. Autori po punon në një film të ri me titull Red Devil (Djalli i Kuq).

Libra nga autori:

1. “Borxh ajrit” (1990)

2. “Lumenjtë e ëndrrave” (1992)

3. “Mos hesht” 2000, Sejko

4. “Djalli i Argadasit”, 2003, Silver

5. “Miriapodë”, (2004)

6. “Ecje në qelq” 2005, Silver

7. “Krokamat” 2006, “Lulu”

8. “Misteriozja” 2008, “Globus R”

9. “Kohëbota” 2010 “Emal”

10. “Eagles Voices” 2010 “Emal”

11. “Grykës” Roman 2005

12. “Kojrillat” Roman (2007)

13. “Bunari” Roman (2008)

14.  “Xhungël mendimesh” (2010)

15. “Blirët e pejës” roman (2011)

16. “Era nuk jepet me qera” (2014)

17. “Fijet e barit të thatë” (2016)

18. “Pas shiut” (2016)

19. “Zjarri është Blu” (2016)

Libra studimorë:

1. “Parametric Narration në filmat e Norman Wisdom” (2007) “Lulu&LSBU”

2. “Kritika Ndryshe: Një vëzhgim në brendësi të prozës dhe poezisë shqiptare; Pjesa e parë” (2009) “Arbëria”

3. “Kritika Ndryshe: Një vëzhgim në brendësi të prozës dhe poezisë shqiptare; Pjesa e dytë” (2010) “Globus R”

4. Media Technology and everyday life “Globus R”

5. Writing scripts from students view “Lulu”

6. “Joni poetik” I

7. “Joni poetik” II

8. “Elbasani në arkivat britanike” studime (2015)

9. “Disimetria, Universaliteti, Oksimoroni, (Anti)misigonia” studime (2016),

10. Writing the dictatorship: reuse of myth in Ismail Kadare’s work (2016)

Esse te publikuara:

1. Cross-cultural dressing in Kadare's novel: the bearer of ill tidings-islamo nox (September 2011) in the International Journal of Academic Research; September 2011, Vol. 3 Issue 5, p. 93-112.

2. ‘Beauty pageant for men in the Accursed Mountains’ (1999)

3. Symbolic interpretation: dress in genders’ in the  Academic Research International; ISSN: 2223-9553 Volume 1, Issue 3, November 2011, p. 167-195.

4. Freud and Spellbound

5. Ballkan Chiaroscuro

6. Shifting Boundaries in Documentary Film

7. Blogjet, nje shperthim i vrullshem krijues (shqip)

8. Kadare dhe disidenca e tij

9. Postmodernizmi i vonuar shqiptar

10. Stuart Mann dhe letërsia shqiptare në syrin britanik.

11. Referenced in the Rosalind Galt and Karl Schoonover’s ed. Global Art Cinema: New Theories and Histories. Oxford University Press, 17 Mar 2010.

Konferenca dhe simpoziume:

‘Reality TV and the therapy playroom’, Reality TV day event, Roehampton, University of Surrey, 2007.

Reality TV: Contexts, Debates, Futures, 2008, Symposium, Roehampton.

Media War: Covering conflicts after Iraq, November 2008.

Transnationalisation and cultural effect LSBU 2010.

Summer PhD Conference LSBU 2010.

Albania, myth and democracy LSBU 2016.

Dokumentarë të këtij autori:

1. "Clouds  of  Smoke" (Rete e Tymit) eshte perzgjedhur nga Festivali i Filmit te Pavarur ne New York 2007, New Delhi 2009

2. “Trokamat në jetën e një Pene” 2003

3. Footsteps in the life of a writer 2006 (shqip-anglisht)

4. “Në Kosovë Andej nga Kulla e Jasharajve” (2004-shqip)

5. “Rivermusic”(2003-anglisht)

6. “Capoeira” (2005-anglisht)

Gjatë punës në TV Dardan ka realizuar disa dokumentarë ku spikat ai për Universitetin e Tetovës, Diktaturën, Azem Hajdarin etj.

Filma me metrazh të shkurtër:

1. “Windy Corner (Rruga e Ererave)

2. Think Again!

3. Sentimental Journey

4. Pencil and Computer (ne dy versione me çmim perkates dhe vleresime)

5. One Egg (http://www.bbc.co.uk/films/oneminutemovies/watch/)

Dy filmat e fundit janë online në faqen e bbc.co.uk dhe janë vlerësuar nga mjaft shikues. Disa nga filmat dhe dokumentarët  e autorit janë shfaqur dhe promovuar edhe në mesin e shqiptarëve në Mbretërinë e Bashkuar.

Shkrimet e shumta të autorit mund të lexohen në faqet elektronike:

http://www.bbc.co.uk/

http://www.fjalaelire.com

http://www.albanianmail.co.uk

www:www.albaniannews.co.uk

e mjaft të tjera.

Shtypi dhe mediat për Fatmir Terziun:

1. Wandsorth Guardian

2. South Yorkshire Times: November 2001

3. BBC Intervista

4. Oksford University Pres

Shtypi shqip mjaft gazeta, revista

MËMËDHE

Çdo ditë plumboset një medalje,

plot me plagë,

dhimbje,

 mallkime,

ofshama deri në përshpirtje,

plagë që e mbulon gdhendjen me mëditje

një plagë ende pa rrugëdalje

dhimbja e Nënës së Madhe.

SHPIRTI I NËNËS

Erdhi puhizë e Marsit. Sythkat

pluskojnë qumshtimin edhe më shumë

buzë lumit Tamiz me guralecë e shkumë

tejpërtej hiramit që na shtrëngon në mjegull

dëgjoj këngën e nënës për lulien,

përrallën e gjyshes për Doruntinën

i përsëris nëntokës me zhaurimën e trenave

dhe përhumbem aty ku zanafill mallëngjimi.

Duke më ikur minutat

kam harruar praninë time.

E bëhem fëmijë me gishtërinj të butë,

që sythket buzëve dhe gjoksit të nënës

lëmekur me njerëzit e tjerë të urtë,

fshij djersët, dëshirem lotët t’ua përpijë

hyj nëpër porta me lloze të hekurta

kërkoj hapësirat e jetës

kah prehri i diellit.

Orëve që ikin më pas

e ngjyej me thinjat e shekujve të tretur,

malli është bërë kocomi,

s’ndahet nga gjaku, gjoksi i nënës, ka thirrë,

koçelë ku fle mall-ë-ngjimi.

Dhe dita më pas shkëlqen si ar i kulluar,

me Gandin që bekon shpirtin e nënës më të bukur,

natyrisht duke e lumturuar.

DJEMTË

Djemtë...,

pikëndalesa dhe shkundja e vetvetes...

qëllimi i jetës!

Në fund buzëqeshja,

shikimi drejt majave...

SYTË

Në shpirt çelin lulet e padukshme,

mbijnë nga sytë e tu, e dashur

mbështjellin lëkurën me aromë

në të perjetshmen lojë

që e vazhdojnë gjeneratat e zgjasin

deri kur lëkurën toka na e mbulon.

Sytë mbesin pështjella pa lëkurë,

shikimi mistik nën dhe

sytë, e dashur nuk vdesin kurrë

mbesin struktura plot re...

Sytë qëndrojnë dhe në një trup

që nuk njeh turp.

SOFRA

(Begatia e pas-M(b)arsit)

Ofshamë e ikur kapakëve të zverdhur të Migjenit

klithje pa trumbetim

solfexho e lemerisur e sallës së Madhe

solmaxhor drithërimash pa inventar

marshon në tapetin e kuq të Kongreseve,

pa nota

çelësi i thyer me pjatën e zbrazur

trok i shurdhër pirunash moderne

ndal hapërimin

me pasaportën e Tjetrit

bredh me kosha, mbajtje-fjetanake, kazane,

heshtje e shurdhër e vrarë

belbëzime pa nota muzikore

këndohet kënga e marrë

gërshet lidhur nga frika

marshon nga fitorja në fitorje

“Të rrojë Partia, të rrrojë politika!”

Sofra, eh, sofra

një pentagram me lotë e trosha...

NUHATJE

(Paskëtej ditë të mira do nuhasim...)

Përzier si dredhëzat e serrave të ushqyera majmë

ndijimet pllenore në kubikun e ngjeshur

korridoreve në katror

me brinjë të shkulura nga anëtarësimet

shpallin erëra naftalinë

ndotësi nëpër gjendjen politike

erëra myku nga kovçeku i forcave të veta

zagarët nuhasin gjahun

e pylli fle

erërat zgjohen.

SHPRESA

(Dhe shpresën e ndoqën ditët e pas-M(b)arsit)

Sytë janë vetëm për shikime përkundruall

me lente ndryshonjëse

pa ngjyrëza

ëmbëlsirë e sallës së Madhe, pafund

pa kordinata, dalje-hyrje nëpër diagonale

labirinthe me drita ovale

e mjegullirë e lumturisë

një triskë e shpuar nga shenjat e gishtave

pa lente zvogëlonjëse...

PARMAKËT E FJALËS

(Dhe Fjala do të derdhet si uji në gotën e Madhe të hist(e)risë)

Fjala ka zbritur në pëllëmbë

shtrëngohet me muskujt e remë

nëpër katërmijë damarë të shthurrur

dhe nduket fundi i pafundësive

protezë

fort i shtrëngoj fjalët

mendja sot një apoteozë

për parmakët.

TORBAT

(Dhe torbat do të lehtësohen pas ditëve të M(b)arsit)

Kur mblidheshin për tu mbledhur

numëruan me gishtat e dorës kohërat

në plazma digjitale të dehur

dihamë e gjatë

çdo fjalim një shtrëngatë

sa lindje, sa vdekje

s’kishte për to ndonjë deklaratë

sa ikje,

sa largime,

Globi s’kishte më pikë në Hartë...

ZERO

Grada “Zero” mund të rezistojë mitin. Asgjë-ja,

e (ç)liruar nga të gjitha skllavëritë në një gjendje të paracaktuar të gjuhës

nuk është më në shërbim të një ideologjie triumfuese

është, në vetvete, një rit

një zero, një kotësi

tkurrje mbi mish,

nëpër botën e çudirave

me kacavirrjen e vdekur,

lutje në rrethin e thatë

për një darkë me lotin e tretur.