Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Kujtim GËRMIZAJ

       FENERË NËPËR KOHË (2)

     Deri tani janë zbuluar një mori sekretesh të çuditshme matematike, gjeodezike, fizike dhe astronomike, që ndërtuesit i "kanë pas shkruar brenda", në veçoritë konstruktive të të tri piramidave më të mëdha egjiptiane. Megjithatë, sekreti i Sfinksit, që është krijuar njëkohësisht, nëse do t'u besojmë "leximeve" me piramidën e Keopsit, vazhdon të mbetet i pazbuluar.

            Në "leximet" e Edgar Kejsit sipas Aleksej Prijma në numrin e kaluar kemi thënë: përmbytja e përbotshme ndodhi "rreth 10 500 vjet para erës së re",

            Data që jepet në ato "lexime" përputhet me një saktësi fantastike me datën që jep Robert Byveli nëpërmjet një analize të ndërlikuar kompjuterike!

            Kështu nëpërmjet korrelacionit të burimeve të ndryshme historike dhe të gjetjeve arkeologjike, G. Henkoku nxjerr të njëjtin përfundim: Përfaqësuesit e një qytetërimi me një zhvillim shumë të lartë, i cili një ditë të bukur u zhduk nga faqja e planetit, me ndihmën e ca fenerëve të tyre nëpër kohë, kanë fiksuar datën e saktë të përmbytjes... Por puna nuk mbaron me kaq. Ata, pohon Henkoku, kanë future në "shenjën" e tyre edhe... një informacion për të ardhmen!.

            Gjigantja "shenjë e kohës" u vendos prej tyre në luginën e Nilit, siç thotë Henkoku, me një qëllim të dyfishtë. Së pari, ajo shërbente si njoftim për datën e kataklizmës të përbotshëm që zhduku qytetërimin e tyre shumë të zhvilluar. Dhe, së dyti, si një paralajmërim i frikshëm se kur do të ndodhë medoemos një tjetër kataklizëm i ngjashëm në Tokë.

            Në të vërtetë, për hir të këtij paralajmërimi që na përcillet përmes mijëvjeçarësh, është menduar, me sa duket, ndërtimi i një objekti nga më gjigantët në historinë botërore. Paralajmërimi, pikërisht ai, ka qenë ajo arsyeja jashtëzakonisht bindëse, ai shkaku që nxit krijimin e fenerëve gjigant jetëgjatë, e këtyre fenerëve të paasgjë­shueshëm! Me ndihmën e këtyre fenerëve njoftohemi se kur konkretisht Tokës do t'i vijë radha për "përmbytjen" tjetër.

            Kapsula me një mesazh për stërnipërit

            Gjeologët evropianë D. Uest dhe R. Shoh bënë disa studime që treguan se trupi i Sfinksit, një luan ky prej guri me fytyrë njeriu, ka disa prerje vertikale në formë brazdash, të cilat mund të jenë shkaktuar vetëm nën ndikimin e reshjeve të shiut që kanë vazhduar të bien rregullisht për një kohë të gjatë.

            Madje, për krijimin e brazdave me një thellësi dhe konfiguracion të tillë, shirat duhet të kenë vazhduar të bien mbi trupin e Sfinksit gjatë jo më pak se dy-tre mijë vjetësh.

            Por lugina e Nilit është kthyer në një shkretëtirë ranore jo më pak se tetë ose madje dhjetë mijë vjet më parë. Domethënë, Sfinksi qenka gdhendur nga një copë e madhe shkëmbi atëherë kur në luginën e Nilit ende vazhdonin të binin reshje të rregullta shiu dhe kur ajo ka qenë një kopsht i lulëzuar dhe jo shkretëtirë.

            Sfinksi e ka drejtuar fytyrën pikërisht nga ajo pikë e qiellit ku, rreth vitit 10450 para erës së re, shkëlqenin në një vend rigorozisht të përcaktuar mbi vijën e horizontit, tri yje të Brezit të Orionit. Sfinksi është një "Shenjë plotësuese" shprehëse, që tregon këtë pikë.

            Në"lexime"njoftohet:

            E ashtuquajtura piramidë e Keopsit nuk është ndërtuar aspak me urdhër të faraonit Keops. Ajo ka pas qenë ndërtuar shumë më herrët: mes viteve 10450 dhe 10390 para erës së  re. Përafërsisht në atë kohë ka pas qenë ndërtuar edhe Sfinksi...

            Shikoni me kujdes datat: "mes viteve 10 450 dhe 10390 para erës së re".

            Kurse G. Henkoku thotë: intelektualë të panjohur të lashtësisë shumë të largët me ndërtimin e fenerëve të vet unikalë donin të tërhiqnin patjetër vëmendjen tonë për vitin 10450.

            Së paku ndërtimi i piramidës së madhe ose i piramidës së Keopsit, siç rezulton nga data që jepet në "lexime", ka pas filluar menjëherë pas përmbytjes.

            Sfinksi është një enigmë botërore shumë e madhe. Ai është i vetëm dhe i papërsëritshëm në botë.

            Deri tani janë zbuluar një mori sekretesh të çuditshme matematike, gjeodezike, fizike dhe astronomike, që ndërtuesit i "kanë pas shkruar brenda", në veçoritë konstruktive të të tri piramidave më të mëdha egjiptiane.

            Megjithatë, sekreti i Sfinksit, që është krijuar njëkohësisht, nëse do t'u besojmë "leximeve" me piramidën e Keopsit, vazhdon të mbetet i pazbuluar.

            Për ç'qëllime është krijuar ky luan gjigant prej guri? Mos vallë vetëm si ndonjë "shenjë plotësuese" pa ndonjë rëndësi të veçantë?

            Sikur pak është e besueshme një gjë e tillë, kur ke parasysh shkathtësinë e lakmueshme dhe nivelin intelektual fenomenal, të krijuesve të tij... Atëherë përse qenka bërë Sfinksi?

            Përgjigja gjendet në "leximet" e Edgar Kejsit:

            Informacioni më i rëndësishëm për njerëzimin e sotëm duhet të gjendet në bazamentin e këmbës së përparme te Sfinksit nga e majta, por kurrsesi në tunelet e nëndheshme poshtë saj. Informacioni është vendosur në gurin themeltar të bazamentit të kësaj këmbe. Tunelet poshtë Sfinksit, që tani për tani nuk i njihni, në konfiguracionet e veta përmbajnë një ngarkesë informative. Megjithatë, "kapsula me një mesazh për stërnipërit" ndodhet poshtë këmbës së mëparme nga e majta...

            Ja ku e keni zbulimin e së fshehtës së Sfinksit, por ama me kusht që t'i keni marrë për të vërteta "leximet"! Rezulton se brenda Sfinksit qenka fshehur "kapsula informative" e cila përmbaka një 'informacion shumë të rëndësishëm për njerëzimin e sotëm".

            Por ç'e do, hëpërhë askush nuk nxiton ta bëjë një gjë të tillë, nuk shpejton ta nxjerrë kapsulën që gjendet poshtë këmbës.

            Shkencëtarët e sotëm, dhe para së gjithash egjiptologët, mbajnë një qëndrim shumë ironik, ndaj zbulimeve të Edgar Kejsit rreth Atlantidës, piramidave dhe Sfinksit. Edhe pse ajo përputhet me saktësi me datën e kataklizmit botëror, datë që është argumentuar në një mënyrë rigorozisht shkencore, me metodën e analizës kompjuterike...

            Përputhet me të edhe një njësi tjetër informacioni: informacioni për Sfinksin? Po ashtu, do të thonim, edhe për një njësi të tretë informacioni: njoftimin se në lashtësi paska ekzistuar domosdo në Tokë një qytetërim me një zhvillim shumë më të lartë të tipit teknokratik. Ky qytetërim paska ekzistuar në hapësirat e Atlantidës. Ai qenka zhdukur nga faqja e Tokës bashkë me Atlantidën, kur ndodhi një kataklizëm global mbarëplanetar.

            ("Leximet" e Edgar Kejsit janë i vetmi burim i parë në botë për një qytetërim të panjohur të lashtësisë, përmbajtja e të cilit lidhur me datën "viti 10450 para erës së re" vjen në përputhje me të dhënat që janë përftuar gjatë një analize bashkëkohore rigorozisht shkencore.)

       Nga revista e sapobotuar për ngritje shpirtërore dhe vetërealizim "MISTIKA", që mund ta gjeni nëpër kiosqet e shumta në Kosovë.

(1)