Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Leotrim MAVRAJ

FJALA

    Në fillimin e jetës së gjithçkaje asgjë nuk ishte kështu si e shohim ne sot, gjithçka ka pësuar evoluim, zgjerim si dhe një lloj përsosje të mënyrës së vet. Këtë nuk e ka bërë vetëm natyra, ndryshimit iu është nënshtruar edhe njeriu, nga një organizëm, i cili ndonëse ka pasur të gjitha vetit që i ka edhe sot, mendja e tij ishte më e pazhvilluar. Sot mendja e njeriut është mjaft e vetëdijesuar, ndonëse sipas të dhënave jo më shumë se 4%. Kush ishte faktori qe e bëri këtë ndryshim? Ai ishte FJALA.

            Fjala është diçka e thënë me gojë dhe e shqiptuar nëpërmjet një tingulli apo grupi tingujsh që tregon një kuptim, përshkrim, vend, kohë, lajm apo mendim. Fjala është pjesa themelore e marrëveshjes (komunikimit) gojor midis njerëzve.

            Në një formë, kështu definohet fjala në mendimin e parë dhe pa u thelluar shumë në studimin e sajë. Te fillojmë ngadalë të elaborojmë më shumë fjalën. Fjala përbën dy pjesë, njëra më e rëndësishme se tjetra.

            E para: Fjala si definim është ajo përmes së cilës ne komunikojmë, tregojmë gjëra në përgjithësi për dhe mbi jetën. “Në fillim ishte fjala” thuhet ne librat e vjetër fetar, ajo ekziston që bashkë me njeriun që nga ekzistimi i tij dhe së bashku me njeriun ajo ka ndërtuar jetën deri më sot duke bërë lidhjen në mes të individëve përmes komunikimit dhe kështu duke bashkuar energjitë e tyre, dhe për të arritur deri këtu ku jemi ne sot. Fjala si një emër i përbërë prej disa shkronjave e që shqiptohet në mënyra të ndryshme në gjuhë të ndryshme në këtë aspekt studiohet më zgjerimisht në librat e gjuhëve të botës nga autorë të ndryshëm. Por a ka diçka më shumë në këtë fjalë të përbërë nga pesë shkronja? A është vetëm një shprehje e thjesht komunikimi dhe shkrimi pesë shkronjash apo ka diçka më shumë?! Të shohim në vazhdim pjesën e dytë përbërëse të fjalës, e cila është shumë më e madhe dhe më e fuqishme se sa e para, dhe forcën e saj që ende nuk e njohim sa duhet.

            E dyta: Përsëri “Në fillim ishte fjala”! Ta studiojmë këtë për një moment. Athua pse thuhet kështu në librat fetar kur e dimë se sipas librave fetar ka filluar ekzistimi i botës dhe njerëzve, d.m.th në mënyrën e krijimit, nga krijuesi qe ka krijuar gjithçka, edhe universin edhe njeriun edhe gjithçka tjetër, dhe kështu pas kësaj e para ishte fjala?! Kjo mund të kuptohet në këtë mënyrë: Në fillimin e jetës së gjithçkaje asgjë nuk ishte kështu si e shohim ne sot, gjithçka ka pësuar evoluim, zgjerim si dhe një lloj përsosje të mënyrës së vet. Këtë nuk e ka bërë vetëm natyra, ndryshimit iu është nënshtruar edhe njeriu, nga një organizëm, i cili ndonëse ka pasur të gjitha vetit që i ka edhe sot, mendja e tij ishte më e pazhvilluar. Sot mendja e njeriut është mjaft e vetëdijesuar, ndonëse sipas të dhënave jo më shumë se 4%. Kush ishte faktori qe e bëri këtë ndryshim? Ai ishte FJALA.

            E gjitha që njeriu ndërton, arrin dhe realizon është produkt i mendjes së tij, kështu mendimet të cilat i përmbledh me besim e me bindje të thellë i shpreh me FJALË. Njeriu e posedon mjetin qe nuk e ka asnjë gjallës e gjallë në planet, e ajo është FJALA. Në Amerikë po zhvillohet vazhdimisht një shkencë që quhet afirmimet pozitive, kështu teoria aksiomatike e fjalës është: “Çdo gjë lindë në shpirt. Në xixën e parë lindë IDEJA, pastaj ideja formësohet në MENDIME, mendimi shprehet me FJALË, fjala krijon ENERGJI, energjia rrënon ose ndërton jetën”.

            Fjala ka forcë me të madhe se sa që mendojmë ne. Kthehemi tek një gjë me rëndësi tek dëshirat. Shprehja e dëshirave behet me fjalë, por ka dallim këtu se fjalën me të cilën e shpreh dëshirën duhet të jetë me besim e bindje të plot dhe patjetër qe ajo dëshirë do të bëhet përvojë e jetës. Këtu është një element i thellë që bënë të ndodhë ky funksion mirëpo, ajo qe vlen të dihet është se kjo ndodh me të vërtet. Shumë nga ne nuk din ende se çka është elektriciteti, madje as unë nuk e di në të vërtet, por të gjithë ne i shijojmë të mirat e tij. Ose më mirë të themi: nëse një person hidhet nga kati i dhjetë i ndërtesës pa marrë parasysh, a është njeri i mirë apo i keq, ai në tokë do të bie, pra do të hyjë në punë i njëjti ligj - ligji i gravitetit. Tek fjala është një ligj qe kisha për ta cilësuar akoma më të fuqishëm - ai është ligji i tërheqjes i cili vihet në funksion nga mendimet natyrisht! Por të jemi të vetëdijshëm se mendimet e bukura na vijnë, p.sh. nga një shoqëri e cila na bënë të ndihemi mirë, pra na flet fjalë të mira. Pastaj FJALA ka edhe dy anë tjera: ana pozitive, ku hyjnë falënderimet, mirënjohjet dhe ana negative, ku hynë ankesat. Nëse vazhdimisht i thua vetes me fjalë dhe me bindje se nuk je i mirë, nuk po ju shkon puna, shkolla apo marrëdhëniet pas një kohe me apo pa vetëdije atë do ta presësh. Po ashtu, nëse e aplikon autosugjestionin t’i bëni vetes afirmime pozitive, t’i jepni vetes kurajë, të jeni mirënjohës dhe t’i doni ato që i keni dhe, po ashtu, të prisni të tjera që do të vijn dhe që natyrisht i meritoni, do të keni jetë të lehtë dhe të mirë. Dëshira qe thuhet me FJALË, por me bindje e besim të plotë, lirshëm, pa sforcime, me gëzim e dashuri, ajo dëshirë plotësohet.

            Të shohim ndikimin e fjalës në aspektin medicinal: nëse bëni një kontroll tek mjeku dhe jeni plotësisht i shëndosh, po të aplikosh disa ditë afirmime negative ndaj vetvetes dhe të thuash: “Unë nuk jam mirë, unë do të sëmurem, po më dhemb dora apo këmba...” dhe pas disa ditësh, kështu ju do të ndikoheni dhe vërtet nuk do të ndiheni mirë dhe nuk do të ketë mjek në botë që do mund të ju gjej sëmundje, edhe pse në fakt ju nuk ndiheni mirë, sepse trupi nuk është i sëmurë, por ndërdija juaj mendon ashtu - ashtu si ju i kërkuat asaj! Ndërdija e jonë mbjell ato gjëra që ia ofron dija, pa marrë parasysh çfarë janë ato. Në tokë mund të mbjellim grurë të shëndetshëm por edhe ferra të këqija, dhe ajo do ti rris të dyja ato.

            Para disa muajsh në një spital të Izraelit është bërë një eksperiment me të sëmuret nga kanceri ku janë marrë njëqind persona, përafërsisht me diagnozë të njëjtë, dhe janë ndarë në dy grupe. Njëri grup ka vazhduar terapinë e njëjtë medicinale me kimioterapi te caktuar nga doktorët, ndërsa grupit tjetër, përpos terapisë, iu është thënë familjarëve të tyre që t’i thërrasin disa herë në ditë dhe tu thonë: “Ti je i mirë për ne, ti po shërohesh, ti do jesh mirë...” Dhe kështu pas një kohe, nga grupi me trajtim normal me medikamente, nuk mbijetoi asnjë, ndërsa nga grupi i dytë mbijetuan pesëmbëdhjetë persona sepse ata kishin një ndihmë të madhe, kishin fjalën për ndihmë. Këso eksperimente janë bërë edhe në pista të shkurta ku, nëse i thuani vetes se unë nuk pi kafe në mbrëmje, apo qaj se nuk më merr gjumi, atëherë gjumë s’do të kesh! Apo, nëse e bënë të kundërtën dhe beson, atëherë do të kesh gjumë të qet. Pra e njëjta përbërje, e njëjta materie, një natë pa gjumë të nesërmen gjumë të qetë.

            Pra : KURRË MOS PËRDORNI FJAL DHE AFIRMIME NEGATIVE POR VETËM, POZITIVITET DHE GJALLËRI. FJALA E BUKUR ËSHTË ENERGJIA QË SHËRBEN PËR TË REALIZUAR ËNDËRRAT E SECILIT.