|
- E tani - thashë - të cekim vlerat që i kemi
zbuluar:
1. Bashkëshorte të mrekullueshme: tridhjetë vjet
martesë.
2. Tre fëmijë besnikë që do t’ju përkrahin.
3. Shokët që do t’ju ndihmojnë dhe që ju
respektojnë.
4. Nderi: prej asgjëje nuk duhet të turpëroheni.
5. Shëndeti fizik i mirë.
6. Jetoni në Shtetet e Bashkuara të Amerikës,
vendin më të mirë në botë.
7. Besoni në Zot.
Letrën ia shtyra përpara në tavolinë. - Shikoni.
Më duket se i keni të gjitha vlerat e mundshme. Ndërsa më thatë, se me ju ka
marrë fund.
Ai i turpëruar buzëqeshi. - Ndoshta s'kam
menduar në të gjitha këto. Ndoshta gjërat edhe s’janë aq keq - tha, i zhytur
në mendime.
- Ndoshta mund të nis prej fillimit, vetëm nëse
mbledh pak - forcë në vete.
Pati sukses në këtë dhe ia filloi nga fillimi.
Por, këtë e bëri pasi i ndryshoi pikëpamjet e veta, qëndrimin e vet mendor.
Besimi ia fshiu dyshimet dhe në të mbiu forca më e madhe se sa që duhej për
t'i mposhtur të gjitha vështirësitë.
Kjo ngjarje ilustron të vërtetën e brendshme që
mund të shprehet me fjali të psikiatrit të famshëm, mjekut Karl Menninger-
it. Ai ka thënë: »Qëndrimet janë më të rëndësishme se faktet«. Ia vlen, që
kjo të përsëritet gjersa kjo, e vërteta, nuk ju përshkon plotësisht. Asnjë
fakt me të cilën ballafaqohemi, pa marrë parasysh sa është i pashpresë,
s'është aq me rëndësi sa është qëndrimi ynë ndaj tij. Ajo që mendoni për atë
mund t’ju mposhtë para se të bëni çfarëdo në lidhje me të. Ekziston mundësia
që faktin ta lejoni t’ju zotërojë, para se të filloni me të vërtet për ta
zgjidhur. Nga ana tjetër, mënyra e mendimit optimist dhe të besueshëm, mund
t'i ndryshojë faktet dhe tërësisht t'i mposhtë.
E njoh një njeri që është shumë i zellshëm në
organizatën e tij, jo për shkak aftësive të tij të jashtëzakonshme, por për
shkak se në mënyrë konstante e shpreh deri në fund, mënyrën e mendimit
triumfues. Bashkëpunëtorët e tij, ndonjë propozim shpesh e shohin në mënyrë
pesimiste; ndërsa ai atëherë e përdor atë që e quan »metoda e thithjes«. Me
pyetje të rreshtuara ai »thith pluhurin« nga mendja e bashkëpunëtorëve të
tij dhe ashtu i largon qëndrimet e tyre negative. Pastaj, në mënyrë të qetë
i propozon mendimet pozitive në lidhje me propozimin, derisa grumbullimi i
qëndrimeve të reja nuk e inspiron kuptimin e ri të fakteve.
Ata shpesh komentojnë se si faktet e ndryshme
paraqiten kur ai njeri »punon në to«. Kryesore është qëndrimi ndaj besimit,
por kjo nuk e përjashton objektivitetin gjatë vlerësimit të fakteve. Viktima
e kompleksit të inferioritetit, të gjitha faktet i sheh nëpërmjet qëndrimeve
të shtrembëruara. Sekreti i përmirësimit është thjesht që të arrihet
botëkuptimi normal, ndërsa ajo gjithnjë është pozitive.
Pra, nëse vëreni se jeni të mposhtur dhe e keni
humbur besimin për aftësi triumfuese, uluni, merreni një letër dhe bëni
listën e faktorëve që janë në dobi tuaj, e jo të atyre që ndikojnë kundër
jush. Nëse ju apo unë do të mendojmë pandërprerë në forca që i konsiderojmë
se janë kundër nesh, do t'i shndërrojmë në fuqi shumë më të madhe se sa e
meritojnë. Do të duken më të fuqishëm se sa me të vërtetë janë. Por, nëse,
në të kundërtën, në mënyrë mendore i paraqitni dhe gjithnjë nga fillimi i
konfirmoni vlerat dhe mjetet tuaja e mendoni në to, duke i theksuar në masë
më të madhe të mundshme, do t'i ngreheni mbi të gjitha vështirësitë, pa
marrë parasysh se çfarë janë. Forcat tuaja të brendshme, prapë do të
lajmërohen dhe me ndihmën e Zotit do t’ju tërheqin nga mposhtja - në fitore.
Një nga konceptet më të mira, si ilaç i sigurt
për mungesë të vetëbesimit, është mendimi se Zoti me të vërtetë është me ju
dhe ju ndihmon. Kjo është një nga mënyrat më të thjeshta për besim: Zoti do
të jetë shoku juaj, do të jetë pranë jush, do t’ju ndihmojë dhe kuptojë.
Asnjë mendim tjetër s'është aq i fuqishëm, sikur ky besim i thjeshtë gjatë
zhvillimit të vetëbesimit. Për të përdorur këtë, thjeshtë pohoni: »Zoti
është me mua;. Zoti më ndihmon; Zoti më udhëheq«. Disa minuta në ditë
parafytyroni praninë e tij. Pastaj mësohuni për të besuar në këtë pohim.
Kryeni detyrën tuaj me supozim se është e vërtetë atë që e pohoni dhe
përfytyroni. Këtë ta pohoni, këtë ta përfytyroni, dhe kjo do të realizohet.
Forca, të cilën e liron kjo mënyrë, do t’ju habitë.
Ndjenjat e vetëbesimit varen nga lloji i
mendimit që parimisht e përshkojnë vetëdijen tuaj. Nëse mendoni në humbje,
sigurisht edhe do ta përjetoni. Mendimet le t’ju vinë me vetëbesim; kjo le
t’ju bëhet shprehi mbizotëruese dhe do të arrini aftësi të mëdha me të
cilat, pa marr parasysh pengesat që do të paraqiten para jush, ju do t'i
mposhtni ato. Ndjenjat e vetëbesimit me të vërtetë e nxisin rritjen e
forcës. Basil King njëherë pati thënë: »Bëhuni i guximshëm dhe forcat e
fuqishme do t’ju vijnë në ndihmë«. Përvoja vërteton se kjo është e vërtetë.
Do të vëreni si ato forca të fuqishme ju ndihmojnë, gjersa besimi gjithnjë e
më i madh ju ndërron qëndrimet.
Emerson-i ka publikuar një të vërtetë të madhe:
»Fitojnë ata që mendojnë se atë mund ta bëjnë«. Ka shtuar: »Bëni atë të
cilës i frikoheni dhe frika do të shpartallohet«. Bëni ushtrime për
vetëbesim dhe besim, pastaj frika dhe pasiguria juaj nuk do të ketë fuqi mbi
ju.
Njëherë kur Stonewall Jackson-i, ka planifikuar
një sulm të guximshëm, një gjeneral i tij, me frikë ka dhënë vërejtje, duke
thënë: »I frikësohem kësaj« ose »Frikësohem se...«. Duke ia vënë dorën në
krahë vartësit të tij të frikësuar, Jackson-i i ka thënë: - Gjeneral, kurrë
mos i dëgjoni këshillat e frikës tuaj.
Fshehtësia është në atë që vetëdijen ta mbushni
me mendime në besim dhe vetëbesim. Kështu që, me forcë do t'i largoni, ose
në tërë mangësitë e vetëbesimit, do të detyroheni që të dyshoni. Një njeriu,
të cilin gjatë e ka përcjellë pasiguria dhe frika, i kam propozuar që të
lexojë Shkrimin e shenjt dhe me laps të kuq të nënvizojë çdo fjali që ka të
bëjë me guximin dhe vetëbesimin. I ka mësuar përmendësh, duke e vërshuar
mendjen me mendime më të shëndosha, më të lumtura dhe më të fuqishme në
botë. Këto mendime dinamike e kanë shndërruar: nga shpresëhumbur - njeri me
forcë që bën përshtypje. Pas disa javësh, ndryshimi tek ai ka qenë i
konsiderueshëm. Pothuajse nga mposhtja e plotë është bërë personalitet me
vetëbesim që inspiron me besnikëri. Tani rrezaton trimërisht dhe me
magnetizëm. Në mënyrë të thjeshtë, me ndryshimin e të menduarit, e ka kthyer
vetëbesimin në vetvete dhe në forcat e veta personale.
Të përfundojmë: çfarë mund të bëni menjëherë, që
ta krijoni vetëbesimin? Në vijim janë dhjetë rregulla të thjeshta punuese,
për t'i mposhtur qëndrimet e paaftësisë dhe mësimi se si të përdoret besimi.
Me mijëra njerëz i përdorin këto rregulla dhe lajmërojnë për rezultate të
suksesshme. Pranoni këtë program dhe pastaj edhe ju do ta krijoni
vetëbesimin në forcat personale. Edhe ju do të arrini ndjenjë të re për
forcë.
1. Formoni dhe vëni në vetëdijen tuaj figurën
mendore si të pashlyeshme, vetën në persona të suksesshëm. Me këmbëngulje i
përmbaheni kësaj figure. Kurrë mos lejoni të zbardhet. Mendja juaj do të
jetë e gatshme që edhe më tutje të zhvillohet. Kurrë mos mendoni për vetvete
se jeni person jo i suksesshëm; kurrë mos dyshoni në njëmendësi të kësaj
figure mendore. Kjo është shumë e rrezikshme, sepse mendja gjithnjë tenton
të realizojë atë çfarë mendon. Prandaj, gjithnjë mendoni »në sukses«, pa
marrë parasysh që çështjet momentalisht mund të janë keqësuara.
2. Kurdo, kur t’ju bie në mend, mendimi negativ,
që ka të bëjë me fuqitë tuaja personale, me qëllim thirreni mendimin
pozitiv, që ta zhdukni atë negativ.
3. Mos krijoni pengesa në përfytyrime.
Degradojeni çdo pengesë të ashtuquajtur. I pakësoni. Vështirësitë duhet t'i
studioni dhe me efikasitet t'i zgjidhni dhe t'i mënjanoni, por duhet t'i
shihni vetëm ashtu siç janë me të vërtetë. Nuk lejohet të zmadhohen mendimet
me plotë frikë.
4. Mos lejoni që të tjerët t’ju verbërojnë me
shkëlqim dhe mos i imitoni. Askush nuk mund të jetë i dobishëm si JU. Mos
harroni, përkundrazi nga dukja dhe sjellja e tyre se janë plotë vetëbesim,
shumica e njerëzve, po ashtu shpesh si ju, janë të frikësuar dhe dyshojnë në
vetvete.
5. Dhjetë herë në ditë përsëritni këto fjalë:
»Nëse Zoti na përkrah, kush do të jetë kundër nesh?« (Letra e drejtuar
Romakëve 8,31). (Menjëherë ndërpritni leximin dhe i përsëritni ngadalë dhe
me besim).
6. I drejtoheni këshilltarit të suksesshëm, i
cili do t ju ndihmojë për të kuptuar, pse bëni atë që bëni. Njoftohuni me
burimin e pasigurisë suaj dhe të dyshimit ne vetvete, i cili shpesh fillon
prej fëmijërisë. Vetëbesimi ju drejton gjer në shërim.
7. Dhjetë herë në ditë përdorni pohimin në
vijim, duke përsëritur, nëse është e mundur me zë: »Gjithçka mundem me
ndihmën e Zotit që më jep fuqi.« (Letra drejtuar Filipinasve 4,13).
MENJEHERE përsëritni këto fjalë. Kjo fjali magjike është kundërhelmi më i
miri në botë për mendime të pavlefshme.
8. Vlerësoni aftësitë tuaja realisht, e pastaj i
rritni për 10 për qind. Mos u bëni egoist, por fitoni vetëbesim të
shëndoshë. Besoni në fuqi personale, të cilat ju ka dhënë Zoti.
9. Përkushtohuni në duart e Zotit. Për të bërë
këtë, thjesht duhet për të thënë: »Unë jam në duart e Zotit.« Pastaj besoni
se si TANI ju vjen fuqia që ju duhet. »Vëreni« si ajo ndikon në ju.
Vërtetoni se »mbretëria e Zotit është mes jush« (Ungjilli sipas Lukës 17,21)
në formë të fuqisë që të ballafaqoheni me kushtet e jetës.
10.
Përkujtohuni se Zoti është me ju dhe asgjë nuk mund t’ju mposhtë. Besoni se
tani PRANONI fuqi nga Ai.
Fund
i pjesë së parë
Pjesë nga libri “Fuqia e mendimit pozitiv”
|
