Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

HASIBE ALISHANI BLLACA

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

HASIBE ALISHANI BLLACA

            Hyrje

        U lind në Prizren më 27.IX.1937 në një familje atdhetare. Shkollën fillore, Normalen dhe Akademinë Pedagogjike i ka kryer në vendlindje.

            Është veterane e arsimit. Që nga viti 1955 – 1990 ushtroi profesionin e mësuesisë.

            Përmbledhjen e parë me poezi ‘’Kam një mall’’ e botoi në Nëntor të vitit 2005, ku më 28 Nëntor u bë edhe promovimi.

            Në Kosovën e pavarur, gjithashtu në Nëntor të vitit 2008, njëkohësisht boton përmbledhjet me poezi ‘’Lutem ag e terr’’ dhe ‘’Medaljon në gji’’ – poezi për fëmijë.

            Në 100 vjetorin e pavarësisë së Shqipërisë në vitin 2012 boton përmbledhjen me poezi ‘’Vaji në gaz të kthehet’’.

            Jeton në Prizren e rrethuar me kujdesin dhe respektin më të madh të burrit, dy djemve, nuseve dhe me dashurinë e madhe e të pafund të nipave e mbesave, si dhe me kujtimet më të ëmbla për nxënësit e saj, të cilët i ruan me shumë xhelozi.

RRUGË E GABUAR

Përse je zbehur i dashur?

Në mendime pse je zhytur?!

‘’Thua se anijet

Në det t’u kanë mbytur!’’

Më mirë do të ishte

Ta gjeja vdekjen në Adriatik

Se sa jetën ta vazhdoj

Me të mallkuarin, narkotik.

Shëndetin e shkatërrova

Pasurinë e shpenzova

U bëra njeri agresiv

Farefisin dëshpërova.

Çdo ditë tretem venitem,

Jetën fare nuk e gëzoj,

Gjithë të mirat e rinisë

S’dita t’i shijoj....

KURDOHERË

Ndero Atdheun!

Komb e flamur ndero!

Liri, Paqe, Demokraci-ndërto,

Ndero nënë, ndero baba,

Shokë e miq, motër e vëlla!

Se pa këta jeta kuptim nuk ka.

Kultivo besë e dashuri,

Durim, tolerancë, mirësi,

Respekt për çdo njeri!

Shqipen e ëmbël

Përdoreni në shtëpi,

Është gjuhë e bekuar

E Nënës Shqipëri!

Kudo që sillesh,

Kudo që ndodhesh

Në mendje e zemër

Atdheun ta kesh!

Në vend të huaj mos qëndro!

Në Kosovën tënde kthehu e jeto!

Ku jetuan dhe varret kanë

Të parët tanë...

Nga mërgimi aty kthehu edhe ti:

Kushtrim, Ilirianë, Dardan

Zgjim, Meritë, Yll, Vigan!

Grusht bashkuar të jetojmë,

Të veprojmë,

Kosovën ta përparojmë,

Ta demokratizojmë

DËSHIRË E PËRHERSHME

Dhunë e gjakderdhje

Në botë të mos ketë!

Uri e urrejtje

U zhdukshin përjetë!

Robërinë me provue

Kujt mos i raftë!

N’sy të njerëzve

Loti mos u paftë!

Luftërat, si përralla

Fëmijëve iu tregofshin!

Të bardhë e të zi

Në harmoni jetofshin!

Në rruzullin tokësor

Paqja mbizotëroftë!

Dashuria, liria

E mirëqenia lulëzoftë!

Të mos ketë dhunë në familje

Të mos ketë fëmijë bonjakë!

Divorce bashkëshortore

Të ketë sa më pak!

Jeta e lumtur

Çdo çifti i qoftë!

Me pasardhës të mbarë

Çdo njeri u trashëgoftë!

Në çdo familje pastë

Mirëkuptim e harmoni!

Për çdo njeri, me bollëk:

RESPEKT E DASHURI!

BABAI IM ËSHTË GJALLË

Për Kosovë duke luftuar,

Babai im është vrarë;

Që ne ta gëzojmë lirinë

Të jemi të pandarë.

Të mos ketë fëmijë të uritur, duke qarë

Nëpër rrugë të mos ketë më lypsarë...

Thonë: ku bie gjaku

Aty eshtrat prehje gjejnë,

Ndaj dëshmorët nuk vdesin,

Por, ku vriten – aty lejnë!

Dhe kudo që bie një luftëtar,

Aty, me gjak, ngritët një lapidar!

NËNA JONË SHQIPËRI

Fusha pjellore

Malet plot shëndet,

Lumenj, liqene e det

Janë thesar i vërtetë.

Nga plazhi i Durrësit sodis

Bukurinë e detit të paanë,

Këtë begati nga Zoti

E ke dhuratë, moj Nënë!

Çdo gjë jotja, e dashur

Me vlerë për mua...

Të bëhet një mrekulli

Pa masë dua!

Me çdo gjë që ke

Të të marr në gji!

E dashura, e shtrenjta

Nëna jonë SHQIPËRI!

LUTJE SHQIPONJËS

Shqiponjë, moj mbretëreshë

Të lutem më dëgjo;

Kur fluturon tej malesh,

Në diasporë,

Qytet më qytet ndalo,

Miqësisë edhe rinisë sonë

Përshëndetjet dërgo.

Dërgo dhe porosinë:

Në Kosovën e lirë ju presim,

Ta kremtojmë krahëhapur

Pavarësinë!

KOSOVËS SË LIRË

I këndoj atdheut tim të lirë

I këndoj Kosovës sime të mirë

I këndoj vendit të të parëve të mi

Ku lindën, jetuan, luftuan

Dhe vdiqën në robëri.

I këndoj Dardanisë antike

Që si Kosovë e sigurt marshon

Drejt fitoreve të reja demokratike.

I thuri lavdi Kosovës martire

Që u shkëput nga prangat e robërisë

Ngriti flamurin e Lirisë, Demokracisë

E të Pavarësisë!

I këndoj atdheut të pasardhësve të mi

Që të gëzojnë për jetë të jetëve

Demokracinë, paqen e lumturinë...!               

KËSHILLAT E GJYSHIT

Ju o fëmijë, mirë ta mbani në mend:

Nga Kosova mos shkoni në tjetër vend!

Bukurinë gatuaje me mençuri,

Se është më e madhja nga çdo dashuri!

Po t’iu bëhet paraja – Zot

Do të mbeteni pa zemër e pa kokë.

Lakminë mos e vini mbi çdo interes

S’është e dukatë, veçse një ves.

Po të keni shumë kapital

Ndërtoni shkolla, ndërtoni spital.

Ndihmoni të sëmurët, njerëz në nevojë,

Po deshët që vepra juaj të jetojë.

NIPIT TIM (Mironit pesëvjeçar)

I buzëqeshur nga gjumi zgjohet,

Vetë pastrohet, vishet e zbukurohet.

Djalë më të mirë nuk ka dot,

Shoku s’i gjendet në këtë botë.

Nga do që vjen, kudo që shkon,

Përshëndetjet, përqafimet s’i harron.

Është i shkathët, fare nuk përton

S’di të ecë, veç vrapon.

Në qejf e ka sportin

Karatenë, boksin e notin.

Vizatimin fort e ushtron

Me shumë dashuri, shtëpi pikturon.

I zhdërvjellët dhe shumë i zoti,

Ashtu, si duhet të jetë, stërnip Kastrioti...!

DJAË I MBARË (Mironit 6 vjeçar)

Djalë i mbarë do të jem,

Një fjalë të keqe kut s’i them.

Në zemër kam shumë dashuri

Dhe respekt për çdo njeri.

Në prehër të gjyshes jam edukuar,

Farefisin fort ta dua,

T’i dua njerëzit, ta dua punën,

T’i flak veset, ta flak dhunën.

Shtatori më pret në klasë të parë,

Mësuese, shokë e shoqe do i nderoj.

Do të jem djalë i mbarë,

Të gjitha mësimet do t’i mësoj.

S’JAM JETIM

Fotografitë m’i tregon mami,

Fati, ja ku është babi.

E unë rritem si jetim

Se babin e kam në mërgim.

Eja babi, dua të të kem pranë!

Pranë teje të rritem, të shkollohem!

Të jetoj me babë e nënë

I pa ndrojtur të argëtohem!

Babi, s’dua ëmbëlsira as lodra

S’dua biçikletë, as aeroplanë,

Dua vëllezër, dua motra,

Babë e nënë t’i kem pranë!