Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

ISLAM BALAJ

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

ISLAM BALAJ

              Hyrje

             Islam Balaj u lind më 1950 në Dobërdelan të Suharekës. Shkollën fillore e kreu në vendlindje, Normalen në Prizren, ndërsa studimet e larta për Filozofi, i mbaroi në Universitetin e Shkupit dhe në atë të Beogradit. Nga viti 1976 punoi si profesor i filozofisë në Gjimnazin “Gjon Buzuku” në Prizren. Më 1982, pak kohë, punoi si Redaktor në TVP.

            Me krijimtari letrare, Islam Balaj, merret që nga bankat e shkollës së mesme. Shkruan kryesisht poezi dhe prozë për fëmijë e të rinj. Herë pas here, merret edhe me publicistikë dhe me shkrime nga fusha e filozofisë. Shumë poezi të tij janë bërë tekste për këngë në Festivalet e Këngës për Fëmijë, si dhe janë recituar në Garat e Recitatorëve të rinj, duke u shpërblyer disa herë dhe me vendet e para.

            Islam Balaj jeton dhe vepron në Prishtinë.

            Në vitin 2012 nga Karvani i Shkrimtarëve për Fëmijë “Agim Deva”, nderohet me çmimin: “ Ymer Elshani”., ndërsa në viti n 2014, në Panairin e 16 të Librit në Prishtinë, merr çmimin kryesor të Letësisë për Fëmijë, nga Shoqata e Botuesve të Kosovës, për librin me poezi “Ngjyrat e shiut”.

            Islam Balaj është autor i shumë veprave letrare për fëmijë dhe të rinj si: “ Dimri në pranverë” (poezi), “Shkaba në flamur” (poezi), “Zemra është zemër” (poezi), “Këmisha e ylberit” (poezi), “Ëndrra e Andit” (poemë), “Hënën s’e zë gjumi” (poezi), “Andi shkon në gjithësi” (poemë), “Porta e zogjve” (poezi), “Andi zhytës i thellësive” (prozë në vargje), “Fustani i mjellmës” (poezi), “Lulet bëjnë gjmnastikë” (poezi),  “Aventurat e Andit nën ujë” ( roman), “Zemër në dritare”  (poezi),  “Vajza dhe Ylli” (roman),  “Ngjyrat e shiut” (poezi) etj.

URA E IBRIT

Ç’ka që URA rri e heshtur,

Rri e shtangur

E bërë vrerë?

- Ah, ka vite, këmbë fëmije

Mbi kurriz ajo s’ka ndier.

Urë i thënçin,

Po urë s’është

Të lidh’ krahët e një lumi.

Njëri krah i ngeli jashtë

E tjetrit dhembjet s’ia mbytë gjumi.

Asaj korbat roje i bëjnë

Sikur t’ndjellin fatzi, kob…

T’bashkojë krahët nuk e lënë.

Me një krah si t’rrojë, o Zot?!!!

E IBRI ecën,

Turbullt ecën

Dhe ofshamën e mbyt n’veti.

Kërkon nëna fëmijën e vdekur

Që n’gji lumi sa s’ia treti.

ZOGJTË QESHIN ME KRAHË

Nga pika të vogla, të vogla shiu

Bëhet lumi

E me hapa të lehtë zogjsh

Behari vje’.

Nga sy yjesh të dremitur

Më vjen gjumi.

E në zemër të çdo fëmije

Përralla fle.

Në supe pemësh hënë e lodhur

Pushon krahët

Ndërsa era me harpë gjethesh

Këngët derdh.

Nën shi rrezesh si ujëvare

Një yll lahet

Ëndrra vjen më merr për dore

N’shëtitje m’nxjerr.

E zogjtë qiellit këmishëkaltër

Me krahë qeshin

Dhe tek krahë i bëhen ëndrrës

Veten mburrin.

F’mijët ëmbël n’gjumë buzëqeshin,

Veç buzëqeshin

Dhe buzëqeshjet i bëjnë rreze

YLBERË THURIN!

YLBERË THURIN!

AGU ME GISHTA FLORIRI

E hap agu dritaren

Me gishta

floriri

Në gjethet e syrit

Beharin

na zgjon.

Nga shtrati i zemrës

Ngrihet

bilbili

Dhe në degë të rrezeve

E thur

folenë.

Fustanet me ngjyra

Shpejt

i veshin lulet

Vjen dielli si princ

Dhe në gjunjë

u përkulet.

E hëna si nuse

E heshtur

pret lart

Pret mbrëmjen

t’i kthehet

ME PRINCIN E ARTË.

DY ZAMBAKË NË HESHTJE PUTHEN

Xhepat me ar i mbushi dielli

Edhe iku

Pas kodrës si hajn ai u fsheh.

E nata si një dhelpër

Lëpihet pas një shtegu

Hënën do ta hajë mbi re.

Yjet veshur me rroba qielli

Që nga lart

Ar na derdhin me buzëqeshje.

E në kopsht të ëndrrave

Nëpër natë

Dy zambakë

Po sa ëmbël puthen n’heshtje!

KU I MERR NGJYRAT SYRI

Brenda dy qepallash

Tërë një univers

Një botë përplot ëndrra

Një fushë

Një mal

Një det

E një lumë i gjatë malli

Si një udhë që s’ka mbarim

Dhe një tufë zogjsh prej ajri

Që fole kanë syrin tim

Të gjitha…

Të gjitha i ruaj aty;

I kam dritë në sy

Janë pikturë

E janë ylber

Aty ngjyrat syri i merr.