Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

ISMET TAHIRAJ

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

ISMET TAHIRAJ

            Hyrje

        U lind më 1956 në Klinë të epërme të Skenderajt. Shkollën fillore e kreu në vendlindje, të mesmen në Mitrovicë, ndërsa shkollën e lartë për gazetari e mbaroi ne Beograd.

            Është krijues aktiv, emrin e tij do ta gjesh në shtypin e kohës me poezi për fëmijë dhe të rritur e satira humoristike që nga shkolla e mesme. Shumë krijimtari letrare i ka botuar në revista periodike si “NacionalAlbania” - Tiranë, ”Kosova e Kek-ut”, “Verbi”, ”Kosova sot”, “Zog mëngjesi”, ”Mollë kuqja”, ”Bota Sot”, “Valë e fjalë – Mitrovicë“, Revista letrare “Fatosi” Tiranë.

            Është bashkëpunëtor i ngushtë i emisionit humoristik në Radio Kosovë “Mahi pa Kufij”, Radio "Ilirida" në Itali, Radio “Zëri arbrit”- Belgjikë, ”Pena shqiptare - Tiranë”, “Drita”, “Muzgu” - Tiranë, "Pelegrini”- Greqi.

            Është fitues i shumë shpërblimeve letrare në Maqedoni (vendi i II në revistën për fëmijë “Gëzimi” 1986), në Mitrovicë konkursin letrat komunal iu nda vendi “Gota e Argjend”. Në Kastriot në vitin 2010 mori çmimin e parë për poezi. Po ashtu është përfshin në antologjinë poetike ”Flakadani i Lirisë” qe i kushtohet Zahir Pajazitit, “Pena e Lirisë” heroi madhor Arif Shala, “Promenadë mërgimtaresh-Harilaq”, si shumë antologji tjera poetike anekënd dheut shqiptar.

            Ka botuar librin me poezi për fëmijë “Erë Vendlindje” më 1995. Po ashtu ka botuar librin e dytë me poezi për të rritur “Tundimi 2011. Është anëtar i Sh. Sh të Kosovës , dhe Koordinator i Klubit letrar “Arif Shala” – Kanada, se bashku me Shqipe Hasanin, Xheladin Çitakun.

            Jeton në vendlindje.

TESTAMENT

Ylber i qelbur

Që ra në bunar.

Mos vë

Çikrikë.

Është shtrëngatë

Është i gjallë.

KTHESË CEREBRALE

Tetë orë udhëtimi

As kund fillim

Gjithë kah mbarimi.

Një kthesë cerebrale

Një lëneshë jo mëkatare.

Udhë me te paudhë

Ballkon pa ushkur.

Hije peme me fillim

Shqelma kali ballin tim...

ARDHJA E TJETRIT

Lehja e qenit

Ishte ne te majtë

Ardhja e tjetrit

Ishte ne te djathtë

Veshur kish lesh këmbëve

Ecje te buta

Me fytyrë terri

Qeni ikte ne te djathtë

Ne te majtë vinte cijatja.

Sa herë binte acari

E sa herë rritej vapa...

QERPIÇËT E KËSAJ VERE

Ti je syzezë ,syzezë

Qerpiçët e gatuar të fushës,

Për ty do i shes.

Në këtë lëmë ,n’atë lëmë

Bukuria e jote nuk vjetrohet.

Një kullë do ta ndërtojmë

Afër kroi ne zabel

Ku nuk na gjen as kush

As postieri i zhdërvjelltë

Mbi letra e binaje librash

Do t’i lëmë gëzime e potere

Qerpiçët do i shes

RRESHTI I NJERËZVE

Rreshti i parë i njerëzve

Donte t’i ndihte,t’i prekte gjërat,

I dyti rresht,t’i shihte më afër se ç’ka,

I treti rresht u mbushë më thash e thama

Ruajuni patkua i kalit

Si vetëtima qëllon pa nda.

Qerpiçët e kësaj vere...

PRAPË  ISHIM NËSE ISHIM

1.

Pas shkrumbit hi e shkrumb

Që na fali lufta

Kjo luftë e kolerës.

S’na la as gjë

As Gurin e kripës

E lë më ujin në tas.

Dhe prapë u përplasem

Në lufta tjera

Për mbi jetës

Me gjoks e pa hezitim

Tokat qe ishin të kooperativës

Që s’duhej te ishin,

Prapë na braktisën

Si jetimët

2.

Kur vinin dimrat

Vrundujt

Goja na mërtizët

Si gjithkujt,

As kush për ne

Nuk mërzitet

Telashet e veta

Thonë i ka stërkalë

Te vjetra aq sa s’ka.

Qielli mërrolet

Si re atomike

Si të  ne ,s’ ka

Udhëlak, udhë lënesha

As  përrua qoftëlargut

Ku prehet angushtia

E ndonjë te dalit

Krejt tjetër fare

Janë portat tona

Që njoftojnë të gjallin.

3.

Mali s’merr era

Era e pastron malin

Hijet tona

Endën fushave

Odave

Sofrave te shtruara

Ndaras nga ato

Te shpifurat.

Pastaj  ,kurrkush

Nuk thotë –unë jam ai

As ata s’thonë-jemi

Veç ne

Mbi vigun kufomës

Gjithë shkojnë  te barabartë

Qefinin e barabartë

Gjithë e kemi ble.

Si ai që sot vdes

Si ai që sot

Ka më lind

Ndër ne.

Po  përrenjtë

Kot ngutën

Thua se i ha terri

Thua se po tutën

Bëjnë hatanë e futën.

Rrezet prapë lindin

Më buzëqeshje

Me ngadhënjim