Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Hydajet BYTYÇI

            JETOJMË NË SHOQËRINË PARADOKSALE 

(pjesa e parë)

        Një pasinqeritet, një egoizëm i llojit më të lartë dominon kudo në marrëdhëniet ndërmjet njerëzve. Në çdo hap mund të jesh i mashtruar, në çdo minutë dikush është duka ta luajtur lojën. Secili e mashtron secilin, në një formë apo në një tjetër. Nuk mund të mbështetësh në askënd dhe në asgjë, sepse çdo gjë është e mbushur mëkate.

            Të arriturat tekniko-teknologjike - një lumë që nuk ka të ndalur, kurse ne: jemi mbushur mendime negative, jemi mbushur strese, jemi mbushur mëkate, jemi mbushur sëmundje, jemi mbushur vdekje.

            Jemi dëshmitarë të vërtet të një zhvillimi kolosal tekniko-teknologjik, një proces i cili rrjedh, që është në zhvillim e sipër, e për të cilin kurrë nuk dihet se ku do ta ketë fundin.

            Po i vështrove të arriturat tekniko-teknologjike që i kemi në dispozicion dhe po i vështrove mundësitë potenciale, do ta krijosh bindjen se nuk mund të ketë asgjë të cilën njeriu do ta dëshironte në jetë  që të mos mund ta kishte.

            Çdo gjë që ka në një pjesë të rruzullimit, kemi ne

            Çdo gjë që ka në një pjesë të rruzullimit, mbi parimin e qarkullimit të lirë të njerëzve, mallrave dhe ideve, përmes mjeteve shumë të shpejta të komunikimit (qoftë tokësor, detar apo ajrorë) do ta kesh në pikën tjetër të rruzullit me bollëk. Për shembull, bananet e Afrikës e të Azisë i ke përplot në shitoret tona. Malli i Ballkanit ndodhet në Evropë Produktet evropiane në Australi. Produktet e Emirateve të Bashkuara Arabe në Shqipëri. Produktet kineze në Bullgari, Kosovë, Shqipëri e kështu me radhë.

            Në bazë të kësaj do të duhej që mbushullimi ynë i brendshëm të ishte i plotë. Të mos kishim lakmi dhe t’i kishim të plotësuara të gjitha dëshirat.

            Anasjelltas: e kemi etjen dhe urinë më të madhe se kurrë ndonjëherë më parë. Dhe, sikur të kishim mundësi, të gjithë të mirat e botës do t’i shndërronim në një produkt të vetëm dhe do ta hanim me një gojë.

            Udhëtimet tona janë fantastike

            Brenda njëzet e katër orëve, me anë të aeroplanëve tepër të shtrenjtë, do të mund t’i sillesh rrotull globit tokësor, dhe të arrish në pikën prej nga je nisur. Qindra e mijëra kilometra, i zhbijnë makinat e fuqishme motorike, të cilat nuk lënë pika të palidhura të tokës, dhe largësitë midis njerëzve i bëjë të paqena.

            Duke u bazuar në këtë, do të mund të konstatohej se sot janë kushtet më të mira, më të favorshme për të bërë vizita thjesht vëllazërore, miqësore e thjesht dashamirëse tek njerëzit - tek të dashurit, miqtë, vëllezërit.

            Shkollimi është lehtësuar maksimalisht

            Shkollimi është lehtësuar dhe sofistikuar maksimalisht. Nxënësve nuk iu mungon asnjë burim informacionesh, sepse kanë numër të pafund librash e botimesh gjithfarë; kanë lloje të ndryshme mjetesh ndihmëse për zgjidhjen sa më të lehtë dhe sa më efektive të detyrave që parashtron shkollimi dhe për realizimin sa më të plotë të shkollimit. Përpos kësaj, të gjitha lëmit e dijes i kanë të spostuara dhe në internet. Prandaj...

            Duke u nisur nga kjo, do të duhej të ishim më të mençur, më inteligjent dhe të dinim më mirë për veten, jetën dhe lumturinë. Do të duhej të dinim më shumë mbi diturinë transcendentale, atë që do të na i shpëtonte shpirtrat tanë. Do të duhej t’i njihnim shtigjet që çojnë kah vlerat e shenjta, për të cilat gjithmonë gjakon njerëzimi: suksesi, shëndeti, lumturia. Por, vallë a ndodh kështu me të vërtet?

            Majemi me ushqime “të përsosura”

            Ushqimet janë, nëse mund të thuhet kështu, në përsosjen më të madhe. Çdo gjë që i nevojitet organizmit e ke gjithkund, tepër pran vetes: nëpër gjellëtore të specializuara, restorante të shumta, nëpër shitore të ndryshme, madje edhe nëpër qoshqe përskaj rruge. Kemi kaq shumë ushqime të mira, vitamina, albumina e materie ushqyese në dispozicion, sakaq trupin sa shkon e na kaplon dobësimi i përgjithshëm, plogështia, angështia; atë pa ndalim na e sulmojnë sëmundjet e ndryshme, shumë prej tyre edhe të pashërueshme; kurse shekulli jetës sa shkon e zvogëlohet, për çudi.

            Përdoren miliarda tonelata barna

            Çdo ditë ndodh zbulimi i barnave të reja, nëpër fabrikat tepë të përsosura të cilat punojnë me mjete shumë të sofistikuara. Çdo bar që prodhohet kudo qoftë në një vend të botës (në bazë të qarkullimit të lirë të mallrave) do ta kesh kudo qoftë tjetër, në cilindo vend tjetër të botës. Në bazë të kësaj, do të duhej të kishim sa më pak sëmundje apo aspak. Meqë mundësit për zbulimin e barnave, përsosjen, përhapjen e tyre kurrë nuk kanë qenë më të mëdha.

            Anasjelltas: Kurrë nuk kemi pasur më shumë sëmundje, madje edhe aso të pashërueshme, si sida, kanceri, leukemia, të cilat nuk na shqiten dot.

            Kemi aq shumë faltore, bëjmë aq shumë mëkate

            Ndërtimi i kishave, xhamive, ndërtimi i faltoreve të ndryshme bëhet madje edhe aty ku fare nuk e ke pritur. Nuk ka vend ku nuk e ke mundësin të falësh e t’i lutesh Perëndisë, ashtu siç kërkojnë librat e shenjta të njerëzimit, apo së paku ato që njerëzimi i mbanë si të tilla. Njerëzit kanë mundësi të shkojnë në çfarëdo orë që të duan në faltore, në cilëndo ditë dhe faltoret janë të mobiluara përsosmërisht bukur, me ngrohje dhe me të gjitha kushtet që mund t’i kërkoj njeriu, e që dikur ndoshta vetëm mund të imagjinoheshin.

            Sa i përket mundësisë për falje dhe lutje e për shërbim fetar, sikur të ishte këtu puna, tek lutjet formale e faljet nëpër faltore, sikur të ishte ajo që predikojnë priftërinjtë e hoxhallarët, atëherë sot nuk do të duhej të kishte mëkate. Ftesat e klerit për t’iu bashkuar faljes nëpër faltore bëhet me mjete tepër të përsosura; ta zëmë: botohen revista të ndryshme fetare të kualitetit teje të lartë, botohen libra e literaturë gjthëfarëshe; plasohen rekuizita të shumta me simbole të karakterit fetar; ndërkaq, në falje të ftojnë altoparlantë të fuqishëm, nga minaret e xhamive të cilët e trazojnë gjithë qytetin apo kambanave të kishave, të cilat po ashtu, janë të shumta, dhe i ftojnë besimtarët në meshat e tyre.

            Kurrë nuk kemi qenë më të mbushur mëkate

            Duke u bazuar në këto, njeriu i shekullit tonë do të duhej të ishte shpirtërisht tepër lartë, shumë i përsosur dhe të kishte fare pak apo të mos kishte fare mëkate.

            Anasjelltas, kurrë nuk kemi qenë më të mbushur me mëkate më shumë se sot. Nuk ka dilema për këtë. Mjafton ta përcjellësh jetën dhe veprimtarinë njerëzore dhe do të bindesh për këtë në secilin hap ku jeton, punon e vepron njeriu bashkëkohor. Një pasinqeritet, një egoizëm i llojit më të lartë dominon kudo në marrëdhëniet ndërmjet njerëzve. Në çdo hap mund të jesh i mashtruar, në çdo minutë dikush është duka ta luajtur lojën. Secili e mashtron secilin, në një formë apo në një tjetër. Nuk mund të mbështetësh në askënd dhe në asgjë, sepse çdo gjë është e mbushur mëkate.

            Ka aq pak drejtësi në botën tonë

            Kemi sisteme tepër të përsosur gjyqësor e juridik. Drejtësia  ka mundësi të zbulohet me metoda më të përsosura. Mundësit për matjen e fajësisë mund të bëhen me mjete e metoda tepër precize e të sofistikuara. Aktualisht, mundësitë për shkollimin dhe kulturimin e masave të gjëra janë në nivelin më të lartë të  mundshëm. Dhe do të duhej të kishte drejtësi me bollëk, mungesë krimi e dënimi.

            Anasjelltas, jemi në kohë kur tendencat për të lulëzuar krimi i organizuar, prostitucioni, hajnia, makutëria është e pandalshme. Jemi në kohën kur krimi i organizuar, prostitucioni, makutëria lulëzon ndër popujt e civilizuar të botës me një hov të pandalshëm dhe të pakontrolluar. Përmasat e këtyre dukurive po e mbështjellin rruzullin tokësor pa tendenca ndalimi.

Në vazhdimin tjetër, ndër të tjera to të lexoni:

Diçka kemi humbur në vetvete;

Jetojmë në shoqërinë paradoksale;

Jetojmë të rrethuar nga njerëzit me disponim negative;

Bindjet tona negative - burim i fatkeqësisë së përgjithshme etj.

Nga libri “Libër mbi shpirtin dhe mendjen - çelësi i përndritjes”