Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

http://www.gjuhashqipe.com

       KAROTA I BËNË MIRË SYVE DHE ZEMRËS

      Ekspertët thonë se karota e freskët është zgjidhja e qëlluar për një lëkurë të shëndetshme, ten tërheqës, nëse në meny gjendet të paktën pesë herë na javë. Më e mira është që të konsumohet si shtesë e drekës, darkës ose si shujtë e vogël e ndarë, gjatë ditës. Këtë duhet pasur në mendje sepse beta-karoteni suksesshëm mbron lëkurën nga ndikimet agresive të jashtme, siç janë dielli, era, temperaturat e ulëta dhe të larta, duke e bërë atë të lagësht dhe të lëmuar.

            E freskët dhe e pastruar, e zier dhe grimcuar, e përgatitur ndaras ose si shtojcë e një ushqimi kryesor, karota zë një vend të veçantë në ushqimin e njerëzve. Për shkak të tipareve të shumta shëruese, njohës të mirë të saj thonë se ajo përfaqëson një barnatore të vërtetë. Është e ditur se ndihmon në më shumë se 30 sëmundje dhe se është zgjedhje e qëlluar si masë preventive për ruajtjen e shëndetit.

            Ngjyra e saj e portokalltë është produkt i veprimit të karotinës, përbërës që te asnjë perime tjetër nuk gjendet në këtë masë. Karoteni është i rëndësishëm sepse nga ai rrjedh vitamina A, përgjegjëse për shëndetin e lëkurës sidomos asaj të thatë, thonjve dhe flokëve.

            Ekspertët thonë se karota e freskët është zgjidhja e qëlluar për një lëkurë të shëndetshme, ten tërheqës, nëse në meny gjendet të paktën pesë herë na javë. Më e mira është që të konsumohet si shtesë e drekës, darkës ose si shujtë e vogël e ndarë, gjatë ditës. Këtë duhet pasur në mendje sepse beta-karoteni suksesshëm mbron lëkurën nga ndikimet agresive të jashtme, siç janë dielli, era, temperaturat e ulëta dhe të larta, duke e bërë atë të lagësht dhe të lëmuar.

            Marrja e rregullt e beta-karotenit në ushqim për vite me radhë, mund të mbrojë në masë të madhe funksionin e kujtesës së trurit dhe të mësimit, kanë deklaruar shkencëtarët nga Bostoni. Në fakt, me marrjen e beta-karotenit, që më së shumti gjendet në karotë, parandalohet humbja e kujtesës, e cila më vonë më së shpeshti çon në sëmundjen e Alzheimerit dhe formave të tjera të çmendurisë. Beta-karoten është një vitaminë antioxidante, që pengon shkatërrimin e molekulave të rëndësishme në trup dhe e shndërron ushqimin në energji. Nutricionistët këshillojnë të hahet me ndonjë formë yndyre, por në sasi të vogla, duke pasur parasysh se karoteni shkrihet në yndyrë. Vitamina A është e rëndësishme për mukozë të shëndetshme, shikim të mirë, imunitet dhe zemër të fortë. Ka efekt të dobishëm edhe në punën e mëlçisë. Karota është e pasur me vitaminat PP, D, E, H, sidomos me vitaminat B1, B2, B5 dhe B6. Por, për dallim nga perimet e tjera, përmban shumë pak vitaminë C. Ajo është gjithashtu e pasur me minerale, kalium, kalcium, jod, zink, kobalt, si dhe me pektine dhe vajra eterike, për shkak të të cilave u rekomandohet veçanërisht fëmijëve për të nxitur zhvillimin fizik, forcimin e eshtrave dhe për të rritur rezistencën ndaj infeksioneve te të rinjtë, rekonvaleshentët, të moshuarit dhe gratë shtatzëna.

            Ata që nuk janë adhurues të karotës së freskët mund ta ziejnë edhe në avull. E përgatitur kështu përmban shumicën e përbërësve të dobishëm të cilët organizmi mund t’i shfrytëzojë si një minierë e substancave ushqyese. E përderisa konsumohet e zier, duhet t’i hidhet vaj ulliri i kulluar i ftohtë, për shkak të shkrirjes së lehtë të karotenit.

            Lëngu nga karota po ashtu paraqet një eliksir të çmuar për tërë organizmin. Ruan nervat nga rraskapitja dhe u rekomandohet njerëzve, sistemi nervor i të cilëve shfrytëzohet jashtë masës, siç janë menaxherët, personat me përgjegjësi të lartë, intelektualët dhe njerëzit me profesione krejtësisht të zakonshme të shqetësuar për mbijetesën e tyre. Lëngu i freskët normalizon edhe peshën e trupit dhe zvogëlon lodhjen e muskulit të zemrës. Është mjet efikas edhe kundër sëmundjeve të shkaktuara nga çrregullimi i këmbimit të mineraleve në organizëm, siç është poli-artritisi.

            Duke përtypur karotën zvogëlohet numri i mikroorganizmave në zgavrën e gojës, ndërsa mjekësia popullore e rekomandon futjen e pikave të lëngut në vrimat e hundës në fazën fillestare të etheve dhe infeksione të tjera. Në rast të anemisë, karota në nja afat rekord përmirëson pasqyrën e gjakut. Ndihmon edhe për të shëruar ulcerat, ndërsa shkencëtarët britanikë dhe danezë pohojnë se përbërësit në karotë zvogëlojnë për një të tretën rrezikun nga zhvillimi i kancerit.