Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

KASAM SHAQIRVELA

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

KASAM SHAQIRVELA

            Hyrje

         Kasam Shaqirvela u  lind më 27.02.1955 në f. Gajre të Tetovës, Republika e Maqedonisë.  Shkollën fillore e kreu në vendlindjen e tij, në Gajre, tetëvjeçaren dhe të mesmen-gjimnazin në Tetovë. Fakultetin e Elektroteknikës në Shkup. Jeton, punon dhe krijon në Tetovë.

            Angazhimi profesional

            Autori, gjatë jetës së tij profesionale, ka ushtruar dhe vazhdon të ushtrojë disa detyra publike si: Drejtor gjeneral në Kompaninë “JETA-GROUP”. Lektor në Revistën Stomatologjike ”APOLONIA”. Kryetar i Kuvendit në Klubin e Shkrimtarëve “OENEUM”. Botues në Shtëpinë Botuese “V E L A” Publishing House, ku vazhdon të punojë dhe veprojë si krijues i lirë.

            Aktiviteti punues, studimor e  shkencor

            Një kohë të gjatë, krahas angazhimit të tij profesional, autori, aktivitetin e vet e ka shtrirë edhe në disa fusha tjera, si studiues i pavarur, ai merret me: - letërsi (poezi, prozë, eseistikë, etimologji); -përkthime (flet, përkthen dhe shkruan në disa gjuhë të huaja botërore si: anglisht, gjermanisht, frëngjisht, italisht dhe ato ballkanike si: kroatisht, serbisht, maqedonisht); - lektorim(krijime letrare: poezi, prozë; punime shkencore: informatikë, stomatologji, turizëm); - histori (studime që kanë të bëjnë me lashtësinë-periudha pellazgjike si dhe periudha antikite); - etimologji (etimologjia e fjalëve të vjetra: emrat mitologjikë); -shkencë-leksikografi(terminologjia e informatikës, terminologjia e turizmit).

            Aktiviteti botues

            Ka botuar dhe vazhdon të botojë aktivisht edhe sot, më herët letërsi për fëmijë, kurse tani kryesisht letërsi për të rritur si: poezi dhe prozë, filozofema dhe ese në: shtypin ditor e javor, revista letrare periodike, klube letrare e lidhje shkrimtarësh apo portale të ndryshme elktronike-informatike siç janë forumet e grupimet e ndryshme të rrjeteve sociale si dhe në profilin e faqen personale në fb, që vijnë përmes internetit. Me shkrime letrare, autori, ka filluar të merret që në moshë të re, në fillim të viteve të ’70-ta të shekullit të kaluar por, një kohë të gjatë, dorëshkrimet e tij nuk e panë dritën si botime? Kjo ndodhi diçka për arsye financiare por edhe për arsye tjera të kohës, të periudhës moniste, pra, të kohës së njëmendësisë. Karakteri i fortë i shkrimtarit (mbajtja për unin e vet) dhe mosdëgjueshmëria apo mosnënshtrimi i tij i ndihmonte mosdaljes në dritë të krijimeve të tij. Ai, me libra të botuar del disi vonë, diku pasi filluan të fryjnë erërat e ngrohta të demokracisë.  Kasam ShAQIRVELA, deri sot, është përfshirë në disa monografi, enciklopedi dhe antologji.

            Bibliografia

            Deri më tani, veprimtaria krijuese si ajo letrare por dhe ajo shkencore, e shkrimtarit Kasam Shaqirvela, arrin në disa libra të shkruar dhe të botuar dhe disa sosh të dorzuar në botim, po ashtu edhe disa sosh që i ka në dorëshkrim.

            Vepra letrare të botuara

            Poezi: Këngë bilbili,vjersha për fëmijë,2006 ; Kohë e ligë, poezi për të rinj, 2007; Dallgë dashurie,  poezi rinore, 2007; Shpresë e thyer, poezi për të ritur, 2008; Ajo që përsëritet, poemë(2000 vargje), 2008; Asht që mbin, poezi, 2010; Kthimi tek rrënjët, poema të shkurtëra, 2010; Këngë të vonuara, poezi, 2010; Dialog ndjenjash e ëndrrash, poezi, 2010; Dijalog na ~uvstva i soni {ta, poezii, 2011; Vals i tingujve të shpirtit, poezi, 2015. Prozë: E bukura dheut, përralla, 2009.

            Ka dorëzuar për botim: Korridoreve të kohës, poezi; Etje për këngë, poezi; Antologji poetike, poezi dhe poema; Filozofema, thënie filozofike; Filozofemi, filozofski izreki; Fjalor etimologjik i fjalëve të vjetra, etimologji; Udhështigjeve të atdheut, balada dhe poema; Autobiografi, biografi-bibliografi.

            Ka në dorëshkrim: Novela e  tregime, novelë; Ujmiri, roman; VELA ndër shekuj, monografi; Ese  të  humbura, eseistikë; Publicistikë, analiza politike-publicistike.

            Vepra shkencore-leksikografike. Fjalorë: ka të botuar: Terminological Dictionary of Informatics, lexicography (1500 faqe), 2010.

            Ka dorëzuar për botim: Fjalor Terminologjik i Informatikës, leksikografi; Terminological Dictionary of Tourism, lexicography.

FJALA  RRËZON  URA                                            

Fjalët e tua rrëzojnë ura të mëdha

Mos mi thuaj me aq zemërim

Vdekja dhe jeta varet nga fuqia e gjuhës

Veç ajo ia jep fjalës të vetin kuptim

Kur ti të ngrihesh mbi vete me ëndje

Atëherë ti do bëhesh lëndë e rrënjës tënde

Nëse s’mund të vdesësh, thoshte një poet

Për secilën fjalë, për secilin varg

Atëherë s’ke lind të krijosh portret

Se ke të vërtetë kohën që e jeton

Kurrë s’dashurohesh në flakën tënde vetë

Bëma e jote pragun nuk ta kalon.

KTHEHEM  I  DËSHPËRUEM

Nuk e di, sa herë edhe unë?

Si i panjohur parakaloj

Përmes këtij kopshti,

Që mbanë akoma erën time.

Ah, malli im i gjorë?

Shikon nëpër dritare

I pikëlluar dhe i zbrazët

Fati më iku diku larg..!

LULJA E KOPSHTIT TIM

Jeta shkruan libra

dhe libri ka fleta

nga jashtë kopertinat

brenda,faqet i mbushë jeta

dielli fshihet prapa malit

e hënës ia heq vellon natën

zemra kërkon zemrën e mallit

a dashuria s’i dorëzohet fatit

dhe kur shikimi e pret shikimin

kthjelltësia e syrit detin e zbehë

kur vesa e puth faqen e trëndafilit

aroma e lules atëherë të dehë

lules i merret erë veç një herë

atëherë kur së pari ajo çelë

herëve tjera qoftë dhe në pranverë

aromën lulja e ka të vjelë

sa herë që shpërthen behari

shpirti përbrenda kallet, përflaket

dhe ndjenja sërish më njgjallet

zemra nuk donë kurrsesi  të plaket

kërkoj aromën e lules së çelur

tehun e viteve ma topit dëshira

çmallem në kopshtin me lule mbjell

lulja e kopshtit tim është më e mira

ajo çel edhe në dimrin e bardhë

nga aroma e saj akulli i shkrirë

peshën e viteve se kam barë

shpirti kërkon shpirtin e lirë.

MALL  ZEMRE    

Të pres me krahët hapur

netëve dimërore me acar

mëngjeset  më ngrohin sy gdhirë

ndjenja krahëve më rri si pelerinë

të pret ty zemra ime e dëlirë

të të përqafojë në pa lëshim!

si një pëllumb ...paqeje...

lumturie   apo …….

……..dashuri e brishtë në agim ?

do të shtrëngoja çmendurisht

deri sa të ma dehje shpirtin tim!

pastaj do të mbyll fortë, do të ndryjë

Ty, zjarr zemre, mall-dashuri ! 

detit të kujtimeve çelësin do ia japë

as peshku i artë  s’do arrijë ta kapë

nuk do të mundet më askush

nga zemra ime të të zhdryjë!

ti je dhe mbetesh në mua

prushi që ndez flakën

me emrin dashuri…!

MASKAT DO TË BIEN

Koha po rrjedh në ngjyra

Si gjethet e vjeshtës së vonë

Sa vjen dhe po i njoh

Njerëzit përditë

Nga etja e madhe

Përditshmëria jonë

Në eks po e pi

Kupën e helmit

I ngre dollitë

Një nga një

Dhe s’arrij dot

Të bëhem Sokrat,

Paditem padrejtësisht

Sa herë që unë

Po grisë me thonj

Maska në fytyra njeri

Përsëri faji mbetet

Tek unë çuditërisht?!

NDJESIT  LUAJNË  TANGO

Dhe ti e hedh grepin larg

Gjuan gjithmonë në të turbullt

Në detin e mbushur me mëri

Ndjenjat tua luajnë tango

Dhe tabloja shfaqet e zymtë përsëri

Gjithnjë zgjodhe terrin, padijen ..?!

Dhe u mbështete në ta si grep

Tani solle me vete veç hijen

Dhe akoma dëshiron të bëhesh akrep?!

Edhe librin tënd  e hape pa dëshirë

Të gjithë  do ta lexojnë nga një cep

Fletat e tij do shfletohen pa mëshirë

Dhe Tangoja ndjenjat do t’i step’

Tashmë u bë vonë, tepër vonë për tu kujtuar

Se dhimbja përpiu zemër e mushkëri

Nuk do mjaftojë as uji i detit të trazuar

Ta shuaj’ zjarrin që  më djeg në brendi.

VETËKOMUNIKIM   

Disa përmallime përfundojnë me vdekjen

Gjithashtu disa miqësi rifillojnë me vdekjen

Jeta dhe vdekja kanë një bosht rrotullimi

Dallohen vetëm n’ meditim, jo në gjumë

Mendimet, kujtimet bashkë me përjetimet

Rrjedhin e s’ndalen verë-dimër si lumë.

UJËVARË DASHURIE

Ndjenjat përplot ritëm e mall dashurie
varg e varg rrjedhin si një ujëvarë
ashtu siç vjen edhe dashuria jote
e dalë nga brendia e shpirtit të vrarë

malli lufton dhe brenga e pret
në rrugëtimin e jetës i bashkohet
zemra për zemër fortë do troket
kur dashuria dashurisë i flijohet

përse kaq vuajtje këtij soji të njerëzimit?
i përjeton shpirti në çaste harmonie
përse iu caktua nga dhënësi i blatimit
veç atij që zemrën e ka ujëvarë dashurie

vetëm ai që ka dashuri të vërtet’
e lind edhe diellin me dashuri të ti’
dhe vdekja e tij ka kuptimin e vet
sërish lindet jeta në një agim të ri

pra, kush ka zemër le të lavdërohet
që për të tjerët madje e dhuron
atij që i duhet në jetë t’i ndihmohet
ai njeri dhe pas vdekjes i gjallë jeton!