Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Abas FEJZULLAHI

Lidhur me aktualitetin

KUVENDI DHE KUVENDARËT APO YLEMATË DHE SADRIAZEMËT E KOSOVËS

            Nga rrjedhat e deritashme, siç po shihet kujdesi është jo në nivelin e duhur nga kush duhet e si duhet, bakteret dhe viruset nga më të ndryshmit, të brendshëm e të jashtëm, ju kanë vërsulur Kosovës hallemadhe, e s’po e lënë të rritet si duhet e si e dëshirojmë dhe si e meriton…

            (Për deputetë, zëvendësministrat, ministrat, pushtshtetarët qendrorë e lokalë të Kosovës), shumicën prej tyre, mjerë Kosova që i ka...!

            Të zgjedhurit apo (vetëzgjedhurit) shumica prej tyre me vota të vjedhura, apo të fituara me ryshfet (korrupsion), kërcënime dhe kushtëzime, erdhën në Parlamentin e Kosovës, apo nëpër pushtetet e ndryshme qendrore e lokale, e kanë zënë vend dhe pozita të ndryshme, jo për të mirën e Kosovës dhe shëndetin e saj, por për interesat vetjake, familjare, grupore, partiake, klanore e farefisnore, sepse i kanë shijuar jo me gisht por edhe me grusht të mirat dhe fitimet pa djersë e mund…

            Në fushatat elektorale, për t`u zgjedhur apo për t`i ruajtur vendet që kanë në Parlamentin e Kosovës, apo vendet e pozitat e ndryshme qendrore e lokale, shpenzuan miliona euro, duke shtruar dreka e darka për qindra e mijëra veta, për të fituar sa më shumë vota… për t`u zgjedhur...! 

            Premtuan si gjithnjë: mirëqenien e popullit do ta rregullojnë dhe Kosovën do ta ndërtojnë, lulëzojnë e përparojnë në të gjitha drejtimet, duke premtuar miliona euro nëse votojnë  për t`i zgjedhur të njëjtit apo të zgjedhurit e tyre, sepse janë më të mirët, ma kombëtarët, e që do të zbatojnë sundimin e ligjit, drejtësisë, e demokracisë dhe do ta luftojnë krimin dhe korrupsionin, terrin dhe tmerrin, (pa treguar në asnjë rast se kush janë fajtorët e territ e të tmerrit), folën fjalë të mira e të forta për sovranitetin dhe Kushtetutën e Kosovës, e në të vërtetë përditshmëria dhe praktika e deritashme dëshmoi të kundërtën...!

            Dëshmi:

            Cili prej liderëve të partive politike doli në Mitrovicën e ndarë, në anën tjetër të lumit Ibër, në veri ku janë  vendosur me kohë strukturat paralele të Serbisë, për të zhvilluar fushatë elektorale si në Prishtinë, Skenderaj, Prizren e qytete tjera ?

            Kush u burgos për vrasje dhe kriminin e organizuar (korrupsionin terrin dhe tmerrin…e pas luftës)…?!

            Cili prej deputetëve e ministrave, zëvendësministrave apo edhe të nivele tjera institucionale të Kosovës, kanë deklaruar pasurinë e tyre, që s`ka pasur mundësi ta krijojnë me të ardhurat mujore që kanë...? 

            Për Kosovën  hallemadhe, ka se çfarë të shkruhet e thuhet, por kësaj radhe  në këtë artikull po e përmbyllim me këtë krahasim:

            Çdo nënë që lind fëmijë, përjeton, dhimbje, vështirësi dhe gëzim. Po lindja e Kosovës hallemadhe si Shtet si duhet shikuar e kujdesur për te...?

            Si një fëmijë i porsalindur me shumë vështirësi, jo për shkak të peshës e madhësisë, po për shkak të infektimeve bakteriale e virusale nga jashtë e brenda, dhe shumë ndërlikimeve e pengesave tjera të krijuara në kohë dhe hapësirë, nga faktori robëri, për ta penguar këtë lindje, që aq gjatë është pritur, pa ndërhyrjen e vendosur të kirurgut me shumë kujdes dhe manovrime në kohën dhe momentin e fundit, e që pa operacionin e domosdoshëm, lindja do të ishte e pa mundur !

            E ardhmja e Kosovës do të jetë e njëjtë si e fëmijës të porsalindur, e që do të varet nga ushqimi që do t`i japim: 

            Nëse kujdesemi ta ushqejmë me kohë dhe me ushqim të mirë e si duhet, e mbajmë pastër në çdo kohë, e mbrojmë shëndetin e saj, do të rritet e zhvillohet  mirë e shëndetshme dhe si duhet e do të ketë ardhmëri të mirë e jetëgjatë.

            Në të kundërtën, nëse s`kujdesemi për ta ushqyer mirë e me kohë dhe si duhet, e lamë në të lagur e s`kujdesemi për t`ia ndërruar ndërresat, ajo do të lëngojë nga infektime të ndryshme bakteriale e virusale, do ketë dhimbje e barkqitje që do të kundërmojnë duhmë rretherrotull, do të ketë një rritje jo vetëm të ngadalshme por edhe të përçudnuar e me shumë të meta në të gjitha drejtimet, dhe është rreziku i pranishëm, që të merr formë aq të shëmtuar, sa  t`i përngjajë ndonjë fëmije rahitik dhe epileptik…!

            Nga rrjedhat e deritashme, siç po shihet kujdesi është jo në nivelin e duhur nga kush duhet e si duhet, bakteret dhe viruset nga më të ndryshmit, të brendshëm e të jashtëm, ju kanë vërsulur Kosovës hallemadhe, e s’po e lënë të rritet si duhet e si e dëshirojmë dhe si e meriton… ka infeksione të rënda, po dashtë i madhi zot dhe Kirurgu që e mundësoi lindjen, ndërhynë në kohën e duhur dhe i neutralizon, kishte me qenë më së miri, që t`i shkatërron me themel këta keqbërës, e që është shumë e vështirë, e të ia mundësojë rritën ashtu siç e dëshirojmë dhe siç e meriton pas aq shumë vuajtjesh afatgjata nga faktorët e jashtëm dhe të brendshëm...!

            Si përfundim: Kosovës hallemadhe, i mungon ligji dhe drejtësia, shteti e mreti...!  

            U janë hapur dyert, keqbërësve, e pasojat e dëmshme rrjedhin njërapastjetres në të gjitha drejtimet ku gjejnë hapësirë…

            Në vijim tregimi popullor (Anekdotë) me titull:

            „SI E ZGJODHI MBRETI SADRIAZEMIN E RI“,  e që si dihet mosha  dhe lindja, u përshtatet situatave të kësaj natyre në çdo kohë.

            SI E ZGJODHI MBRETI SADRIAZEMIN E RI

            Kish pas ndek sadriazemi, e mbreti dojke m`e gjetë ni sadriazem t`meçem me ja zënë venin. I thirri 12 Ylematë  ma t`dijshmit n`krejt yl-qen e vet  e po don me i pëvet se kush a`ma i meçem e ma i zoti. 

            Jau caktoi ni ditë se kur me ardhë. Po vijnë ylemaja nja ka nja. Mreti dojke me i provue dhe u dha urdhën hyzmeqarëve që rrishin te dera me marrë ni sahan me pak t`flliqt, me mlue, e ylematë me i shti mrena ka nja ka nja. Kur hin mrena, me shplue ata t`flliqt e me u than: „ Urdhni i mretit asht me e kerkue pak“.

            Ylematë ja nisen me ren e po vinë. Kur hishin n`derë, e kërkojshin ka pak t`flliqt me gisht, me çue n`ven urdhnin e mbretit, edhe hypshin nalt n`oden e tij. Mrena hinë nimdhet ylema. Kur erdhi i dymdheti, po i thotë hyzmeqari: - Urdhni i mretit asht me e kerkue pak ata t`flliqt para se me u ngjitë n`odë t` tij.

            Ky s`deshti kurqysh e bërtiti:

            - Qysh kujton mbreti që unë e ha t`flliqtit?

            Për kësi urdhnash s`e njoh për mret! 

            - Po edhe ata nimdhetë ylematë tjerë e kanë kerkue ka pak para se me hi te mreti - i thanë hyzmeqarët.

            - Sa për t`flliqt boll kam n`shpi teme, e s`kisha ardhë këtu te mbreti me e kerkue, por kam kujtue qi na ka thirrë mbreti për naj punë t`meçme e t`madhe. Hyzmeqari e pa qi ky s`po merr dhe e lajmroi mbretin. Mbreti dha urdhën me e lidhë e me e shti n`burg.

            Atyne nimdhetë ylemave qi i kish n`od u dha  ka `i cigare e u tha: „Veç kam qef me ju pa e me ju ngjoftë“. Edhe dikur i percuell. Kur duelën nimdhetë ylematë, mbreti dha urdhën me i lidhë e me i mshel n`burg. Atëherë çoi e thirri at t`dymdhetin. Po i thotë me fjalë t`shtira: - A ti je ai qi s`e çove n`ven urdhnin tem, a? A e din çka t`gjan? Ky ylemaja i tha: 

            - Për qasi urdhni t`gabueshëm nuk t`njof për mbret. Unë kam mendue se na ke thirrë për naj punë t`meçme e t`madhe, se për me hanger t`flliqt, me pas dashtë, kisha hangër tu shpija e s`kishna ardhë këtu te ti hiq.

            Mbreti e pa qi ish guximtar dhe i drejtë, e ndërroi ftyrën e ja nisi e po kesh. U çue e muer

ngrykë dhe i tha: 

            - Ti do t`bahesh SADRIAZEM se kam ymyt se veç ti mundesh me e majt t`paqtë, tuj ba punë t`mira  e me drejtsi, pa u flliq, ashtu si nuk u flliqe për me e çue  n`vend urdhnin tem qi s`ish me vend. Këtë e bani SADRIAZEM e nimdhetë ylematë tjerë i kalbi haps.