magjias1

Sakras Art Gallery

Sekuenca filmike

Vegëza

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Parapsikologji - Magjia (pjesa e parë)

Shkruan: Salih BASHA

www.dija-hyjnore.ch

MAGJIA

(pjesa e parë)

Çdo gjë e krijuar dhe çdo gjë që do të krijohet në makro a mikrokozmos rrjedh nga ndikimet e elementeve ambientale. I tërë universi ngjanë në një orë mekanike me lloj-lloj pjesësh rrethore të ndërlidhura mes vete. Madje edhe vetë kuptimi hyjnor, Perëndia, është analogji me elementet ambientale.

Magjia definohet si dituri e shenjtë ose si dituri e të gjitha diturive. Midis magjisë dhe mistikës në të vërtet ka pak dallim. Të gjitha dituritë, pavarësisht si janë krijuar, krijohen në bazë të diturisë universale.

Shumë sekte dhe shumë rrugë të zhvillimit spiritual-shpirtëror me fjalën magji kuptojnë një lloj cytjeje të nxitur me fuqi magjike. Prandaj, posa të përmendet fjala magji, shumë persona ndjejnë frikë.

Edhe në mesin tonë ka njerëz të ndryshëm me aftësi krejt të pakta (ose edhe pa to) po merren me magji, e që në të vërtet janë keqpërdorues e sharlatan të magjisë.

Që nga kohet e hershme personat e ashtuquajtur “Magosët” janë trajtuar si persona të lartësuar - të dedikuar, të iluminuar - të ndriçuar dhe kështu fjala magji rrjedh nga profesioni i tyre.

Ne, shqiptarët, fjalën magji kryesisht e njohim në kuptimin negativ, që është gabim, sepse siç theksuam edhe më lart, magjia është dituri e të gjitha diturive. Te ne njihen magjitë, sehiret, t’bamet dhe të gjitha këto i quajmë si magji e zezë dhe përsëri gabojmë, sepse në kuadër të sehireve, t’bameve hyjnë edhe t’bamet e mira të cilat njeriut i ndihmojnë për t’u shëruar ose për t’u mbrojtur nga e keqja e cytësit.

Dua të përmend atë që është më shumë intersenate për të mirën dhe të keqen. Çdo element kozmik e ka anën ose rolin e vet, që ne pastaj njërën e kemi quajtur pozitive e tjetrën negative; njërën shkak e tjetrën pasojë; njërën krijim e tjetrën rrënim.

Religjionet e ndryshme në botë elementet ambientale aktive i përshkruajnë si të mira, ndërsa anën tjetër negative e emërtojnë si të keqe. Këto janë: e mira dhe e keqja, e bardha dhe e zeza, dita dhe nata, femra dhe mashkulli etj. këto terme vlejnë vetëm për botën fizike. Po të shikojmë do të shohim se nocionet - mirë dhe keq, nuk ekzistojnë, nuk ka as të mirë as të keqe; këto nocione i ka krijuar njeriu e jo universi. Mbani mend: në univers nuk ka as të mirë as të keqe, sepse çdo gjë është krijuar nga ligjet e pandryshueshme dhe pikërisht në ato ligjshmëri qëndron principi hyjnor dhe vetëm përmes njohjes së këtyre ligjeve ne mund t’i afrohemi Perëndisë.

Në fondin e magjisë hyjnë edhe letrat tarot. Këto nuk janë letra të zakonshme për lojë, ato janë libër shpirtëror, ku dituritë nga ndërdija i zhvendos në vetëdije. Në një mënyrë taroti është një lloj libri me simbole të dedikuara të cilat brenda vetes, në mënyrë simbolike, i kanë fshehtësitë me të larta hyjnore. Në letrën e parë tarot është magjistari me shkop në njërën dorë, ndërsa dorën tjetër e ka të ngritur nga qielli. Ky magjistar është sundues i të gjitha elementeve kozmike dhe në mënyrë simbolike e thotë atë që e ka thënë edhe Hermesi: “Çka ka lart ka edhe poshtë, çka ka poshtë ka edhe lart”.

Në shënimet më të vjetra të lindjes elementet ambientale quhet Tattvat. Tattvat janë pesë elementet kozmike:

1. Akasha - principi i elektrikut - (V - elementi ambiental i akashës);

2. Taxhasi - principi i zjarrit - (IV - elementi ambiental i zjarrit);

3. Vaji - principi i ajrit - (III - elementi ambiental i ajrit);

4. Apasi - principi i ujit - (II - elementi ambiental i ujit);

5. Pritivi - principi i i tokës - (I - elementi ambiental i tokës).

Nuk është e lehtë të përshkruhen e të sqarohen elementet kozmike.

Akasha - principi i elektrikut. Në makrokozmos dhe në mikrokozmos (të njeriut) gjendet akasha dhe të gjitha elementet e tjera. Për këtë arsye principi i elektrikut është ai më i larti, më i fuqishmi, më i pakuptueshmi. Akasha është element ambiental i të gjitha gjërave që janë formuar e që do të formohen. Me fjalë të tjera, akasha është element ambiental i paraorigjinës. Prandaj, në elementin ambiental të akashës, pra në principin e elektrikut, nuk ka kufizime në kohë e në hapësirë. Këtu gjendet zanafilla dhe tërë pastërtia e të gjitha mendimeve dhe e ideve, këtu gjendet bota e shkaqeve dhe pasojave; e tërë bota fizike buron ose reflekton nga akasha.

Çdo magjistar i përndritur informatat i merr nga akasha. Rudolf Shtajner (austriak, dr. I fizikës dhe i kimisë, është marrë me magji të lartë), shpjegon shumë mirë për kronikën e akashës... Kjo është temë më vete dhe specifike. Kam bërë shumë pak eksperimente në Prizren në autotrans. Secili element kozmik e ka simbolin dhe ngjyrën e vet. Akasha e ka simbolin e vesë me ngjyrë të zezë ose indigo. Elementi ambiental i zjarrit e ka trekëndëshin me ngjyrë të kuqe. Elementi ambiental i ajrit e ka rrethin me ngjyrë të kaltër. Ai i ujit e ka simbolin e gjysmëhënës me ngjyrë të argjend. I tokës është me ngjyrë të verdhë. Akasha, gjithashtu, i ka rojet e veta. Kur të shohin se je i papastër ose i papërshtatshëm ato nuk të lejojnë të afrohesh. E kam dërguar një djalosh në akashë i cili nuk ishte aq serioz. E shihte akashen, por kur tentonte t’i afrohej i shndërrohej në zjarr. Gjithashtu, e kam provuar edhe me një femër, e cila ishte e pastër shpirtërisht. Akasha e pranoi. Ajo e shihte akashën dhe kishte ndjenja të bukura që nuk mund t’i përshkruante. Të gjitha bukuritë magjepse e te papërshkrueshme i gjente tek akasha. Kjo femër, pasi doli nga akasha, transi i saj ishte shumë i thellë dhe gjërat i perceptonte në mënyrë më të qartë.

(vazhdon)