Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Kadusi LAMA

 (Këtë kolazh poetik për portalin "www.sa-kra.ch " e përgatiti: Kadri Rexha)

ÇAMËRI, TOKË E GRABITUR

 

ÇAMËRI, TOKË E GRABITUR

shqiponja jonë nuk mund të vazhdojë
edhe në rrugët e Evropës moderne të jetë e copëtuar
ajo duhet dhe do të arrijë që t’i ketë
të gjitha trojet etnike shqiptare nën flatrat e saj
krahët e shqiponjës nuk duhet të kullojnë gjak më tej
ato duhet të shtrihen në hisen e diellit të tyre
të vdekurit duhet të gjejnë prehje me pasardhësit pranë
edhe ata në varre kanë nevojë për përkujdesje
mjaft kanë shkelur andartët mbi ta

ka ardhur koha ta hedhim tej pikëllimin
dhe të shprehim vendosmërinë
për t’i marrë përfundimisht trojet tona
 
***
me lot fitohet mëshirë kur ka mëshirues
me lot e drejta nuk fitohet kurrë
kush qanë është i destinuar të mbetet skllav
dhe të mbetet pa të ardhme
 
nuk jemi nga ata që mund të mbetemi pa të ardhme
kush na rekomandon të qajmë na donë skllevër
ne duhet të jemi të vendosur dhe shumë luftarak
në rrugën tonë për të vajtur
deri në cepin më të fundit te trojeve tona
dhe deri në kufirin më të largët
për të sjellë afër të gjithë shqiptarët
mbetur rrugëve të botës
 
zemrat tona duhet të jenë shumë luftarake
dhe shpirtrat tanë shumë të vendosur
për të mos lejuar më tej
qe pronarët të jenë qeraxhi
 
***
Çamëria nuk duhet konsideruar si diçka e largët
ajo është këtu afër është vazhdim i trojeve
ajo ka qëndruar mjaftë larg mëmës
ka ardhur koha të kthehet në vatër
 
e Çamërinë e bëjnë çamët dhe trojet e tyre
ato duhet dhe do të bashkohen
duan apo nuk duan shovinistët antishqiptar
te çdo kombësie qofshin
 
***
ne duhet të jemi të qetë me të qetët
të jemi qytetarë me qytetarët
të jemi të kulturuar me të kulturuarit
të jemi miq me miqtë,
të jemi të edukuar me të edukuarit
por të jemi të rreptë me armiqtë
të pa mëshirshëm me ata që na duan të vdekur
të jemi me tolerancë zero me ata që na mohojnë
kombin tonë tërësinë tonë tokësore
të drejtën tonë për të qenë zot mbi trojet tona
që na mohojnë të drejtën për ta bërë
përfundimisht kombin tonë
një herë e mirë
një e të pa ndarë
 
***
sot ka nga ata që mendojnë
se shqiptarëve u ka humbur syri i pushkës
e keni shumë gabim duhet t’u themi ne
shqiptari mbetet ai që ka qenë
shqiptari nuk është zhbërë
me gjithë përpjekjet e armiqve për ta zhdukur
edhe në kohët e errëta të historisë
kush mendon se mund t’i zhbëjë
e zhdukë shqiptarët e trojet e tyre
sot në kohët moderne është aventurier
e aventurierët në përgjithësi
gjithnjë vrasin vetën
 
***
historia ka dëshmitarët e saj
ajo ka treguar dhe do të tregojë edhe më tej
se Çamëria është tokë e grabitur
të kujtojmë se kombi izraelit
u kthye në trojet e tij pas 2000 vjetësh
ai ishte shpërngulur në kohët e largëta
megjithatë u kthye
ne nuk duhet e nuk do të presim 2000 vjet
se jemi e jetojmë në kohë moderne
ne duhet e do të kthehemi në trojet etnike shumë shpejt
ne jemi ata që duhet t’i kthejmë çamët në trojet e tyre të ligjshme
ne duhet ta bëjmë përfundimisht kombin tonë një e të pandarë
dhe shqiptarët duhet të marrin atë që u takon
Çamëria nuk ka më kohë të qëndrojë larg
ajo donë dhe do të vijë afër me trojet e tjera
të mëmës Shqipëri
 
***
drejtësia do të bëhet
çamët do të thonë shumë shpejt mirëmëngjes në portat e tyre
nëse dikush del edhe ne televizor e thotë
"tashmë çështja nacionale është një çështje folklorike"
mos besoni se është e vërtete
këtë e thotë dikush që nuk ka origjinë
dhe që për pesë pare shet babanë edhe nënën
të tillë sot edhe ka unë nuk dua të bëjë evidencë
por ata duhet të dinë
se nacionalizmi sot në gjithë botën
është në nivelin më të lartë të kërkesës
për të qenë
 
ne që jemi të ndarë në gjashtë pjesë në Ballkan
dhe që e kemi diasporën më të madhe
se popullsinë në trojet etnike
e kemi tepër urgjent
qëndrimin shumë të qartë
te vendosur e të prerë
për zgjidhjen përfundimtare
të çështjes kombëtare shqiptare

***
mjaftë më me vaje nuk kemi kohë
ka ardhur koha e zgjidhjeve
e kur nuk ka zgjidhje vjen koha e thirrjeve
djemtë dhe vashat nuk lindin e rriten në token e mëmëdheut
vetëm për të konsumuar bukë
por edhe për t’i kryer obligimet ndaj kësaj toke
që na ka lindur e rritur na ka siguruar jetesën
na ka siguruar vazhdimësinë
e do të na ruajë edhe eshtrat në përjetësi
këto zgjidhje sjellin mesazhin e bashkimit kombëtar shqiptar
i bashkuar në evidencën e kulturës
në njësimin e gjuhës së bukur shqipe
në flamurin e lavdishëm të kombit
në këngën e vallen
në traditën e përgjegjësinë për të ardhmen
në inteligjencën e qytetarinë
ky bashkim gjithëpërfshirës i fushave jetësore kombëtare
natyrshëm do të diktojë edhe bashkimin politik
sepse nuk mund të ketë integrim ndërkombëtar
pa integrim e integritet kombëtar
 
***
jemi në Vlorën heroike e historike,
që mban mbi supe heroizmat e popullit tonë në shekuj,
që mban mbi supe luftën e lavdishme të vitit 1920
kur fuqitë e mëdha edhe njëherë tentonin
ta zhduknin kombin e shtetin shqiptar
ishte Vlora qe tha: Jo, kjo tokë është jona
ky shtet është yni nuk ka fuqi qe na i merr
jemi në Vlorë e cila mban në gji flamurin kombëtar
si një amanet për t’ia përcjellë brezave të sigurt
për të transmetuar mesazhet se këtu është bërë Shqipëria
në atë 28 nëntor të vitit 1912 nuk është bërë vetëm një copë Shqipëri
ishin ato mesazhe që e bënë Kosovën
që do të bëjnë Kosovën Lindore dhe trojet ne Maqedoni
edhe Çamërinë edhe Ulqinin e Tivarin Plavën e Gucinë
jemi në Vlore e Vlora nuk bënë politikë nënshtrimi
por merr vendime historike
për të ardhmen e sigurt kombëtare shqiptare
 
***
vargjet e këngës për Çamërinë:
"o ju djemtë e Çamërisë kudo jeni e jetoni
amanet i Perëndisë Çamërinë mos e harroni"
Unë do t’i këndonja:
"o ju djemtë e Shqipërisë kudo jeni e jetoni
amanet i Perëndisë Çamërinë mos e harroni"
sepse Çamëria nuk është vetëm e çamëve
në çdo oborr shtëpie në Çamëri
çdo shqiptar ka një gisht dhe
atë secili e ka për detyrë ta bëjë të lirë

***
kur shikojmë se greket nuk pranojnë asnjë shqiptar
që nuk ka emër grek por me çdo kusht i zhdukin identitetin
kur shikojmë se si grekët na kërcënojnë edhe nëpër parada ushtarake
kur shikojmë se greket na kërcënojnë edhe nëpërmjet internetit
kur shikojmë se grekët na kërcënojnë edhe në emër të Evropës
kur shikojmë se grekët e konsiderojnë grek çdo qytetar shqiptar të fesë orthodokse
kur shikojmë se si grekët kërkojnë të tjetërsojnë edhe trojet shqiptare
për t’i emërtuar ato si Greqi
kur shikojmë se si grekët vijnë e na zhvarrosin edhe fëmijët nëpër Shqipëri
e i quajnë varreza ushtarësh grek
kur shikojmë se mjafton t’i vësh vetës një emër grek
dhe mund të fitosh pension nga shteti grek sikur të jesh edhe banor i Prishtinës
kur shikojmë se si grekët politizojnë edhe aksidentet automobilistike
kur shikojmë se si politikanë grekë pa turp
vijnë e bëjnë propagandë greke nëpër territoret e shtetit shqiptar
unë nuk mund të them se kemi një fqinjë që duhet t’i besojmë
e që mund të jemi bashkë për të përballuar problemet
që mund të na sjellë e ardhmja
 
***
ne jemi vrarë prej tyre,
ne jemi masakruar prej tyre
ne jemi zhdukur prej tyre
ne jemi shpërngulur prej tyre
sot akoma ata akuzojnë e ne heshtim
ata pretendojnë e ne heshtim
ata kërkojnë e ne heshtim
ata kërcënojnë e ne heshtim
ata mashtrojnë e ne heshtim
se ne bëjmë politikë
nëse është kjo politikë
unë them se politika qenka e keqe
ne duam të drejtën tonë
dhe atë nëse nuk na e japin
duhet ta marrim.
 
***
kemi për detyrë të kërkojmë
që Greqia të kërkojë falje botërisht
për masakrat mbi çamët në veçanti
për masakrat që ka bërë mbi shqiptarët në tërësi
që historia e Greqisë të shkruhet siç është e vërteta
jo si kanë dëshirë dhe i po e shkruajnë shovinistët grek
që të hiqet dorë përgjithmonë nga mendësia mesjetare
e konsiderimit të popullsisë orthodokse shqiptare si popullsi greke
të hiqet dorë përgjithmonë nga tendenca
për të kërkuar troje greke në tokat shqiptare
të kërkohet dhënja e të drejtave arvanitasve në Greqi
një popullsi që mbahet nën trysni mesjetare
të kërkohet hapja e shkollave shqipe për emigrantet shqiptar në Greqi
në bazë të ligjeve ndërkombëtare
askush nuk duhet të mendojë se është shumë
këto i gëzojnë të gjithë në kushte të njëjta në gjithë botën

***
duhet ta kemi të qartë se nuk jemi sot për nesër në këto treva
kemi qenë jemi e do të jemi këtu
dhe nesër pa tjetër do të jemi më të fuqishëm se sot
pra të ndërtojmë gjithçka në kushte të tilla
që të mos thonë nesër se kemi qenë të pa denjë sot
siç po themi sot se janë vonuar të djeshmit

kemi për detyrë të jetojmë dhe të madhështojmë kombin tonë
nuk mund të vdesim që të na duan grekët e sllavoballkanasit
duhet të jemi të drejtpërdrejt në marrëdhënie me ta
asnjëherë të mos hezitojmë të jemi vetvetja
të veprojmë sipas kërkesave të zërit të atdheut tonë
sipas kërkesave të zërit të historisë tonë
dhe sipas kërkesave të bërjes dhe zhvillimit të kombit tonë

 

ne jemi e do të jemi
shteti dhe politika jonë duhet ta kuptojnë te parët këtë
nuk është mirë të kujtojmë se në përgjithësi
zhvillimet kombëtare shqiptare kanë ardhur rrugëve ilegale
se politika legale nuk ka qenë e aftë të udhëheqë
rrugën e zhvillimit të vendit
nuk kam dëshirë që kjo mendësi të vazhdojë më tej
le të dalë politika kombëtare mbi politikën e buzëqeshjeve


 

        Shënim:

      Vargjet poetike të mësipërme janë riprodhim besnik i fjalës përshëndetëse të Gjeneralit Kudusi Lama në Konferencën e jashtëzakonshme për çështjen e Çamërisë, mbajtur në Vlorë, më 03.10.2010, fjalë kjo e botuar në të njëjtën ditë edhe në portalin “Pashtriku.org”. ÇAMËRIA ËSHTË TOKË E GRABITUR! ÇAMËRIA ËSHTË VAZHDIM I TROJEVE SHQIPTARE