Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

MAZLLUM SANEJA

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

MAZLLUM SANEJA

             Hyrje

            Mazllum Saneja, poet, eseist dhe përkthyes i njohur i letërsisë polake në gjuhën shqipe dhe i letërsisë shqipe në gjuhën polake, u lind në Gjakovë, më 1945. Në Prishtinë kreu Fakultetin Filozofik, Gjuhë e Letërsi Shqipe, kurse më vonë edhe studimet pasuniversitare. Gjuhën polake e mësoi në Universitetet e Varshavës, Vrocllavit dhe Krakovit (1978-1981). Më vonë në Universitetin e Varshavës studioi letërsinë polake.

            Librin e parë me poezi “Këlthitje” e botoi në shtëpinë botuese “Rilindja”, Prishtinë, 1973.

            Pastaj ka botuar edhe këto libra me poezi:

             “Heshtja e një kohe”, “Naim Frashëri”, Tiranë, 1976.

            “Shpuzë e ftohtë”, :Rilindja”, Prishtinë, 1988.

            “Purpurowa podróż” (Udhëtimi i purpurt),”Orfeu”, Varshavë 1992.

            “Shëmbëllime të trazuara”, “Rilindja”, Prishtinë, 1996.

            “Ja nie jestem ten” (Unë nuk jam ai), “Pavo”,Varshavë, 1996.

            “Ognista ziemia” (Toka e zjarrtë), “DWP”,Varshavë, 1999.

            “Pe ndonjë ëndërr”, “Dukagjini”, Pejë, 2003.

            “Vetëtimë jete”, “Pen Qendra e Kosovës”, Prishtinë, 2007.

            „Leximi i vetmisë”, “Komograf”, Varshavë, 2010.

            Ka përkthyer në gjuhën shqipe librat me poezi të poetëve më të njohur polakë:

            Karol Wojtyła: “Bregu i qetësisë”, “Drita”, Ferizaj, 1989.

            Tadeusz Różewicz: “Rrëfime traumatike”,A “Rilindja”, Prishtinë, 1991.

            Wisława Szymborska: “As fund as fillim”,“Dukagjini”, Pejë, 1997.

            Zbigniew Herbert: “Zoti Cogito”, “Dukagjini”,Pejë, 2000.

            Ewa Lipska: “Mësohu me vdekjen”, “Sfinga”,Prishtinë, 2000.

            Ewa Lipska: “Unë”, “Rozafa & Pen Qendra e Kosovës”, Prishtinë, 2006.

            Stanisław Jerzy Lec: “Mendime të pakrehura” (aforizma dhe epigrame), “Rozafa”, Prishtinë, 2001.

            Adam Zagajewski: “Të shkosh në Lvov”, “Sheshi”, Prishtinë, 2002.

            Sławomir Mrożek: “Dashuria në Krim” dhe“Shumë të nderuarit”(drama), “Rozafa”, Prishtinë, 2003.

            Czesław Miłosz: “Qyteti pa emër”, “Poeteka & Ideart”, Tiranë, 2009.

            Jerzy Ficowski: “Leximi i hirit”, “Saga”, Prishtinë, 2011.

            Andrzej Zaniewski: “Dhe drurët e fishkur qajnë”, “Saga”, 2013.

            Mazllum Saneja është gjithashtu autor i Antologjisë dygjuhëshe të poezisë shqipe dhe polake të shekullit XX “Vetëm Itaka mbetet” (Tylko Itaka pozostanie), “Latona”, Varshavë, 1993.       

            Antologjia e poezisë polake e shekullit XX në gjuhën shqipe: “Fëmijët e epokës”, “Pavo”, Varshavë,1997.

            82 83 Antologjia e poezisë shqipe e shekullit XX në polonisht: “Nie jest za póżno na miłość” (Nuk është vonë për dashuri), “Pogranicze”, Sejny, 2005.

            Në gjuhën polake ka përkthyer libra me poezi të zgjedhura të poetëve të njohur modern shqiptar:

            Ali Podrimja: “Skradziony płomień” (Flaka e vjedhur), “Pogranicze”, Sejny, 2007.             Eqrem Basha: “Wiersze” (Poezi të zgjedhura), “Pogranicze”, Sejny, 1999.

            Fatos Arapi: “Dajcie mie imię” (Më jepni një emër), “Komograf”, Varshavë,2013.

            Mihal (Nas) Hanxhari: “Ty śmierci moja przepełniona życiem” (Ti vdekja ime mbushur me jetë) .

            Agim Gjakova: “Saga o wietrze” (Saga flurore),” Komograf”, Varshavë, 2013.

            Visar Zhiti: “Upragniona błyskawica” (Vetëtimë e uritur).

            Mazllum Saneja është autor i dy librave në fushën e gjuhësisë:

            Mini rozmówki albańskie” (Bisedor i gjuhës shqipe), “Wiedza Powszechna”, Varshavë, 1992.

             „Rozmówki albańskie”(Bisedor i gjuhës shqipe), “Komograf”, Varshavë, 2012.

            Më 1997 fitoi Çmimin prestigjioz letrar ZAIKS të Shoqatës së Autorëve të Polonisë për arritje të rëndësishme në fushën e përkthimit letrar të letërsisë polake. Mazllum Saneja merret edhe me publicistikë dhe eseistikë. Është anëtar i Shoqatës së Përkthyesve të  Kulturës Evropiane në Varshavë. Jeton në Varshavë si artist i lirë.

LUTJE

Kur në përfytyrimin tonë ndjejmë frikë

dhe mbi ne lëviz hapësira

Dritën njerëzore ruana Zot

Kur na lë vullneti për jetë

madje edhe fjala duket e kotë

Dritën njerëzore ruana Zot

Kur urtësia jonë nuk jep fryte

dhe tund drurin e përjetshëm

Dritën njerëzore ruana Zot

Kur zhgënjimi i hidhur na ndal në udhë

dhe përkulemi para gurit në fushë

Ditën njerëzore ruana Zot

TË USHQESH KORBAT

Pleqëri

tashmë nuk shkëlqen

me forcë gjallëruese

I kredhur në mendime

e ndjen veten të vetmuar

Dhe etja e madhe

që Dikush

t'i pëlqej mendimet tua

Me shallin e trashë

mbulon

rininë tënde

të shkujdesur

Prapa dritares

dimër

Duhet edhe ca

të ushqesh korbat

VETËM FILLIKAT

Nëse do të vdesësh

e dikush të thotë

se do të të kujtojë

se do të ruajë shtëpinë tënde

se do t'i ujisë lulet

do të vizitojë varrin tënd

domethënë se tërë jetën ke qenë i vetmuar

Nëse do të vdesësh

duhet të jetë dikush

që të të marr për dore

e të thotë

do të vdes me ty

sepse vetëm ashtu mund t'i thuhet të vdekurit

Pastaj

mund të mendosh

se ke jetuar

ndonëse me një njeri

ndoshta

në grumbull njerëzish

OH ZOT NËPËR ÇFARË ERRËSIRE

Nëpër çfarë errësire të mendimit kalova

oh Zot

mbështetur për murin e lotëve

që të shoh me mund dritën

Natën në përfytyrime pashë të vërtetën

në mëngjes nuk munda të besoj

Para meje

është edhe një ditë e tërë

TË SHKRUAJ TY

- Mikes sime, Ewa Śmietańska -

Në jetën time

jetova me zjarrmi

dhe shpejt

vrapin tim

kurrë nuk e ndala

qysh si fëmijë

jetova në mes të librave

merre me mend

njëherë e një kohë

fotografinë e Jeseninit

e mbajta në gji

të shkruaj ty

se në botë i lëmë

çështjet tona të pazgjidhura

Varshavë,

Fundi i dhjetorit 2014