Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Përgatiti: Hasan  HAMËZBALAJ

MBI TANTRËN DHE JOGËN

Një vështrim specifik i mistikut të madh indian Osho, mbi atë se çfarë është ndryshimi në mes të jogës tradicionale dhe tantrës, janë apo nuk janë të njëjta:

  Seksi është energji themelore...

           Joga thotë luftojeni atë energji...

           Tantra thotë shfrytëzojeni, transformojeni...

            Tantra dhe Joga në esencë janë të ndryshme. Synojnë qëllimin e njëjtë, por rrugët jo vetëm që nuk i kanë të njëjta, por edhe të kundërta. Prandaj kjo duhet kuptuar mirë.

            Joga është metodologji dhe teknikë. Joga nuk është filozofi. Mu ashtu si Tantra, edhe Joga varet nga aksioni, metoda, teknika. Puna çon kah esencialja edhe në Jogë, por procesi është tjetërfare. Në Jogë njeriu lufton: ajo është shtegu i luftëtarit. Në shtegun e Tantrës s`duhet fare të luftosh. Përkundrazi, më parë duhet te dorëzohesh, por vetëdijshëm. JOGA ËSHTË NGULFATJE ME VETËDIJE E DËSHIRAVE, TANTRA ËSHTË DORËZIM I VETËDIJSHËM NË DËSHIRA,

            Tantra thotë çfarëdo që të jeni, qenësoren nuk e keni në kundërshti... Se mes jush dhe realitetit nuk ka kundërthënije. Ju jini pjesë e tij, prandaj lufta, grindja, kundërshtia, nuk i duhen natyrës. Duhet ta shfrytëzoni natyrën, duhet ta shfrytëzoni atë QË KENI për t`u bërë ATA QË DËSHIRONI TË JENI.

            Në Jogë duhet të luftoni me vetveten, qe të vini pasandaj. Në, Joge bota dhe shpëtimi, do të thotë: ju si të tillë çfarë jeni dhe ju si të tillë çfarë mund te jeni-janë dy gjëra kundërshtare.

            Ndrydheni, luftojeni, asgjësojeni atë që jeni për t`u bërë ata që dëshironi të jeni, thotë Joga... Ne sytë e Tantres - Joga është vetëvrasje e thellë: duhet ta vrisni natyroren në vetvete - trupin tuaj, instinktet tuaja, dëshirat tuaja dhe të gjitha. Tantra thotë PRANOJENI VETVETEN ASHTU SI JENI. Kjo është një pranim i thellë. Mos krijoni zbrazëtirë mes vetes dhe realitetit, mes botës dhe NIRVANËS. Mos krijoni kurrëfarë zbrazëtire! Për Tantrën nuk ka zbrazëtirë. Vdekja s`është e nevojshme. Për t`u rilindur nuk nevojitet vdekja, ajo është transcendentialitet. Për këtë tejkalim,  shfrytëzojeni - veten.  Për shembull, aty është seksi - energjia themelore, energjia themelore përmes së cilës kemi lindur dhe me të cilën jemi lindur. Qelizat themelore të organizmit tuaj, të trupit tuaj, janë seksuale dhe mendja njerëzore sillet rreth seksit. Joga thotë luftoni me atë energji. Përmes luftës krijoni  një qendër tjetërfare në vete: - sa më shumë të luftoni, aq më shumë identifikoni qendrën tjetër. Seksi s`ështe qendra juaj.

            Lufta me seksin, natyrisht, e vetëdijshme - do të krijojë qendra të reja në qenien tuaj, theks të ri, sqarim të ri. Atëbotë seksi nuk do të jetë energjia juaj. Do të krijoni energji të re, duke luftuar me seksin. Do të lindin energji të ndryshme dhe qendra tjetërfare të ekzistimit.

            Tantra thotë: shfrytëzojeni energjinë seksuale, mos luftoni kundër saj. Transformojeni! Mos mendoni mbi të si mbi armikun: kijeni MIK. Ajo është energjia juaj: ajo s'është e ligë, s'është e keqe. Çdo energji është neutrale. Mund të përdoret kundër jush, mund të përdoret për ju. Prej saj mund ta ndërtoni murin, pengesën: mund ta ndërtoni edhe hapërimin. Ajo mund të shfrytëzohet. E shfrytëzuar si duhet­ është mike. E shfrytëzuar gabueshëm - mund te jetë armike. Njëra ose tjetra. Energjia është neutrale.

            Ashtu si njeriu i rëndomtë e shfrytëzon seksin, ai bëhet armiku i tij dhe e asgjëson atë. Thjeshtë - humbeni në të. Joga merr qëndrim të kundërt, të kundërt me të kuptuarit e rëndomtë. Uni i rëndomtë asgjësohet nga dëshirat e veta. Prandaj, Joga thotë: mënjanoni dëshirat, bëhuni pa dëshira! Luftoni kundër dëshirave dhe krijoni në vete UNITETIN pa dëshira.

            Tantra thotë: të jeni të vetëdijshëm për dëshirat. Mos krijoni luftë. Lëvizni nëpër dëshirat tuaja plotësisht të vetëdijshëm. Dhe kur të silleni mes dëshirash krejtësisht të vetëdijshëm, i transformoni ato. Jeni dhe s`jeni në to. Kaloni nëpër to dhe mbeteni jashtë tyre.

            Joga ka qenë mjaft tërheqëse, mu sepse ishte kundër unit të zakonshëm. Për këtë dhe mendja e zakonshme e kupton gjuhën e Jogës. Ju e dini se si seksi u ka asgjësuar, se si u asgjëson, se si jetoni dhe silleni rreth tij si robër, si kukulla. E dimë këtë nga përvoja. Prandaj, kur Joga thotë luftoni kundër tij, menjëherë e kuptoni atë gjuhë. Ajo është tërheqshmëri e madhe e Jogës.

            Tantra nuk tërheqë aq lehtë. Ajo duket e rëndë: - Si të lëvizësh nëpër teh dëshirash dhe të mos prehesh.? Të sillesh nëpër botën e tyre dhe të mos rrëmbehesh? Si të jemi vetëdijshëm të inkuadruar në seks, plotësisht të vetëdijshëm? Mendja e rëndomtë frikësohet: ajo duket e rrezikshme. Vallë, s`është kjo e rrezikshme: çkado qoftë që dini për seksin krijon këtë rrezikshmëri. E njihni veten, e dini se si mund të jeni të mashtruar: shumë bukur e dini se si mendja është dinake. Mund të lëvizni nëpër dëshira, në seks, në çdo gjë dhe ta mashtroni veten se sillem krejtësisht të vetëdijshëm. Për këtë dhe ndjeni rrezikun. Por rreziku s`është në Tantër, por në ju. Edhe tërheqshmëria e Jogës është në ju, në mendjen tuaj të zakonshme, në arsyen tuaj që e ndalon seksin, duron urinë për seks ose i dorëzohet seksit.

            Joga është tërheqëse, sepse arsyeja e rëndomtë nuk është shëndosh kur në pyetje është seksi. Më shumë humanizëm me seks të shëndoshë - natyror, normal... Ne s`jemi normal as natyral. Absolutisht jemi jonormal, jo të shëndoshë, vërtetë shpirtërisht të çrregulluar. Por këtë kurrë nuk e ndjejmë, meqë të gjithë janë si ne. Çmenduria është aq normale, sa të mos jesh i çmendur duket jonormale. Buda është jonormal, edhe Isai është jonormal në mesin tonë. Ata ne nuk na takojnë. NORMALITETI I TILLË ËSHTË SËMUNDJE.

            Ajo mendje "normale" ka krijuar tërheqshmërinë e Jogës. Nëse e merrni seksin natyralisht, pa filozofi rreth tij, për dhe kundër: nëse e pranoni seksin si i pranoni duart tuaja, sytë, nëse ai plotësisht pranohet si diçka natyrore, Tantra do të bëhet tërheqëse, dhe vetëm atëherë Tantra do të jetë e dobishme për shumicën.

            Por ditët e Tantrës po vijnë. Herët apo vonë do të përhapët vrullshëm në masa, sepse për herë të parë është kohë e vërtetë - e vërtetë që seksi të pranohet natyralisht. Është e mundshme që kjo përhapje të vie nga Perëndimi, meqë Frojdi, Jungu, Reichu e kanë përgatitur trollin. Ata nuk kanë ditur asgjë për Tantrën, por kanë krijuar truall të përshtatshëm për Tantrën.