Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

 www.tiranaobserver.al

       TË GJITHA RECETAT E MJEKËSISË POPULLORE PËR TË LUFTUAR SËMUNDJET

(1)

    Sot shkenca dhe mjekësia ka bërë të mundur që të evitohen ose të shërohen shumë sëmundje të përhapura, të trupit dhe të mendjes, duke bërë një jetë të shëndetshme. Një rol të rëndësishëm luan ndjekja e disa rregullave të thjeshta të dietës dhe shëndetit.

            Sot shkenca dhe mjekësia ka bërë të mundur që të evitohen ose të shërohen shumë sëmundje të përhapura, të trupit dhe të mendjes, duke bërë një jetë të shëndetshme. Një rol të rëndësishëm luan ndjekja e disa rregullave të thjeshta të dietës dhe shëndetit. Në natyrë ekzistojnë shumë bimë që nëse përdoren në doza të caktuara dhe pjesë të caktuara të bimës mund të kurojnë sëmundje të ndryshme. E për këtë vjen në ndihmë mjekësia popullore, madje dhe ajo cigane. Pjesa më e madhe e këtyre bimëve gjenden në farmacitë bimore. Ndërsa ushqimi i mirë është vital për shëndetin edhe agjërimi, dieta është po aq e rëndësishme. Në suplementin e sotëm “Tirana Observer” sjell një sërë recetash të mbështetura në mjekësinë popullore, për të kuruar sëmundje të ndryshme që shfaqen në organizmin tonë duke përdorur bimë të ndryshme të gjendura në territorin shqiptar dhe jo vetëm. Trupi ynë ka nevojë për pushime periodike dhe kjo përfshin edhe organet tonë të tretjes. Dieta është mënyra e vetme për t’i lënë të pushojnë këto organe jetësore. Është e nevojshme të mësohet një teknikë sa më e përshtatshme për një dietë efikase dhe pa rreziqe, si edhe “sekrete” të tjera për një shëndet të mirë. Por studimet e bëra nga dietologët kanë treguar efektet pozitive të bimëve dhe ushqimeve në shëndetin tonë, si stimulues të sistemit imunitar, por edhe të efektshme kundër sëmundjeve të ndryshme si kancerit, tensionit, sëmundjeve të zemrës, stomakut, aparatit tretës, gripit, të ftohurit, e shumë të tjera. Ndërsa më poshtë, radhiten barishte dhe receta me bimë e ushqime, të cilat janë të njohura për efektet e tyre kundër të gjitha sëmundjeve më të shpeshta që rrezikojnë organizmin e njeriut. Këto e shumë të tjera në një suplement prej pesë faqesh, një strategji e vërtetë për një jetë të shëndetshme.

            KUMAKU

            Kumaku është bimë barishtore njëvjeçare, që kultivohet tek ne në kopshte e parqe si bimë zbukurimi. Efekti i përshtatshëm i luleve të kumakut vjen nga bashkëveprimi i esencës së ksantofilit, nga njëra anë, dhe kalendulinës e substancave mucilagjinoze nga ana tjetër.

            PËRGATITJA E PËRDORIMI: Në sajë të kësaj larmie përbërësish, lulet e kumakut kanë veti të lirojnë ngërçin e muskulaturës së lëmuar, të nxitin rrjedhjen e tëmthit, të ndalojnë rritjen e mikrobeve.

            VETITË:

            - Liron ngërçin e muskulaturës së lëmuar

            - Nxit rrjedhjen e tëmthit

            - Ndalon rritjen e mikrobeve

            - Shpejton shërimin e plagëve të qelbëzuara

            - Përdoret kundër myqeve dhe lythave

            - Përdoret si qetësues i dhembjeve

            - Përdoret në raste e të verdhit

            - Përdoret në sëmundje të mëlçisë

            KUFILMA

            Bima përbëhet nga rrënjët e thara të kufilmës, e cila është bimë barishtore shumëvjeçare, e zakonshme në vise të lagëta, livadhe e vende të freskëta. Bima është e pasur me lëndë vepruese, siç janë p.sh. lëndët jargëzuese (mucilagjet), esenca dhe taninet, alkaloidet e ndryshme, si simfitocinoglosina etj.

            PËRGATITJA E PËRDORIMI: 1-2 lugë kafeje me rrënjë kufilme të copëtuara hidhen në një enë të cinkuar, ku shtohet një gotë me ujë; përmbajtja zihet 5-10 minuta, dhe lihet në qetësi për 1/2 orë, pastaj kullohet dhe lëngu pihet i ëmbëlsuar ose jo, sipas dëshirës.

            VETITË:

            - Ndikon në qarkullimin e gjakut

            - Qetëson dhembjet

            - ndihmon në ripërtëritjen e indeve të dëmtuara dhe

            - Ndihmon në shërimin e plagëve

            - Përdoret kundër pezmatimeve dhe etheve

            - Përdoret kundër kollës dhe zbutës

            - Përdoret kundër shtimit të gëlbazave në rrugët e frymëmarrjes

            - Në rastet e çrregullimeve të qarkullimit të gjakut

            - Në pezmatimet e venave

            - Në sëmundje kronike të kyçeve dhe kockave

            - Në pezmatime të muskujve dhe të tendinave

            - Në ngërçe të venave

            - Përdoret në thyerjet e kockave

            KORIANDARI

            Bima përbëhet nga frytet e thara të bimës së koriandrit, e cila kultivohet në vendin tonë. Frytet përmbajnë kryesisht esencë të pasur me linalol, përbërës i cili ndihmon në rritjen e sistemit imun, këshillohet për një sërë sëmundjesh.

            PËRDORIMI: Dy luge çaji me fruta të copëtuara përvëlohen në një enë të cinkuar me 1/2 gotë me ujë që zien; ena mbulohet me kapak dhe lihet 15 minuta. Pastaj përmbajtja kullohet dhe lëngu pihet i ëmbëlsuar sipas dëshirës. Merren 2-3 doza të tilla në ditë.

            VETITË:

            - Ka veti antibiotike

            - Kufizon rritjen e baktereve

            - Nxit funksionimin e stomakut dhe të zorrëve

            - Nxit sekretimin e stomakut

            - Ndihmon në nxjerrjen e gëlbazës

            - Largon gazrat nga zorrët

            - Përmirëson funksionin e stomakut

            - Përdoret si aromatizues në rastet e fryrjes së barkut

            - Përdoret në rastet e çrregullimeve të stomakut

            - Në rastet e mungesës së oreksit

            - Këshillohet në sëmundjet e rrugëve të frymëmarrjes

            - Lehtëson kollitjen

            KOPRA E EGER

            Bima përbëhet nga frytet e thara të koprës së egër, që është bimë dy-ose shumëvjeçare e vendeve të thata barishtore buzë rrugëve të zonës së ulët. Në sajë të esencës së pasur me anetol dhe fenkon, frytet e koprës së egër kanë veti të shumta kuruese.

            PËRGATITJA E PËRDORIMI: Një lugë çaji me drogë të thërrmuar hidhet në një enë ku shtohet gjysmë gotë me ujë që zien; ena mbulohet me kapak dhe lihet 15-30 minuta, duke e tundur herë pas here. Pastaj lëngu kullohet dhe pihet; merren 2 doza të tilla në ditë.

            VETITË:

            - Liron ngërçet e muskulaturës së lëmuar

            - Këshillohet si mjet kundër fryrjes së zorrëve

            - Shton qumështin te gratë me fëmijë në gji

            - Lëngëzon gëlbazën

            - Vepron kundër parazitëve të jashtëm dhe të brendshëm

            - Shton hormonet seksuale femërore

            - Forcon punën e stomakut dhe të zorrëve

            - Kundër gazrave të zorrëve, veçanërisht te fëmijët

            - Përdoret kundër diarresë

            KOKOÇELLI

            Bima përbëhet nga lulet anësore dhe lulet tubike të kaptinave të luleve të kokoçejlit të dyja me ngjyrë blu. Në sajë të glukozideve flavonike dhe antocianike, siç janë p.sh. cianidina (me ngjyrë blu), cikorina, centaurina etj. kokoçelli ka veti kuruese.

            PËRGATITJA DHE PËRDORIMI: Një lugë çaji nga bima përvëlohet me një gotë ujë të valuar; lihet në qetësi 15 minuta dhe kullohet; pihen 3 doza të tilla në ditë. Lëngu që nxirret nga 4-5 lugë gjelle me bimë të hedhur në 2 gota me ujë.

            VETITË:

            - Ka veprim të lehtë rrudhës e antiinflamator

            - Përdoret kundër sëmundjeve të syve

            - Përdoret si mjet që nxit urinimin

            - Nxit prodhimin e tëmthit

            - Hyn në përbërjen e specieve diuretike

            - Bima futet në përbërjen e çajrave

            - Përdoret edhe si kolir

            - Përdoret në acarime të syve

            - Për mjekimin e qepallave të pezmatuara

            KINFUSHA

            Bima përbëhet nga pjesa mbitokësore e tharë e kinfushës (ose e barit të etheve, ose e kantalionit), e cila është bimë barishtore 1 ose 2-vjeçare, e zakonshme nëpër vende me graminore dhe në lëndina të zonave të ulëta. Bima përmban heterozide të hidhura dhe substanca të tjera.

            PËRGATITJA E PËRDORIMI: Një lugë çaji me bimë të grimcuar hidhet në një enë ku shtohet një gotë me ujë zihet 5-10 minuta dhe çaji që fitohet kullohet dhe pihet në dy vakte 1/2 orë para buke. Përdoret për mjekimin e ekzemës.

            VETITË:

            - Përdoret për të shtuar lëngun e stomakut

            - Përmirëson oreksin

            - Aktivizon tretjen

            - Shkakton zgjerimin e enëve të gjakut të stomakut

            - Ul temperaturën e ngritur

            - Nxit shtimin e leukociteve

            - Ndihmon në rritjen e aftësisë vetëmbrojtëse të organizmit

            - Këshillohet në sëmundjet e mëlçisë

            - Këshillohet në sëmundjen e sheqerit

            - Ndihmon në mjekimin e ekzemës

            - Këshillohet kundër anemisë

            - Këshillohet në mungesë oreksi

            KULUMBRI

            Bima përbëhet nga lulet e thara të kulumbrisë ose të kumrisë, e cila është një shkurre me gjemba, e zakonshme nëpër shkurreta, rrëzë pyjeve, nga zona fushore deri në 1600 m. Shkurrja është shumë e degëzuar, me gjethe vezake me buzë të dhëmbëzuara.

            PËRGATITJA E PËRDORIMI: Dy luge kafeje (2 g) me bimë hidhen në një enë ku shtohet një gotë me ujë që zien; zihen 5-10 minuta; çaji lëng që fitohet, kullohet dhe pihet i ëmbëlsuar sipas dëshirës.

            VETITË:

            - Nxit urinimin

            - Nxit të dalët jashtë

            - Përmirëson aparatin tretës

            - Këshillohet veçanërisht për mjekimin e fëmijëve

            KEPUTJA (BAR)

            Bima përbëhet nga pjesa mbitokësore e kërcellit, e tharë, e këputjes ose e bishtkalit, e cila është një bimë shumëvjeçare sporofite e lartë., Bima e këputjes (rreth 7%) përmban kryesisht acid silicik, saponine, ekuizetoninë, acide organike, glukozide flavonike, etj.

            PËRGATITJA DHE PËRDORIMI: 4 lugë kafeje me bimë të copëtuar hidhen në një enë ku shtohen dy tasa çaji me ujë; përmbajtja zihet 15 minuta; lëngu lihet të ftohet, kullohet dhe ëmbëlsohet sipas dëshirës.

            VETITË:

            - Rrisë sekretimin e urinës

            - Ngordh mikroorganizma që shkaktojnë sëmundje dhe plagë

            - Bima ndihmon formimin e leukociteve

            - Nxit proceset natyrore të shërimit të sëmundjeve ngjitëse

            - Përdoret në sëmundjet e veshkave dhe të fshikëzës së urinës

            - Në disa sëmundje të zemrës

            - Në rastet e cirrozës hepatike

            - Përdoret për shërimin e plagëve

            - Për gargarë në pezmatimet e bajameve

            - Për shpëlarjen e gojës në rastet e mahisjes

            KAROTA (rrënjë)

            Bima përbëhet nga rrënjët e karotës, që kultivohet gjerësisht në vendin tonë. Rrënjët e freskëta të karotës së kultivuar, në sajë të pektinave që përmbajnë përdoren si kuruese të shumë sëmundjeve dhe simptomave të shfaqura në organizmin e njeriut.

            PËRGATITJA E PËRDORIMI: Rrënjët e ziera këshillohen veçanërisht në diarretë e fëmijëve, në sëmundje të mëlçisë, tëmthit dhe në acarime dhe infeksione të zorrëve. Nga jashtë përdoret edhe qulli që fitohet nga rrënja e karotës, për qetësimin e kruajtjeve.

            VETITË:

            - Ndihmojnë në ndalimin e heqjes së barkut tek fëmijët

            - Është burim i vlefshëm i vitaminave C, B1 e B2 dhe

            - Burim i vitaminës A

            - Ka një vlerë të madhe ushqyese.

            - Në diarretë e fëmijëve

            - Në sëmundje të mëlçisë

            - Tëmthit

            - Në acarime dhe infeksione të zorrëve

            - Për qetësimin e kruajtjeve

            - Për mbylljen e plagëve

            - Zhdukjen e puçrrave

            - Mjekimin e djegieve

            KARATPELI (lule dhe bar)

            Bima përbëhet nga pjesa mbitokësore e lulëzuar ose vetëm nga lule, të thara, të karatpelit, i cili tek ne njihet edhe me emrat krizantemë, rozmarinë e egër, kallamperi, etj. Në sajë të esencës me erë kamfuri dhe të pasur me tujon, të lëndëve të hidhura, të rrëshirës etj. bima ka veti kuruese.

            PËRGATITJA E PËRDORIMI: 1 lugë kafeje me bimë të copëtuar përvëlohet në një enë të cinkuar, me dy gota ujë që është duke zier, ena mbulohet me kapak. Pastaj lëngu kullohet dhe pi-het gjatë ditës, më mirë para buke.

            VETITË:

            - Përdorur kundër parazitëve të zorrëve

            - Shkakton qarkullim të bollshëm të gjakut

            - Hap oreksin dhe përmirëson tretjen

            - Rregullon dhe lehtëson menstruacionet

            - Përdoret në sëmundje të kyçeve që shoqërohen me dhembje

            - Përdoret në lëvizjen e gjymtyrëve

            - Ndikon në uljen e etheve malarike

            Vazhdon...

 (2)