Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

MIMOZA THOMA AGALLIU

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

MIMOZA THOMA AGALLIU

            Hyrje

            U  lind më 19 Korrik 1962, në Tiranë. Shkollën e mesme, e kreu në Gjimnazin “50 Vjetori i Pavarësisë” në Tiranë me rezultate të larta.

            Ka kryer Fakultetin e Infermierisë, si  dhe Fakultetin Histori - Filologji (Dega - mësuesi). Ka kryer Masterin shkencor ‘Menaxhim Publik dhe Spitalor’, si dhe Masterin shkencor për ‘Menaxhim Mjedisi dhe Territori’, për shkencat Humane. Fillimisht, ka punuar si eksperte shëndetësie (1983 – 2000), periudhë në të cilën ka përgatitur një studim me temë; ”Kujdesi Infermieror dhe Edukimi shëndetësor në parandalimin e sjelljeve të rrezikshme për shëndetin tek Fëmijët e shkollave 9 vjecare” të Tiranës (2009).

            Ka botuar Librin historiko- social “Mbrojtja Ndërkombëtare e Minoriteteve” (Shtator 2013). Në këtë libër studimor, ligjërohet, sanksionohet, gjithë forca mendimore; argumentohet gjithë arsenali teorik dhe veprimtaria praktike në favor të së Drejtës Ndërkombëtare të Minoriteteve, të cilat, në praktikën historike botërore, kanë qenë produktore të mosmarrëveshjeve, të keqsjelljes, të kundërveprimit dhe të impulsimit, të nxitjes së invazioneve dhe luftërave të hapësirave të ndryshme, deri në Luftra gobale, sjellëse të pasojave katastrofike e tjerë. . Ky libër vlen dhe për hapje të vizionit individual dhe për leximin e panoramës shqiptare të emigrimit.

            Ka punuar për një periudhë të gjatë, si Pedagoge në Fakultetin Publik të Infermierisë në Universitetin e  Tiranës, në Lëndën–Anglisht Mjekësore (2004- 2010). Më vonë ka punuar Pedagoge në Fakultetin e Infermierisë në Universitetin “Kristal”, si dhe në Universitetin “Mbretëresha Geraldinë” (2005-2012), me Filiale në Tiranë, Lushnjë, Durrës, Fier, Burrel. Rrëshen, duke ligjëruar për shume Lëndë mjekësore.

            Gjithashtu ka dhënë leksione ne ‘ISPU’ ( Instituti i studimeve Parauniversitare), në Lëndët  Histori – Gjeografi. 

            Duke u zgjedhur disa mandate këshilltare Bashkie në Tiranë, ka qenë disa herë Anëtare e Delegacionit Shqiptar për Qarqet Rajonale të Evropës (Expert), Strasbourg.

            Aktualisht  punon, si Drejtor Drejtorie Bashkia Tiranë.

            Letërsia ka qenë pasion i saj i pandarë, qysh në vitet e shkollës së mesme, por vendosi t’i botojë në libra dhe median e shkruar vitet e fundit poezitë dhe shkrimet e saj.

            Është autore në poezi, Esse, Skica, Publicistikë në Suplementet e “Pena Shqiptare “,   në gazetën “Telegraf”, e vlerësuar me çmim të Parë për Esse, në garën për Personazh Viti, për vitin 2014.

            Autore në Gazetën letrare “Muzgu” dhe Kolanën Antologjike (12 Vëllime); në Antologjine  Poetike  2013 “Korsi e hapur” (anglisht, italisht); në Antologjine  Poetike  2014 “Korsi e hapur’ (anglisht, italisht); Si autore në poezi, esse, publicistikë ka shkruar në Revista, gazeta si; në gazetën “Shekulli’, “Telegraf”, “Tirana Observer”, “Obelisk”, “Drita”, “Muzgu”, “ Nacional”, “Fjala e lire“, “Bashkimi Kombëtar“, “Dituria“, “Pashtriku“, “Kosova Lindore“,  “Horoskopi, Revista "AlbPlanet”, “Zemra Shqiptare” etj.

            Autore pjesëmarrëse në librin e Prof. Murat Gecaj “Për ju krijuese“ dhe “Me shpirt   dashurie“.

            Reçezente e një vëllimi poetik “Magjia e Mjaltimit”(Maj 2013).

            Pjesëmarrëse në veprimtari të ndryshme letrare dhe organizatore e disa veprimtarive letrare e shoqërore me Lidhjen “Pegas Albania” në Tiranë si; “100 mijë Poetët e Botës për ndryshim”, “ Dita botërore e Librit”, “Orë Letrare” nëpër shkolla të Tiranës me poete të Lidhjes “Pegas”, aktivitete Letrare në Gjakovë, Prishtinë, Dragash etj. E vlerësuar me çertifikata të ndryshme Mirënjohje, si në Dragash, Durrës, Tiranë  etj. Intervistuar dhe vlerësuar nga Media e shkruar dhe vizive si: “TV Klan”,  "TV Planet”, ”Radio Tirana”,  Gazeta ‘Telegraf’, etj. Disa tituj ese-sh të botuara janë; “Kur flasin  ëndrrat…, ” Diversitet ndjenje”, “Të besosh…”, “Jeta –Ky privilegj i guximshëm”, “Brishtësia e miqësisë”, “Djersë e përbaltur…”, “Duke jetuar  çastin”, “Kurthi i natyrës” etj.

            Botime:

            1. Vëllimi i parë poetik “ÇELNAJË” (Prill 2013),

            2. Vëllimi poetik “ SHTATORJA  E KURORËS “(Shtator 2013), në tre gjuhë (Shtator 2013)

            3. Libri Historiko- social “MBROJTJA NDËRKOMBËTARE E MINORITETEVE” (Shtator 2013).

            Janë në proces botimi dy vëllime poetike dhe një libër me  ese dhe skica.

VRITE DHIMBJEN...

Një pikë loti ra mbi bar,
dikush me këmbë e shkeli,
Toka e përpiu, e bëri baltë,
Askush nuk e pa...
Disa pemë pranë

 përjetonin muzgun.
Sa lot janë kthyer në përbaltje
mbi këtë tokë,
pa asnjë dëshmitar,
shpirtkëputur dhimbje, duke vrarë?!...

SA FTOHTË KËTË NATË!

Era e ftohtë përplaset mbi shpinën time,

Gjethet jargavanësh varur kokën,

Pllakëzat poshtë këmbëve ngrirë,

Një rrëqethje trupi vesh zemrën acar,

Qielli pemëve u ka veshur mantel gri,

Buzëqeshjet e njerëzve venitur para diellit të

munguar

As zogjtë s‘këndojnë këtë buzëmbrëmje,

Unë, bashkë me zogjtë,

paskam shumë ftohtë këtë natë…

ME GJUHËN E SË TËRËS    

Fjalët e ngjyera në verë të kuqe

 e kapërcejnë kohën

dhe shqiptojnë urimet e lëna mënjanë

për të  kujtuar çastin  fatlum.

Ritual abstrakt

gjuha që  lidh dy kohë fjalësh

sepse sytë e thonë më mirë

atë çka  thuhet por  harrohet

heshtja

ajsberg  ndjenjash

flet me gjuhën e së tërës

 KUR DIELLI NGROH VALËN

Shkëputem nga zhurma,

të kuvendoj me valën,

në hapësirën e kaltër,

të gjërë, shoh sytë e tu,

në shpatet e kodrave

marr tëndin përqafim.

Nëse dielli i nxehtë,

më djeg pak shpinën…

shtëpia e shpirtit tim,

mbetet midis jetës vdekjes,

në këtë jubile të një ditë plot rreze,

ashtu si, sytë e tu plot gjallesë.

Ndaj, të lutem,

merre në këngën tënde, puthjen time,

vishja atij lisi të fortë,

ta mbajë gjithnjë ngrohtë,

në natyrën e qetë të jetëve tona,

zbukuruar në dekore puthje - përkëdhelje,

derisa të rrahin këto dy zemra të brishta,

por të forta,

si vetë trungu i tyre,

rrënjosur thellë viteve,

sepse dielli do të vazhdojë

të ngrohë valën, ende,

për shumë kohë…

JAM KUDO

Në errësirën e dhomës

tiktaku i  orës ndjek

 rrahjet e zemrës

do të vijë  një  ditë

që të dyja do të ndalen

atëherë ti do ta mallkosh botën

sepse ta mori dashurinë.

Ndoshta nga ndonjë cep qielli

unë do të të shoh rënkimshëm

sesi  shiu t’i lag flokët

dhe do lutem mos trembesh

nga lotët e hidhur

që tokën freskojnë.

Unë do të jem engjëlli

që ter  sytë  me erë qiellore

nëse do të duash të më shohësh

te gjethja e sapoçelur

do të më gjesh

dhe në  këngën e kanarinës

unë do të jem

mbi  barin e  porsalindur

dhe në shkëlqimin e butë të  hënës

si buzëqeshje ylberore

do të më gjesh

mbi lisat e gjatë që rrezet i zbusin

mbi  parkun e bulëzuar

pas shiut

do të jem

shija e këndshme e kafesë

dhe  loti yt

kur qesh, qan, vrapon

Oh dashuri e përjetshme

do jem

dhe kur peshën e mallit

më s’do ta durosh

puthe vendin

ku u përqafuam për here të parë

dhe do e ndjesh

se unë jam kudo

jam frymë  tek ti

KUR NGJIZ JETË NË SYTË E TU

Sytë e tu përkëdhelin butësisht vështrime,

Bulëza të nxehta ngrohin trupa, lotin prek,

s njoh formula në dashuri !

Unë e preka, e jetova,

lumturoj shpirtin.

Pres të nesërmen

të mbulohem me puthje pa fund,

për Ty, dashuri e parë ,

jam e fundit për ty,

e tillë mbeta

E di, kjo është e mundur.

S dua të humbas,

s do të shkoj larg,

duke lënë pas shpirtrat tharë,

nga etja për pak dashuri.

E ndjej prekjen tënde,

kam frikë mungesën tënde.

Ti jeton jetën time, unë prek çastin tënd,

ndërsa anija e jetës rrit shpejtësinë,

ndjej të të mbaj shtrënguar,

krahëhapur ditËnetëve pa ndasi, pa ritual ndjenje.

Ëndrrat e mia janë prelud jete,

nëse do të më zgjojë nga kjo qetësi, do të hapja sytë të

të thosha:

‘Më lër të fluturoj në Univers,

bashkë me ty të ngjiz jetë syve të tu!’

MËKATI I RADHËS...

Rrugicë e zhveshur nga yjet,

pa trupin e ngrirë

të një engjëlli nate,

pllakosur bordurës së lagësht ...

Lëkura e saj, trëndafil i bardhë,

shndriste në piklat e shiut dimëror,

teksa vajtonte mëkatin e radhës

të njerëzimit, kokulur nga fajet…

 

A KA MATJE DASHURIA ?!

 Kam provuar disa herë

të mat dashurinë për Atë,

Mendimet

shpërhapen hapësirës,

midis qiellit e tokës,

Në çdo vend

shoh të më shfaqet,

ai trup

që lëviz

hijshëm nëpër lëndina;

Ndonjëherë mendjes sime

e fantazoj

ulur në një fron si mbret.

(E pyes veten : “Në fakt

çfarë ka mbreti ?!)

Filloj arsyetimin:

Mbret është ai, pushtuesi

i një zemre,

di ta ushqejë e udhëheqë

ndjenjën e vet,

mes pasionit dhe përkujdesjes

së jashtëzakonshme …

Ndodh,

Zemra ime rebelohet,

Ai hesht,

merr dorën

e vendos në rrahje,

aty, gjithçka ngrin,

qetohet…

Heshtje!...

Shpirti më merr,

duke më shndërruar

në udhëtar shëtitës

në skajet më të largëta

të tokës,

Atje…,

Ku u fshehka

magjishëm dashuria!

E veçanta:

Vetëm ne të dy,

ndodh të pëshpërisin …

Cicërima zogjsh mbi flokë,

kur valët

përpijnë shpirtrat tanë

njëkohësisht,

ndodh

të pimë

ndonjë gotë lotësh

në matje të dashurisë…

Treguesi arrin vonë…

DEMONËT E KOHËS…           

Stivuar qilarit të kohës,

fshij pluhurin e harresës e menduar.

Aty ,një dorë shtrihet

me gishta gjysmë zgjatur.

Arrij të shoh majat, se si përpiqen

të gërryejnë fytyrën time të lëmuar.

Shkruajnë intrigën

kapilarëve  të xhindosur.

Mundohem, përpëlitem

grahmave të durimit.

Pastaj…ngre në piedestal

fuqinë e mendimit.

 E lodhur m’u bë jeta,

m’u sfilit logjika.

Të dyja përplasen dhimbshëm

në arenën e dritës, e mbytur nga errësira.

Kështu vazhdoj,

të bie, të ringrihem.

Valëvis në sy flamurin e bardhë,

derisa në këmbë të ma lidhin si fjongo.

Tinëzisht, përjetësisht,

demonët e kohës…

DASHURI  HYJNORE   

Dashuri  ndryshe

që vjen me fuqi dinozauri

dhe drejt së ardhmes

zvarrit veladonin tënd të  purpurt

ke lindur në  vorbullën e pafajësisë

në terrin e mëngjër  të meteorit, zbutesh

prej lotit të dhimbjes që s’rresht

fal tokë e qiell për një vështrim

shkëmben shpirtrat në udhën e syve

ku kapilarët e hollë

shtypur prej gishtrinjëve

ndezin tingujt e gjakut

deri ne vrazhdësi

puthja ndjek ritmin e zërave të heshtur

të  dridhur

nga parajsa në  ferr

Dashuri që lind e heshtur

dhe vdes zhurmshëm ndonjëherë