Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Arsim GJINOCI

www.mjellma.net

       MOS I IMITONI TË TJERËT - BËHUNI AI/AJO QË JENI

      Ka shumë njerëz që frikohen ta shfaqin veten e tyre në publikë dhe më lehtë e kanë të jetojnë nën maskën e dikujt tjetër. Arsyet mund të jenë nga më të ndryshmet, ndonjë gabim në të kaluarën, i juaji apo i dikujt nga familja e juaj, tendenca për ta imituar dikë tjetër ngase dëshironi të bëheni si ai apo ajo, dhe shumë arsye tjera.

            Poeti i madh shqiptar Azem Shkreli në një vjershë të shkurtër thotë: “Nëse do të takoheshim me veten sy më sy, a do të ishim përqafuar apo do të ishim pështy“. Kjo poezi shumë mirë na e bënë me dije se, nëse dëshirojmë të jemi vetja e jonë kudo dhe me gjithkënd që jemi, ai apo ajo që vërtet jemi, së pari duhet të takohemi me veten sy më sy, të ballafaqohemi dhe t’i qërojmë hesapet me veten.

            Ka shumë njerëz që frikohen ta shfaqin veten e tyre në publikë dhe më lehtë e kanë të jetojnë nën maskën e dikujt tjetër. Arsyet mund të jenë nga më të ndryshmet, ndonjë gabim në të kaluarën, i juaji apo i dikujt nga familja e juaj, tendenca për ta imituar dikë tjetër ngase dëshironi të bëheni si ai apo ajo, dhe shumë arsye tjera.

            Oscar Wilde, poet dhe shkrimtar irlandez, thotë: “Bëhu vetvetja; ngase gjithë të tjerët tashmë janë të zënë“. Të jeni vetvetja do të thotë ta festoni veten, si individë, të mësoheni ta shprehni veten, ti jepni jetës diçka çfarëdo qoftë të vlefshme nga vetja, të  jeni të lumtur me atë çka jeni. Për disa, të jesh vetja do të thotë të mësosh ta duash veten, për tjerët të mos e fsheh se kush je.

            Këto ditë në një show televiziv britanik, një grua 47 vjeç me emrin Suzan Bojl, më së miri dëshmoi se sa vlen të jesh vetvetja. Ajo i la pa tekst, i bëri të pranoj paneli vlerësues se ishin cinik dhe me ketë edhe gjithë publiku. Në dukje, një grua amvise, fshatare, me pamje jo edhe aq tërheqëse, flokë natyrale pa ndonjë kujdes të veçantë, tregoi më së miri, vetëm për 1 minutë e tetë sekonda se sa jemi gjithë ne cinik dhe të padrejtë në gjykimet tona ndaj vetes dhe të tjerëve.

            Një proverb tjetër thotë “Mos e gjykoni përmbajtjen e librit bazuar në kopertinën e tij“.

            Në librin “Si ta zhvillojmë vet besimin dhe të ndikojmë te njerëzit me fjalime publike“ Dale Carnegie thotë: “Kurrë më parë s'ka ekzistuar njeri i tillë, dhe kurrë s'ka me ekzistuar më“; kështu duhet të mendoj për vete secili njeri. Secili njeri është një jetë e re, individualitet i ri. Duhet që në vete të kërkoj xixën e individualitetit përmes së cilit dallohet nga gjithë të tjerët dhe të përpiqet që sa më fuqishëm ta flakëroj. Shoqëria dhe rrethi përpiqen ta fikin pa vetëdije, duke u përpjekur që të gjithëve të na vendosin në kallëp të njëjtë, por unë ju them: mos lejoni që ajo të shuhet; ajo është e drejtë e vetme e juaja për veçanti.

            Në botë nuk ekziston asnjë qenie e ngjashme me ju. Me milionë njerëz i kanë nga dy sy, gojën dhe hundën, por askush nuk është i ngjashëm me ju, askush nuk i ka karakteristikat plotësisht të njëjta, sjelljen e njëjtë dhe strukturën e njëjtë shpirtërore. Një numër i pakët i njerëzve do të shprehen ashtu si dhe ju kur të flitni natyrshëm. Me fjalë të tjera, ju e keni individualitetin tuaj, dhe për gojëtar kjo është karakteristikë më se e rëndësishme. Ruajeni! Çmoni atë! Përsosni! Ajo është xixa që fjalimit tuaj do t'i jep forcë dhe bindshmëri. “Ajo është e drejta juaj e vetme e vërtetë për të qenë të veçantë“. Mos lejoni të vendoset në kallëp dhe me këtë ta humbni individualitetin tuaj.

            Në vazhdim, ja disa këshilla për t’u bërë vetja e juaj:

            1. Mos e humbni veten kur jeni në shoqëri me njerëzit tjerë. Mos u bëni dikush tjetër vetëm për t’i pëlqyer shoqërisë.

            2. Mos mendoni se duke qenë vetja, ju nuk mund të ndryshoni veten. Krenohuni me veten tuaj dhe sa herë ju ofrohet rast për t’u përmirësuar, bëjeni këtë.

            3. Sigurohu që veten tuaj të ia paraqet gjithë njerëzve vazhdimisht. Nëse ndjeni se për shkak të ndonjë gabimi që keni bërë duhet të bëheni më sekret, atëherë nuk jeni vetja e juaj. Ky gabim kurdoherë do të del në skenë dhe do të humbni edhe më shumë duke e paraqitur veten tuaj si dikush tjetër. Nuk mund të jesh vetja jote, nëse nuk ballafaqohesh së pari me veten.

             4. E vërtetë është që të jesh vetja jote, nuk është gjithnjë mirë. Paramendoni një njeri i neveritshëm të jetë përherë vetja e vet dhe të mos ndryshoj asgjë. Por pa e kuptuar se kush je dhe pa u vetëdijesuar për gabimet tuaja, ju e humbni veten tuaj. Gaboni, por jini të vetëdijshëm për gabim, kjo është mënyra më e mirë për të korrigjuar gabimet, për tu përmirësuar dhe t’u bërë vetja juaj më e mirë.

            5. Asnjë njeri nuk është i përsosur. Nëse ju keni për shembull puçrra, nuk do të thotë se nuk duhet të brengoseni aspak për këtë dhe të thoni “mua s’më pengon puçrra ngase dua të jem vetja ime, prandaj nuk do të bëj asgjë për ta mjekuar“, por  tentoni që ta korrigjoni, mjekoni këtë. Njëjtë vlen edhe për shprehi të këqija. Shumë njerëz në dëshpërim thonë “unë jam ky ose kjo që jam, duke e identifikuar veten me shprehi të veta të këqija“. Jo, të jesh vetja jote, do të thotë ta pranosh veten tënde dhe të përpiqesh të ndryshosh për të mirë çka varet nga ti.

            6. Asnjëherë nuk do të thotë që të jesh vetja jote, duhet që të krahasosh veten me të tjerët. Asnjëherë nuk duhet të tallesh me njerëz që nuk janë si ti. Çdo krahasim yt me njerëz tjerë, të bënë ty ta nënçmosh veten tënde.

             7. Nëse keni shprehi që ju ndihmon të gjeni ngushëllim në diçka që ju bënë t’i shmangeni problemeve dhe përgjegjësive që keni, si alkooli, ose ndonjë lojë, interneti, televizioni etj, vetëdijesohuni për këtë shprehi dhe sa më parë ndaluni dhe përballuni me pasigurinë tuaj.

            8. Bëhuni të sinqertë, të hapur, gjejeni veten tuaj, kujdesuni për veten tuaj, relaksohuni, mos u brengosni për diçka që nuk varet nga ju e sidomos nga ajo si ju perceptojnë njerëzit tjerë.

            9. Të jesh vetja jote, nuk të bënë njeri vetjak.

            Nuk mund ta përfundoj shkrimin pa e përmendur edhe një thënie të poetit të famshëm irlandez, Oskar Wilde; “Të jesh vetjak nuk është të jetosh si dëshiron ti, por të kërkosh që të tjerët të jetojnë ashtu si dëshiron ti.“ Prandaj, nëse nuk je vetja jote, t’i nuk mund t’i kupton të tjerët, që edhe ata janë njerëz si ti, dhe ky moskuptim të bën të jesh vetjak, madje dhe të kërkosh edhe nga të tjerët të mos jenë ata që janë.

            Dhe për fund, shikoni videon se si zonja Suzan Bojl, duke qenë vetja e vet, arriti t’ia ndryshoj mendjen publikut dhe panelit vlerësues.

            http://www.youtube.com/watch?v=RxPZh4AnWyk