Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

NEBIH BUNJAKU

          Një ndër krijimtaritë më të lëvruara të letërsisë shqiptare, është edhe POEZIA. Gjini e letërsisë ku bota e brendshme, ndjenjat më sublime, frymëzimi hyjnor...  shprehen përmes shkronjave të cilat krijojnë vargje... vargjet, pastaj, shpalosin mendime, mendimet krijojnë energji, energjia ndez dritat e dijës, rrezet e artë të së cilës i japin ngrohtësi zemrës, mendjes dhe shpirtit, e me këtë, edhe kuptim dhuratës më të shtrenjtë, vetë  jetës.

            Që nga Lekë Matrënga e Pjetër Budi, kjo energji nuk u ndalë asnjëherë së hedhuri farën e dijës, duke e kultivuar atë me dashurinë më të çiltër në shpirtin e pastër e fisnik të popullit shqiptarë. Duke i mposhtur të gjitha sfidat e kohës, kjo frymë e shpirtit të popullit, xixat e saja të arta, si një pishtar i shpresës, u bartën gojë më gojë, mendje më mendje, zemër më zemër... brez pas brezi... nga kokat më të ndritura të kombit si: Naimi, Çajupi, Mjeda, Asdreni, Shiroka... për të vazhduar tek Fishta, Konica, Noli, Migjeni... e deri në kohën tonë, duke u kthyer ai pishtarë në flakadan të përhershëm që tashmë nuk ka forcë në botë që mund ta shuaj fuqinë e zjarrit të tij...

            Dua ta falënderoj nga zemra mikun tim dhe poetin e mirënjohur, ADEM ZAPLLUZHA, që me përkushtim të jashtëzakonshëm, vizitorëve të kësaj faqeje, por edhe më gjerë, do t’ua prezantoj disa nga poetët më të njohur të kohës sonë, e me këtë, do e plotësoj e pasuroj edhe mozaikun e mrekullueshëm të letërsisë shqiptare.

(www.sa-kra.ch)

       Përgatiti: Adem ZAPLLUZHA

ANTOLOGJI E POEZISË MODERNE SHQIPE

NEBIH BUNJAKU

            Hyrje

          Nebih Bunjaku është lindur më 15.5.1947 në fahatin Poliçkë të Dardanës, Republika e Kosovës. Shkollën fillore e nisi në vendlindje, por pas shpërnguljes, e përfundoi në Malishevën e Gjilanit. Në Gjilan kreu shkollën e mesme, ndërsa studimet për Gjuhë shqipe dhe letërsi i mbaroi në Universitetin e Prishtinës.

            Tërë jetën ia kushtoi arsimimit dhe edukimit të fëmijëve nëpër shkolla të ndryshme, fillore dhe të mesme anembanë Kosovës. Krahas punës arsimore dhe edukative, shkroi dhe botoi poezi motivesh të ndryshme në shtypin e kohës.

            Përmbledhjet e tij poetike janë: ” Dalje nga balada”, 1994, “Gramatikë zemre”, 2004, “Terapia e dashurisë”,2005, “Një samit për simit” 2007, “Prushimë buzësh”, 2008, “Zemra nuk ka dimër”, 2009, “Testamenti i lotit”, 2012 dhe “Kopshti i shpirtit” (poezi për fëmijë), 2013.

            Nebih Bunjaku është anëtar i Lidhjes së Shkrimtarëve të Kosovës. Poezia e tij është prezantuar nëpër shumë libra të ndryshme antologjike. Është anëtar i Redaksisë së revistës “Ura”, që e boton Ministria e Diasporës së Republikës së Kosovës.

            Nebih Bunjaku jeton dhe vepron në Prishtinë.

MILLI IM ËSHTË SHQIPËRIA

Shpatës së Skënderbeut në Vjenë

Jam e vjetër me shumë vlerë

Emrin tash e kam Pranverë

n’luft’ra t’ashp’ra ndër beteja

ndriçoj natën si rrufeja

kurrë s’luftova për muze

veç për diell e Mëmëdhe

në baltë kurrë s’e lashë Hirësinë

Flamuri ilir t’valojë n’çdo stinë

mua s’më ha asnjë limë

jam relikt për historinë

Kur Naimi më puthi në Vjenë

në sy i pashë Skënderbenë

më ndryshk malli në mërgim

n’Bulevarde s’gjej ngushëllim

tash pesë shekuj n’dhe të huaj

të gjitha ëndrrat i shoh n’Krujë

kur Mëmëdheu t’ketë nevojë

jam e gatshme t’i bëj rojë

ëndrra ime është Iliria

milli im është Shpipëria

SHTËPIA E LIDHJES

N’Prizren n’zemër Shqipërie

Besa dha Besën n’Kuvend

në Sofër t’madhe historie

Do të vdesim për këtë vend

në Prizren u lidhën Zemarat

u mboll fara e Pavarësisë

në Histori u gdhendën Emrat

në ngjizje gjaku të Lirisë

Sylejman Vokshi Ymer Prizreni

Abdyl Frashëri e Mic Sokoli

Krenaria e mbarë këtij populli

në Kuvend me Një Gojë foli

ligjërojnë fjalë Perëndie

ky Atdhe gjithmonë ka Zot

Besa e Besës lidhet nyje

n’vend të bukës hamë barot

në gurë themeli u vu besa

armaturë e ardhmërisë

n’Shtëpi t’Lidhjes u shpall Fejesa

midis vdekjes dhe Lirisë

n’Prizren perëndoi hëna

Lindi Dielli në Prizren

n’kaptyll djepi bekoi Nëna

me gjak mbrone Ju këtë vend

LOTI I SHPIRTIT ÇAMËRI

Loti i shpirtit Çamëri

Lumë i dëbuar nga shtrati

kush t’i ngatërroi ëndrrat

djalli a lugati

Çamëri Ti Lot i lotit

kur do më shërohesh

Perlë n’kujtimet tona

kurrë nuk do harrohesh

Çamëri Ti Lot i lotit

e mërguar n’Atdhe

n’Mallin tënd do kthehesh

në Çamërinë e Re

TRENI I DHIMBJES

Një tren më i zi se futa

binarëve jashtë kohës

kudo barte dhimbje

netëve me plot stuhi

sa i përgjakur ky tren

me pleq gra e fëmijë

nxitonte drejt Bllacës

nga ferri në ferr

nëpër ëndrra mesjete

pa shofer pa kondukter 

ngarkuar me dhimbje

i verbër dhe pa orar

netëve nxinte natën

pa itinerar

TESTAMENTI I LOTIT

Në natën bizantine pa hënë

Ne jemi plaga më e re

e Gjergj Elez Alisë

se hijet korb të zeza

na rrëmbyen

në prag të Shtëpisë

na ka mbetur vetëm shpirti

midis robërisë dhe Lirisë

midis Jetës dhe vdekjes

sot imazhi ynë

varur  grilave të Kuvendit

është odisejada jonë!

Testamenti i Lotit

në Flakën e qiririt jeton

lagur nga shiu ngrirë

nga acari i dimirt 

lëbyrur nga dielli

le të ndizen Qirinjtë

që të ngrohet shpirti ynë

në Dritën e Lirisë

në Pentagramin e Mallit

edhe zemra ka dhimbje

nga ëndrrat e trishta

për eshtrat e humbur

në Ritualin e Pritjes

nuk duam të jemi

mjet kusuritjes

në sofrën e djallit

Liria nuk bën tregti

as me hijen tonë

as me vetveten

as me robërinë

Ne nuk jemi arna leckash

për thasë lypësarësh

tryezave bixhozxhinjsh

Ne jemi Ajka e kombit 

bazamant në Flakën e Lirisë

të humbur janë ata

që ende kusuriten me djallin

për tokat tona të shenjta