Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Mr. Hamdi THAQI

            NEKTARI I KULTURËS SË MULTIUNIVERSIT NESËR DIJA DHE PARADIGMAT E REJA

           Në jetën e përditshme të përfundimeve logjike herë-herë hidhet një informacion i çuditshëm, të cilin e quani parandjenjë, intuitë, por nuk jeni në gjendje ta përkufizoni. Natyrisht se nuk mund ta përkufizoni, sepse ky lloj informacioni nuk i nënshtrohet logjikës, intelektit. Ai ka ardhur si informacion blic nga hemisfera e djathtë e trurit. Habiteni që keni takuar papritur një mik, për të cili  keni menduar, por se dini pse. Fjala për energjinë, vibracionet që edhe ju i emitoni, po edhe i merrni.

            Prej agimit deri në perëndim. Lindja dhe perëndimi. Tashmë është bërë e natyrshme që kultura botërore të ndahet në kulturë lindore dhe perëndimor. Ndonëse te dy këto kultura i kanë dhënë dhe i kanë marrë shumëçka njëra-tjetrës, prapëseprapë tashmë janë diferencuar dukshëm, janë bërë si të veçanta. Nëse themi se janë të veçanta, atëherë çka i dallon këto dy kultura njëra nga tjetra?

            Truri ndahet në dy pjesë: Hemisfera e djathtë e trurit  udhëheq me ndjenjat (shpirtërore), kurse ajo e majta është e dedikuar për të folurit dhe për intelekt (mendor) dhe paradigma. Në mënyrë më koncize mund të thuhet se kultura lindore është shpirtërore, kurse kultura perëndimore është mendore. Megjithëkëtë, ky dallim nuk është aq i madh sa mendojnë disa.  Ne po përpiqemi këtu që unitetin midis kulturës lindore dhe kulturës perëndimore ta paraqesim në mënyrë të figurshme. Ta zëmë se m’u në zenit të këtyre kulturave është kufiri midis tyre. Në atë kufi është një kështjellë madhështore. M’u në midis të kështjellës është një sallon tepër  i madh. Salloni është i ndarë në dy pjesë të barabarta me një vello. Pra, dy kultura zhvillohen në dy anët e kësaj velloje. Atëherë të supozojmë dy piktorë të ndryshëm, domethënë njëri i përket kulturës lindore dhe tjetri kulturës perëndimore. Secili nga piktorët punon pavarësisht nga tjetri. Derisa i pari, domethënë piktori i kulturës lindore e pastron murin që shkëlqen si pasqyrë, piktore i kulturës perëndimore në anën e vet krijon një pikturë magjepse. Ndërkohë, ashtu papritur, u hoq velloja. Ç’ndodhi? Ndodhi diçka krejt e natyrshme: piktura magjepse e punuar nga piktori perëndimor, shihej në murin si pasqyrë të punuar nga piktori lindor. Pra, në të dy anët dukej e njëjta pikturë, e njëjta vepër magjepse e artit, kurse midis tyre ishte vetëm pëlhura e hollë si rrjeta e merimangës. Kjo është rrjeta e paragjykimit tonë për dallimin midis këtyre dy kulturave.

            Gjendja e trurit

            Vetë truri punon ose mund të punojë në shumë frekuenca. Por për ne paraqesin interes dy frekuenca. Këto janë:

            -Alfa e djathtë intuitive, lindore, shpirtërore;

            -Beta e majtë intelekti, perëndimore, e logjikshme, mendore. Është e përditshme, e logjikshme, intelektuale. Ka një frekuencë të shkurtër.

            Edhe hemisfera e majtë e trurit punon pothuajse në mënyrë të nxituar në krahasim me hemisferën e djathtë. Beta është e përditshmja jonë: matematikë, profit, logjikë, fitim. Niveli i të menduarit intelektual.

            Alfa e djathtë intuitive, lindore, shpirtërore: Hemisfera e djathtë punon në frekuencën alfa. Prej kësaj pjese të trurit vijnë veprat artistike, frymëzimet, novatorizmi. Por edhe vrojtimet, vizionet e asaj që shqisat tona trupore nuk janë të afta t’i regjistrojnë. Frekuenca alfa hap mundësi të mëdha për të njohur ato pjesë të jetës që i përket jashtëshqisores.

            Në jetën e përditshme të përfundimeve logjike herë-herë hidhet një informacion i çuditshëm, të cilin e quani parandjenjë, intuitë, por nuk jeni në gjendje ta përkufizoni. Natyrisht se nuk mund ta përkufizoni, sepse ky lloj informacioni nuk i nënshtrohet logjikës, intelektit. Ai ka ardhur si informacion blic nga hemisfera e djathtë e trurit. Habiteni që keni takuar papritur një mik, për të cili  keni menduar, por se dini pse. Fjala për energjinë, vibracionet që edhe ju i emitoni, po edhe i merrni.

            Secili prej nesh bartë specifikën e vet, energjinë dhe vibracionet e veta. Sado që i përkitni bashkësisë kozmike, secili ka specifikën e  vet, kualitetin e energjisë së tij, varësisht nga zhvillimi, niveli i vetëdijes. Kjo do të thotë se nuk janë të njëjta të gjitha energjitë, të gjitha aurat. Mund të ndeshën aura të vogla, të “rënda”, por edhe aura veçanërisht të forta, të pastra, të mëdha. Janë të larmishme edhe për nga ngjyrat, përkatësisht energjitë dominuese. Sepse të gjitha gjendjet tuaja - psikike e shëndetësore marrin ngjyrë bashkë me frekuencën. Aura nuk mund të regjistrohet me shqisën e të parit. Për këtë lloj të pami nevojitet një gjendje e lartë e së mbivetëdijshmes.

            Bota lindore ka intelektin, përkatësisht shpirtëroren. Perëndimi nuk ka nevojë të mësoj nga Lindja për gjeologjinë, botanikën e shkencat tjera, por mund të merr shkencën shpirtërore. Bota perëndimore e ka materialen, përkatësisht kulturën mendore dhe nga lindja mund të marrë vlera të mëdha për njerëzimin, si islamizmi, filozofinë e natyrës dhe fizikën, si dhe aplikimin e tyre, e tani medicinën etj. posaçërisht është e rëndësishme shtrirja e Islamizmit në botën perëndimore dhe roli i tij ndërmjetësues mes Lindjes së Largët dhe Perëndimit, klimës intelektuale të Perëndimit dhe klimës shpirtërore të Lindjes së Largët. Islamizmi u shfaq si ajet nga Kur’ani ku thuhet: “Populli në mjedis” - në Lindje të mesme. E po ku jemi ne? As me ata as me këta... Populli shqiptar është një urëkalim mes Lindjes dhe Perëndimit, as me Perëndimin as me Lindjen, veçse me vete. Me ne... me ata... cili arrin kur e shikon shkëmbin, bën për t’u shkapërderdhur  ai. Po përmendi shembullin: Kur doli nga Deti i Kuq hasreti Musaja në shkretëtirën e Tihit, tërë populli ishte i etur dhe kërkonte ujë. Musaja endej andej-këndej për të hulumtuar ujë. Kaloi pranë një shkëmbi të madh, i mëshoi me shqelm atij dhe atë çast shpërthyen 12 burime gurgulluese të ujit. Nga bashkimi i ndërsjellë i këtyre dy  kulturave, shpirtërore dhe mendore, formohet burimi, i cili shkon vazhdimisht duke u rritur dhe bëhet i pandashëm si trupi dhe shpirti i njeriut. Kur përvetësohen këto dy kultura, mu si gjethi i trëndafilit që i çan mushkëritë e diamantit, dhe arrin në piedestalin e qytetërimit njerëzor.

            Universi determinohet nga alternativat, që janë imanente për të: Kur’ani dhe natyra. Kultura e lindjes, që është shpirtërore dhe ajo e perëndimit që është mendore, ngritja dhe rënia. Lindja e Diellit, me të cilin fillon dita dhe perëndimi i Tij, kur fillon errësira. Lindja që është një buzëqeshje dhe vdekja një vajtim, pozitivi deh negativi, centrifugale dhe centripetale, djathtas e majat, vera dhe dimri, dita dhe nata, bardh dhe zi, dija dhe mosdija, plusi dhe minusi, mikro dhe makro, nxehtë dhe ftohë, veprimi dhe kundërveprimi, bukuria dhe shëmtia,  lagështia she thatësia, mbarë e mbrapsht, e dobishme dhe e dëmshme, besnikëri dhe tradhti, e butë dhe e fortë, shëndeti dhe sëmundja, mungesa dhe teprica, pandjeshmëria dhe shfrenimi, koprracia dhe shkapërderdhja, cikrrimtaria dhe zemërgjerësia, frika dhe guximi etj.