Sakras Art Gallery

Sekuenca filmike

RTK

TOP CHANNEL

RTV 21

ALSAT

TV KLAN

KLAN KOSOVA

BOTA.AL

ALBANIAPRESS

ALBINFO

EXPRESS

KOHA DITORE

ZËRI INFO

KOSOVA SOT

INSAJDERI

BOTA SOT

GAZETA METRO

GAZETA SINJALI

ALBANIAN POST

KALLXO COM

LAPSI.AL

ZEMRASHQIPTARE

KOSOVA PRESS

TELEGRAFI

EUROPA E LIRË

ZËRI I AMERIKËS

PSIKOLOGJIA

TRIBUNA SHQIPTARE

SHËNDETI

DITURIA

PRESHEVA.COM

GJUHA SHQIPE

KOSOVARJA

RADIOPROJEKT

Shkruan: Sabir KRASNIQI

            NË PËRVJETORIN E PARË

           Dhe shumë shpejt kjo frymë  e re filloi të sjell freski të lehtë e të këndshme. Filloi të nxjerr në sipërfaqe frutat e para të saj, rrënjët e të cilave vaditeshin nga uji i bekuar i lumëbardhit. Së pari lindi “Mjellma” që filloi të shpërndajë dritën e diturisë, farën e dashurisë në zemrat njerëzor, e më pas shkëlqeu edhe një yll (Astra) për t’i ndriçuar mendjet e tyre, shpirtrat e tyre.

            Sikur drita e ngrohtë hyjnore që i jep jetë gjithë natyrës, ashtu edhe disa mendje engjëllore, disa mendje të ndritura të rinjsh, në kryeqytetin shpirtëror të shqiptarëve, në Prizrenin e lasht, me vullnetin e tyre të pashoq, me një energji të jashtëzakonshme, me një dashuri të zjarrtë, ndezën shkëndijat e para duke ndriçuar kështu rrugën drejt depërtimit në sferat më të thella të shpirtit njerëzor, rrugën kah rrita dhe zhvillimi spiritual, kah mendimi pozitiv, kah ardhmëria e ndritur, kah përsosmëria hyjnore.

            Dhe këto mendje engjëllore, këto mendje të kristalta që rrezatonin mirësi, dashuri e dituri nuk mbetën të vetmuara... edhe pse në fillim njerëzit dyshonin në këto mrekulli - “është tepër e bukur për të qenë e vërtet”. Por harronin se ata vet janë mrekullia më e madhe! Se ata vetë janë manifestim hyjnor!...

            Dhe shumë shpejt kjo frymë  e re filloi të sjell freski të lehtë e të këndshme. Filloi të nxjerr në sipërfaqe frutat e para të saj, rrënjët e të cilave vaditeshin nga uji i bekuar i lumëbardhit. Së pari lindi “Mjellma” që filloi të shpërndajë dritën e diturisë, farën e dashurisë në zemrat njerëzor, e më pas shkëlqeu edhe një yll (Astra) për t’i ndriçuar mendjet e tyre, shpirtrat e tyre.

            U hap një dritare e re. Një dritare me horizont shumëdimensional ku njerëzit zgjatnin kokat për ta parë botën nga një këndvështrimi paksa më tjetër; për ta parë vetën, jo më si në pasqyrë - vetëm dukjen e jashtme, por për të depërtuar në thellësitë shpirtërore, për ta parë botën e vërtet të tyre; për  ta njohur vetveten.

            Dhe mesazhi i vërtet i kësaj fryme hyjnore ishte njohja e realitet, njohja e vetvetes. Vetëm atëherë kur njeriu arrin ta njohë vetveten ai bëhet pjesë e kësaj begatie të pafund, pjesë e kësaj mrekullie të përkryer që mbjell në zemrën e secilit vetëm farën e dashurisë ndërnjerëzore. E kur kjo farë lëshon rrënjë në thellësitë më të çiltra të zemrës sonë, ajo rrezaton fuqishëm, si një burim i pashtershëm energjie që na shpie drejt rrugës madhështore, drejt çelësit universale, drejt dritës hyjnore.

            Dhe ky mesazh rrugëtoi nëpër kohë e hapësirë... Nuk arritën ta shuajnë as shpirtrat e ligë me përpjekjet e tyre djallëzore. Mesazhi u shfaq përsëri... u rilind - si feniksi... Jehona e tij kumboi edhe  më fuqishëm dhe si rrezet e diellit pranverorë, kaloi kufij, bashkoj meridiane, vërshoi oqeane, detra e kontinente për të falur sërish ngrohtësi shpirtërore, për t’i ushqyer zemrat me nektarin e dashurisë dhe diturisë.

            Ne, www.sa-kra.ch, nuk po bëjmë asgjë tjetër, po mundohemi t’i mbajë të shpalosura mrekullitë e kësaj dritare shumëdimensionale. Po e shpërndajmë këtë mesazh të dritës hyjnore për të mbjell farën e dashurisë në zemrat njerëzore, sepse jemi të sigurt se vetëm rruga e dashurisë është rruga që hap dritaret e mendjes, rruga që çon drejtë ngritjes shpirtërore të njeriut, drejt përsosjes së tij, por, njëkohësisht edhe përsosjes së njerëzimit në përgjithësi. Ajo është energji, ndoshta ndër më të fuqishmet, që është në gjendje të transformoj të keqën në të mirë, e të mirën ta fuqizoj e lartësoj deri tek hyjnorja, sepse vet fryma e dashurisë është ndijim i veçantë hyjnor. Dashuri është shpresë, dashuri është motiv, dashuria është respekt, dashuria është solidaritet, dashuria është sakrificë... e mbi të gjitha, ajo është perlë e lumturisë.

            Po e trasojmë këtë rrugë të dashurisë për ta krijuar njeriun e ri, njeriun me mendime të pastërta, njeriu me mendime pozitive, njeriun  e përsosur, njeriun me sytë plot parajsë.

            Dhe në këtë përvjetorë të parë nuk mund të mos i falënderoj të gjithë ata që patën guximin moral, intelektual e njerëzor, dhe ndezën shkëndijat e para, fuqia ndriçuese e të cilave shpërtheu dyert e errësirës duke shndritur terrin e mendjes, duke i dhënë shkëlqim vlerave shpirtërore. Por edhe ata që e mbajtën dhe po e mbajnë akoma të ndezur këtë pishtarë të kristaltë. Edhe ata që na përkrahën e  po na përkrahin në vazhdimësi. Prandaj, a nuk është vërtet hyjnor roli i atyre njerëzve që mëtojnë zhdukje  e errësirës?  Ata meritojnë shumë më tepër se sa ky falënderim i çiltër...

            Nuk po i përmendi emrat e këtyre mendjeve të ndritura. Jo se janë të shumtë dhe kam frikë se mund ta anashkalojë ndokënd, por se ato mendje nuk punuan, e as që punojnë për emër, as për famë, por për të kontribuar në ngritjen e vetëdijes njerëzore, për ta lartësuar dashurinë mes tyre si premisë bazë drejt dritës hyjnore. Emrat e tyre tanimë janë skalitur në sa e sa zemra njerëzish. Kanë lëshuar rrënjë thellë në to dhe po lulëzojnë përditë e më shumë, duke i gatuar ato zemra me një frymë të re: me frymën e mirësisë, me frymën e mirëkuptimit, me frymën e paqes, me frymën e diturisë, me frymën e dashurisë - frymën e Zotit.

            Kjo që po mundohemi të bëjmë ne, përmes kësaj web faqeje, është një hapë shumë i vogël, tejet modest, drejt rrugës që shpie kah rrita shpirtërore, kah vetnjohja, kah vetrealizimi, kah përndritja. Dhe çdo përkrahje e juaja, do të na çojë edhe një hap më përpara. Prandaj të ecim së bashku shtigjeve të përsosmërisë hyjnore.

            Ju faleminderit të gjithëve!